TITUS
Vetus testamentum iberice: Canticum (red. G)
Part No. 6
Previous part

Chapter: 6 
6


Verse: 1  Link to oskijerLink to mcatLink to bakaratLink to sept   შთავიდა ჩემი დისწული მტილსა თჳსსა ფიალთა მიმართ მენელსაცხებლეთასა მწყსად მტილთა შორის და შეკრებად შროშანთა.

Verse: 2  Link to oskijerLink to mcatLink to bakaratLink to sept   დისწული ჩემი ჩემდა და მე - მისდამი, რომელი-იგი მწყსის შროშანთა მტილსა შორის,

Verse: 3  Link to oskijerLink to mcatLink to bakaratLink to sept   შუენიერ ჩემი მახლობელი, ვითარცა სათნოებაჲ, და შუენიერ, ვითარცა-რაჲ მთაჲ სიონისაჲ, და საკჳრველ, ვითარცა განწესებული, ფრიად სჯულკეთილობით.

Verse: 4  Link to oskijerLink to mcatLink to bakaratLink to sept   აქციენ თუალნი შენნი მტერთა ჩემთაგან, რაჲთა მათ შემიმზადნეს მე ფრთენი, თმანი თავისა შენისანი _ კოლტ თხათა, რომელნი-იგი აღმოჴდეს გალადით;

Verse: 5  Link to oskijerLink to mcatLink to bakaratLink to sept   კბილნი - ვითარცა კოლტები მორისულთაჲ, რომელნი აწ აღმოვლენ საბანელით, მარჩბივთმსხმელ ზოგად არიან ყოველნივე და უშვილობასა ვერვინ ჰპოებს მათ თანა;

Verse: 6  Link to oskijerLink to mcatLink to bakaratLink to sept   ბაგენი შენნი - საბელ ძოწეულისა, ხოლო უბნობაჲ შენი - შუენიერ რაბამ, მროწეულისა ნაქურცენსა მიმსგავსებულ შუანი შენნი გარეშე დუმილისა.

Verse: 7  Link to oskijerLink to mcatLink to bakaratLink to sept   ექუსგზის სამეოც არიან დედუფალნი, ოთხმეოც - ხარჭნი, ქალწულნი - ურიცხუველ.

Verse: 8  Link to oskijerLink to mcatLink to bakaratLink to sept   ერთ არს ტრედი და შუენიერი ჩემი, ერთ არს იგი მშობელისა მისისაჲ, გამორჩეული არს დედისა თჳსისაჲ, იხილეს იგი ასულთა და ჰნატრიან, და დედუფალთა და ხარჭთა აქეს იგი.

Verse: 9  Link to oskijerLink to mcatLink to bakaratLink to sept   ვინ არს, რომელი აღმოიჭჳრობს, ცისკრებად და შუენიერ არს, ვითარცა-რაჲ მთოვარე, ხოლო ელვარე, ვითარცა მზე, რჩეულ, საკჳრველ, ვითარ განწესებულებანი?

Verse: 10  Link to oskijerLink to mcatLink to bakaratLink to sept   შთავედ შენ მტილსა შინა ნიგზოვანთასა, რაჲთა იხილო მუნ ნაშობი ღურისაჲ, ხილვად, უკუეთუ ყუავილოის ვენაჴი, და აღყუავილნეს მას შინა ბროწეულნი. მუნ მოგცნე ჩემნი ძუძუნი წადიერად.

Verse: 11  Link to oskijerLink to mcatLink to bakaratLink to sept   არამედ სულმან ჩემმან ვერ აგრძნა ესე. ამინადაბის ეტლად დამაწესა მე.


Verse: 10V    მთევარე A.




Next part


This text is part of the TITUS edition of Vetus testamentum iberice: Canticum (red. G).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.