TITUS
Biblia Udica, Versio Nizhensis: Vetus Testamentum
Part No. 171
Previous part

Chapter: 91 

91-ǯi ω͑vel mä͑ġ
91-ci Ǐvel mə̌ğ



ω͑vel mä͑ġä͑ mä͑ġḳalo:
Ǐvel mə̌ğə̌ mə̌ğk'alo:


Verse: 1    Ala Arciṭu ičeynaḳ umudi ga biṭin,
   Ala Arśit'u içeynak' umudi ga bit'in,
    Bitova Bašarbalṭay xožina bakalṭin
    Bitova Başarbalt'ay xojina bakalt'in

Verse: 2    Q̣ONƷ́UĠOY barada metäre nex:
   Q'ONČUĞOY barada metəre nex:
    "Šo bezi bać̣ane, zaynaḳ sa q̇alane,
    "Şo bezi bač'ane, zaynak' sa q'alane,
    Šoṭoz umudbaksa zu".
    Şot'oz umudbaksa zu".

Verse: 3    Buxaʒ́uġone va o͑xä͑lbali tälinäxun,
   Buxačuğone va ǒxə̌lbali təlinəxun,
    Elmux haq̇ala azaraxun q̇a bäloġoxun čarḳesṭon.
    Elmux haq'ala azaraxun q'a bəloğoxun çark'est'on.

Verse: 4    Šoṭin va Iz q̇änädxoy oq̇a,
   Şot'in va İz q'ənədxoy oq'a,
    Vaynaḳ q̇ə͑ nu bakala galane exṭon.
    Vaynak' q'ı̌ nu bakala galane ext'on.
    Šoṭay vi bać̣ane čurpsunen va q̇orišebon,
    Şot'ay vi bač'ane çurpsunen va q'orişebon,
    Vaynaḳ sa q̇alxane bakon.
    Vaynak' sa q'alxane bakon.

Verse: 5    Nä üšenin hiḳḳalaxun ten zaṗeġon,
   Nə üşenin hik'k'alaxun ten zap'eğon,
    Nääl ġene išiġen boseġala oxurxoxun.
    Nəəl ğene işiğen boseğala oxurxoxun.

Verse: 6    Nä bayinq̇luġa taraḳala azaraxun ten q̇ə͑bon,
   Nə bayinq'luğa tarak'ala azaraxun ten q'ı̌bon,
    Nääl išiġluġa haq̇layinšala yaroġoxun.
    Nəəl işiğluğa haq'layinşala yaroğoxun.

Verse: 7    Vi ṭo͑ġo͑l sa hazar,
   Vi t'ǒğǒl sa hazar,
    Vi yön täräfäl vic̣ hazar tan biti biyayin,
    Vi yön tərəfəl vis' hazar tan biti biyayin,
    Va ṗurumal zäräl tene lafṭon.
    Va p'urumal zərəl tene laft'on.

Verse: 8    Va isä sayǯä moṭoġo ṭo͑o͑xun be͑ġsun,
   Va isə saycə mot'oğo t'ǒǒxun běğsun,
    Pisṭoġon hetär ičoġoy ǯazina zapsuna aksun mandale.
    Pist'oğon hetər içoğoy cazina zapsuna aksun mandale.



Düzgün yaq̇en taġalo:
Düzgün yaq'en tağalo:


Verse: 9    Ay Q̣ONƷ́UX, Vi q̇änädi oq̇az zaynaḳ ga be!
   Ay Q'ONČUX, Vi q'ənədi oq'az zaynak' ga be!


ω͑vel mä͑ġä͑ mä͑ġḳalo:
Ǐvel mə̌ğə̌ mə̌ğk'alo:


   Ala Arciyo vi bać̣ane čurpsuna görä
   Ala Arśiyo vi bač'ane çurpsuna görə

Verse: 10    Šär va ə͑śa tene biton,
   Şər va ı̌ša tene biton,
    Ä͑xile taraḳon bälä vaxun.
    Ə̌xile tarak'on bələ vaxun.

Verse: 11    Iz angelxone ämirbon Šoṭin,
   İz angelxone əmirbon Şot'in,
    Šoṭoġonal vi här taġala yaq̇a va q̇orišṭunbon. *
    Şot'oğonal vi hər tağala yaq'a va q'orişt'unbon. *

Verse: 12    Kiyelṭun exṭon va šoṭoġon,
   Kiyelt'un ext'on va şot'oğon,
    Vi tura źe͑na lafsṭa teṭun barḳon. *
    Vi tura ǰěna lafst'a tet'un bark'on. *

Verse: 13    Širä q̇a diziḳän ćaxṗi č̣ovakon hun,
   Şirə q'a dizik'ən ç̌axp'i c'ovakon hun,
    Ǯäyil aslana q̇a ṗä͑bulla diziḳän vi turin oq̇a laxon. *
    Cəyil aslana q'a p'ə̌bulla dizik'ən vi turin oq'a laxon. *



Buxaʒ́ux:
Buxačux:


Verse: 14    Čarḳesṭoz koṭo Zu, šoṭo görä ki, Za üḳine čuresa,
   Çark'est'oz kot'o Zu, şot'o görə ki, Za ük'ine çuresa,
    Koṭo q̇orišoz, šoṭo görä ki, Za čalexsa.
    Kot'o q'orişoz, şot'o görə ki, Za çalexsa.

Verse: 15    Ibakoz šoṭo za ḳalḳaṭan,
   İbakoz şot'o za k'alk'at'an,
    Iz ṭar ġine kiyexun biq̇oz šoṭay,
    İz t'ar ğine kiyexun biq'oz şot'ay,
    Čarḳesṭi hörmäti q̇onʒ́ux booz!
    Çark'est'i hörməti q'ončux booz!

Verse: 16    Boxoy ömüren booz šoṭo Zu,
   Boxoy ömüren booz şot'o Zu,
    Kamtezbal šoṭoxun Zaxun eġala čarḳesuna!
    Kamtezbal şot'oxun Zaxun eğala çark'esuna!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.