TITUS
Lectionarium Hierosolymitanum georgice: Pericopae VT
Part No. 136
Previous part

Chapter: 38  
თავი 38


Verse: 2   Link to mcat Link to sept   Page of ms. P: 204R   ვინ არს ესე, რომელი მიმალავს მე ზრახვათა და შეუკრებიან ზრახვანი გულსა თჳსსა და ჩემგან ჰგონებს დაფარვად?
Verse: 3   Link to mcat Link to sept   შეირტყენ ვითარცა მამაკაცმან წელნი, მე გკითხვიდე და შენ მომიგებდი მე:
Verse: 4   Link to mcat Link to sept   სადა იყავ, ოდეს დავაფუძნებდ მე ქუეყანასა? მითხარ მე, იცი თუ გულისხ[მის-ყოფაჲ].
Verse: 5   Link to mcat Link to sept   ვინ დადვა საზომი [მისი], იცი თუ? ანუ ვინ და[დ]ვა საბელი საზომისა მისისაჲ?
Verse: 6   Link to mcat Link to sept   ანუ რასა კარშიკნი მისნი დამსჭუალულ არიან? ანუ ვინ არს, რომელმან დადვა [ლო]დი იგი საკიდური მას [ზედა]?
Verse: 7   Link to mcat Link to sept   რაჟამს შეიქმნნეს ვარ[ს]კულავნი, მაქებდე[ს] მე ჴმითა დიდითა ყოველნი ანგელოზნი ჩემნი,
Verse: 8   Link to mcat Link to sept   დავჰჴაშ ზღუაჲ ბჭეებითა, ოდეს იგი იშვებოდა, დედის მუცლით გამოვიდოდა.
Verse: 9   Link to mcat Link to sept   დავდევ ღრუბელი მას ზედა სამოსლად და ნისლთა წარვჰგრაგნე იგი.
Verse: 10   Link to mcat Link to sept   დაუსხენ მას საზღვარნი და დავაგენ მას კლიტენი და ბჭენი,
Verse: 11   Link to mcat Link to sept   და ვარქუ მას: აქამომდე მოხჳდე და არა გარდაჰჴდე, არამედ შენ ზედავე შეიმუსრნენ ღელვანი შენნი.
Verse: 12   Link to mcat Link to sept   ანუ შენ ზედა განვაწესე ნათელი იგი განთიადისაჲ, და მთიებმან იცნა თჳსი იგი წესი
Verse: 13   Link to mcat Link to sept   მიწევნად ფრთეთა ქუეყანისათა Page of ms. P: 204V   [და გან]ბნევად უღმრთონი [მისგან].
Verse: 14   Link to mcat Link to sept   ანუ შენ მოიღე ქუეყა[ნით] მიწაჲ და თიჴაჲ შეჰქმენ ცხოველად [და] მეტყუელად და დაა[დ]გინე იგი ქუეყანასა ზედა?
Verse: 15   Link to mcat Link to sept   [ან]უ შენ მოუღე ნათელი უ[ღ]მრთოთა და მკლავ[ნი] ამპარტავანთანი [შენ] შეჰმუსრენ?
Verse: 16   Link to mcat Link to sept   მი-მე-ს[რ]ულ ხარა წყაროსა [ამა]ს ზღჳსასა, ანუ კუა[ლ]თა უფსკრულთასა სრულ ხარ?
Verse: 17   Link to mcat Link to sept   გან-მე-გეხუნესა შიშით ბჭენი სიკუდილისანი, ანუ მეკარეთა ჯოჯოხეთისათა გიხილეს და შეძრწუნდეს?
Verse: 18   Link to mcat Link to sept   ანუ სწავლულ ხარ სივრცესა ქუეშე? მითხარ მე, [ა]ნუ რაბამ არს,
Verse: 19   Link to mcat Link to sept   რომელსა ადგილსა იქცევის ნათელი, ანუ რომელი ადგილი არს ბნელისაჲ?
Verse: 20   Link to mcat Link to sept   მი-ხოლო თუ-იყვანო საზღვართა მათთა, გინა თუ იცნი ალაგნი მათნი?
Verse: 21   Link to mcat Link to sept   მეცნიერ ხარა, ვინ უწყის, მაშინ შობილ იყო და რიცხუნი წელთა შენთანი ფრიად იყვნენ?
Verse: 22   Link to mcat Link to sept   მი-მე-სრულ ხარა საუნჯეთა თოვლისათა, ანუ საუნჯენი სეტყჳსანი გიხილვან?
Verse: 23   Link to mcat Link to sept   რამეთუ დაუნჯებულ არიან დღედ მტერთა და ლალვისა და ბრძოლისა?
Verse: 24   Link to mcat Link to sept   ანუ ვინაჲ გამოვალს თრთჳლი, რომელი განეფინების სამხრით ცასა ქუეშე? მითხარ მე.
Verse: 25   Link to mcat Link to sept   ანუ ვინ განუმზადის წჳმისა სასტიკისა დინებაჲ და გზაჲ ნადირთაჲ?
Verse: 28   Link to mcat Link to sept   ვინ არს წჳმისა მამაჲ, ანუ ვინ არს, რომელმან შვნა შანთნი ნათლისანი?
Verse: 29   Link to mcat Link to sept   ვისისა მუცლისაგან გამოვალს მყინვარი, ანუ ნეფხვაჲ ცათა შინა?
Verse: 30   Link to mcat Link to sept   ვინ შვა, რომელი გარდამოვალს ვითარცა წყალი მდინარჱ ანუ პირნი უღმრთოთანი ვინ დაადუმნა?
Verse: 31   Link to mcat Link to sept   გულისხმა-გიყოფიანა საკრველნი ჴომთანი, ანუ ზღუდენი ორიონთანი შენ განახუენ?
Verse: 33   Link to mcat Link to sept   ანუ იცნი-მეა საქცეველნი ცისანი, ანუ ცასა ქუეშე ერთბამად რაოდენნი ქმნულ არიან?
Verse: 34   Link to mcat Link to sept   უწოდია ღრუბელთა ჴმითა Page of ms. P: 205R   და ძწოლით წყლითა მრავლითა მძაფრითა გერჩდენ შენ?
Verse: 35   Link to mcat Link to sept   ანუ წარ-მე-ავლინნეა მეხის-ტეხანი? წარვიდენ და გრქუან შენ: აქა ვართ.
Verse: 36   Link to mcat Link to sept   ანუ ვინ მოსცა დედათა სიბრძნჱ ქსელისაჲ გინა ჭრელისა მეცნიერებაჲ?
Verse: 37   Link to mcat Link to sept   ანუ ვინ აღრაცხნა ღრუბელნი რიცხჳთა და ცანი ქუეყანად მოდრიკნა?
Verse: 38   Link to mcat Link to sept   განფენილ არს ვითარცა მიწაჲ მტუერი, შევამტკიცე იგი ვითარცა ლოდი საკუბოჲ.
Verse: 39   Link to mcat Link to sept   ანუ შენ უნადირე ლომთა საზრდელი და სულნი ვეშაპთანი განაძღენ,
Verse: 40   Link to mcat Link to sept   და შიშნეულ არიან, საწოლსა თჳსსა ზედა სხენან იგინი მაღნარსა შინა და მზირიან?
Verse: 41   Link to mcat Link to sept   ანუ ვინ განუმზადა ყორანსა საზრდელი, რამეთუ მართუენი მისნი უფლისა მიმართ ღაღადებენ, შეცთომილნი საზრდელსა ეძიებენ?



Next part


This text is part of the TITUS edition of Lectionarium Hierosolymitanum georgice: Pericopae VT.

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.