; Mrḳ. 9:42)
; Mrk'. 9:42)
Oša Isusen Iz šagirdxone pi: "Insanxo pis yaq̇a tašala šeymux müṭläḳ bakale. Ama ṭə͑yä͑minṭu yaq̇nuxun č̣evksuni säbäb bakalṭay vay hala!
Šiin me mic̣iḳ hesabbakalṭoġoxun sunṭu pis yaq̇a zaṗḳayin, ṭe amdareynaḳ iz q̇oq̇exun kala sa źomoḳožin źe͑ suruḳbi dänizä bosesun šaaṭe bakon.
Šoṭo görä vä͑x fikir tadanan. \ Ägär vi vičen günax äšṗesṭi va pisluġbenesa, šoṭo töhmätba. Ama šoṭin toobabayin, šoṭo baġəšlayinša. *
Ägär lap sa ġinasṭa vu͑ġ käräm günax äšṗesṭi va pisluġbayin, oša vu͑ġ kärämäl vi ṭo͑ġo͑l hari "toobazbi" uḳayin, šoṭo baġəšlayinša". *
Sa ġi aṗosṭolxon Q̣onʒ́uġo piṭun: "Yasṭa bakala ve͑luġa avuzba!"
Q̣onʒ́uġon šoṭoġo metäre pi: "Ägär vä͑sṭa sa xardali cile hama ve͑luġ bunesa, me tutna xoda "va tumexun č̣evḳi taša dänizä biṭa" unanḳon, šoṭinal ef äyitä be͑neġon. *
Ef bošṭan maṭina iz kötän \ zaṗḳala nääl ki eġel be͑ġala nökärä čölöxun qaybakaṭan "usum baka, arca śum uka" uḳon?
Šuḳḳalen! Šoṭo "bezi biyäsin śuma häzirba, zu käyi-u͑ġä͑minal vi bə͑ġa ġać̣ṗi za q̇ulluġba, oša hun unkon" uḳalnan?
Ošal hayzeri ṭe nökärä iz biṭoġo görä "dirisṭbakal" ten uḳal. Axəri šoṭin iz borǯane bi.
Vä͑nal haketär, vä͑x bürüšiṭoġo bitova bex ṗaṗesṗiṭuxun oša upanan: "Yan tärifä layiġ nu bakala nökärxoyan, šoṭaynaḳ ki, ḳä beyansa beš borǯe."
Isus Yerusalima taġala yaq̇e loxol Samariin q̇a Galileyin arane bakala zahmani ṭo͑ġo͑lxune č̣ovaksay.
Ayizmoġoy sunṭu baġaṭan šoṭo vic̣ ǯuzamlu amdare iräsṭhari. Šorox ä͑xil čurpi
osṭaar harayṭunpi: "Isus! Ay määlim, yax gorox eki!"
Isusen šoṭoġo aḳi "takinan, vä͑x be͑yinśxo aḳesṭanan" pine. Šoroxal taṭunci. Teṭäre baki ki, šorox hälä yaq̇a amaq̇un tämizṭunbaki. *
Šoṭoġoxun sunṭin izi q̇olaybaksuna aḳaṭan Buxaʒ́uġo osṭaar alxəšpsun qayebaki.
Šo Isusi turin oq̇a biti Šoṭo dirisṭbakane pi. Me amdar isä sa samariyaluney.
Ṭe vädä Isusen pine: "Q̣olaybakiyorox vic̣ tan teney ki? P̣oy mandi vuy tan maya?
Yäni me \ samariyalunaxun bašq̇a qoš qaybaki Buxaʒ́uġo alxəšṗal bateneki?"
Oša ṭe amdara pine: "Hayza, taki, vi ve͑baksunen va čarḳesedi". \ Buxaʒ́uġoy padčaġluġ hevaxṭ eġala?
Sa ġi fariseyxon Isusaxun "Buxaʒ́uġoy padčaġluġ hevaxṭ eġala?" pi xavarṭun haq̇i. Isusenal šoṭoġo metäre ǯoġab tadi: "Buxaʒ́uġoy padčaġluġ ef piin aksunen tene eġal.
Šuḳḳalen šoṭo "be͑ġa, šo memiyane" nääl ki "ṭeṭiyane" tene uḳal, šoṭaynaḳ ki, Buxaʒ́uġoy padčaġluġ ene ef aranene". *
Iz šagirdxo isä Isusen moṭoġone pi: "Ṭetär ġimxo eġale ki, Amdari Ġare ef arane bakala ġimxoy sunṭu aksun čureġalnan, ama aḳalatenan.
Amdarxon vä͑x "be͑ġa, Šo ṭeṭiyane" nääl ki, "memiyane" uḳalṭun. Ṭiṭeri be͑maġanan!
Šoṭaynaḳ ki, c̣ä͑q̇en göye sa täräf duġi ṭə͑yä͑mi täräfäl ciriḳ hetär išiġebsasa, Amdari Ġaral Iz qaybakala ġine haṭetär bakale. *
Ama süfṭä Šoṭin gele äzyät zaṗḳalane, häysäṭin näsili amdarxoy täräfäxun ṭo͑o͑x boseġalane.
Noye dööräsṭä hetäre bakesa, Amdari Ġar eġala ġimxosṭal haṭetär bakale.
Noy gäminä baci ġinal ciriḳ insanxon käyi-u͑ṭu͑nġsay, laśḳoyṭun baksay, išq̇araṭun taysay. Oša sel \ hari bitova äfčinebi. *
Luṭe ġimxosṭal hametärey. Insanxon käyi-u͑ṭu͑nġsay, haq̇i-toyṭunsṭay, biṭunsṭay, biṭunq̇say.
Ama Luṭ Sodonaxun č̣eri ġine göynuxun arux q̇a kükürde bari, bitoval äfčinebaki. *
Amdari Ġare eġala ġiyal hametär bakale.
Ṭe ġi ič ḳožin bel, iz šeymux isä ḳožin boš bakala amdar * šoṭoġo exsṭeynaḳ bona maq̇an baci. Čölö bakaloval qoš maq̇an qaybaki. *
Luṭe čuġo ef eyex badanan! *
Iz elmoġo čarḳesṭun čureġalṭin šoṭo aćesṗale, ama šiin iz elmoġo aćesṗayin, šoṭin iz elmoġo efale. *
Vä͑x nexzu: ṭe üše sa gane boš bakala ṗä͑ tanaxun sunṭu exṭalṭun, ṭe soġo isä mandale.
Sagala dän berxala ṗä͑ čuġoxun sunṭu exṭalṭun, ṭe soġo isä mandale. *
Čölö bakala ṗä͑ tanaxun sunṭu exṭalṭun, ṭe soġo \ isä mandale".
Šoṭoxun xavarṭun haq̇i: "Ay Q̣onʒ́ux, me äšurxo maya bakala?" Šoṭin isä pine: "Ǯämdäy mayanesa, q̇irġiyoxal ṭiya gireġale". *
