; Mrḳ. 14:1-2; Ioan. 11:47-53)
; Mrk'. 14:1-2; İoan. 11:47-53)
Ä͑yinsuz Šume axsibay \ ə͑śalayinšebaksay. Me axsibayi c̣iya Č̣ovaksuni axsibayal nexṭuniy. *
Samǯi be͑yinśxon q̇a ḳanun zombalxon ǯamaati Isusi bać̣anexun taysunaxun q̇ə͑ṭunbsay, šoṭaynaḳal Šoṭo bespseynaḳ sa yaq̇ṭun qä͑vesay.
; Mrḳ. 14:10; Ioan. 13:18-30)
; Mrk'. 14:10; İoan. 13:18-30)
Hame vädä Šeytan ṗac̣c̣e šagirdaxun soġo bakala, Isḳarioṭ ḳaleġala Iuday boše baci.
Šoṭinal taci samǯi be͑yinśxoxun q̇a xrame q̇aroolčiġoy kalaṭoġoxun Isusa šoṭoġoy kiyel mani yönen tasṭuni barada exlätebi.
Šorox mu͑qṭunbaki, šoṭo tängä tasṭunaṭun äyit tadi.
Iudal iräzine baki. Šoṭin Isusa ǯamaataxun č̣äṗḳin šoṭoġoy kiyel tasṭeynaḳ yaq̇e qä͑vesa burqi.
; Mrḳ. 14:12-26; Ioan. 13:21-30; 1 Ḳor. 11:23-25)
; Mrk'. 14:12-26; İoan. 13:21-30; 1 K'or. 11:23-25)
Ä͑yinsuz śume axsibayi Č̣ovaksuni axsibayi q̇urbanluġ q̇uzina śamḳala ġi hare. *
Isusen P̣eṭera q̇a Ioana be͑ś yaq̇abi pine: "Takinan, yaynaḳ axsibayi ukuneynaḳ häzirluġ be͑ġanan".
Šoṭoġon isä Isusaxun xavarṭun haq̇i: "P̣oy häzirluġa maya be͑ġen?"
Isusen šoṭoġo pine: "Be͑ġanan, vä͑n šähäre baġaṭan ef be͑ś \ gamaten xe tašala sa amdar č̣eġale. Šoṭay bać̣anexun takinan, šo baġala ḳoya bakinan.
Ṭe ḳožin q̇onʒ́uġo upanan: "Määlimen vaxun xavare haq̇sa: <Bez šagirdxoxun sagala Č̣ovaksuni axsibayi ukuna ukseynaḳ q̇onaġi otaġ maya?>"
Ḳožin q̇onʒ́uġon vä͑x alin ḳoya häzirbaki sa otaġ aḳesṭale. Ṭeṭiya häzirluġ be͑ġanan".
Šoṭoġon taci här šeya Isusen pi ḳinäḳṭun aḳi, Č̣ovaksuni axsibayi ukuneynaḳ häzirluġa be͑ṭunġi.
Ukuni vädä hari ṗaṗaṭan Isus aṗosṭolxoxun sagala sulfin bel areci.
Isusen šoṭoġo pine: "Zu koruġ aksa burqamin me Č̣ovaksuni axsibayi ukuna vä͑xun sagala uksuna gelez čuresay.
Vä͑x moṭoz nex: Buxaʒ́uġoy padčaġluġa Č̣ovaksuni axsibay ḳä upsuni tam ćoyel č̣eġamin, Zu me axsibayi ukuna ene ukalatezu".
Oša Isusen ǯama exṭi šükürbi pine: "Moṭo exṭanan, ef arane ǯöybanan.
Vä͑x nexzu: Buxaʒ́uġoy padčaġluġ eġamin Zu ṭulen tadala me baraxunal u͑ġalatez".
Oša Isusen śumal exṭi šükürebi. Šoṭo ǯöybi Iz šagirdxo tadi pine: "Mo vä͑ynaḳ q̇urban tadeġala Bez bädäne. Za eyex basṭeynaḳ metär banan".
Haketäräl biyäsin ukunaxun oša ǯamane exṭi pi: "Me ǯam vä͑ynaḳ barala Bez ṗiyen ġaćeci Täzä Iräziluġe. *
Ama mone, Za \ xäyänätbalṭin Zaxun sagala iz kula me sulfinane boxosṭa. *
Amdari Ġar Ičeynaḳ hetär camecenesa ṭetäre taysa, ama Šoṭo xäyanätbala amdari vay hala!"
Šagirdxon me amdari ičoġoy bošṭan šuva bakes bakon pi sun-sunaxun xavar haq̇saṭun burqi.
Oša ičoġoy arane än kalo šu hesabbaksuni baradal sa exläte baki. *
Ama Isusen šoṭoġo pine: "Q̣eräz millätxoy padčaġxonal q̇a kalaluġbalxonal amdarxoy loxol kalaluġṭunbsa, ošal ičoġo šoṭoġoy havadarṭun * hesabbsa.
Ama vä͑n metär ma bakanan! Barta ef arane än kalo än mic̣iḳo ḳinäḳq̇an baki, kalaluġbaloval q̇ulluġči ḳinäḳq̇an baki. *
Axəri šuva kalo, sulfin bel arciyo, yoxsa q̇ulluġ balo? Sulfin bel arciyo tene ki? Ama Zu ef arane q̇ulluġči ḳinäḳzu. *
Zu sənaxxoxun č̣ovakaṭan Zaxun sa gala bakiyorox vä͑nnan.
Bez Bavan Za padčaġluġa tapšurbi ḳinäḳ, Zuval vä͑xez padčaġluġ tapšurbsa ki,
vä͑nal Bez padčaġluġasṭa Bez sulfin bel arci käyi-u͑ġä͑nan, hamal Israili ṗac̣c̣e tayfina divanbseynaḳ \ taxṭurxo arcanan
; Mrḳ. 14:27-31; Ioan. 13:36-38)
; Mrk'. 14:27-31; İoan. 13:36-38)
"Simon, Simon! Šeytanen vä͑x arum ḳinäḳ xaxalaxun č̣ovakesṭeynaḳ ene iǯazina haq̇ene.
Ama Zu vasṭa bakala ve͑luġ maq̇an aći pi vaynaḳ afərəzpi. Oša hun ṗurum Zač qaybakaṭan vi vičimoġo üḳ tada".
Šoṭin Isusa ǯoġabe tadi: "Ay Q̣onʒ́ux, zu Vaxun zindanal, bisunal taysuna häzirzu".
Ama Isusen pine: "P̣eṭer, va nexzu: ġe dadalen elḳamin hun Za čalxsunaxun xib käräm danmišakalnu".
Oša šagirdxoxun xavare haq̇i: "Zu vä͑x tängäsuz, toraysuz, toroḳalsuz yaq̇abaṭan sa šeyaxun koruġ aḳenan?" Šoṭoġon ǯoġabṭun tadi: "Sal sa šeyaxun". *
Ṭe vädä Isusen šoṭoġo pine: "Häysä isä ši ki tängä q̇a toray bune šoṭo exṭeq̇an. Q̣ələnǯ nu bakalṭinal iz paltara toydi q̇ələnǯq̇an haq̇i.
Šoṭaynaḳ ki, vä͑x nexzu: ω͑vel camasṭa bakala "ḳanuna pozmišalṭoġoxun taye baki" * äyitä tam bex ṗaṗesṗiz buq̇on. Šoṭaynaḳ ki, Bez barada cameciyorox bito bakale".
Šoṭoġon piṭun: "Ay Q̣onʒ́ux, mone, memiya ṗä͑ q̇ələnǯe bu". Šoṭin isä šoṭoġo pine: "Bäse".
; Mrḳ. 14:32-42)
; Mrk'. 14:32-42)
Isus č̣eri hämišänin ḳinäḳ Zeytun buruġone laci. Iz šagirdxoval Iz bać̣anexunṭun taci.
Ṭiya ṗaṗaṭan Isusen šoṭoġo pine: "Afərəpanan ki, sinäyinšaksun vä͑xun ä͑xilq̇an baki".
Isus Ič isä šoṭoġoxun sa źe͑ boses bakala q̇ädär aralayinšaki, oša diz čökṭi afərənepi.
Šoṭin metäre pi: "Ay Bez Bava, ägär mümkünesa, me ǯama * Zaxun ä͑xilba. Ama Bez tää, barta Vi čureġala ḳinäḳq̇an baki".
Ṭe vädä göynuxun sa angel Isusa aḳeci Iču zore tadi.
Isusen äzyät aksun samalal üḳen afərənney. Šoṭay aṗ oq̇a bitala ṗiye ḳaṭpunxo ḳinäḳey.
Isus afərəpiṭuxun oša hayzeri Iz šagirdxoy ṭo͑ġo͑le hari, ama šoṭoġo neṗaxe aḳi.
Šoṭin Iz šagirdxo pine: "Heṭaynaḳnan basḳe? Hayzeri afərəpanan ki, sinäyinšaksun vä͑xun ä͑xilq̇an baki".
; Mrḳ. 14:43-50; Ioan. 18:3-12)
; Mrk'. 14:43-50; İoan. 18:3-12)
Mone, Isusen metär äyitḳala vädine, bürdän sa däsṭä amdare aḳeci. P̣ac̣c̣e šagirdxoxun soġo bakala, Iuda uḳala šagird isä ṭe däsṭin be͑śe taysay. Šo ə͑śalayinšebaki ki, Isusa mučḳale.
Ama Isusen šoṭo \ pine: "Iuda, yäni Amdari Ġara sa mučbsunenen toysṭa?"
Isusi härrämine bakalṭoġon isä me äšurxo aḳaṭan Šoṭo piṭun: "Ay Q̣onʒ́ux, bärkä beš q̇ələnǯxo exṭen?"
Haṭe dayġal šoṭoġoy sunṭin q̇ələnǯen duġi samǯi be͑yinśxoy kalaṭay nökäri yön u͑mo͑ġo tumexun boneṭi.
Ama Isusen "bäsṗanan!" pi Iz kula nökäri u͑moġoy loxol laxi šoṭo q̇olayebi.
Oša Isusen Iz bać̣anexun hari samǯi be͑yinśxo, xrame q̇aroolčiġoy kalaṭoġo saal aġsaq̇q̇alxo pine: "Zu amdar fu͑q̇ḳalzu ki? Q̣ələnǯen q̇a maqen heṭaynaḳnan hare Bez bać̣anexun?
Zu här ġi vä͑xun sagala xramazuy, ṭe vädä Za galtenansṭay. Ama häysä ef vaxṭe hare - bayinq̇luġi * kalaluġbala vaxṭ!" *
; 26:67-75; Mrḳ. 14:53-54; 14:65-72; Ioan. 18:13-18; 18:25-27)
; 26:67-75; Mrk'. 14:53-54; 14:65-72; İoan. 18:13-18; 18:25-27)
Isusa biq̇i taṭunšeri, Šoṭo samǯi be͑yinśxoy kalaṭay ḳoyaṭun ečeri. Samal aralu isä P̣eṭeral šoṭoġoy bać̣anexun tanesay.
Määlin bə͑yex ečeri aruxṭunbi. P̣eṭeral hari ṭe aruġoy härrämine arciṭoġoy arane areci.
Aruġoy išiġ P̣eṭeri loxole biti, ṭiya bakala čuux nökärxoy sunṭinal šoṭo aneḳi. Šoṭin P̣eṭeri loxol saal be͑ġi \ pine: "Moval Isusaxun sagalaney".
Ama P̣eṭeren "ay čuux, zu ṭe amdara čaltezxsa!" pi danmišebaki.
Samal oša q̇eräz sa amdarenal šoṭo aḳi pine: "Hunal šoṭoġoxun soġonu". Ama P̣eṭeren pine: "Tää, ay išq̇ar!"
Sa saadaxun oša q̇eräz sa amdarene aḳi pi: "Hägigiyal, me amdar šoṭoxun sagalaney! Atenanḳsa ki, mo galileyalune?"
Ama P̣eṭeren pine: "Ay išq̇ar, hun heṭuxunen äyite avatez". \ Moṭo uḳala vädine dadalen elepi.
Ṭe vädä Q̣onʒ́uġon fərəpi P̣eṭeri loxole be͑ġi. P̣eṭeriyal Q̣onʒ́uġon iču "ġe dadalen elḳamin hun Zaxun xib käräm danmišakalnu" pi äyit eyexe bafṭi.
Šoval ṭeṭiin č̣eri hönkür-hönkür o͑no͑nepi.
Isusi q̇aroola zaṗḳala amdarxon isä Šoṭo laġa haq̇i ṭaṗṭunney.
Šoṭay pulmoġo ġać̣ṗi xavarṭun haq̇say: "Sa xavarečalluġba be͑yn, va šina duġi?"
Šoṭo q̇eräzäl gele äyitmux pi laġaṭun haq̇say.
; Mrḳ. 14:53-64; Ioan. 18:19-24)
; Mrk'. 14:53-64; İoan. 18:19-24)
Käybakaṭan azuḳi aġsaq̇q̇alxoy, samǯi be͑yinśxoy saal ḳanun zombalxoy Kala Šurane gireci, Isusal ičoġoy be͑śṭun č̣evḳi.
Šoṭoġon piṭun: "Yax düz upa, hun Xrisṭosnu?" Isusen šoṭoġo pine: "Vä͑x uḳayiz, tenan ve͑bakal,
vä͑xun xavar haq̇ayiz isä Za ǯoġab tenan tadal.
Ama mone, moṭoxun oša Amdari Ġar zorba Buxaʒ́uġoy yön täräf arcale".
Šoṭoġoy bitoṭin xavare haq̇i: "Isä Hun Buxaʒ́uġoy Ġarnu?" Isusen šoṭoġo ǯoġabe tadi: "Vä͑nnan nexe ki, Zu Šozu".
Ṭe vädä šoṭoġon piṭun: "Ene q̇eräz šahidluġa ḳä ehṭiyäǯe bu ki? Me äyitä Iz źomoxunyan ibaki!"
