TITUS
Biblia Udica, Versio Nizhensis: Novum Testamentum
Part No. 70
Previous part

Chapter: 2 

Isusi xena fina tarasṭun
İsusi xena fina tarast'un


Verse: 1  Link to udintLink to armntLink to ntkpl P̣ä͑ ġi oša Galileyin Gana ayize sa laśḳoye baki. Isusi Nana ṭeṭiyaney.
   P'ə̌ ği oşa Galileyin Gana ayize sa lašk'oye baki. İsusi Nana t'et'iyaney.

Verse: 2  Link to udintLink to armntLink to ntkpl Isusa q̇a Iz šagirdxoval laśḳoya ḳalpeṭuniy.
   İsusa q'a İz şagirdxoval lašk'oya k'alpet'uniy.

Verse: 3  Link to udintLink to armntLink to ntkpl Fi čarḳaṭan Isusi Nanan Iču pine: "Moṭoġoy fi čarḳene".
   Fi çark'at'an İsusi Nanan İçu pine: "Mot'oğoy fi çark'ene".

Verse: 4  Link to udintLink to armntLink to ntkpl Isusen pine: "Avazu, ay Nana, ama Bezi vaxṭ hälä ṗaṗitene".
   İsusen pine: "Avazu, ay Nana, ama Bezi vaxt' hələ p'ap'itene".

Verse: 5  Link to udintLink to armntLink to ntkpl Iz Nanan q̇ulluġčiġo pine: "Koṭin vä͑x ḳä uḳayin, banan".
   İz Nanan q'ulluğçiğo pine: "Kot'in və̌x k'ə uk'ayin, banan".

Verse: 6  Link to udintLink to armntLink to ntkpl Iudeyxoy ičoġo pakbsuni ädätä \ görä ṭeṭiya här sunṭay boš ṗä͑-xib meṭriṭ * xe ṗaq̇ala u͑q dänä źe͑ne ḳoyine buy.
   İudeyxoy içoğo pakbsuni ədətə \ görə t'et'iya hər sunt'ay boş p'ə̌-xib met'rit' * xe p'aq'ala ǔq dənə ǰěne k'oyine buy.

Verse: 7  Link to udintLink to armntLink to ntkpl Isusen q̇ulluġčiġo pine: "Ḳoyiġo xenen buybanan". Šoṭoġonal ḳoyiġo źomol ciriḳ buyṭunbi.
   İsusen q'ulluğçiğo pine: "K'oyiğo xenen buybanan". Şot'oğonal k'oyiğo ǰomol śirik' buyt'unbi.

Verse: 8  Link to udintLink to armntLink to ntkpl Oša Šoṭin saal pine: "Isä koṭoxun samal exṭi düvänbäyin ṭo͑ġo͑l tašanan". Šoṭoġonal taṭunšeri.
   Oşa Şot'in saal pine: "İsə kot'oxun samal ext'i düvənbəyin t'ǒğǒl taşanan". Şot'oğonal tat'unşeri.

Verse: 9  Link to udintLink to armntLink to ntkpl Düvänbäyinen fina tarapi xene tadane be͑ġi. Šoṭin fine mayin baksuna tene avay, moṭo sayǯä xena ečeri q̇ulluġčiġone avay. Düvänbäyinen bäyä ḳalpi
   Düvənbəyinen fina tarapi xene tadane běği. Şot'in fine mayin baksuna tene avay, mot'o saycə xena eçeri q'ulluğçiğone avay. Düvənbəyinen bəyə k'alpi

Verse: 10  Link to udintLink to armntLink to ntkpl šoṭo pine: "Bitoṭin süfṭä šaaṭ fina, amdarxon u͑ġiṭuxun oša isä keže finane ešṭa. Ama hun šaaṭ fina axəran efe".
   şot'o pine: "Bitot'in süft'ə şaat' fina, amdarxon ǔğit'uxun oşa isə keje finane eşt'a. Ama hun şaat' fina axıran efe".

Verse: 11  Link to udintLink to armntLink to ntkpl Hametär, Isusi Galileyin Gana ayize aḳesṭi me samǯi möǯüzälü niśanen Šoṭay kalaluġa ćoyele č̣evḳi, Iz šagirdxoval Iču ve͑ṭun baki.
   Hametər, İsusi Galileyin Gana ayize ak'est'i me samci möcüzəlü nišanen Şot'ay kalaluğa ç̌oyele c'evk'i, İz şagirdxoval İçu vět'un baki.

Verse: 12  Link to udintLink to armntLink to ntkpl Moṭoxun oša Šo Iz Nanaxun, vičimoġoxun saal šagirdxoxun sagala Ḳefernauma taci sa hema ġi ṭeṭiyane mandi. *
   Mot'oxun oşa Şo İz Nanaxun, viçimoğoxun saal şagirdxoxun sagala K'efernauma taśi sa hema ği t'et'iyane mandi. *



Isusi haq̇i-toydalxo xrame määlinexun šäṗesun
İsusi haq'i-toydalxo xrame məəlinexun şəp'esun



(Maṭ. 21:12-13Link to udntn; Mrḳ. 11:15-17Link to udntn; Luḳ. 19:45-46Link to udntn)
(Mat'. 21:12-13Link to udntn; Mrk'. 11:15-17Link to udntn; Luk'. 19:45-46Link to udntn)


Verse: 13  Link to udintLink to armntLink to ntkpl Iudeyxoy *Č̣ovaksuni axsibay * ə͑śalayinšebaksay. Isusal Yerusalimane \ taci.
   İudeyxoy *C'ovaksuni axsibay * ı̌šalayinşebaksay. İsusal Yerusalimane \ taśi.

Verse: 14  Link to udintLink to armntLink to ntkpl Šoṭin hari *xrame määline araḳ, eġel, göyärčin toydalxone aḳi, ṭeṭiya tängä badalbalxoval buney.
   Şot'in hari *xrame məəline arak', eğel, göyərçin toydalxone ak'i, t'et'iya təngə badalbalxoval buney.

Verse: 15  Link to udintLink to armntLink to ntkpl Isusen vižurxon sa tatar düzbi bütüm haq̇i-toydalxo ičoġoy eġel saal araḳxoxun sagala *xramaxun šäṗeci, tängä badalbalxoy isṭolxoval taradi tängöġo oq̇ane cipi.
   İsusen vijurxon sa tatar düzbi bütüm haq'i-toydalxo içoğoy eğel saal arak'xoxun sagala *xramaxun şəp'eśi, təngə badalbalxoy ist'olxoval taradi təngöğo oq'ane śipi.

Verse: 16  Link to udintLink to armntLink to ntkpl Šoṭin göyärčin toydalxo pine: "Moṭoġo memiin exṭanan! Bezi Bavay ḳoža bazaranan č̣urevḳe!"
   Şot'in göyərçin toydalxo pine: "Mot'oğo memiin ext'anan! Bezi Bavay k'oja bazaranan c'urevk'e!"

Verse: 17  Link to udintLink to armntLink to ntkpl Iz šagirdxonal ω͑vel Came boš bakala "vi ḳoža čuresunen Za boḳosṗi-ciḳale" äyitä eyexṭun badi. * ot
   İz şagirdxonal Ǐvel Śame boş bakala "vi k'oja çuresunen Za bok'osp'i-śik'ale" əyitə eyext'un badi. * ot

Verse: 18  Link to udintLink to armntLink to ntkpl Ṭe vädä iudeyxoy kalaṭoġon Šoṭoxun xavarṭun haq̇i: "Moṭoġo bseynaḳ Vi exṭiyär baksuna yax mani möǯüzälü niśanxonen aḳesṭes bakon?"
   T'e vədə iudeyxoy kalat'oğon Şot'oxun xavart'un haq'i: "Mot'oğo bseynak' Vi ext'iyər baksuna yax mani möcüzəlü nišanxonen ak'est'es bakon?"

Verse: 19  Link to udintLink to armntLink to ntkpl Isusen šoṭoġo ǯoġabe tadi: "Me *xrama carpanan, xib ġiin boš Zu koṭo täzädän biq̇oz". *
   İsusen şot'oğo coğabe tadi: "Me *xrama śarpanan, xib ğiin boş Zu kot'o təzədən biq'oz". *

Verse: 20  Link to udintLink to armntLink to ntkpl Ṭe vädä iudeyxoy kalaṭoġon piṭun: "Me xram q̇ərx u͑q useni bele biq̇ece, hun isä koṭo xib ġiin biq̇alnu?"
   T'e vədə iudeyxoy kalat'oğon pit'un: "Me xram q'ırx ǔq useni bele biq'eśe, hun isə kot'o xib ğiin biq'alnu?"

Verse: 21  Link to udintLink to armntLink to ntkpl Ama Isusen "xram" uḳaṭan Iz bädänäxune äyitey.
   Ama İsusen "xram" uk'at'an İz bədənəxune əyitey.

Verse: 22  Link to udintLink to armntLink to ntkpl Isus ṗuri*be͑yinbakiṭuxun oša šagirdxon Šoṭay me pi äyitmoġo eyexṭun badi, ω͑vel Camurxo q̇a Isusi pi äyitmoġo ve͑ṭunbaki.
   İsus p'uri*běyinbakit'uxun oşa şagirdxon Şot'ay me pi əyitmoğo eyext'un badi, Ǐvel Śamurxo q'a İsusi pi əyitmoğo vět'unbaki.

Verse: 23  Link to udintLink to armntLink to ntkpl Isusen *Č̣ovaksuni axsibayi vädine Yerusalima bakaṭan, Šoṭin ṭiya aḳesṭi möǯüzälü niśanxo aḳiṭoġoy gelo Šoṭo ve͑ṭun baki.
   İsusen *C'ovaksuni axsibayi vədine Yerusalima bakat'an, Şot'in t'iya ak'est'i möcüzəlü nišanxo ak'it'oğoy gelo Şot'o vět'un baki.

Verse: 24  Link to udintLink to armntLink to ntkpl Ama Isusen amdarxoy üḳe bakalṭoġo avabaksuna görä šoṭoġo Iz barada här šeya nexteney
   Ama İsusen amdarxoy ük'e bakalt'oğo avabaksuna görə şot'oğo İz barada hər şeya nexteney

Verse: 25  Link to udintLink to armntLink to ntkpl šoṭo görä ki, amdarxoy barada šinesa Šoṭo exlätpsuna ehṭiyäǯ buteney, axəri amdarxoy üḳexun č̣ovakalṭoġo avaney.
   şot'o görə ki, amdarxoy barada şinesa Şot'o exlətpsuna eht'iyəc buteney, axıri amdarxoy ük'exun c'ovakalt'oğo avaney.



Next part


This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.