შევსცეთი მე ვითარცა
ნაწილი ჩემი ხარ:
უმჯობჱს არს
Ms. page: P56V უმჯობჱს არს სიბრძნჱ ანთრაკთა პატიოსანთა, ყოველივე პატიოსნებაჲ ვერ არს მისა ღირს.
Ms. page: P57R მე, სიბრძნემან, დავიმკჳდრე მეცნიერებაჲ, ზრახვასა და გონიერებასა მივხედე.
შიშსა უფლისასა სძულს უკეთურებაჲ; გინებაჲ და ანპარტავანებაჲ და ზრახვაჲ უკეთურთაჲ, გულარძნილნი ალაგნი მოვიძულენ.
ჩემი არს ზრახვაჲ, ჩემი არს კრძალულებაჲ, ჩემი არს გონიერებაჲ, ჩემი არს ძალი.
ჩემ მიერ მეფენი მეფობენ, რძიელნი წერენ სიმართლესა.
ჩემ მიერ რძიელნი განდიდნებიან, ჩემ გამო იპყრობენ ქუეყანასა.
მე მოყუარენი ჩემნი მიყუარან, და რომელნი მეძიებენ, მპოონ.
უმჯობჱს არს ჩემი მოგებაჲ უფროჲს ოქროჲსა და ანთრაკისა პატიოსნისა, ხოლო სიტყუანი ჩემნი -- უფროჲს ოქროჲსა და ვეცხლისა.
გზათა სიმართლისათა ვალ და შორის ალაგთა მართალთა ვიქცევი.
რაჲთა განუყო მოყუარეთა ჩემთა ნაყოფი და საუნჯენი მათნი აღვავსნე კეთილითა. უკუეთუ გითხრობდე თქუენ დღითი დღე, რაოდენნი იქმნებიან, მოიჴსენო საუკუნითგან აღრაცხად.
Ms. page: P57R ვინ არს, ვითარ, უფალო, შენ? დიდ ხარ და დიდ არს სახლი შენი ძალითა.
ვის არა ეშინოდის შენგან, მეუფეო წარმართთაო? რამეთუ შენნი არიან; რამეთუ ყოველთა შორის ბრძენთა წარმართთასა და ყოველთა შორის მეფეთა მათთა ვინ არს, ვითარ შენ, უფალო?
რამეთუ ერთგზის აღეგზენ და მოუძრულდენ, გულნი უმანკოთანი ძელი არს.
ვეცხლი გამოჭედილი და ოქროჲ ოფაზი, ქმნული ხუროთაჲ, ყოველი ჴელთა ოქროჲსმჭედლისათა: იაკინთჱ და ძოწეული სამოსლად მათა.
ხოლო უფალი ღმერთი ჩუენი ჭეშმარიტ არს, ცხოველი ღმერთი და მეუფჱ საუკუნჱ.
გლოცავ
Ms. page: P57V გლოცავ, ძმანო, მოწყალებითა ღმრთისაჲთა, წარუდგინენით ჴორცნი ეგე თქუენნი მსხუერპლად ცხოველად სათნოდ ღმერთსა მეტყუელი ეგე მსახურებაჲ თქუენი.
და ნუ თანახატ ექმნებით სოფელსა ამას, არამედ მიიცვალენით განახლებითა გონებისა თქუენისაჲთა, რაჲთა გამოიცადოთ თქუენ, რაჲ-იგი არს ნებაჲ ღმრთისაჲ: კეთილი, სათნოჲ და სრული.
რამეთუ ვიტყჳ მადლითა მით, რომელ-იგი მოცემულ არს ჩუენ ყოველთა, ვინცა-იგი არს: ნუ უფროჲს ბრძნობნ უმეტჱს ჯერისა მის, არამედ ბრძნობდინ კაცად-კაცადი სიწმიდესა, ვითარცა ღმერთმან განუყო საზომითა მით სარწმუნოებისაჲთა.
ვითარცა-იგი ერთსა მას გუამსა მრავალ ასოებ აქუს, ხოლო ასოებსა მას ყოველსა არა იგივე საქმჱ აქუს.
ეგრევე ჩუენ ყოველნი ერთგუამ ვართ ქრისტე იესუჲს მიერ, ხოლო თითოეული ურთიერთას ასოებ ვართ.
მიგეახლენ ლოცვაჲ:
და იყვნეს ყოველნი
Ms. page: P57V და იყვნეს ყოველნი მეზუერენი და ცოდვილნი მახლობელად იესუჲსა და ისმენდეს მისსა.
და დრტჳნვიდეს ფარისეველნი და მწიგნობარნი და იტყოდეს, ვითარმედ: ესე ცოდვილთა შეიწყნარებს, ჭამს და სუამს მათ თანა.
და ეტყოდა მათ იგავსა და ჰრქუა მათ:
ვის თქუენგანსა ედგას ასი ცხოვარი და წარუწყმდეს მას ერთი მათგანი, არა-მე დაუტევნესა ოთხმეოც და ცხრამეტნი იგი უდაბნოსა ზედა და წარვიდეს წარწყმედულისა მისთჳს, ვიდრემდის პოს იგი?
და პოოს რაჲ იგი, აისუას მჴართა თჳსთა ზედა სიხარულით:
და მოვიდის იგი სახიდ და მოუწოდის მეგობართა და მოძმეთა თჳსთა და ჰრქუას მათ: ჩემ თანა გიხაროდენ, რამეთუ ვპოვე ცხოვარი იგი ჩემი წარწყმედული.
გეტყჳ თქუენ: ეგრეჱთ იყოს სიხარული ცათა შინა ერთისათჳს ცოდ\ვილისა, Ms. page: P58R რომელმან შეინანოს, ვიდრე-ღა [არა] ოთხმეოც და ცხრამეტთა მართალთა, რომელთა არა უჴმს სინანული.
გინა დედაკაცსა რომელსა აქუნდეს ათი სატირი და წარუწყმდეს ერთი სატირი, არა-მე აღანთოსა სანთელი და მოჰმართოს სახლი და ეძიებდეს გულს-მოდგინედ, ვიდრემდის პოოს იგი?
და პოოს რაჲ, მოუწოდის მეგობართა და მოძმეთა თჳსთა და ჰრქუას მათ: ჩემთანა გიხაროდენ, რამეთუ ვპოვე სატირი იგი, რომელ წარმიწყმდა.
გეტყჳ თქუენ: ესრჱთ იყოს სიხარული ცათა შინა წინაშე ანგელოზთა ღმრთისათა ერთსა ზედა ცოდვილსა, რომელმან შეინანოს.
) ცოდვანი ჩემნი უგულებ{ელს-ყვენ}.
) რომელნი ქერობინთა საიდო{ჳმლოსა}.
) ვისწრაფოთ ერნო წი{ნა-განსაზღვრად}
მოხედა ლოცვასა ვიდრე მათი:.
უფალო ისმინე ლოც{ვისა}:
