TITUS
Epistulae Pauli georgice (AB)
Part No. 62
Previous part

Book: Kol.  
Chapter: 1  
Section: 1  
Verse: h1  
პავლე მოციქულისა წიგნი კოლასელთა მიმართ. საკითხავი ა̂
Verse: h1V  
პავლჱ B, პავლჱს GDE, საკითხავი ა̂] -- BE.

1


Verse: 1   Link to pavlecd Link to gnt   Ms. page: A124R  პავლე, მოციქული ქრისტე იესუჲსი ნებითა ღმრთისაჲთა, და ტიმოთე ძმაჲ

Verse: 1V     პავლჱ B, ქრისტჱ B.


Verse: 2   Link to pavlecd Link to gnt   კოლასეს შინა წმიდათა და მორწმუნეთა ძმათა ქრისტე იესუჲს მიერთა:

Verse: 2V     ქრისტჱ BD.


Verse: 3   Link to pavlecd Link to gnt   მადლი თქუენდა და მშჳდობაჲ ღმრთისა მიერ მამისა ჩუენისა.

Verse: 3V     ვჰმადლობ BDE, ჩუენისა + იესუ ქრისტესსა BD, ვილოცავ BD.



Part: 1  
Verse: h2  
თავი ა̂


      ვჰმადლობთ ღმერთსა და მამასა უფლისა ჩუენისასა, მარადის ვილოცავთ თქუენთჳს.


Verse: 4   Link to pavlecd Link to gnt   რამეთუ გუესმა სარწმუნოებაჲ ეგე თქუენი ქრისტე იესუჲს მიმართ და სიყუარული ეგე თქუენი ყოველთა მიმართ წმიდათა

Verse: 4V     სარწმუნოვებაჲ B, ქრისტჱ B.


Verse: 5   Link to pavlecd Link to gnt   სასოებისა მისთჳს, რომელ განმზადებულ არს თქუენთჳს ცათა შინა, რომელ-იგი წინაჲსწარ გესმა სიტყუასა მას შინა ჭეშმარიტებისა სახარებისასა,

Verse: 5V     რომელი BD, რომელი-იგი DE.


Verse: 6   Link to pavlecd Link to gnt   რომელ-ეგე მიიწია თქუენდა, და ყოველსა შინა სოფელსა არს ნაყოფიერ და აღორძინებულ, ვითარცა-ეგე თქუენ შორის, ვინაჲთ დღითგან გესმა და სცანთ მადლი იგი ღმრთისაჲ ჭეშმარიტებით,

Verse: 6V     რომელ-იგი G, რომელი-იგი D, მოიწია BE, და (1)] -- D, ვითარცა-ეგე] ვითარცა B, მადლი იგი ღმრთისა ჭეშმარიტებით] -- D.


Verse: 7   Link to pavlecd Link to gnt   ვითარცა-იგი ისწავეთ ეპაფრჱსგან, საყუარელისა თანა-მონისა ჩუენისა, რომელ-იგი არს სარწმუნოჲ თქუენდა მიმართ მსახური ქრისტჱსი,

Verse: 7V     ეპაფრაჲსგან BE, ეპაფრჱსგან] -- D, საყუარელისა] -- L, თანა-მონისა ჩუენისა] ჩუენ თანა მონისა ALBGDE, რომელი-იგი BD.


Verse: 8   Link to pavlecd Link to gnt   Ms. page: A124V  რომელმანცა მაუწყა ჩუენ თქუენი ეგე სიყუარული სულითა.

Verse: 8V     ქრისტესი D, ჩუენ (2)] მე E, თქუენი] თქუენ B, ეგე] იგი E.



Part: 2  
Verse: h3  
თავი ბ̂


Verse: 9   Link to pavlecd Link to gnt   ამისთჳსცა ჩუენ, ვინაჲ დღითგან გუესმა, არა დავსცხრებით თქუენთჳს ლოცვითა და თხოვითა, რაჲთა აღივსნეთ მეცნიერებითა ნებისა მისისაჲთა, ყოვლითა სიბრძნითა და გულისხმის-ყოფითა სულიერითა,

Verse: 9V     ვინაჲთ BDE, დავსცხრები B, გულისჴმის-ყოფითა E, სულიერითა] -- A.


Verse: 10   Link to pavlecd Link to gnt   რაჲთა ხჳდოდით თქუენ ღირსად ღმრთისა ყოველსავე სათნოებასა ყოვლითა საქმითა კეთილითა ნაყოფიერ და აღორძინებულ მეცნიერებითა ღმრთისაჲთა,

Verse: 10V     ჰხჳდოდით AL, ყოველსა D, მეცნიერებითა ღმრთისაჲთა] -- B.


Verse: 11   Link to pavlecd Link to gnt   ყოვლითა ძალითა განძლიერებულ სიმტკიცითა დიდებისა მისისაჲთა, ყოვლითა მოთმინებითა და სულგრძელებითა, სიხარულით,

Verse: 11V     სიმტკიცითა] + ძლიერებითა D.


Verse: 12   Link to pavlecd Link to gnt   ვჰმადლობდით მამასა, რომელმან ღირს გუყვნა ჩუენ ნაწილსა მას მკჳდრობისა წმიდათაჲსა ნათელსა შინა,

Verse: 12V     ჰმადლობდით L, გყვნა BDE, მყვნა G, ჩუენ] თქუენ BDE, მას] -- G, მკჳდრობისასა წმიდათასა D, ნათელსა] + მას DE.


Verse: 13   Link to pavlecd Link to gnt   რომელმან-იგი მიჴსნნა ჩუენ ჴელმწიფებისა მისგან ბნელისა და მიმაწინა ჩუენ სასუფეველსა ძისა მისისა საყუარელისასა,

Verse: 13V     მიჴსნა DE, ჴელმწიფებისა მისგან] ჴელმწიფებისაგან G.


Verse: 14   Link to pavlecd Link to gnt   რომლისაგან მაქუს გამოჴსნაჲ და მოტევებაჲ ცოდვათა ჩუენთაჲ.

Verse: 14V     მაქუს] + ჩუენ BDE.



Ms. page: A125R 
Part: 3  
Verse: h4  
თავი გ̂


Verse: 15   Link to pavlecd Link to gnt   რომელ-იგი არს ხატი ღმრთისა უხილავისაჲ, პირმშოჲ ყოველთა დაბადებულთაჲ.

Verse: 15V     რომელი-იგი BDE, ღმრთისაჲ D.


Verse: 16   Link to pavlecd Link to gnt   რამეთუ მის მიერ დაებადა ყოველი ცათა შინა და ქუეყანასა ზედა, ხილულნი და არა-ხილულნი, ანუ თუ საყდარნი, ანუ უფლებანი, გინა მთავრობანი და ჴელმწიფებანი-ყოველივე მის მიერ და მისა მიმართ დაებადა.

Verse: 16V     ანუ (2)] + თუ BGE, გინა] + თუ BDE, ყოველი E.


Verse: 17   Link to pavlecd Link to gnt   და იგი თავადი არს ყოველთა წინა, და ყოველივე მის მიერ დამტკიცნა.


Verse: 18   Link to pavlecd Link to gnt   იგი არს თავი ეკლესიაჲსაჲ, რომელი არს დასაბამი, პირმშოჲ მკუდრეთით, რაჲთა იყოს იგი თავადი ყოველსა შინა მთავარ;

Verse: 18V     და იგი BGDE, თავ BE, თავადი G, თავად D, ეკლესიაჲსა B, ეკლესიათა D, ეკლესიისა E, რომელი] რომელ-იგი B.


Verse: 19   Link to pavlecd Link to gnt   რამეთუ მას შინა სათნო-იყო ყოველივე სავსებაჲ დამკჳდრებად

Verse: 19V     სავსებაჲ] თავსებაჲ D, დამკჳდრებაჲ D.


Verse: 20   Link to pavlecd Link to gnt   და მის მიერ დაგებად ყოველი მისა მიმართ, მშჳდობა-ყო სისხლითა მით ჯუარისა მისისაჲთა მისთჳს, გინა ქუეყანასა ზედა, გინა თუ ცათა შინა.

Verse: 20V     მშჳდობაჲ-ყო E, თუ] -- B.



Part: 4  
Verse: h5  
თავი დ̂


Verse: 21   Link to pavlecd Link to gnt   და თქუენ ოდესმე იყვენით უცხო-ქმნულ და მტერ გონებითა თქუენითა Ms. page: A125V  საქმეთაგან ბოროტთა,


Verse: 22   Link to pavlecd Link to gnt   ხოლო აწ დაგიგნა თქუენ გუამითა მით ჴორცთა მისთაჲთა და სიკუდილისაგან, რაჲთა წარგიდგინნეს თქუენ წმიდანი და უბიწონი და უბრალონი წინაშე მისსა,

Verse: 22V     თქუენ (1)] -- E, და (1)] -- GDE.


Verse: 23   Link to pavlecd Link to gnt   უკუეთუ ჰგიეთ თქუენ სარწმუნოებასა ზედა დაფუძნებულნი და დამტკიცებულნი, და ნუმცა შეიძრვით თქუენ სასოებისა მისგან სახარებისა, რომელ-იგი გესმა, სახარებაჲ ყოველთა მიმართ დაბადებულთა ცასა ქუეშე, რომლისა ვიქმენ მე, პავლე, მსახურ.

Verse: 23V     ჰგიეთ] ეგნეთ BDE, რომელი-იგი E, სახარებისაჲ DE, ყოვლისა მიმართ დაბადებულისა DE, ქუეშჱ G, რომლისა] + მიერ G, პავლჱ B.



Part: 5  
Verse: h6  
თავი ე̂


Verse: 24   Link to pavlecd Link to gnt   აწ მიხარის მე ვნებათა მათ ზედა თქუენთჳს და აღვასრულებ დაკლებულთა მათ ჭირთა ქრისტჱსთა ჴორცითა ჩემითა გუამისა მისისათჳს, რომელ არს ეკლესიაჲ,

Verse: 24V     მე] -- GD, ქრისტესთა BD, ჴორცთა შინა ჩემთა D.


Verse: 25   Link to pavlecd Link to gnt   რომლისა ვიქმენ მე მსახურ მოღუაწებითა მით ღმრთისაჲთა, რომელ მოცემულ არს ჩემდა თქუენთჳს აღსრულებად სიტყჳსა ღმრთისაჲსა

Verse: 25V     ვიქმნჱნ B, მით] -- E, ღმრთისა E.


Verse: 26   Link to pavlecd Link to gnt   საიდუმლოჲ იგი, დაფარული საუკუნითგან და Ms. page: A126R  ნათესავითგან, ხოლო აწ გამოეცხადა წმიდათა მისთა,

Verse: 26V     გამოეცხადა] გამოუჩნდა BE, გამოუცხადა D.


Verse: 27   Link to pavlecd Link to gnt   რომელთაჲ-იგი ინება ღმერთმან უწყებად, რაჲ-იგი არს სიმდიდრჱ დიდებისა მის საიდუმლოჲსაჲ წარმართთა შორის, რომელ არს ქრისტჱ თქუენ თანა, სასოებაჲ იგი დიდებისაჲ,

Verse: 27V     სიმდიდრე B, მის] მისი D, მისისაჲ E, წარმართა E, ქრისტე GDE, -- B, თანა] შორის D.


Verse: 28   Link to pavlecd Link to gnt   რომელსა-ესე ჩუენ ვქადაგებთ, ვასწავებთ ყოველსა კაცსა და ვჰმოძღურით ყოველსა ყოვლითა სიბრძნითა, რაჲთა წარუდგინოთ ყოველი კაცი სრული ქრისტე იესუჲს მიერ.

Verse: 28V     ჩუენ] -- D, ვქადაგებთ ჩუენ E, ყოველთა კაცთა და უმოძღურით B, ყოველსა (2)] + კაცსა GE, ყოველთა (2) D, -- AL.


Verse: 29   Link to pavlecd Link to gnt   რომლისათჳს ვშურები და ვიღუწი შეწევნისაებრ მისისა, რომელსა შეწევნასა ჰყოფს ჩემ თანა ძალითა მისითა.

Verse: 29V     რომლისა E, შეწევნას ყოფს B, შეწევნა ყოფს D, ჩემ] ჩუენ D.



Next part


This text is part of the TITUS edition of Epistulae Pauli georgice (AB).

Copyright TITUS Project, Frankfurt a/M, 3.4.2021. No parts of this document may be republished in any form without prior permission by the copyright holder.