Page of ms. P: 194r და მოვიდეს უფალი ღმერთი ჩემი და ყოველნი წმიდანი მისნი მის თანა.
მას დღესა შინა არა იყოს ნათელი.
და ნათელი იყოს ერთსა მას დღესა შინა. და ღამჱ იგი საცნაურ ყოს უფლისა. არცა დღჱ იყოს და არცა ღამჱ და მიმწუხრი იყოს ნათელი.
მას დღესა შინა გამოვიდეს წყალი [ცხოველი] იერუსალჱმით, ზოგი მისი ზღუასა მას პირველსა და ზოგი მისი ზღუასა მას უკანაჲსკნელსა; ზაფ\ხულისა Page of ms. P: 194v არესა იყოს ესე.
და იყოს უფალი მეუფჱ ყოველსა ქუეყანასა ზედა.
Page of ms. P: _ Page of ms. S: 203V იქცეოდის ყოველსა ქუეყანასა ზედა; დაიცვეს ყოველი ქუეყანაჲ, უდაბნოჲ და შჱნი, გალადითგან რემონდმდე; სამხრით კერძო იერუსალჱმისა ამ\აღლდეს; Page of ms. S: 204R და მუნთქუესვე ადგილი დაიპყრას ბჭეთა მათგან ბენიამენისთა მიბჭედმდე პირველთა; და ბჭეთა მათგან კიდისათა და ბჭედმდე ანამელთასა; და საწნეხელ ტაგრადმდე შარავანდედთა მათ.
და დაიმკჳდრონ მას შინა და წყევაჲ მერმე არღარა იყოს; და დაიმკჳდროს იერუსალჱმმან მშჳდობით და სასოებით.
Page of ms. S: _ Page of ms. P: 266r და აღვიდოდიან წელიწადითი წელიწადად მეუფისა უფლისა ყოვლისა-მპყრობელისა დღესასწაულსა მას კარვობისასა.
და იყოს, უკუეთუ არა აღმოვიდეს ყოველთაგან ტომთა ქუეყანისათა იერუსალჱმდ თაყუანის-ცემად მეუფისა ყოვლისა-მპყრობელისა, და ესენი მასვე დაერთნენ.
უკუეთუ ტომი ეგჳპტისაჲ არა აღმოვიდეს და მათ ზედაცა იყოს დაცემაჲ Page of ms. P: 266v , რომელნი არა აღმოვიდენ დღესასწაულობად დღესასწაულსა მას კარვობისასა.
და იყოს, მას დღესა შინა, რომელი იყოს ღაწუთა ზედა ცხენისათა, წმიდა უფლისა ეწოდოს, და იყვნენ ავაზანნი სახლსა უფლისასა, ვითარცა ფიალნი წინაშე საკურთხეველსა.
და იყვნენ ყოველნი ავაზანნი იერუსალჱმს შინა და იუდას წინაშე უფლისა ყოვლისა-მპყრობელისა. და მოვიდოდიან მისა ყოველნი შემწირველნი და მოიღონ მათგან და შეუდგენ მათ შორის. და არა იყოს ქანანელი მერმე სახლსა უფლისა ყოვლისა-მპყრობელისასა მას დღესა შინა, იტყჳს უფალი.
