TITUS
Biblia Iberica: Psalterium et Odae
Part No. 104
Previous part

Chapter: 104 
Verse: 1  Link to mcat Link to sept Link to armat   აუარებდით უფალსა და ხადო დეთ სახელსა მისსა, მიუთხრობდით წარმართთა შორის საქმეთა მისთა.

Verse: 2  Link to mcat Link to sept Link to armat   აკურთხევდით და უგალობდით მას, მიუთხრობდით ყოველთა საკჳრველებათა მისთა, რომელ ქმნა.

Verse: 3  Link to mcat Link to sept Link to armat   აქებით სახელსა წმიდასა მისსა; იხარებდით გულნი, რომელნი ეძიებთ უფალსა.

Verse: 4  Link to mcat Link to sept Link to armat   მოიძიეთ უფალი, განძლიერდით და ეძიებდით პირსა მისსა მარადღე;

Verse: 5  Link to mcat Link to sept Link to armat   მოიჴსენენით საკჳრველებანი მისნი, რომელ ქმნა, სასწაულნი და სამართალნი პირისა მისისანი.

Verse: 6  Link to mcat Link to sept Link to armat   ნათესავნი აბრაჰამისნი მონანი მისნი, შვილნი იაკობისნი და რჩეულნი მისნი.

Verse: 7  Link to mcat Link to sept Link to armat   თავადი არს უფალი ღმერთი ჩუენი, და ყოველსა ქუეყანასა ზედა არიან სამართალნი მისნი.

Verse: 8  Link to mcat Link to sept Link to armat   მოიჴსენა უკუნისამდე აღთქუმაჲ თჳსი, სიტყუაჲ, რომელ ამცნო ათასამდე ნათესავად;

Verse: 9  Link to mcat Link to sept Link to armat   აღთქუმაჲ, რომელ ყო აბრაჰამის თანა და ფიცი მისი ისაკის თანა.

Verse: 10  Link to mcat Link to sept Link to armat   დაამტკიცა ბრძანებაჲ მისი იაკობის თანა და ისრაელსა ზედა აღთქუმაჲ საუკუნოჲ.

Verse: 11  Link to mcat Link to sept Link to armat   ჰრქუა მათ, თქუენ მიგცე ქუეყანაჲ იგი ქანაანისაჲ ნაწილად მკჳდრობისა თქუენისა;

Verse: 12  Link to mcat Link to sept Link to armat   რამეთუ იყვნეს იგინი რიცხჳთ მცირედ-მცირედ და მსხემ მას ზედა.

Verse: 13  Link to mcat Link to sept Link to armat   ვიდოდეს იგინი თესლითი თესლად და მეფეთაგან ერად სხუად.

Verse: 14  Link to mcat Link to sept Link to armat   არა აუფლო კაცსა ვნებად მათდა, ამხილა მათთჳს მეფეთა და ჰრქუა:

Verse: 15  Link to mcat Link to sept Link to armat   ნუ შეეხები ცხებულსა ჩემსა. და წინაწარმეტყუელსა ჩემსა ნუ ავნებთ.

Verse: 16  Link to mcat Link to sept Link to armat   მოუწოდა სიყნილსა ქუეყანად, და ყოველი ძალი პურისაჲ შეიმუსრა.

Verse: 17  Link to mcat Link to sept Link to armat   წარავლინა წინაჲსწარ მათსა კაცი, და მონად განისყიდა იოსები.

Verse: 18  Link to mcat Link to sept Link to armat   დაამდაბლნეს ბრკოლითა ფერჴნი მისნი შევიდა ჯაჭუსა გუამი მისი;

Verse: 19  Link to mcat Link to sept Link to armat   მოწევნადმდე სიტყჳსა მისისა სიტყუამან უფლისამან განცადა იგი.

Verse: 20  Link to mcat Link to sept Link to armat   მიავლინა მეფემან განჰჴსნა იგი და მთავრად ერისა განუტევა იგი.

Verse: 21  Link to mcat Link to sept Link to armat   დაადგინა იგი უფლად სახლსა თჳსსა და მთავრად ყოველსა ზედა მონაგებსა მისსა;

Verse: 22  Link to mcat Link to sept Link to armat   სწავლად მთავართა მისთა ვითარცა თავი თჳსი და მოხუცებულნი, რაჲთა გონიერ-ყვნეს.

Verse: 23  Link to mcat Link to sept Link to armat   შევიდა ისრაელი ეგჳპტედ, და იაკობ დაეშენა ქუეყანასა მას ქამისსა.

Verse: 24  Link to mcat Link to sept Link to armat   აღაორძინა ერი თჳსი ფრიად და განაძლიერნა იგინი უდიდეს ყოველთა მტერთა მათთა.

Verse: 25  Link to mcat Link to sept Link to armat   გარე-მიაქცია გული მათი მოძულებად ერისა თჳსისა და ზაკუვად მონათა მისთა.

Verse: 26  Link to mcat Link to sept Link to armat   წარავლინა მოსე, მონაჲ თჳსი და აჰრონ, რჩეული თჳსი;

Verse: 27  Link to mcat Link to sept Link to armat   მისცნა მათ სიტყუანი სასწაულთა მისთანი და ნიშნი მისნი ქუეყანასა მას ქამისსა;

Verse: 28  Link to mcat Link to sept Link to armat   მიავლინა მათა ბნელი და დააბნელნა იგინი, რამეთუ მათ განამწარნეს სიტყუანი მისნი.

Verse: 29  Link to mcat Link to sept Link to armat   გარდააქცინა სისხლად მდინარენი მათნი და მოწყჳდნა თევზნი მათნი;

Verse: 30  Link to mcat Link to sept Link to armat   განამრავლა ქუეყანამან მათმან მყუარი საუნჯეთა მეფეთა მათთასა.

Verse: 31  Link to mcat Link to sept Link to armat   თქუა, და მოჴდა ძაღლის მწერი და მუმლი ყოველთა საზღვართა მათთა.

Verse: 32  Link to mcat Link to sept Link to armat   გარდააქცია წჳმაჲ მათი სეტყუად, და ცეცხლი აღატყდებოდა ქუეყანასა მათსა;

Verse: 33  Link to mcat Link to sept Link to armat   მოსრა ვენაჴები მათი და ლეღოანი მათი და შემუსრა ყოველი ხე საზღვრისა მათისაჲ .

Verse: 34  Link to mcat Link to sept Link to armat   თქუა, და მოჴდა მკალი და ბუზი, რომლისა არა იყო რიცხჳ;

Verse: 35  Link to mcat Link to sept Link to armat   მოჭამა თივაჲ ქუეყანისა მათისაჲ და მოსრა ყოველი ნაყოფი მათი.

Verse: 36  Link to mcat Link to sept Link to armat   მოწყჳდა ყოველი პირმშოჲ ქუეყანასა ეგჳპტისასა, დასაბამი ყოვლისა ნაშრომისა მათისაჲ.

Verse: 37  Link to mcat Link to sept Link to armat   გამოიყვანნა იგინი ოქროჲთა და ვეცხლითა, და არა იყო ნათესავსა მათსა სნეულ.

Verse: 38  Link to mcat Link to sept Link to armat   იხარა ეგჳპტემან გამოსლვაჲ მათი, რამეთუ შიში დიდი დაეცა მათ ზედა.

Verse: 39  Link to mcat Link to sept Link to armat   განჰმარტნა ღრუბელნი საგრილად მათდა დღისი, ცეცხლითა უნათებდა მათ ღამე.

Verse: 40  Link to mcat Link to sept Link to armat   ითხოეს, და მოსცა მათ მწყერ-მარჴილი და პურითა ზეცისაჲთა განაძღნა იგინი.

Verse: 41  Link to mcat Link to sept Link to armat   სცა კლდესა, და გამოეცნეს წყალნი, და ვიდოდეს ურწყულ(ს)ა მდინარენი.

Verse: 42  Link to mcat Link to sept Link to armat   მოიჴსენა სიტყუაჲ წმიდაჲ მისი, რომელ თქუა აბრაჰამის თანა მონისა თჳსისა.

Verse: 43  Link to mcat Link to sept Link to armat   გამოიყვანა ერი თჳსი სიხარულით და რჩეულნი თჳსნი - შუებით.

Verse: 44  Link to mcat Link to sept Link to armat   მისცა მათ სოფლები წარმართთაჲ და ნაშრომი ერისაჲ დაუმკჳდრა მათ,

Verse: 45  Link to mcat Link to sept Link to armat   რაჲთა დაიცვნენ სამართალნი მისნი და შჯული მისი მოიძიონ.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.