წმიდა ყო საყოფე{ლი}.
უფალი ძალთა ჩუენთანა ჴე{ლის}.
) მრავალთა დედათა. მოი{გეს}.
აგჳსტოს: იე :
უკუ{ე}თუ
Ms. page: P7R უკუეთუ განსრულებაჲ იგი ლევიტელთაგან მღდელობისაჲ იყო, რამეთუ ერი იგი მას ზედა შჯულდებულ არს, რაჲღა საჴმარ იყო წესსა მას ზედა მელქიზედეკისსა სხუაჲ აღდგინებად მღდელი და არა წესსა მას ზედა აჰრონისსა თქუმად?
რამეთუ ცვალებასა თანა მღდელობისასა ჩას, რამეთუ შჯულისაცა ცვალებაჲ იყოს,
რომელსაცა ზედა თქუმულ არს ესე სხჳსა ნათესავისამან დაიპყრას, რომლისაგანი არასადა საკურთხეველსა წარდგომილ იყო.
წინაჲსწარ ჩას, რამეთუ იუდაჲს ნათესავისაგან აღმოგჳცენდა ჩუენ უფალი, რომლისაჲ არარაჲ აჴსენა მოსემან,
უკუეთუ, მსგავსად მელქიზედეკისა, აღდგეს სხუაჲ მღდელთმოძღუარი,
რომელი არა შჯულისა მისებრ მცნებისა ჴორციელისა იყოს, არამედ ძალისა მისებრ ცხოვრებისა წარუვალისა.
რამეთუ ეწამების: შენ ხარ მღდელ უკუნისადმდე წესსა მას ზედა მელქიზედეკისსა.
რამეთუ შეურაცხ იქმნების პირველი მცნებაჲ უძრულებისა მისთჳს და ურგებისა,
რამეთუ არარაჲ სრული საქმჱ ქმნა შჯულმან, რამეთუ შემოსლვაჲ უმჯობჱსი სასოებისაჲ, რომლისაგან მივეახლენით ღმერთსა.
ჰრქუა უფალმან უფალსა ჩემსა
და იყო რაჲ
Ms. page: P7R და იყო რაჲ იესუ ათორმეტის წლის, აღმოვიდეს იგინი იერუსალჱმდ, ვითარცა ჩუეულ იყვნეს იგინი, დღესასწაულსა მას.
და აღასრულნეს დღენი იგი, და დასლვასა მათსა დაშთა ყრმაჲ იგი იესუ იერუსალჱმს, და არა უწყოდეს მამა-დედათა მისთა,
ჰგონებდეს მისა, ვითარმედ მოგ\ზაურთა Ms. page: P7V თანა არს. და მოვიდეს დღესა ერთსა გზასა ზედა და ეძიებდეს მას ...
და იყო, შემდგომად სამისა დღისა პოვეს იგი ტაძარსა შინა მჯდომარჱ შორის მღდელთ-მოძღუართა, და ისმენდა მათსა და ჰკითხვიდა მათ.
და განუკჳრდებოდა მათ ყოველთა, რომელთა ესმოდა გულისხმის-ყოფაჲ იგი მისი და სიტყჳს-მიგებაჲ.
და იხილეს იგი და დაუკჳრდა. და ჰრქუა დედამან მისმან: შვილო, რაჲ ესე მიყავ ჩუენ? აჰა ესერა მე და მამაჲ შენი გეძიებთ შენ.
ხოლო მან ჰრქუა მათ: რაჲსა მეძიებთ მე? არა უწყითა, რამეთუ მამისა ჩემისა თანა ჯერ-არს ყოფაჲ ჩემი?
ხოლო მათ ვერ გულისხმა-ყვეს სიტყუაჲ იგი, რომელი ჰრქუა მათ იესუ.
და წარვიდა მათ თანა და მოვიდა ნაზარეთა და იყო დამორჩილებულ მათა. ხოლო დედასა მისსა დაემარხნეს ყოველნი ესე სიტყუანი გულსა თჳსსა.
ხოლო იესუ წარემატებოდა სიბრძნითა და ასაკითა და მადლითა წინაშე ღმრთისა და კაცთა.
