TITUS
Epistulae Pauli georgice (AB)
Part No. 51
Previous part

Chapter: 6  
6


Verse: 1   Link to pavlecd Link to gnt   ძმანო, უკუეთუ ვინმე დაეპყრას კაცი რომელსამე ბრალსა, თქუენ, სულიერთა მაგათ, დაამტკიცეთ ეგევითარი იგი სულითა მით მშჳდობისაჲთა; ეკრძალე თავსა შენსა, ნუუკუე შენცა განიცადო.

Verse: 1V     -იგი] -- D.


Verse: 2   Link to pavlecd Link to gnt   ურთიერთასი სიმძიმჱ იტჳრთეთ და ესრჱთ აღასრულეთ შჯული ქრისტჱსი.

Verse: 2V     ურთიერთას E, ესრეთ BE, შჯული] + იგი BDE, ქრისტესი BE.


Verse: 3   Link to pavlecd Link to gnt   უკუეთუ ვისმე ეგონოს რაჲმე თავი თჳსი, და იგი არარაჲ იყოს, Ms. page: A114V  აცთუნებს იგი თავსა თჳსსა.

Verse: 3V     თავი თჳსი რაჲმე G, იგი (2)] -- E.


Verse: 4   Link to pavlecd Link to gnt   არამედ საქმენი თჳსნი გამოიცადენინ კაცად-კაცადმან, და მაშინ თავსა შინა ხოლო თჳსსა ქებაჲ იგი აქუნდინ და ნუ მოყუსისა მიმართ,

Verse: 4V     გამოიცადენით G, მაშინ] + ღა D, შინა თჳსსა ზოლო G, ხოლო თჳსსა შინა დ, ქებაჲ აქუნდინ თავსა ხოლო თჳსსა E.


Verse: 5   Link to pavlecd Link to gnt   რამეთუ კაცად-კაცადსა თჳსი ტჳრთი უტჳრთავს.


Verse: 6   Link to pavlecd Link to gnt   ეზიარებოდენ უმეცარი იგი სიტყუასა მას მასწავლელისასა ყოველსა შინა კეთილსა.

Verse: 6V     სიტყჳასა E.


Verse: 7   Link to pavlecd Link to gnt   ნუ სცთებით, ღმერთი არავისგან შეურაცხ-იქმნების. რაჲცა სთესოს კაცმან, იგიცა მოიმკოს.


Verse: 8   Link to pavlecd Link to gnt   რამეთუ რომელმან სთესოს ჴორცთა შინა თჳსთა, ჴორცთაცა შინა თჳსთა მოიმკოს ხრწნილებაჲ; ხოლო რომელმან სთესოს სულითა, სულისაგანცა მოიმკოს ცხოვრებაჲ საუკუნჱ.

Verse: 8V     რამეთუ] ხოლო G, შინა] + შინა G, ჴორცთა BE, შინა (2)] + ცა G, ჴორცთაცა შინა] -- D, თჳსთა] -- GD, სულსა სულისაგან BE + ცა D, ცხორებაჲ BDE, საუკუნოჲ BDE.


Verse: 9   Link to pavlecd Link to gnt   ხოლო კეთილისა საქმჱ ნუმცა გუეწყინების, რამეთუ ჟამსა თჳსსა მოვიმკოთ, და ნუმცა დავჰჴსნდებით.

Verse: 9V     კეთილისა] კეთილ არს D, საქმე G, ნუმცა] + უკუე E, გუეწყინებინ B, გეწყინების DE, დავჴსნდებით G.


Verse: 10   Link to pavlecd Link to gnt   აწ უკუე, ვიდრე ჟამი გუაქუს-ღა, ვიქმოდით კეთილსა ყოველთა მიმართ, უფროჲს ხოლო სახლეულთა მათ მიმართ სარწმუნოებისათა.

Verse: 10V     მაქუს-ღა G, ყოველთა] + ვე DE, მიმართ (2)] -- AG.



Part: 12  
Verse: h1  
თავი ი̂ბ


Verse: 11   Link to pavlecd Link to gnt   Ms. page: A115R  აწ იხილეთ, რაოდენი წიგნები მივწერე ჴელითა ჩემითა თქუენდა.

Verse: 11V     რავდენი BGDE, თქუენდა ჴელითა ჩემითა BDE.


Verse: 12   Link to pavlecd Link to gnt   რომელთა-იგი ჰნებავს პირ-შუენიერებაჲ ჴორცითა, იგინი გაიძულებენ თქუენ წინადაცუეთასა, გარნა რაჲთა ჯუარსა ქრისტჱსსა არა შეუდგენ.

Verse: 12V     პირ-შუენიერებაჲ, D, თქუენ] -- E, წინადაცუეთად B, ქრისტესსა B, ქრისტჱსა G, ქრისტესა E, შეუდგეთ E.


Verse: 13   Link to pavlecd Link to gnt   არცაღა იგინი თჳთ წინადაცუეთილნი შჯულსა იმარხვენ, არამედ ჰნებავს თქუენი წინადაცუეთაჲ, რაჲთა თქუენითა მით ჴორცითა იქადოდიან;

Verse: 13V     თჳთ] -- D, თჳთ იგი E.


Verse: 14   Link to pavlecd Link to gnt   ხოლო ჩემდა ნუ იყოფინ სიქადულ, გარნა ჯუარითა უფლისა ჩუენისა იესუ ქრისტჱსითა, რომლისათჳს სოფელი ჩემდამო ჯუარს-ცუმულ არს და მე -- სოფლისა.

Verse: 14V     ქრისტესითა BD, ჯუარ-ცუმულ BGDE.


Verse: 15   Link to pavlecd Link to gnt   ამიერითგან არცა წინადაცუეთილებაჲ რაჲ არს, არცა წინადაუცუეთილებაჲ, არამედ ახალი დაბადებული.1

Verse: 15V     ამიერითგან] -- B, და არცა GD.

Verse: 15-1N     მითითებაა G-ში: ი̂ა მოსეს საიდუმლოჲსაგან.


Verse: 16   Link to pavlecd Link to gnt   და რომელნი წესსა მას ზედა ეგნენ, მშჳდობაჲ მათ ზედა და წყალობაჲ ისრაჱლსა ზედა ღმრთისასა.


Verse: 17   Link to pavlecd Link to gnt   ამიერითგან შურომასა ნუვინ შემამთხუევნ მე; რამეთუ მე ვნებანი იგი უფლისა ჩუენისა იესუ ქრისტჱსნი ჴორცთა შინა ჩემთა მიტჳრთვან.

Verse: 17V     შრომასა BGDE, შემამთხუევს G, მე (2)] -- E, ვნებანი] ტანჯვანი BE, ქრისტესნი BD, მიტჳრთვ(რთვ)ან G.


Verse: 18   Link to pavlecd Link to gnt   მადლი უფლისა ჩუენისა იესუ ქრისტჱსი სულისა თქუენისა თანა, ძმანო. ამენ.

Verse: 18V     ქრისტესი BD, თანა] + იყავნ D, ამჱნ GD. (დასას.) პავლჱ B, პავლჱ G, მიწერა G, ჰრომეთ BG, მუჴლი ს̂ჟგ] -- D.


Verse: col     პავლე მოციქულისა წიგნი გალატელთა მიმართ მიიწერა ჰრმოჱთ. მუჴლი ს̂ჟგ.1

Verse: colN     E-s აკლია მე-18 მუხლი და დასასრული.





Ms. page: A115V 
Next part


This text is part of the TITUS edition of Epistulae Pauli georgice (AB).

Copyright TITUS Project, Frankfurt a/M, 3.4.2021. No parts of this document may be republished in any form without prior permission by the copyright holder.