TITUS
Biblia Iberica: Psalterium et Odae
Part No. 140
Previous part

Chapter: 140 
Verse: 1  Link to mcat Link to sept Link to armat   უფალო, ღაღად-ვყავ შენდამი, ისმინე ჩემი; მომხედე ჴმასა ლოცვისა ჩემისასა, ღაღადებასა ჩემსა შენდამი.

Verse: 2  Link to mcat Link to sept Link to armat   წარემართენ ლოცვაჲ ჩემი ვითარცა საკუმეველი შენ წინაშე, აღპყრობაჲ ჴელთა ჩემთაჲ მსხუერპლ სამწუხროდ.

Verse: 3  Link to mcat Link to sept Link to armat   დასდევ, უფალო, საცოჲ პირსი ჩემსა და კარი ძნელი - ბაგეთა ჩემთა,

Verse: 4  Link to mcat Link to sept Link to armat   რაჲთა არა მიდრკეს გული ჩემი სიტყუათა მიმართ უკეთურებისათა მიზეზებად მიზეზთა ცოდვისათა კაცთა თანა, რომელნი იქმან უშჯულოებასა, ნუმცა ზიარ ვარ მე განზრახვათა მათთა თანა.

Verse: 5  Link to mcat Link to sept Link to armat   მსწავლოს მე მართალმან წყალობით და მამხილოს მე; ზეთი ცოდვილისაჲ ნუ შეეცხებინ თავსა ჩემსა, არამედ ლოცვაჲ ჩემი ნებასა მისსა.

Verse: 6  Link to mcat Link to sept Link to armat   დაიდგნედ მახლობელად კლდესა მსაჯულნი მათნი, ისმედ სიტყუანი ჩემნი. რამეთუ ტკბილ არიან.

Verse: 7  Link to mcat Link to sept Link to armat   ვითარცა სიზრქე მიწისაჲ განეფინა ქუეყანასა ზედა, ეგრე განიბნინენ ძუალნი მათნი ჯოჯოხეთს შინა.

Verse: 8  Link to mcat Link to sept Link to armat   რამეთუ შენდამი, უფალო, უფალო, თუალნი ჩემნი; შენ გესავ, ნუ მიმიგებ სულსა ჩემსა.

Verse: 9  Link to mcat Link to sept Link to armat   მიცევ მე მახისაგან, რომელ დამირწყეს მე და საცთურისაგან, რომელნი იქმან უშჯულოებასა.

Verse: 10  Link to mcat Link to sept Link to armat   შეითხინედ სათხეველთა მისთა ცოდვილნი; მხოლოჲ ვარი მე, ვითარ განვერე?


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.