Page of ms. P: 193r (ეს საკითხავი იერ. 11, 18-20 შეცდომით ესაია წინასწარმეტყველისად არის დასახელებული) უფალო, მაუწყე მე და ვცნა, რამეთუ მაშინ ვიხილენ ზრახვანი მათნი.
მე ვითარცა კრავმან უმანკომან მიგურასა ჩემსა [დაკლვად] არა ვაგრძენ, ჩემ ზედა იზრახეს ზრახვაჲ ბოროტი და თქუეს: მოვედით და შეურიოთ ძელი პურსა მისსა და შევმუსროთ იგი ქუეყანით ცხოველთაჲთ, და სახელი მისი არღარა მოვიჴსენეთ მერმე.
უფალო, მსაჯულო სიმართლისაო, გამომცდელო გულისაო და თირკუმელთაო, მიხილავსმცა შურის-გებაჲ შენ მიერ მათდა, რამეთუ შენ მიერ განვაცხადენ სამართალნი ჩემნი.
Page of ms. P: _ Page of ms. S: 199R ამისთჳს ესრე იტყჳს უფალი კაცთა ზედა ანათოთელთა, მეძიებელთა სულისა ჩემისათა, რომელნი იტყჳან: არა წინაწარმეტყუელებდე სახელითა უფლისაჲთა, არა თუ, _ მოჰკუდე ჴელთა შინა ჩუენთა.
ამისთჳს ესრე იტყჳს უფალი ძალთაჲ: აჰა, ესერა, მე ძიება ვყო მათ ზედა, ჭაბუკნი მათნი მახჳლითა მოისრნენ, Page of ms. S: 199V ძენი და ასულნი მათნი სიყმილითა აღესრულნენ.
და არა იყოს მათი ნეშტი, რამეთუ მოვავლინო ძჳრი მკჳდრთა ზედა ანათოთისათა, წელსა მას ძიებისა მათისასა.
