TITUS
Udzv.iadg.
Part No. 175
Previous part

Date: WPasch._1_d2   Link to lektpar
Line of ed.: 26  დასადებელნი ადგომისანი ჴ̃ჲ დ გ̃ი


Line of ed.: 27       უფალო ღაღატყავსა

Line of ed.: 28       მწუხრისა ვედრებაჲ ჩუენი შეიწირე, ქრისტე, რომელი იშევ
Line of ed.: 29    ქალწულისაგან და აცხოვნე სოფელი, კაცთმოყუარე.

Line of ed.: 30       მოსლვასა შენსა, ქრისტე, ნეფსით ვნებად დაბადებულნი შეძრწუნდეს
Line of ed.: 31    და ქუეყანაჲ ძრწოდა, გიხილეს რაჲ უფალი ჯუარსა ზედა.

Line of ed.: 32       მკუდარი აღდგეს, ღაღადებდეს და იტყოდეს: დიდებაჲ ადგომასა
Line of ed.: 33    შენსა.

Page of ed.: 494  
Line of ed.: 1       ჯუარცუმაჲ თავს-იდევ, მოწყალე, და სიკუდილი განაქარვე
Line of ed.: 2    და ყოველნი აღგუადგინენ მორწმუნენი, ქრისტე, რომელნი-იგი ღაღადებდეს
Line of ed.: 3    და იტყოდეს: დიდებაჲ ადგომასა შენსა.

Line of ed.: 4       კლდენი განიპნეს ჯუარცუმასა შენსა, ქრისტე, და საფლავნი
Line of ed.: 5    აეხუნეს და ჯოჯოხეთი შეძრწუნდა, მკუდარნი აღდგეს, ღაღადებდეს
Line of ed.: 6    და იტყოდეს: დიდებაჲ ადგომასა შენსა.

Line of ed.: 7       რომელი ადგა მკუდრეთით და საკრველნი სიკუდილისანი განხეთქნა
Line of ed.: 8    და ნათესავი კაცთაჲ აღადგინა, ერთობით მისა მიმართ ვღაღადებდეთ
Line of ed.: 9    და ვიტყოდით: დიდებაჲ ადგომასა შენსა.

Line of ed.: 10       რომელმან ადამ თანა-აღადგინე და სიკუდილი დაჰჴსენ და
Line of ed.: 11    სოფელსა ადგომაჲ მოანიჭე, გუაცხოვნენ მგალობელნი ადგომისა
Line of ed.: 12    შენისანი.

Line of ed.: 13       მოხუედ მჴსნელად სოფლისა, მაცხოვარ, ჯუარსა ზედა ნეფსით
Line of ed.: 14    ჴელნი განიპყრენ, წარმოსტყუენე ჯოჯოხეთი ძლევითა, მხოლოო,
Line of ed.: 15    კაცთმოყუარე.

Line of ed.: 16       საფლსავსა დაიდევ ჴსნისათჳს სოფლისა და მესამესა დღესა ასდეგ
Line of ed.: 17    მკუუდრეთით უკუდავი ღმერთი, აჰმაღლდი ზეცად და განანათლე
Line of ed.: 18    სოფელი ადგომითა, მხოლოო, კაცთმოყუარე.

Line of ed.: 19       რომელი გარდამოჴდა ზეცით და ქალწულისაგან იშვა და ვნებაჲ
Line of ed.: 20    ნეფსით ჯუარსა ზედა თავს-იდვა, ერთობით მისა მიმართ ვღაღადებდეთ
Line of ed.: 21    და ვიტყოდით: დიდებაჲ ადგომასა შენსა.

Line of ed.: 22       რომელი ახალსა საფლავსა დაიდვა და ჯოჯოხეთი წარმოტყუენა
Line of ed.: 23    და მყოფნი ბნელისანი ნათლად აღმოიყვანნა, ერთობით მისა მიმართ
Line of ed.: 24    ვღაღადებდეთ და ვიტყოდით: დიდებაჲ ადგომასა შენსა.

Line of ed.: 25       რომელი ასდეგ საფლავით და განანათლენ ყოველნი და ჩუენ
Line of ed.: 26    განგუათავისუფლენ, დიდებაჲ ძალსა შენსა, ქრისტე ღმერთო
Line of ed.: 27    ჩუენო.

Line of ed.: 28       დღეს აღმობრწყინდა უფალი საფლავით, ყოველი სოფელი განანათლა,
Line of ed.: 29    ჩუენ კერპთაგან მოგუაქცინა, თჳსი ჯუარი გუაუწყა, რომელსა
Line of ed.: 30    ზედა ცოდვაჲ დასაჯა და ადგომითა ადგომაჲ ყოველთა
Line of ed.: 31    მოგუანიჭა.

Page of ed.: 495  
Line of ed.: 1       მოვედით ერი ეგე ახალი, ჯუარცუმითა და დაფლვითა მოგებული,
Line of ed.: 2    ადგომითა ადგომილი, რამეთუ დღეს შეიმუსრა ჯოჯოხეთი,
Line of ed.: 3    წინაწარმეტყუელთა ეუწყა თჳსი ქადაგებული, რამეთუ დღეს აღესრულა
Line of ed.: 4    ყოველი, რომელსაცა ქადაგებდეს.

Line of ed.: 5       აჰა დღჱ იგი შუენიერი მორწმუნეთათჳს, ქრისტჱს ადგომისა
Line of ed.: 6    სიხარული მოციქულთაჲ, სიქადული ყოვლისა დაბადებულისაჲ და
Line of ed.: 7    ჩუენ, დაშჯილნი სიკუდილისანი, ვღაღადებთ და ვიტყჳთ: დიდებაჲ
Line of ed.: 8    ადგომასა შენსა.

Line of ed.: 9       ღმრთისმშობელო, ქალწულო მარიამ, შენ გაკურთხევთ, რამეთუ
Line of ed.: 10    შენგან გამოგჳბრწყინდა მაცხოვარი ქრისტე, განმანათლებელი
Line of ed.: 11    სულთა ჩუენთაჲ.

Line of ed.: 12       შენ გაკურთხევთ, უჴრწნელო ქალწულო, ტაძარო შემოქმედისა
Line of ed.: 13    ღმრთისაო, რომელმან სიტყჳთა დაჰბადნა დაბადებულნი, ესე სიმდაბლით
Line of ed.: 14    საშოსა შენსა დაიტია და იშვა დიდებით, რომელმან გარდასლვისა
Line of ed.: 15    იგი რისხვაჲ ჯუარითა თჳსითა განაქარვა და მიჴსნნა ჩუენ
Line of ed.: 16    ბნელისაგან. ამისთჳსცა თაყუანის-გცემთ შენ, სახარულევანო,
Line of ed.: 17    ზღუდეო, მეოხო და მფარველო ჩუენო.

Line of ed.: 18       გიხაროდენ, ყოლად ძლიერისა მშჳდობისა საყდა.

Line of ed.: 19       დიდო ძალო ქერობ.

Line of ed.: 20       წმიდაჲ ხარ წმიდათაჲ, ყოლად წ.

Line of ed.: 21       გიხაროდენ, მარიამ, კაცთა სიქა.

Line of ed.: 22       ჯუარითა პატიოსნითა წარმოსტყუენე ჯოჯოხეთი, მანქანებაჲ
Line of ed.: 23    მტერისაჲ დაჰჴსენ და რომლისა მიერ განქარდა მცნებაჲ იგი და გარდასლვაჲ,
Line of ed.: 24    და განგებულებით ცხორებაჲ ჩუენ ჯუარითა დააფუძნე.

Line of ed.: 25       ამისთჳსცა ვღაღადებთ და ვიტყჳთ: დიდებაჲ ადგომისა შენსა.


Line of ed.: 26       ოხითაჲ

Line of ed.: 27       ასდეგ, ქრისტე, საფლავით, ვითარცა ძლიერ ხარ, და არცხჳნე
Line of ed.: 28    მოძულეთა შენთა, რამეთუ მოითხოვეს პილატჱსგან დაკრძალვად
Line of ed.: 29    გუამი შენი, ბეჭედნი ლოდსა დაადგნეს და მცველნი განაწესნეს.

Line of ed.: 30       ჵ მათსა მას სიბრძნესა, უნებლიაჲთ ადგომაჲ გუაჩუენეს, არა უნდა,
Line of ed.: 31    და ჩუენ გუარგეს, შენთა მორწმუნეთა, ვითარცა პირველ მოხუედ
Line of ed.: 32    სოფლად და ქალწულისა საშოჲ დაიცევ შეუწუველად, ეგრჱთვე საფლავით
Line of ed.: 33    ასდეგ დაბეჭდულისაგან ლოდისა ჩუენებითა ღმრთეებისაჲთა.
Line of ed.: 34    ყოველნი შენ სიხარულით გიღაღადებთ: დაიცევ ერი შენი, კაცთმოყუარე,
Line of ed.: 35    ჴელთაგან წარმართთაჲსა, რომელნი მომადგან ჩუენ, და
Line of ed.: 36    აცხოვნენ სულნი ჩუენნი.

Line of ed.: 37       უფალო, ჯუარცუმაჲ ნეფსით თავს.

Page of ed.: 496  
Line of ed.: 1       ფსალმუნი

Line of ed.: 2       წარემართე (ps. 140, 2 Link to psa).


Line of ed.: 3       დასადებელი

Line of ed.: 4       უფალო, ვღაღატ-ყავ შენდამი, ის (ps. 140, 1 Link to psa).


Line of ed.: 5       აქა აკურთხევდითსა

Line of ed.: 6       მოვედით, ერნო, ადგომილსა ქრისტესა ღმერთსა, მეუფესა ჩუენსა,
Line of ed.: 7    უგალობდეთ, რომელმან განანათლა სოფელი ადგომითა
Line of ed.: 8    მისითა.

Line of ed.: 9       მოვედით, მორწმუნენო, ვაკურთხევდეთ ქრისტესა, რომელი ზეცით
Line of ed.: 10    ქუეყანად გარდამოჴდა, ჯუარს-ეცუა, დაეფლა და აღდგა მესამესა
Line of ed.: 11    დღესა.

Line of ed.: 12       ანგელოზნი გალობენ და ცანი იხარებენ და ჩუენცა მათ თანა
Line of ed.: 13    ვღაღადებთ: დიდებაჲ ადგომასა შენსა.

Line of ed.: 14       მოციქულთა კრებულმან გალ.

Line of ed.: 15       ადგომითა უფლისაჲთა ჯოჯოხეთი შეიმუსრა, ძალითა ჯუარისაჲთა
Line of ed.: 16    სიკუდილი დაითრგუნა. მოვედით, ერნო, ჯუარსა
Line of ed.: 17    თაყუანისვსცეთ.

Line of ed.: 18       გუაკურთხნეს ჩუენ უფალმან სიონს შინა ერთ.

Line of ed.: 19       უგალობდეთ ადგომილსა საფლავით, ალელუა, მოვედით, ერნო,
Line of ed.: 20    უგალობდეთ საფლავით ადგომილსა, ალელუა, ალელუა.


Line of ed.: 21       ჯვარისანი

Line of ed.: 22       ჯუარმან წმიდამან შენმან, ქრისტე, საცთური მტერისაჲ განაქარვა,
Line of ed.: 23    წყლულებანი ჩუენ.

Line of ed.: 24       ადგომითა უფლისაჲთა ჯოჯოხეთი შეიმუსრა, ძლევითა ჯუარისაჲთა
Line of ed.: 25    სიკუდილი დაითრგუნა. მოვედით, ერნო, ამას
Line of ed.: 26    თაყუანისვსცემთ.

Line of ed.: 27       ჯუარი შენი ამაღლდა, ქრისტე, ჯუარი შენი განცხადნა,
Line of ed.: 28    ქრისტე, ჯუარითა შენითა ვიქადით.

Line of ed.: 29       საფარველი ჩუენი არს ჯუარი შენი, ქრისტე, რომელი მოგუეც
Line of ed.: 30    ჩუენ საჭურველად.

Line of ed.: 31       ცხოველს-მყოფელსა ჯუარსა შენსა თაყუანის-ვსცემთ, უფალო,
Line of ed.: 32    რომლითა.

Line of ed.: 33       ჯუარი არს სიქად.

Line of ed.: 34       ჯუარითა განცხადნა და ჩუენდა.


Line of ed.: 35       უგალობდითსა

Line of ed.: 36       უგალობდეთ უფალსა მაღალსა, დიდებით ადგომილსა და გალობით
Line of ed.: 37    ვაქებდეთ.

Line of ed.: 38       უგალობდეთ თაყუანის-მცემელნი უფალსა, რომელი მკუდრეთით
Line of ed.: 39    აღდგა მესამესა დღესა.

Page of ed.: 497  
Line of ed.: 1       ისრაელი მონებისაგან იჴსენ, უფალო, მკლავითა შენითა მტკიცითა,
Line of ed.: 2    ამისთჳსცა გიგალობთ შენ, რამეთუ დიდებით დიდებულ ხარ.

Line of ed.: 3       იცნა ზღუამან ერი ღმრთისაჲ, რომლისათჳსცა განიპო, ხოლო
Line of ed.: 4    მტერნი მისნი დაფარნა ზღუამან.

Line of ed.: 5       მარადის ღმრთისმშობელო, შენგან შობილსა ევედრე, გამოუთქუმელსა
Line of ed.: 6    სიტყუასა, განჴორციელებულსა ღმერთსა ჴსნად ყოვლისაგან
Line of ed.: 7    ჭირისა სულნი ჩუენნი, გევედრებით.

Line of ed.: 8       უგალობდეთ უფალსა, რამეთუ დიდებულ არს დასაბამითგან,
Line of ed.: 9    შემწყნარებელ, ღმერთო ჩუენო.

Line of ed.: 10       ანგელოზნი მაღალთა შინა ადიდებენ ცხოველს-მყოფელსა უფლისა
Line of ed.: 11    ადგომასა.

Line of ed.: 12       უჴრწნელო ღმრთისმშობელო, მეოხ იყავ შენგან შობილისა მიმართ
Line of ed.: 13    ჴსნად სულთა ჩუენთათჳს.

Line of ed.: 14       უგალობდეთ უფალსა საკჳრველთ-მოქედსა, ძლიერსა და ადგომილსა
Line of ed.: 15    მკუდრეთით.

Line of ed.: 16       უგალობდეთ უფალსა, ძალითა ძლიერსა, ჯუარცუმულსა, დაფლულსა
Line of ed.: 17    და ადგომილსა მკუდრეთით, რამეთუ დიდებით დიდებულ
Line of ed.: 18    არს.

Line of ed.: 19       აჩუენა უფალმან მარჯუენაჲ ძლიერი, სიმტკიცჱ მკლავისაჲ რამეთუ
Line of ed.: 20    დაანთქა ფარაო ერითურთ ზღუასა მეწამულსა. უგალობდეთ
Line of ed.: 21    უფალსა, ძალითა ძლიერსა.

Line of ed.: 22       აიღო მარიამ, დამან აჰრონისმან, მადლობაჲ და ქებაჲ, უპყრობდა
Line of ed.: 23    ერსა მას სიხარულით და ეტყოდა: უგალობდეთ უფალსა, ძალითა
Line of ed.: 24    ძლიერსა.

Line of ed.: 25       ეტლებით და ჰუნეებითურთ სიღრმესა დაანთქენ მტერნი, უფალო,
Line of ed.: 26    და აჩუენე მათ მოკუდავებაჲ. შენ მხოლოსა გიგალობთ, რამეთუ
Line of ed.: 27    დიდებით დიდებულ ხარ.

Line of ed.: 28       რომელი ასდეგ საფლავით და მკუდარნი აღადგინენ, ქრისტე,
Line of ed.: 29    ცხოვრების მომცემელო უფალო, ყოველნი გიგალობთ, რამეთუ დიდებით
Line of ed.: 30    დიდებულ ხარ.


Line of ed.: 31       მოიხილესა

Line of ed.: 32       ისმინეთ ჴმაჲ უფლისაჲ ერმან უფლისამან, დიდებასა მისცემდით
Line of ed.: 33    უფალსა ღმერთსა ჩუენსა.

Line of ed.: 34       ვიხილეთ ჩუენ ქრისტჱ, ჯუარითა დამშჭუალული, რომელმან წარმოტყუენა
Line of ed.: 35    ჯოჯოხეთი ჯუარითა პატიოსნითა.

Line of ed.: 36       ვიხილეთ ჩუენ ქრისტჱ, საფლავით აღდგომილი, რომელმან განანათლა
Line of ed.: 37    სოფელი ადგომითა მისითა.

Line of ed.: 38       კიდობნად რჩულისად იწოდა წმიდაჲ ქალწული მარიამ, ხოლო
Line of ed.: 39    სიტყუად შენდა -- ძჱ შენი საყუარელი, რომელი მოვიდა სოფლად
Line of ed.: 40    და გუაცხოვნნა ჩუენ.

Page of ed.: 498  
Line of ed.: 1       მოვედით, ერნო, დიდებასა შევსირვიდეთ უფლისა მიმართ
Line of ed.: 2    ძალთაჲსა.

Line of ed.: 3       იხილეთ უფალი, რამეთუ მოწყალე არს და არა არს სხუაჲ ღმერთ
Line of ed.: 4    მისა გარეშე.

Line of ed.: 5       განამართლოს უფალმან ერი თჳსი მშჳდობით და მონათა თჳსთა
Line of ed.: 6    ნუგეშინის-სცეს.

Line of ed.: 7       იხილეთ, იხილეთ უფალი ღმერთი ჩუენი, რომელი პირველ საუკუნეთა
Line of ed.: 8    მამისაგან იშვა უდედოდ და აღსასრულსა ჟამთასა ქალწულისაგან
Line of ed.: 9    თჳნიერ მამაკაცისა განჴორციელდა, დაჴსნა წყევაჲ პირველისა
Line of ed.: 10    მამისა ადამისი, ვითარცა კაცთმოყუარე არს.

Line of ed.: 11       იხილეთ, იხილეთ უფალი ღმერთი ჩუენი, რომელი დაბეჭდულისა
Line of ed.: 12    საფლავისაგან აღდგა და მელნესაცხებლენი დედანი წარავლინნა
Line of ed.: 13    ქადაგებად მოციქულთა, ვითარმედ: აღდგა ქრისტე მკუდრეთით და
Line of ed.: 14    დათრგუნა სიკუდილი.

Line of ed.: 15       დიდებაჲ შენდა, დიდებაჲ შენდა, კაცთმოყუარე ღმერთო ჩუენო,
Line of ed.: 16    რამეთუ სათნო-იყავ ჯუარსა ზედა ვნებაჲ, საფლავსა დაიდევ და
Line of ed.: 17    ურჩულონი ჰურიანი გცვიდეს, ხოლო შენ ძლიერებით მესამესა დღესა
Line of ed.: 18    ასდეგ და დათრგუნე სიკუდილი.

Line of ed.: 19       მოიხილე, ცა.

Line of ed.: 20       დაგჳცვენ.

Line of ed.: 21       მართალ.

Line of ed.: 22       უბიწოო ღმრთის.


Line of ed.: 23       განძლიერდასა

Line of ed.: 24       განაძლიერენ, უფალო, გულნი ჩუენნი გალობად და დიდებად
Line of ed.: 25    შენდა.

Line of ed.: 26       განმაძლიერებელ მექმენ მე, სოფლისა მჴსნელო და მაცხოვარო,
Line of ed.: 27    აღმადგინე დაცემული ცოდვათაგან შენითა განკაცებითა ქალწულისაგან,
Line of ed.: 28    რამეთუ არავინ არს წმიდაჲ შენსა გარეშე, უფალო.

Line of ed.: 29       განმაძლიერებელ მექმენ მე, სოფლისა მჴსნელო და მაცხოვარო,
Line of ed.: 30    აღმადგინე მე, დაცემული ცოდვათგან, შენითა ნეფსით ჯუარსა ზედა
Line of ed.: 31    დამშჭუალვითა, რამეთუ არავინ არს წმიდაჲ შენსა გარეშე,
Line of ed.: 32    უფალო.

Line of ed.: 33       განმაძლიერებელ მექმენ მე, სოფლისა მჴსნელო და მაცხოვარო,
Line of ed.: 34    აღმადგინე მე, დაცემული ცოდვათაგან, შენითა მესამისა დღისა
Line of ed.: 35    მკუდრეთით აღდგომითა, რამეთუ არავინ არს წმიდაჲ შენსა გარეშე,
Line of ed.: 36    უფალო.

Line of ed.: 37       ქალწულმან შევ, გამოუცდელო ქორწილისაო, და ქალწულადვე
Line of ed.: 38    დაადგერ. დედაო უსძლო, ღმრთისმშობელო მარიამ, ჩუენთჳს უფლისა
Line of ed.: 39    მიმართ მეოხ გუეყავ დაუცხრომელად სულთა ჩუენთათჳს.

Line of ed.: 40       ძლიერ ხარ შენ, უფალო, და დიდებულ დასაბამითგან, შეგჳწყალენ
Line of ed.: 41    ჩუენ.

Page of ed.: 499  
Line of ed.: 1       უგალობთ ჯუარცუმასა შენსა, უგალობთ დაფლვასა შენსა და
Line of ed.: 2    ადგომასა შენსა ვადიდებთ.

Line of ed.: 3       რომელი ასდეგ მკუდრეთით მესამესა დღესა, უფალო, შენდობაჲ
Line of ed.: 4    ცოდვათაჲ მოგუანიჭე მონათა შენთა.

Line of ed.: 5       განაძლიერენ, უფალო, გულნი ჩუენნი გალობად ტაძარსა შინა
Line of ed.: 6    შენსა წმიდასა, გუაცხოვნენ ჩუენ, რომელი ასდეგ მესამესა დღესა
Line of ed.: 7    დიდებითა ღმრთეებისაჲთა, რამეთუ არავინ არს წმიდაჲ შენსა გარეშე,
Line of ed.: 8    უფალო.

Line of ed.: 9       განმაძლიერენ ჩუენ, ქრისტე, რომელსა დიდების-მეტყუელებით
Line of ed.: 10    ანგელოზთა თანა გიგალობთ. ჯუარსა ზედა იხილვე დამშჭუალული,
Line of ed.: 11    საფლავით ასდეგ უვნებელად ღმრთეებითა, რამეთუ არავინ არს წმიდაჲ
Line of ed.: 12    შენსა გარეშე, უფალო.

Line of ed.: 13       განვიხარეთ ჩუენ მაცხოვარებითა შენით და ამაღლდა რქაჲ
Line of ed.: 14    ჩუენი ღმრთისა მიერ ჩუენისა, რომელმან სიკუდილისა ძლიერებაჲ
Line of ed.: 15    წარმოსტყუენე, საცთური ეშმაკისაჲ განაქარვე, რამეთუ არავინ არს
Line of ed.: 16    წმიდაჲ შენსა გარეშე, უფალო.

Line of ed.: 17       შენ, გამოუცდელო ქორწინებისაგან ღმრთისმშობელო, რომელსა
Line of ed.: 18    გეტჳრთა წმიდაჲ წმიდათაჲ, წინამძღუარი სოფლისაჲ, მეოხ გუეყავ
Line of ed.: 19    ჩუენ.

Line of ed.: 20       განმაძლიერებელ მექმენ მე, რომელმან საშო.

Line of ed.: 21       განმაძლიერებელ მექმენ მე, რომელმან ჯუარი.

Line of ed.: 22       განმაძლიერებელ მექმენ მე, რომელმან ჯუარითა შენითა ჯოჯოხეთი
Line of ed.: 23    წარმოსტყუენე.

Line of ed.: 24       შემიწყალე მე, ქრისტე, რომელმან ადგომითა შენითა მყოფნი
Line of ed.: 25    ბნელისანი ნათლად აღმოიყვანენ.


Line of ed.: 26       უფალო მესმასა

Line of ed.: 27       სმენაჲ შენი მესმა და შემეშინა, უფალო, დიდებაჲ ძალსა შენსა.

Line of ed.: 28       მოხუედ ზეცით, ქრისტე, მამისა მიერ და განანათლენ დაბადებულნი
Line of ed.: 29    თჳსნი.

Line of ed.: 30       ივნე ვნებაჲ ჯუარსა ზედა, ქრისტე, და აცხოვნენ შენნი
Line of ed.: 31    მორწმუნენი.

Line of ed.: 32       ასდეგ მკუდრეთით მესამესა დღესა, ქრისტე, და ადგომაჲ ყოველთა
Line of ed.: 33    მოგუანიჭე.

Line of ed.: 34       ევედრე ღმერთსა, რომელი შევ, ქალწულო, რაჲთა აცხოვნნეს
Line of ed.: 35    სულნი ჩუენნი, სახარულევანო.

Line of ed.: 36       მესმა სმენაჲ ადგომისა შენისაჲ და განიხარა გულმან ჩემმან,
Line of ed.: 37    უფალო.

Line of ed.: 38       შეჰმუსრე თავები მეკარეთა სიკუდილისათაჲ საშინელებითა
Line of ed.: 39    ადგომისა შენისაჲთა, უფალო.

Line of ed.: 40       განანათლე, ქველის-მოქმედ, ნათესავი კაცთაჲ გამობრწყინებითა
Line of ed.: 41    ადგომისა შენისაჲთა, უფალო.

Page of ed.: 500  
Line of ed.: 1       მესმა სმენაჲ ჴორცშესხ.

Line of ed.: 2       საფლავსა დაიდევ, ვითარცა მკუდარი, და მესამესა დღესა ასდეგ,
Line of ed.: 3    ვითარცა ღმერთ ხარ.

Line of ed.: 4       შენ, გამოუცდელო ქორწინ.


Line of ed.: 5       ღამითგანსა

Line of ed.: 6       ღამითგან აღვიმსთობთ, გიგალობთ შენ, უფალო, გუაცხოვნენ
Line of ed.: 7    ჩუენ, რამეთუ შენ ხარ ღმერთი ჩუენი და შენსა გარეშე სხუაჲ არავინ
Line of ed.: 8    ვიცით.

Line of ed.: 9       ნათელ ხარ შენ, ქრისტე, ნათლითა შენითა განგუანათლენ ჩუენ,
Line of ed.: 10    რომელმან შეჰქმენ ნათელი და ბნელი. ძლიერ ხარ და მოწყალე,
Line of ed.: 11    უფალო.

Line of ed.: 12       მაცხოვარ, რომელმან თავს-იდევ ჯუარცუმაჲ ჩუენთჳს, აღმავსენ
Line of ed.: 13    ჩუენ მადლითა სასუმელისა ვნებისა შენისაჲთა. ყოლად ძლიერო
Line of ed.: 14    მაცხოვარ, დიდებაჲ შენდა.

Line of ed.: 15       ასდეგ მესამესა დღესა, ცხორების მომცემელო, წარმოსტყუენე სიკუდილი
Line of ed.: 16    და აცხოვნე სოფელი, ვითარცა მოწყალე ხარ.

Line of ed.: 17       სიმრავლეთაგან ცოდვათა ჩემთაჲსა მიჴსენ მე, ღმერთო ჩემო,
Line of ed.: 18    მეოხებითა მშობელისა შენისაჲთა, მარადის ქალწულისაჲთა,
Line of ed.: 19    კაცთმოყუარე.

Line of ed.: 20       თაყუანის-გცემთ შენ, ქრისტე, სიტყუაო მამისაო, რამეთუ ჯუარცუმითა
Line of ed.: 21    შენითა ჯოჯოხეთისა მყოფთა ადგომაჲ მოანიჭე.

Line of ed.: 22       უგალობთ შენსა დიდებულსა ადგომასა, ცხორების მომცემელო,
Line of ed.: 23    რამეთუ პირველ შექმნული იგი ჴრწნილებისაგან განათავისუფლე.

Line of ed.: 24       ქალწულსა შემდგომად შობისა გიგალობთ შენ, ღმრთისმშობელო,
Line of ed.: 25    რამეთუ შენ ღმრთისა სიტყუაჲ ჴორციელად სოფელსა უშევ.

Line of ed.: 26       უფალო, რომელმან მიჰმადლე მშჳდობაჲ მოციქულთა შენთა,
Line of ed.: 27    აღმავსენ მადლითა სულისა წმიდისაჲთა. ოხითა მათითა, უფალო,
Line of ed.: 28    შეგუიწყალენ.


Line of ed.: 29       ღაღატყავსა

Line of ed.: 30       შთამაგდეს მე სიღრმესა გულსა ზღჳსასა და ვიხილენ საკჳრველებანი
Line of ed.: 31    შენნი, უფალო.

Line of ed.: 32       ღაღადებდა წინაწარმეტყუელი იგი მუცლით გამო ვეშპისაჲთ,
Line of ed.: 33    იტყოდა: უფალო, უფალო, აღმომიყვანე მე.

Line of ed.: 34       მკუდრეთით ასდეგ, წარმოსტყუენე ჯოჯოხეთი, მოწყალე, და იჴსენ
Line of ed.: 35    ჴრწნილებისაგან ცხორებაჲ ჩუენი, ვითარცა კაცთმოყუარე ხარ.

Page of ed.: 501  
Line of ed.: 1       სამებამან წმიდამან კაცთმოყუარებითა თჳსითა შეისმინა ლოცვაჲ
Line of ed.: 2    წინაწარმეტყუელისა თჳსისაჲ და განარინა იგი მუცლისაგან ვეშაპისაჲთ
Line of ed.: 3    უვნებელად.

Line of ed.: 4       საშოჲსაგან ქალწულისა გამოხუედ გამოუთქუმელად, მოწყალე,
Line of ed.: 5    და იჴსენ ჴრწნილებისაგან ცხორებაჲ ჩუენი, ვითარცა კაცთმოყუარე
Line of ed.: 6    ხარ.

Line of ed.: 7       განმათავისუფლენ ჩუენ საცთურისაგან კერპთაჲსა, ქრისტე
Line of ed.: 8    ღმერთო ჩუენო, და იჴსენ ჴრწნილებისაგან ცხორებაჲ ჩუენი, ვითარცა
Line of ed.: 9    კაცთმოყუარე ხარ.

Line of ed.: 10       შევიდა წინაწარმეტყუელი იგი მუცელსა ვეშაპისასა და ლოცვითა
Line of ed.: 11    მისითა შ̃წნა ძლიერი იგი.

Line of ed.: 12       წინაწარმეტყუელი იგი მუცლით გამო ვეშაპისაჲთ ღაღადებდა:
Line of ed.: 13    უფალო, მოხედენ ლოცუასა ჩემსა და ნუ მიმცემ მე ძლიერსა ამას.

Line of ed.: 14       ჴმა-ვყავ ღრმათა შინა და უფსკრულთა ღმრთისა მიმართ მოწყალისა
Line of ed.: 15    და ჴმაჲ ღაღადებისა ჩემისაჲ მიიწიენ სასმენელთა შენთა,
Line of ed.: 16    უფალო.

Line of ed.: 17       წინაწარმეტყუელმან იონა პირველვე გამოსახა ვნებაჲ შენი,
Line of ed.: 18    მაცხოვარ, რომელი მესამესა დღესა ასდეგ და განმათავისუფლენ ჩუენ
Line of ed.: 19    საუკუნოჲსა ბნელისაგან.

Line of ed.: 20       შენ ხარ სასოჲ ჩემი სიჭაბუკითგან ჩემით, ნუ დამაგდებ მე,
Line of ed.: 21    უფალო ღმერთო ჩემო.

Line of ed.: 22       გიხაროდენ, ცხორების მომცემელი ადგომილ არს მკუდრეთით,
Line of ed.: 23    რომელმან მოჰფინა წყალობაჲ მისი მოშიშთა მისთა ზედა. აწ მოვედით,
Line of ed.: 24    მორწმუნენო, წინაწარმეტყუელისა ჴმასა ვღაღადებდეთ და
Line of ed.: 25    ვიტყოდით:

Line of ed.: 26       სიმრავლეთაგან ცოდვათა ჩემთაჲსა მიჴსენ მე, ღმერთო ჩემო,
Line of ed.: 27    მეოხებითა მშობელისა შენისა, მარადის ქალწულისაჲთა, კაცთმოყუარე.


Line of ed.: 28       კურთხეულარსა

Line of ed.: 29       რომელმან დასაბამსა ცანი დაამყარენ და სიტყჳთა ქუეყანაჲ
Line of ed.: 30    წყალთა ზედა დააფუძნე, კურთხეულ ხარ შენ უკუნისამდე, უფალო
Line of ed.: 31    ღმერთო მამათა ჩუენთაო.

Line of ed.: 32       რომელმან სამთა ყრმათა საჴუმილსა მას შინა ცუარი ასხურე
Line of ed.: 33    და ქალწულად დაიცევ მშობელი შენი შემდგომად შობისა, კურთხეულ
Line of ed.: 34    ხარ შენ, უფალო ღმერთო მამათა ჩუენთაო.

Line of ed.: 35       რომელმან ჴელნი თჳსნი ჯუარსა ზედა განიპყრენ და ავაზაკსა
Line of ed.: 36    სამოთხჱ მიანიჭე, კურთხეულ ხარ შენ, უფალო ღმერთო მამათა
Line of ed.: 37    ჩუენთაო.

Page of ed.: 502  
Line of ed.: 1       რომელი ასდეგ მკუდრეთით მესამესა დღესა, უფალო, და აღდგომაჲ
Line of ed.: 2    ყოველთა მოგუანიჭე, კურთხეულ ხარ შენ, უფალო ღმერთო
Line of ed.: 3    მამათა ჩუენთაო.

Line of ed.: 4       სამებასა წმიდასა მორწმუნენი უგალობთ და ერთობით ვღაღადებთ
Line of ed.: 5    და ვიტყჳთ: კურთხეულ ხარ შენ უკუნისამდე, უფალო ღმერთო
Line of ed.: 6    მამათა ჩუენთაო.

Line of ed.: 7       რომელმან სამნი ყრმანი საჴუმილისაგან განარინენ და დანიელ
Line of ed.: 8    პირისაგან ლომთაჲსა იჴსენ, კურთხეულ ხარ შენ, უფალო ღმერთო
Line of ed.: 9    მამათა ჩუენთაო.

Line of ed.: 10       რომელი საშოსა ქალწულისასა დაემკჳდრე და მას შინა ადამ განაახლე,
Line of ed.: 11    კურთხეულ ხარ შენ, უფალო ღმერთო მამათა ჩუენთაო.

Line of ed.: 12       რომელი იშევ, ქრისტე, ქალწულისაგან და წიაღთაგან მამისათა
Line of ed.: 13    არა დააკლდი, კურთხეულ ხარ შენ, უფალო ღმერთო მამათა
Line of ed.: 14    ჩუენთაო.

Line of ed.: 15       ქალწულად დაიცევ მშობელი შენი შემდგომად შობისა, კურთხეულ
Line of ed.: 16    ხარ შენ, უფალო ღმერთო მამათა ჩუენთაო.

Line of ed.: 17       რომელი დაეფალ გულსა ქუეყანისასა და ასდეგ მესამესა დღესა
Line of ed.: 18    საფლავით, კურთხეულ ხარ შენ, უფალო ღმერთო მამათა ჩუენთაო.

Line of ed.: 19       პირველ საუკუნითგან უკუდავი ძჱ უკუდავისა მამისაჲ, ღმერთი
Line of ed.: 20    და სიტყუაჲ ღმრთისაჲ, რომლისა მიერ წამებით ძჱ იცნობა ჴორცითა
Line of ed.: 21    და სული წმიდაჲ მოივლინა სოფლად, რომლისა მიმართ ვღაღადებთ
Line of ed.: 22    და ვიტყჳთ: კურთხეულ ხარ შენ უკუნისამდე, ღმერთო მამათა
Line of ed.: 23    ჩუენთაო.

Line of ed.: 24       ქრისტე, რომლისაგან შეძრწუნდიან დაბადებულნი და იმსახურები
Line of ed.: 25    წესთაგან ანგელოზთა, შორის ავაზაკთა დაემშჭუალე ჯუარსა
Line of ed.: 26    და ნეფსით, ვითარცა მკუდარი, დაიდევ საფლავსა, მყოფნი ბნელისანი
Line of ed.: 27    ნათლად აღმოიყვანენ და სიხარულით იტყოდეს: კურთხეულ ხარ
Line of ed.: 28    შენ უკუნისამდე, ღმერთო მამათა ჩუენთაო.

Line of ed.: 29       სიხარული იქმნა დღეს ყოვლისა სოფლისაჲ, რაჟამს ასდეგ, ქრისტე,
Line of ed.: 30    საფლავით, ვითარცა მეუფჱ მძინარჱ, და ბრძანებითა ჴმითა ანგელოზმთავრისაჲთა
Line of ed.: 31    წარვიდეს დედანი, უთხრეს მოციქულთა: ადგა
Line of ed.: 32    უფალი, და სიხარულით იტყოდეს: კურთხეულ ხარ შენ უკუნისამდე,
Line of ed.: 33    უფალო ღმერთო მამათა ჩუენთაო.

Line of ed.: 34       ერთი სამებისაგანი ძალი, ერთი არსებაჲ, ღმერთი და სიტყუაჲ
Line of ed.: 35    ღმრთისაჲ, რომელი გამოუჩნდა დიდებულთა ყრმათა სახუმილსა მას
Line of ed.: 36    შინა, რომლისა მიმართ ღაღადებდა აზარია გალობასა ამას, და სიხარულით
Line of ed.: 37    იტყოდეს: კურთხეულ ხარ შენ უკუნისამდე, უფალო
Line of ed.: 38    ღმერთო მამათა ჩუენთაო.

Page of ed.: 503  
Line of ed.: 1       აკურთხევდითსა

Line of ed.: 2       რომელი მთასა წმიდასა იდიდა და მაყულოვანსა შინა ცეცხლითა
Line of ed.: 3    ქალწულისა საიდუმლოჲ მოსეს გამოუცხადა, უფალსა უგალობდეთ
Line of ed.: 4    და უფროჲსად ავამაღლებდეთ უკუნისამდე.

Line of ed.: 5       რომელი საშოსა ქალწულისასა დაემკვიდრა და მისგან საშინელად
Line of ed.: 6    და ზეშთა სიტყჳსა დაძუელებული ადამ განაახლა, უფალსა უგალობდეთ
Line of ed.: 7    და უფროჲსად ავამაღლებდეთ უკუნისამდე.

Line of ed.: 8       ღაღადებდეს სამნი ყრმანი შენდამი, ქრისტე, რომელნი წარიტყუენნეს
Line of ed.: 9    მძლავრებით ბაბილონს.

Line of ed.: 10       არა თაყუანის-სცეს კერპსა ოქროჲსასა, არამედ გესვიდეს სამებასა
Line of ed.: 11    წმიდასა, რომელმან იჴსენ იგინი ცეცხლისა მისგან საშინელისა.

Line of ed.: 12       რომელი შორის ორთა ავაზაკთა დაისაჯა და ჴელნი თჳსნი ჯუარსა
Line of ed.: 13    ზედა განიპყრნა, უფალსა უგალობდით და უფროჲსად აღამაღლებდით
Line of ed.: 14    უკუნისამდე.

Line of ed.: 15       რომელი მესამესა დღესა აღდგა და გამოუჩნდა მენელსაცხებლეთა
Line of ed.: 16    დედათა და სოფელსა მშჳდობაჲმოანიჭა, უფალსა უგალობდით
Line of ed.: 17    და აღამაღლებდით უკუნისამდე.

Line of ed.: 18       რომელი თხემისა ადგილსა ჯუარს-ეცუა და დაეფლა ახალსა საფლავსა
Line of ed.: 19    და აღდგომაჲ ყოველთა მოგუანიჭა, უფალსა უგალობდით და
Line of ed.: 20    უფროჲსად აღამაღლებდით უკუნისამდე.

Line of ed.: 21       რომელმან შეამკო იერუსალემი დიდებითა და აღავსო სიონი
Line of ed.: 22    ქებითა და განახუნა ჯუარითა სამოთხისა ბჭენი, უფალსა უგალობდით
Line of ed.: 23    და აღამაღლებდით უკუნისამდე.

Line of ed.: 24       მამასა თანა ძით და სულით წმიდითურთ ვაკურთხევდეთერთსა
Line of ed.: 25    ღმრთეებასა, მორწმუნენი ვღაღადებდეთ და ვიტყოდით:
Line of ed.: 26    უფალსა უგალობდით და უფროჲსად აღამაღლებდით უკუნისამდე.

Line of ed.: 27       შენ მიერ და შენდამი ღაღადებდეს: განმარინენ ჩუენ, ღმერთო
Line of ed.: 28    მამათა ჩუენთაო, ცეცხლისა მისგან საშინელისა.

Line of ed.: 29       რომელი ქალწულისაგან უთესლოდ მეუფჱ იშვა, ქრისტე ღმერთი,
Line of ed.: 30    რომლისაგან ძრწიან ძალნი ცათანი, უგალობდით მღდელნი, ერნი
Line of ed.: 31    უფროჲსად აღამაღლებდით უკუნისამდე.

Line of ed.: 32       რომელი ნებითა მამისაჲთა ზეცით ქუეყანად გარდამოჴდა, ცოდვანი
Line of ed.: 33    ჩუენნი თავს-ისხნა და ჴელნი ნეფსით ჯუარსა ზედა განიპყრნა,
Line of ed.: 34    რომლისაგან ძრწიან ძალნი ცათანი, უგალობდით მღდელნი, ერნი
Line of ed.: 35    უფროჲსად აღამაღლებდით უკუნისამდე.

Line of ed.: 36       რომელმან ჯუარითა ჯოჯოხეთი წარმოტყუენა და მყოფნი ბნელისანი
Line of ed.: 37    ნათლად გამოიყვანნა, ადამ დაცემისაგან აღადგინა და ადგომაჲ
Line of ed.: 38    ყოველთა მოგუანიჭა, რომლისაგან ძრწიან ძალნი ცათანი,
Page of ed.: 504   Line of ed.: 1    უგალობდით მღდელნი, ერნი უფროჲსად აღამაღლებდით
Line of ed.: 2    უკუნისამდე.

Line of ed.: 3       სამებასა წმიდასა მღდელნი გაკურთხევენ და ერნი უფროჲსად
Line of ed.: 4    აგამაღლებენ შენ უკუნისამდე.

Line of ed.: 5       ვაკურთხევდეთ მამასა მოწყალესა, ვაკურთხევდეთ ძესა მხოლოდშობილსა
Line of ed.: 6    სულით წმიდით უკუნისამდე.


Line of ed.: 7       ადიდებდითსა

Line of ed.: 8       გადიდებთ შენ, მარიამ, დედაო ქრისტჱსო, გადიდებთ შენ.

Line of ed.: 9       შენ, დიდებულსა და სანატრელსა დედასა მაცხოვრისასა, გალობით
Line of ed.: 10    გადიდებთ.

Line of ed.: 11       ვაკურთხევდეთ შობილსა და მშობელსა, განმანათლებელსა სულთა
Line of ed.: 12    ჩუენთასა.

Line of ed.: 13       ღმერთი ღმრთისაგან იშვა -- ნათელი, რომელი განანათლებს ნათესავსა
Line of ed.: 14    კაცთასა.

Line of ed.: 15       მოგუხედნა ჩუენ, მყოფთა ბნელისათა და აჩრდილისათა, მოუკლებელმან
Line of ed.: 16    ნათელმან, ძემან ღმრთისამან, შობილმან ქალწულისაგან,
Line of ed.: 17    რომელმან მოჰმადლა მშჳდობაჲსულთა ჩუენთა.

Line of ed.: 18       რომელი სამებით ერთარსებით იდიდები მორწმუნეთაგან,
Line of ed.: 19    ძჱ თანა მამით და სულით წმიდითურთ, განუყოფელი ერთი ღმრთეებაჲ,
Line of ed.: 20    გალობით გადიდებთ.

Line of ed.: 21       იშევ ქალწულისაგან, ქრისტე ღმერთო, აცხოვნე კაცთა ნათესავი,
Line of ed.: 22    ვადიდებთ შენსა შობასა.

Line of ed.: 23       აჰმაღლდი ჯუარსა ზედა, ქრისტე ღმერთო, განახუენ ჯუარითა
Line of ed.: 24    სამოთხისა ბჭენი, ვადიდებთ შენსა ჯუარცუმასა.

Line of ed.: 25       ასდეგ საფლავისაგან, ქრისტე ღმერთო, ადგომაჲ ყოველთა მოგუანიჭე,
Line of ed.: 26    ვადიდებთ შენსა ადგომასა.

Line of ed.: 27       შენ მამისაგან არა განეშორე, სიტყუაჲ უქცეველი ჴორციელ
Line of ed.: 28    იქმენ, ღმერთი, გალობით გადიდებთ.

Line of ed.: 29       შენ, მამისა თანა-მოსაყდრჱ ძჱ და სიტყუაჲ ღმრთისაჲ, ქალწულმან
Line of ed.: 30    წიაღითა გიტჳირთა, გალობით გადიდებთ.

Line of ed.: 31       შენ, ჯუარსა ზედა დამშჭუალულსა და საფლავით აღდგომილსა
Line of ed.: 32    ღმერთსა, გალობით გადიდებთ.

Line of ed.: 33       შენ, ზეცად ამაღლებულსა ღმერთსა, მარჯუენით მჯდომარესა
Line of ed.: 34    ძესა, გალობით გადიდებთ.

Line of ed.: 35       რომელი საყდართა ოთხხატედთა ზედა მჯდომარჱ შეხუედ
Line of ed.: 36    წმიდასა მუცელსა ქალწულისასა და იშევ ვითარცა ყრმაჲ, გალობით
Line of ed.: 37    გადიდებთ.

Line of ed.: 38       რომელმან განიპყრენ ჴელნი თჳსნი ჯუარსა ზედა, ჯოჯოხეთი
Line of ed.: 39    წარმოსტყუენე, სიკუდილი დასთრგუნე, საცთური განაქარვე, გალობით
Line of ed.: 40    გადიდებთ.

Page of ed.: 505  
Line of ed.: 1       განანათლე სოფელი ადგომითა შენითა, რამეთუ ასდეგ ღმერთი
Line of ed.: 2    მკუდრეთით, მჴსნელი სოფლისაჲ, მაცხოვარი ყოველთაჲ, გალობით
Line of ed.: 3    გადიდებთ.

Line of ed.: 4       რომელი აჰმაღლდი ზეცად და დაშჯედ მარჯულ მამისა, შენ
Line of ed.: 5    გაქებენ ძალნი ცათანი, ერნი ანგელოზთანი, კრებული წმიდათაჲ და
Line of ed.: 6    სულები მართალთაჲ, გალობით გადიდებთ.

Line of ed.: 7       გამოუთქუმელისა ნათლისა დედაო და ცხოველს-მყოფელისა
Line of ed.: 8    ქრისტჱს მტჳრთველო, შენ ყოველნი გადიდებთ, გიხაროდენ, მარიამ.

Line of ed.: 9       ღმრთისა და მაცხოვრისა დედაო და სამკჳდრებელო სულისა
Line of ed.: 10    წმიდისაო, შენ ყოველნი გადიდებთ, გიხაროდენ, მარიამ.

Line of ed.: 11       რომელსა ცანი და ქუეყანაჲ ვერ იტევენ, საშოსა დაიტიე, შენ
Line of ed.: 12    ყოველნი გადიდებთ, გიხაროდენ, მარიამ.

Line of ed.: 13       რომლისაგან ძრწიან ძალნი ცათანი, ჴორცითა მკლავთა ზედა
Line of ed.: 14    იტჳრთე, შენ ყოველნი გადიდებთ, გიხაროდენ, მარიამ.

Line of ed.: 15       კურთხეულ ხარ შენ შორის დედათა, სანატრელო, ქალწულებითა
Line of ed.: 16    უბიწოო, ზეცისა სძალო, მეოხო სულთა ჩუენთაო, მეოხ გუეყავ
Line of ed.: 17    ჩუენ.

Line of ed.: 18       გაკურთხევთ შენ, მჴსნელსა ისრაელისასა, რომელი ქალწულისაგან
Line of ed.: 19    გამოუჩნდი სოფელსა და აღგჳდგინე რქაჲ ცხორებისაჲ, ქრისტჱ.

Line of ed.: 20       გაკურთხევთ შენ, ქრისტე ღმერთო ჩუენო, რომელი მოხუედ
Line of ed.: 21    სოფლად, იშევ ქალწულისაგან მოწყალჱ და მჴსნელი ჩუენი.

Line of ed.: 22       ცხორების მომცემელი ხარ შენ, ქრისტე, შენითა აღდგომითა დაჰჴსენ
Line of ed.: 23    სიკუდილი, დიდებისა მეუფეო, გადიდებთ შენ.

Line of ed.: 24       რომელი დამბადებელი ხარ დაბადებულთაჲ და განმანათლებელი
Line of ed.: 25    ნათესავისა კაცთაჲსაჲ, შენითა ადგომითა დაჰჴსენ სიკუდილი, დიდებისა
Line of ed.: 26    მეუფეო, გადიდებთ შენ.

Line of ed.: 27       რომელ დაიდევ ახალსა საფლავსა და მესამესა დღესა ასდეგ მკუდრეთით,
Line of ed.: 28    შენითა ადგომითა დაჰჴსენ სიკუდილი, დიდებისა მეუფეო,
Line of ed.: 29    გადიდებთ შენ.

Line of ed.: 30       გადიდებთ შენ, მარიამ, კურთხეულო დედაო.


Line of ed.: 31       ცისკრად ფსალმუნი

Line of ed.: 32       აღდეგ, ღმერთო, შემეწიენ ჩუენ ვიდრე სახელისა შენისათჳს
Line of ed.: 33    (ps. 43, 27 Link to psa).


Line of ed.: 34       დასადებელი

Line of ed.: 35       განიღჳძე, რად გძინავს, უფალო? ვიდრე ჩუენ სრულიად
Line of ed.: 36    (ps. 43, 24 Link to psa).

Page of ed.: 506  
Line of ed.: 1       სხუაჲ

Line of ed.: 2       შენ ასდეგ და შეიწყალე სიონი, რამეთუ ჟამი წყალობისა
Line of ed.: 3    მისისაჲ (ps. 101, 14 Link to psa).


Line of ed.: 4       დასადებელი

Line of ed.: 5       უფალო, ისმინე ლოცვისა ჩემისაჲ, და ღაღა (ps. 101, 2 Link to psa).


Line of ed.: 6       [ფსალმუნი]

Line of ed.: 7       განიღჳძე, რად გძინ (ps. 43, 24 Link to psa).


Line of ed.: 8       დასადებელი

Line of ed.: 9       რად გარე-მიიქც (ps. 43, 25 Link to psa).


Line of ed.: 10       სხუაჲ

Line of ed.: 11       ყოველი სული (ps. 150, 6 Link to psa).


Line of ed.: 12       [დასადებელი]

Line of ed.: 13       აქებდით ღმერთსა სიწ (ps. 150, 1 Link to psa).


Line of ed.: 14       სხუაჲ

Line of ed.: 15       სუფევს უფალი უკუნისამდე (ps. 145, 10 Link to psa).


Line of ed.: 16       გარდამოთქუმაჲ

Line of ed.: 17       ანგელოზმან შენმან, უფალო, რომელმან ადგომაჲ შენი ქადაგა,
Line of ed.: 18    მცველნი იგი შეაშინნა, ხოლი დედანი იგი განანათლნა და ჰრქუა:
Line of ed.: 19    რაჲსა ეძიებთ ცხოველსა მას მკუდართა თანა? აღდგა, რამეთუ ღმერთ
Line of ed.: 20    არს და ყოველსა სოფელსა აღდგომაჲ მოანიჭა.

Line of ed.: 21       ოდეს მიისწრაფეს დედათა მათ ცრემლითა საფლავსა შენსა, გეძიებდეს,
Line of ed.: 22    უფალო. ვითარ იხილეს ანგელოზი ნათლისაჲ, მჯდომარჱ
Line of ed.: 23    ლოდსა მას ზედა, შეეშინა, ხოლო მან ჰრქუა: რაჲსა ეძიებთ ცხოველსა
Line of ed.: 24    მას მკუდართა თანა? წარვედით გალობად, ახარეთ მოწაფეთა:
Line of ed.: 25    ადგა ქრისტე მკუდრეთით, წარმოტყუენა ჯოჯოხეთი ძლევითა,
Line of ed.: 26    აღდგომაჲ და ცხორებაჲ ყოველთა მოგუანიჭა.


Line of ed.: 27       [ფსალმუნი]

Line of ed.: 28       წრფელ არს უფალი ღმერთი ჩუენი (ps. 91, 16 Link to psa).


Line of ed.: 29       [დასადებელი]

Line of ed.: 30       უფალი სუფევს (ps. 92, 1 Link to psa).


Line of ed.: 31       აქებდითსა

Line of ed.: 32       ვაქებდეთ ქრისტესა, ქალწულისაგან შობილსა სიტყუასა მამისასა,
Line of ed.: 33    ჯუარსა ზედა დამშჭუალულსა.

Page of ed.: 507  
Line of ed.: 1       ვაქებდეთ ქრისტესა, რომელი ნეფსით საფლავად შევიდა, წარმოტყუენა
Line of ed.: 2    ჯოჯოხეთი ჯუარითა პატიოსნითა.

Line of ed.: 3       მოვიდა უფალი თხემისა ადგილსა, ჯუარცუმაჲ თავს-იდვა, საფლავად
Line of ed.: 4    შევიდა.

Line of ed.: 5       შთახდა უფალი ჯოჯოხეთა, შემოქმედი ყოველთაჲ, ადამისა
Line of ed.: 6    ცთომასა სძლო ადგომითა.

Line of ed.: 7       დგა მარიამ საფლავსა თანა, ტიროდა, ცთომასა მას ევაჲსსა
Line of ed.: 8    ცრემლითა განსწმედდა.

Line of ed.: 9       ადგა უფალი მკუდრეთით და მჴსნელი ჩუენი ქრისტჱ, ადგომითა
Line of ed.: 10    მისითა სოფელი განანათლა.

Line of ed.: 11       აიმსთო მარიამ ხილვად დაბეჭდულსა მას საფლავსა, ნელსაცხებლითა
Line of ed.: 12    და ცრემლითა ეძიებდა გუამსა შენსა, მაცხოვარ.

Line of ed.: 13       ეტყოდა უფალი მაგდანელსა მარიამს: დედაკაცო, რაჲსა სტირ,
Line of ed.: 14    ანუ ვის ეძიებ?

Line of ed.: 15       მიიქცა მარიამ, იხილა რაჲ უფალი, ფერჴთა მისთა შეურდა, ღაღადებით
Line of ed.: 16    იტყოდა: დიდებაჲ ადგომასა შენსა, მაცხოვარ.

Line of ed.: 17       მსთუად მოიღეს ნელსაცხებელი საფლავად წმიდათა მათ
Line of ed.: 18    დედათა.

Line of ed.: 19       მიეწიფნეს კურთხევასა უფლისასა, ჩუენცა ადგომაჲ გუახარეს.

Line of ed.: 20       ასდეგ და ახარე მოციქულთა, ჩუენცა, მჴსნელო, შეგჳწყალენ.

Line of ed.: 21       ღმრთივ შემწყნარებელსა საფლავსა შენსა გცვიდეს ურჩულონი,
Line of ed.: 22    დასისა თანა დაგბეჭდეს, არამედ შენ, უკუდავი ღმერთი და ყოლად
Line of ed.: 23    ძლიერი, ასდეგ მესამესა დღესა.

Line of ed.: 24       ნელსაცხებლის მიმღებელნი დედანი, წადიერებისაგან მისრულნი
Line of ed.: 25    საფლავსა შენსა, მაცხოვარ, გეძიებდეს ადგომილსა მკუდრეთით და
Line of ed.: 26    განმაქარვებელსა ჯოჯოხეთისა ძალისასა.

Line of ed.: 27       ასდეგ საფლავით, ქრისტე ღმერთო ჩუენო, მენელსაცხებლეთა
Line of ed.: 28    დედათა პირველად გამოუჩნდი, გიხაროდენ -- ეტყოდე მათ, რამეთუ
Line of ed.: 29    იჴსენ ევა დარჩილებისაგან.

Line of ed.: 30       მოციქულთა კრებულმან გალილეას გიხილეს შენ, მაცხოვარ, და
Line of ed.: 31    თაყუანის-გცეს, ღაღადებდეს და იტყოდეს: დიდებაჲ ადგომასა
Line of ed.: 32    შენსა.

Line of ed.: 33       ვაქებდეთ ქრისტესა ღმერთსა ყოველთასა, რომელმან მოჰხედა
Line of ed.: 34    მყოფთა ბნელისათა.

Line of ed.: 35       ჯუარითა წმიდითა დათრგუნა სიკუ.

Line of ed.: 36       ადგომილ არს უფალი, ამაღლებულ არს ზეცად, იგი ზის მარჯულ
Line of ed.: 37    მამისა და ჩუენთჳს ჰყოფს წყალობასა.

Page of ed.: 508  
Line of ed.: 1       პეტრე და იოვანე შევიდეს საფლავად, მათ იხილეს უფალი, ადგომილი
Line of ed.: 2    მკუდრეთით.

Line of ed.: 3       გაქებთ შენ, ქრისტე, რომელი ჰურიათა მიერ ჯუარსა დაემშჭუალე
Line of ed.: 4    და განეღო ლახურითა უხრწნელი გუერდი შენი, საფლავსა
Line of ed.: 5    დაიდევ და ასდეგ ცათა მეუფჱ.

Line of ed.: 6       ქრისტე ადგა საფლავით დღეს -- ეტყოდა ანგელოზი მენელსაცხებლეთა
Line of ed.: 7    მათ დედათა -- რომელსა აქებენ ძალნი ცათანი, თქუენ
Line of ed.: 8    რაჲ ეძიებთ აქა მეუფესა მას ცათასა?

Line of ed.: 9       ჴმასა ანგელოზისასა შეიძრა ქუეყანაჲ, ქრისტე, რაჟამს საფლავისაგან
Line of ed.: 10    გამოხუედ. ბრწყინვალებისაგან ნათლისა დაეცნეს მცველნი,
Line of ed.: 11    რომელსა გარემოჲს დგანან მთავარანგელოზნი. შენ ბეჭედთა და
Line of ed.: 12    ლოდმან ვერ დაგაყენა საფლავისაგან ადგომაჲ, ცათა მეუფჱ.

Line of ed.: 13       ადგომასა შენსა, ქრისტე, საფლავით კლდენი განსქდეს და საფლავნი
Line of ed.: 14    აეხუნეს და აღდგეს გუამნი შესუენებულთა წმიდათანი და
Line of ed.: 15    გამოეცხადნეს მრავალთა, რომელსა თაყუანის-გცემენ დასნი ანგელოზთანი.
Line of ed.: 16    შენ მცველთა მათ ვერ დაგაყენეს სამარისაგან ადგომაჲ,
Line of ed.: 17    ცათა მეუფჱ.

Line of ed.: 18       მიისწრაფდეს დედანი ღმრთის მოშიშნი საფლავად ცრემლითა,
Line of ed.: 19    ტიროდეს, ნელსაცხებელი მიეღო შემურვად უხრწნელთა ჴორცთა
Line of ed.: 20    უფლისათა.

Line of ed.: 21       სიხარული ადგომისა შენისაჲ ახარა ანგელოზმან სანატრელთა
Line of ed.: 22    დედათა: უთხართ მოწაფეთა, ნუღარა ხართ თქუენ მწუხარე, აღდგა
Line of ed.: 23    ქრისტე მკუდრეთით.

Line of ed.: 24       წარვიდეს მენელსაცხებლენი დედანი ხარებად მოციქულთა: გიხაროდენ,
Line of ed.: 25    უფალი ადგა მკუდრეთით, რომელმან განანათლა სოფელი.


Line of ed.: 26       შესხმანი წმიდისა ღმრთისმშობლისანი

Line of ed.: 27       გიხაროდენ, საყდარო, საუნჯეო ღმრთისაო, შენ გაქებს ყოველი
Line of ed.: 28    დაბადებული და გადიდებს, რამეთუ შენ მიერ მოემადლა ლხინებაჲ
Line of ed.: 29    სულთა ჩუენთაჲ, რომლისა მიერ ადგა პირველ ქმნული მამაჲ
Line of ed.: 30    ჩუენი, ხისაგან დაცემული შენ მიერ განთავისუფლდა.

Line of ed.: 31       გიხაროდენ, ყოლად ძლიერისა მშუიდობისა საყდარო, გიხაროდენ,
Line of ed.: 32    ყოლად ნათელო, მზისა უბრწყინვალჱსო, გიხაროდენ, მოღუაწეო
Line of ed.: 33    ღმრთისა მიმართ. ყოველთათჳს გიხაროდენ, საუნჯეო წმიდაო
Line of ed.: 34    ღმრთისაო.

Line of ed.: 35       გიხაროდენ, ღმრთისმშობელო, ყოლად წმიდაო ქალწულო, რამეთუ
Line of ed.: 36    შენგან და შენ მიერ, შობითა შენითა, დღეს იხარებენ ყოველნი
Line of ed.: 37    კიდენი, რამეთუ ევაჲს წყევაჲ, პირველ დედისა დედობრივისა ბუნებისაჲ
Line of ed.: 38    წესითა განუქარვე -- ყუედრებაჲ დედათაჲ და მართლმადიდებლობისა
Line of ed.: 39    იგი საზღვარი. ღმრთისმშობელო, შენითა ქალწულებრვე
Page of ed.: 509   Line of ed.: 1    დადგრომითა ცხორებაჲ კაცთა დაუმკჳდრე. ვინ არა გნატრის შენ, რამეთუ
Line of ed.: 2    სანატრელად გამოშჩნდი უფროჲს ყოველთა ნათესავთა? ვინ არა
Line of ed.: 3    გესავს შენ, რამეთუ სასოჲ ხარ ჭირვეულთაჲ და რომელნი გეძიებენ
Line of ed.: 4    შენ, ეპოვი მათ შემწე? ანუ ვინ არა გევედროს შენ, რამეთუ სიკუდილდ
Line of ed.: 5    მიცემულნი იჴსნნი და ტანჯვად განმზადებულთა კადნიერ
Line of ed.: 6    ექმნი მარჯუენით მდგომარისა ძისა შენისასა? სხუაჲ შენებრი არავინ
Line of ed.: 7    გუაქუს მეოხი, გარნა შენ თჳთ, დღჱ და ღამჱ მეოხ გუეყავ შენგან
Line of ed.: 8    შობილისა მიმართ ღმრთისა ცხორებად სულთა ჩუენთათჳს.

Line of ed.: 9       გიხაროდენ, ბჭეო ცათაო და საყდარო მეუფისაო, ტაძარო შემოქმედისა
Line of ed.: 10    ღმრთისაო, ტაკუკო ოქროჲსაო, შეზავებულო ალაბასტრო
Line of ed.: 11    და სულნელო საკუმეველო, წინაწარმეტყუელთა მიერ აღმოცჱნებულო
Line of ed.: 12    და ანგელოზმთავრისა მიერ მოკითხულო, რამეთუ წჳმაჲ სულისა წმიდისა
Line of ed.: 13    მიერ შენ ზედა გარდამოჴდა და ნაყოფიერ ყო ყოველი სოფელი.
Line of ed.: 14    რომელი ცათა შინა კურთხეულ ხარ და ქუეყანასა ზედა იდიდები,
Line of ed.: 15    ზღუდეო შეურყეველო და მტკიცეო, ყოლად წმიდაო ქალწულო
Line of ed.: 16    მარიამ, მეოხ გუეყავ ცხორებად სულთა ჩუენთათჳს.

Line of ed.: 17       სამოთხჱ აღშჱნებული და ხჱ ყუავილ-გარდაფენილი, წინაწარმეტყუელთა
Line of ed.: 18    მიერ ქებული, მამადმთავართა მიერ ქადაგებული
Line of ed.: 19    აღმოსცენდი, ყოლად წმიდაო ღმრთისმშობელო, რამეთუ შენ ტაძარ
Line of ed.: 20    ექმენ სულსა წმიდასა, ცათა დაუტევნელი ღმერთი მუცლად-იღე გიხაროდენითა.
Line of ed.: 21    რომელსა ქერობინნი, ცეცხლის ნივთნი საყდარნი, ჰმსახურებენ,
Line of ed.: 22    ჴორცითა შენგან იშვა და მზჱ სიმართლისაჲ სოფელსა უშევ,
Line of ed.: 23    მეოხ გუეყავ ჩუენ.

Line of ed.: 24       ყოველთა შემოქმედისა ღმრთისა დედაო, უსძლოო, უქორწინებელო,
Line of ed.: 25    უბიწოო ღმრთისმშობელო მარიამ, რამეთუ მეუფჱ მეუფეთაჲ
Line of ed.: 26    და უფალი უფლებათაჲ, სრული კაცებაჲ უქცეველი ღმრთეებითა
Line of ed.: 27    აღმოუცჱნე ნათესავსა კაცთასა, რომელსა აქებენ ანგელოზნი ცათა შინა,
Line of ed.: 28    მთავრობანი და ჴელმწიფებანი თაყუანის-სცემენ. შენ წინაწარმეტყუელთაგან
Line of ed.: 29    იქადაგე და მამადმთავართაგან აღმოსცენდი, ზღუდეო და
Line of ed.: 30    მფარველო სოფლისა, ითხოვე მონიჭებად მშჳდობაჲ სოფელსა და
Line of ed.: 31    სულთა ჩუენთათჳს დიდი წყალობაჲ.

Line of ed.: 32       უხილავთა შემოქმედისა მეუფისა იქმენ დამტევნელ, დაუტევნელისა,
Line of ed.: 33    ქალწულო, რამეთუ ღმერთმან და სიტყუამან ღმრთისამან ჩუენისა
Line of ed.: 34    ცხორებისათჳს შენგან ჴორცთა შესხმაჲ სათნო-იყო, რომელსა
Line of ed.: 35    ანგელოზნი წმიდაარსობით ადიდებენ მაღალთა შინა, მარჯულ მამისა
Line of ed.: 36    მჯდომარესა. ესე შენგან გამოგჳბრწყინდა განმათავისუფლებელი
Line of ed.: 37    სოფლისაჲ და განმანათლებელი ცოდვილთაჲ, შემწყარებელი განწირულთაჲ,
Line of ed.: 38    მისა მიმართ ვედრებად ჩუენთჳს ნუ დასცხრები, ქალწულო
Line of ed.: 39    კურთხეულო, ღმრთისმშობელო მარიამ.

Page of ed.: 510  
Line of ed.: 1       გიხაროდენ, ყოლად წმიდაო ქალწულო, აღშჱნებულო ტაძარო და
Line of ed.: 2    დაურღუეველო ზღუდეო და დაუშრეტელო სანთელო და ყოლადვე
Line of ed.: 3    დაუჭნომელო ყუავილო, რომელი აღმოგაცჱნეს მამადმთავართა და
Line of ed.: 4    შეგაერთეს ქუეყანისაჲ ზეცისათა, რამეთუ ყოველთა შემოქმედმან
Line of ed.: 5    ღმერთმან ცანი, ვითარცა კამარანი, მოდრიკნა და ესე შენდა საშოდ,
Line of ed.: 6    ვითარცა ცუარი ღრუბლად, შევიდა და შენგან რაჲ გამობრწყინდა
Line of ed.: 7    მზჱ იგი სიმართლისაჲ და მიეფინა ნათელი მისი ყოველსა ზედა
Line of ed.: 8    ქუეყანასა. აწ შეგივრდებით, დედაო ქრისტჱსა ღმრთისა ჩუენისაო,
Line of ed.: 9    მეოხო ქრისტიანეთაო, მეოხ გუეყავ ჩუენ.

Line of ed.: 10       აღსარებულ და დიდ არს ქალწულებისა შენისა საიდუმლოჲ, რომელმან
Line of ed.: 11    დაიმკჳდრა შენ თანა უფროჲს ბუნებათა ცნობითა და ზეშთა
Line of ed.: 12    სიტყჳსა დაუსაბამოჲ -- ჟამიერად, და მიუწდომელი საცნაური -- ჴორცითა
Line of ed.: 13    გამობრწყინებულ, და დედაჲ -- შემდგომად შობისა ქალწული. ვინაჲ
Line of ed.: 14    ორკერძოჲთვე, საღმრთოჲთა და კაცობრივითა ბუნებითა ცნობითა
Line of ed.: 15    ენმანუელ -- ჩუენ თანა ღმერთი და კაცი, მისა მიმართ მეოხ
Line of ed.: 16    გუეყავ ჩუენ ცოდვილთათჳს, ყოლად წმიდაო, სახარულევანო.

Line of ed.: 17       ღმრთისმშობელო, ქალწულო მარიამ, შენ გაკურთხევთ, რამეთუ
Line of ed.: 18    შენგან გამოგჳბრწყინდა მაცხოვარი ქრისტე, განმანათლებელი სულთა
Line of ed.: 19    ჩუენთაჲ.

Line of ed.: 20       წმიდაჲ წმიდათაჲ, წმიდაჲ ქალწული მარიამ, ქერობინთა
Line of ed.: 21    მობაძავი და მეოხი სულთა ჩუენთაჲ.

Line of ed.: 22       დიდო ძალო ქერობინთაო, წმიდაო ქალწულო, გამოუთქუმელო
Line of ed.: 23    ნათელო, წინამძღუარო სულთა ჩუენთაო.

Line of ed.: 24       გიხაროდენ, წმიდაო დედოფალო, სანთელი დაუშრეტ.

Line of ed.: 25       ჯუარცუმასა თანა სდეგ ძისა.

Line of ed.: 26       გიხაროდენ, მარიამ, კაცთა სიქად.

Line of ed.: 27       შენგან შობილსა, სახარულევანო, მაცხ.

Line of ed.: 28       შემკული საღმრთოჲთა მით, სძალო უბი.


Line of ed.: 29       სამხრად ფსალმუნი

Line of ed.: 30       გამოაჩინე პირი შენი მონ ვიდრე რამეთუ გხადოდე შენ
Line of ed.: 31    (ps. 30, 17-18 Link to psa).


Line of ed.: 32       დასადებელი

Line of ed.: 33       შენ, უფალო, გესავ, ნუ მრცხ (ps. 30, 2 Link to psa).


Line of ed.: 34       სხუაჲ

Line of ed.: 35       უყუარს წყალობაჲ და სამართ (ps. 32, 5 Link to psa).


Line of ed.: 36       დასადებელი

Line of ed.: 37       რამეთუ მან თქუა და იქმნა, თავადმან (ps. 32, 9 Link to psa).

Page of ed.: 511  
Line of ed.: 1       ალელუაჲ

Line of ed.: 2       წყალობასა და სამართალსა ვიდრე მოხჳდე ჩემდა (ps.
Line of ed.: 3    100, 1-2 Link to psa).


Line of ed.: 4       სხუაჲ

Line of ed.: 5       ღმერთო, შეწევნასა ჩემსა ვიდრე ისწრაფე (ps. 69, 2 Link to psa).


Line of ed.: 7       სხუაჲ

Line of ed.: 8       მოვედით, უგალობდეთ უფალსა, ვღაღ (ps. 94, 1 Link to psa).


Line of ed.: 9       ჴელთაბანისაჲ

Line of ed.: 10       ცხოველს-მყოფელსა და უჴრწნელსა ადგომასა ქრისტესსა, მოვედით,
Line of ed.: 11    მორწმუნენო, ეკლესიასა წმიდათასა, ერთობით ყოველნი ღმრთივ
Line of ed.: 12    შუენიერსა გალობასა ვიტყოდით: რომელმან ჰქმენ ცხორებაჲ შორის
Line of ed.: 13    ქუეყანასა, ღმერთო, ადგომითა და განანათლე სოფელი, დიდებაჲ
Line of ed.: 14    შენდა.

Line of ed.: 15       ცხოველს-მყოფელსა ჯუარსა შენსა თაყუანის-ვსცემთ, უფალო,
Line of ed.: 16    რომლითა შეჰმუსრე ჯოჯოხეთი და სიკუდილი დასთრგუნე, ქველისმოქმედ,
Line of ed.: 17    აღმომიყვანენ ჩუენ ბნელისაგან და აჩრდილთაგან სიკუდილისათა
Line of ed.: 18    და საკრველნი ჩუენნი განჰხეთქენ ღმრთეებითა, გჳჩუენე
Line of ed.: 19    ჩუენ ადგომაჲ და ცხორებაჲ საუკუნოჲ და პირველი ნეტარებაჲ.

Line of ed.: 20       დღეს ჯოჯოხეთი იწროებით ღაღადებდა: უმჯობჱს იყო ჩემდა,
Line of ed.: 21    თუმცა მარიამისაგან შობილი მე არა განმერისხა, რამეთუ მოვიდა
Line of ed.: 22    ჩემდა და ყოველი ძალი ჩემი დაჴსნა, ბჭენი რვალისანი შემუსრნა,
Line of ed.: 23    სულნი, რომელ მქონდეს, ღმერთი იყო, აღადგინნა. დიდებაჲ ძალსა
Line of ed.: 24    შენსა და ადგომასა შენსა, მაცხოვარ.


Line of ed.: 25       სიწმიდისაჲ

Line of ed.: 26       ანგელოზთა ერნი შენდა დიდებასა შესწირვენ, ალელუჲა, რომელმან
Line of ed.: 27    აცხოვნენ ძენი კაცთანი, ალელუჲა, და ჩუენ, ქუეყანისანი,
Line of ed.: 28    ჴსნილნი საცთურისაგან, ვითარცა ერთისა პირითა ვიტყჳთ: ალელუაჲ,
Line of ed.: 29    წმიდა ხარ, წმიდა ხარ, წმიდა ხარ შენ, უფალო, დიდებაჲ
Line of ed.: 30    მამასა და ძესა და წმიდასა სულსა.

Line of ed.: 31       მჴედრობაჲ ანგელოზთაჲ გიგალობს შენ, რომელი განისუენებ
Line of ed.: 32    ეტლთა ქერობინთა, ბანაკი წმიდათაჲ გაკურთხევს შენ, რომელი
Page of ed.: 512   Line of ed.: 1    მოსცემ მიწევნასა ძეთა კაცთასა, რომელნი გიგალობენ შენ, უხილავსა
Line of ed.: 2    და ჭეშმარიტსა ღმერთსა, ქერაბინნი და სერაბინნი დაუცხრომელად
Line of ed.: 3    ღაღადებენ და იტყჳან: წმიდა ხარ, წმიდა ხარ, წმიდა ხარ, სამებაო
Line of ed.: 4    წმიდაო, დიდებაჲ შენდა.

Line of ed.: 5       იხარებს ბანაკი ანგელოზთაჲ და იშუებენ ცანი ძალითურთ და ქუეყანაჲ
Line of ed.: 6    თანა დაბადებულითურთ ღაღადებენ მაცხოვრისა ჩუენისა ადგომასა.
Line of ed.: 7    ქერაბინთა თანა მსხუერპლსა ქებისასა შევსწირავთ, სერაბინთა
Line of ed.: 8    თანა დაუცხრომელად ვიტყჳთ: წმიდა ხარ, წმიდა ხარ, წმიდა
Line of ed.: 9    ხარ, შენ, უფალო, დიდებაჲ შენდა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.