TITUS
Physiologus
Part No. 21
Previous part

Chapter: 21  
ի՜ա [in margine]


Paragraph: 1     Երեմիաս ասէ. "Ձայն արար կաքաւն, ժողովեաց զձագսն, զոր ոչ էր իւր ծնեալ, եւ գործեաց իւր մեծութիւն. կէսաւուր թողին զնա, եւ ի վախճանի իւրում անմիտ լիցի" (cf. Link to armatJer. 17:11)։
Paragraph: 2     Բարոյախաւսն ասէ զկաքաւէ, թէ զայլոյ ձուս թխէ եւ ձագս հանէ։
Paragraph: 3     Քանզի զաւտարին ձուս գողանայ եւ յիւր բունն տանի. եւ մինչ չկարէ հանդարտել թխոյն վասն բազում ձագուցն, երթայ կուտէ խռիւ ինչ եւ թոյլ տայ, որ ցամաքի. եւ այնպէս խռուովն հանդերձ թխէ։
Paragraph: 4     Իսկ յորժամ աճեն ձագքն, եւ թռչի(ն) յիւրաքանչիւր յազգսն, երթան առ իւրաքանչիւր ծնաւղսն. եւ զնա միայն իբրեւ զանմիտ լքանեն։ [ Manuscript page: 79r  ]
Paragraph: 5     Նոյնպէս եւ սատանայ յափշտակէ զազգս մարդկան խորամանկութեամբ ի տղայութեան։
Paragraph: 6     Իբրեւ ի չափ հասակի հասանեն, զերկնաւոր ծնողսն ճանաչիցեն, այսինքն՝ զՔրիստոս եւ զեկեղեցի,
Paragraph: 7     եւ զնա որպէս զանմիտ թողուցուն։
Paragraph: 8     Այսաւր եթէ պոռնիկ եւ շնացօղ իցես, եւ վաղիւ ցած եւ արդար եղիցիս եւ եթէ փախեար զերծար յանիրաւ կաքաւէն, եւ (ե)կեր առ առաջին ծնաւղսն քո՝ առ մարգարէս եւ առաքեալսն եւ առ արդարն առաքինիս։
Paragraph: 9     Բարւոք ասաց բարոյախաւսն վասն կաքաւոյն։



Next part


This text is part of the TITUS edition of Physiologus.

Copyright TITUS Project, Frankfurt a/M, 1.6.2016. No parts of this document may be republished in any form without prior permission by the copyright holder.