TITUS
Vetus testamentum iberice: Canticum (red. G)
Part No. 7
Previous part

Chapter: 7 
7


Verse: 1  Link to oskijerLink to mcatLink to bakaratLink to sept   მოაქციე, მოაქციე, სოილამიტი, მოაქციე, მოაქციე და ვიხილოთ მავალი შენდა ბანაკისა მწყობრთაებრ.

Verse: 2  Link to oskijerLink to mcatLink to bakaratLink to sept   რაჲსა განშუენდეს კუალნი შენნი სანდლითა, ამინადაბის ასულნო, და სიკეთე წყვილთა მათ შენთაჲ ემსგავსა მელევანდთა, რომელნი-იგი გამოქმნეს ჴელოვანთა.

Verse: 3  Link to oskijerLink to mcatLink to bakaratLink to sept   და უპე შენი ტაკუკ წახნაგებულ არს, უნაკლულო არს იგი ზავებულთაგან; ხოლო მუცელი შენი - ხუავი იფქლისაჲ, გარემოცული შროშანთა ფერებითა;

Verse: 4  Link to oskijerLink to mcatLink to bakaratLink to sept   ორნი ძუძუნი შენნი - ორნი თიკანნი, რომელნი ერთგზის იმარჩბივნა ქურციკმან;

Verse: 5  Link to oskijerLink to mcatLink to bakaratLink to sept   კისერი შენი - გოდოლი პილოჲსძუალისაჲ, და თუალნი შენნი - ესებონისა ტბანი, ცხჳრნი - ვითარცა თაკუკნი სულნელთანი, გოდოლი ლიბანის პირისპირ დამასკისა;

Verse: 6  Link to oskijerLink to mcatLink to bakaratLink to sept   და თავი შენი - ვითარცა-რაჲ კარმელი, ხოლო ნათხზენნი ჰგვანან პორფირისფერსა, მეფე შემკული თანაწარმვლელთა შორის.

Verse: 7  Link to oskijerLink to mcatLink to bakaratLink to sept   რაბამ განჰშუენდი და რაბამ რაჲმე დასტკბენ, სატრფიალოჲ არს შუებათა შინა შენთა!

Verse: 8  Link to oskijerLink to mcatLink to bakaratLink to sept   სიმაღლე შენი მიემსგავსა ფინიკსა, ხოლო ძუძუნი შენნი - ტევანთა მისთა,

Verse: 9  Link to oskijerLink to mcatLink to bakaratLink to sept   ვთქუ: აღვჴდე მისსა და უპყრნე ტევანნი მისნი, ძუძუნი შენნი იყვნეს ვენაჴის ტევნებრ და ცხჳრთა შენთა სულნელნი მტუერ მიჰრონთა.

Verse: 10  Link to oskijerLink to mcatLink to bakaratLink to sept   სასაჲ - ვითარცა ღჳნოჲ სულნელკეთილი, მო-რაჲ-ვიდოდა ჩემდა დისწული ჩემი, ბაგე- კბილებსა კმა-ეყო სიწრფოებაჲ.

Verse: 11  Link to oskijerLink to mcatLink to bakaratLink to sept   მიქცევაჲ ჩემი - დისწულისა ჩემისა და კუალად მისი მოქცევაჲ ჩემდა მომართ,

Verse: 12  Link to oskijerLink to mcatLink to bakaratLink to sept   მოვედ, დისწულო ჩემო, და განვიდეთ ჩუენ აგარაკებად, ვიქცეოდით დაბნებთა;

Verse: 13  Link to oskijerLink to mcatLink to bakaratLink to sept   ვიმსთოთ ვენაჴთა შორის ყუავილისმზრდელთა და მოვიხილოთ, უკუეთუ ყუავის იგი, აღყუავილნა თუ ბუტკოვანებაჲ მისი, უკუეთუ წითლად ყუავიან ბროწეულნი, მუნ მიგანიჭნე ტკბილად ძუძუნი ჩემნი.

Verse: 14  Link to oskijerLink to mcatLink to bakaratLink to sept   მანდრაგორებთა შენთა ფშუჱს სულნელებაჲ და კართა ზედა ხეთა მწუერვალნი, ახალნი ძუელთა თანა დაგიმარხნე შენ, დისწულო ჩემო.


Verse: 1V    მუაქციე A.
Verse: 2V    ჴელუვანთა A.
Verse: 13V    ბუტკუვან A.
Verse: 14V    მანდრაგორებთა A.



Next part


This text is part of the TITUS edition of Vetus testamentum iberice: Canticum (red. G).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.