Page of ms. P: 15r აჰა, ესერა, გამოვავლინო ანგელოზი ჩემი, და მოიხილოს გზაჲ წინაშე პირსა ჩემსა, და მოვიდეს ტაძრად თჳსა უფალი, რომელსა თქუენ ეძიებთ, და ანგელიზი აღთქუმისაჲ, რომელი თქუენ გნებავს.
აჰა ესერა მოვალს უფალი ყოვლისა-მპყრობელი.
და ვინ-მე დაუთმოს დღესა მას მოსლვისა მისისასა? ნუ ვინ დაუდგეს გამოჩინებასა მისსა?
Page of ms. P: 343v ... აჰა, ესერა, მოვალს, თქუა უფალმან ყოვლისა-მპყრობელმან.
და ვინ-მე იყოს, რომელმან დაუთმოს დღესა მას მოსლვისა მისისასა? ანუ ვინ დაუდგეს ხილვასა მას მისსა?
რამეთუ იგი თავადი მოვიდეს ვითარცა ცეცხლი საჴუმილისაჲ,
და გამოავლინნეს და გამოწმიდნეს ვითარცა, ვეცხლნი და ოქრონი. [განწმიდნეს] ძენი იგი ლევისნი, დაადვნეს და გამოწმიდნეს იგინი ვითარცა ვეცხლნი, და იყვნენ იგინი უფლისა ვითარცა შემწირველნი მსხუერპლთა სიმართლით.
და სათნო-ეყოს უფალსა მსხუერპლი იგი იუდაჲსი და მსხუერპლი იგი ისრაჱლისაჲ, ვითარცა დღეთა მათ პირველთა და ვითარცა წელიწადთა მათ საუკუნეთა.
და მივიწიო თქუენ ზედა სასჯელითა და ვიყო სარწმუნო და მალე ზედა მეძვებათა მათ და გრძნებათა, და რომელნი-იგი ფუცვენ სახელსა ჩემსა სიცრუვით, და რომელთა, მოუკუეთია სასყიდელი მერეწისა და რომელთა მოხუეჭედ ქურივთა და ჰჴუედნიედ ობოლთა, მიჰრიდიან სამართალსა მწირთა მათგან, და რომელთა-იგი არა ეშინოდა ჩემგან, თქუა უფალმან ყოვლისა-მპყრობელმან.
მე ვარ უფალი ღმერთი და არა განცვალებულ ვარ.
Page of ms. P: 130r ... მოიქეცით ჩემდა და მოვიქცე თქუენდა, იტყჳს უფალი ყოვლისა-მპყრობელი. და სთქუთ: რაჲთა მოვიქცეთ?
უკუეთუ უბრკუმოს კაცმან ღმერთსა? რამეთუ თქუენ მიბრკუმობთ მე. და თქუენ სთქუთ: რაჲთა გიბრკუმობთ? რამეთუ ათეულნი და პირველნი ნაყოფთა თქუენთანი არიან.
და ქუე-გახედვით გამხედავთ მე და თქუენ მიბრკუმობთ მე.
წელიწადი დაესრულა, და შეიღეთ ნაყოფი საუნჯეთა, და იყო ტაცებაჲ სახლთა შინა თქუენთა. მოიქეცით ამისგან, იტყჳს უფალი ყოვლისა-მპყრობელი, რაჲთა განგიხუნე თქუენ გარდამოსაქანელნი ცისანი და მოვჰფინო თქუენ ზედა კურთხევაჲ ჩემი, ვიდრე კმა იყოს.
და გიბრძანო თქუენ საზრდელად და არა განვრყუნე ნაყოფი ქუეყანისა თქუენისაჲ, და არა მოუძრულდეს ვენაჴი აგარაკისა თქუენისაჲ, იტყჳს უფალი ყოვლისა-მპყრობელი.
და გნატრიდეს თქუენ ყოველი თესლები, რამეთუ იყვნეთ თქუენ ქუეყანასა ზედა ნებიერ, იტყჳს უფალი ყოვლისა-მპყრობელი.
Page of ms. P: 343v და მოიქეცით და იხილეთ შორის მართლისა მის და შორის უსჯულოჲსა მის და შორის განდგომილისა მონებად ღმრთისა და შორის მორჩილთა მათ და შორის ურჩთა,
რამეთუ აჰა, ესერა, მოწევნულ არს დღჱ იგი, აღადყდების ვითარცა საჴმილი ცეცხლისაჲ და შეწუნეს იგინი ყოველნი, რომელნი იქმან ურჩულოებასა; ვითარცა ლერწამი აღადყდებოდის გარემოჲს მათსა დთჱ იგი, რომელ მოსლვად არს, Page of ms. P: 344r თქუა უფალმან ყლოვლისა-მპყრობელმან, და არა დაშთეს მათი არცა რტოჲ, არცა ძირი.
და აღმობრწყინდეს თქუენ ზედა, რომელთა გეშინის სახელისა ჩემისა, მზჱ იგი სიმართლისაჲ, რომელსა აქუს კურნებაჲ ფრთეთა ქუეშე მისთა; განხჳდეთ და სტიროდით ვითარცა ჴბონი, რომელ აჴსნილ არიედ კრულებათაგან,
და დასთრგუნნეთ უსუჯულონი, და იყვნენ იგინი ვითარცა ნაცარნი ქუეშე ფერჴთა თქუენთა მას დღესა შინა, რომელსა მე ვყო, თქუა უფალმან ყოვლისა-მპყრობელმან.
Page of ms. P: 274r აჰა, ესერა, მოგივლინო თქუენ ელიან თეზბელი ვიდრე მოსლვადმე დღისა მის დიდისა და განჩინებულისა,
რომელმან მოაქციოს გული მამისაჲ ძისა და გული კაცისაჲ მოყუსისა თჳსისა. ნუუკუე მოვიდე და მოვსრა ქუეყანაჲ ერთბამად.
