TITUS
Biblia Udica, Versio Nizhensis: Novum Testamentum
Part No. 77
Previous part

Chapter: 9 

Ḳać̣i amdari q̇olaybaksun
K'ač'i amdari q'olaybaksun


Verse: 1  Link to udintLink to armntLink to ntkpl Sa ġi Isusen yaq̇en taġaṭan sa amdare aḳi. Ṭe amdar nanaxun ḳać̣ine bakey.
   Sa ği İsusen yaq'en tağat'an sa amdare ak'i. T'e amdar nanaxun k'ač'ine bakey.

Verse: 2  Link to udintLink to armntLink to ntkpl Iz šagirdxon Isusaxun xavarṭun haq̇i: "Ravvi, šina günax äšpesṭe ki, me amdar ḳać̣ine nanaxun bake: ičin, yoxsa iz nana-bavan?"
   İz şagirdxon İsusaxun xavart'un haq'i: "Ravvi, şina günax əşpest'e ki, me amdar k'ač'ine nanaxun bake: için, yoxsa iz nana-bavan?"

Verse: 3  Link to udintLink to armntLink to ntkpl Isusen ǯoġabe tadi: "Mo nä me amdari äšṗesṭi günaxa göräne bake, nä iz nana-bavay äšṗesṭi günaxa görä. Mo Buxaʒ́uġoy äšurxo me amdari yäšäyinšasṭa ćoyelq̇an č̣eri pine bake.
   İsusen coğabe tadi: "Mo nə me amdari əşp'est'i günaxa görəne bake, nə iz nana-bavay əşp'est'i günaxa görə. Mo Buxačuğoy əşurxo me amdari yəşəyinşast'a ç̌oyelq'an c'eri pine bake.

Verse: 4  Link to udintLink to armntLink to ntkpl Heq̇ädär ki ġenaxune, Za Yaq̇abiṭay äšurxo balayan. Samal oša bayinq̇ bakale, ṭe vädä šuḳḳalen äšṗes tene bakon.
   Heq'ədər ki ğenaxune, Za Yaq'abit'ay əşurxo balayan. Samal oşa bayinq' bakale, t'e vədə şuk'k'alen əşp'es tene bakon.

Verse: 5  Link to udintLink to armntLink to ntkpl Heq̇ädär ki Zu dünyänezu, Zu \ dünyäni išiġzu". *
   Heq'ədər ki Zu dünyənezu, Zu \ dünyəni işiğzu". *

Verse: 6  Link to udintLink to armntLink to ntkpl Me äyitmoġo piṭuxun oša Isusen oq̇a ćupi, ṭe ćupuna ḳulaxun gärbi oć̣ine düzbi. Oša ṭe oć̣ina ḳać̣i amdari piyel ladi
   Me əyitmoğo pit'uxun oşa İsusen oq'a ç̌upi, t'e ç̌upuna k'ulaxun gərbi oč'ine düzbi. Oşa t'e oč'ina k'ač'i amdari piyel ladi

Verse: 7  Link to udintLink to armntLink to ntkpl pine: "Taki, Siloam hovuza vi ćoya oc̣ḳa". ("Siloam" - "yaq̇abakiyo" upsune.) Šoṭinal taci iz ćoya oc̣eḳi, qaybakaṭan isä iz pulmoġon ene aneksay.
   pine: "Taki, Siloam hovuza vi ç̌oya os'k'a". ("Siloam" - "yaq'abakiyo" upsune.) Şot'inal taśi iz ç̌oya os'ek'i, qaybakat'an isə iz pulmoğon ene aneksay.

Verse: 8  Link to udintLink to armntLink to ntkpl Ṭe amdari q̇onšiġon q̇a süfṭinäxun šoṭo sa dilänči ḳinäḳ čalxalṭoġon nexṭuniy: "Mo ṭe dilänčiluġbala amdar tene ki?"
   T'e amdari q'onşiğon q'a süft'inəxun şot'o sa dilənçi k'inək' çalxalt'oğon next'uniy: "Mo t'e dilənçiluğbala amdar tene ki?"

Verse: 9  Link to udintLink to armntLink to ntkpl Bäziṭoġon "šone" piṭun, ṭə͑yä͑miṭoġon "tää, ama šoṭo ošq̇aresṭa" piṭun. Ičin isä "zu haṭe amdarzu" pine.
   Bəzit'oğon "şone" pit'un, t'ı̌yə̌mit'oğon "təə, ama şot'o oşq'arest'a" pit'un. İçin isə "zu hat'e amdarzu" pine.

Verse: 10  Link to udintLink to armntLink to ntkpl Šoṭoxun xavarṭun haq̇i: "P̣oy hetäre baki ki, vi piyel išiġe hari?"
   Şot'oxun xavart'un haq'i: "P'oy hetəre baki ki, vi piyel işiğe hari?"

Verse: 11  Link to udintLink to armntLink to ntkpl Šoṭin ǯoġabe tadi: "Isus uḳala Amdaren oć̣i düzbi bezi piyel lanedi, za "taki Siloam hovuza vi ćoya oc̣ḳa" pine, zuval taci bez ćoya oc̣ḳiṭuxun oša bezi pulmux qayeci".
   Şot'in coğabe tadi: "İsus uk'ala Amdaren oč'i düzbi bezi piyel lanedi, za "taki Siloam hovuza vi ç̌oya os'k'a" pine, zuval taśi bez ç̌oya os'k'it'uxun oşa bezi pulmux qayeśi".

Verse: 12  Link to udintLink to armntLink to ntkpl Šoṭoxun xavarṭun haq̇i: "P̣oy ṭe amdar maya?" Šoṭin pine: "Tez ava".
   Şot'oxun xavart'un haq'i: "P'oy t'e amdar maya?" Şot'in pine: "Tez ava".



Fariseyxoy q̇olaybaki amdaraxun bala silisṭ
Fariseyxoy q'olaybaki amdaraxun bala silist'


Verse: 13  Link to udintLink to armntLink to ntkpl Me süfṭinäxun ḳać̣i baki amdara *fariseyxoy ṭo͑ġo͑lṭun ečeri
   Me süft'inəxun k'ač'i baki amdara *fariseyxoy t'ǒğǒlt'un eçeri

Verse: 14  Link to udintLink to armntLink to ntkpl šoṭaynaḳ ki, Isusen oć̣i düzbi šoṭay pula q̇olaybi ġi *Šamaṭ ġiney.
   şot'aynak' ki, İsusen oč'i düzbi şot'ay pula q'olaybi ği *Şamat' ğiney.

Verse: 15  Link to udintLink to armntLink to ntkpl *Fariseyxonal ṭe amdaraxun hetäre baki ki, aksan burqi pi xavarṭun haq̇i. Ṭe amdarenal "Šoṭin bezi piyel oć̣ine \ laxi, zuval taci bez ćoya oc̣ezḳi, isä azaksa" pine.
   *Fariseyxonal t'e amdaraxun hetəre baki ki, aksan burqi pi xavart'un haq'i. T'e amdarenal "Şot'in bezi piyel oč'ine \ laxi, zuval taśi bez ç̌oya os'ezk'i, isə azaksa" pine.

Verse: 16  Link to udintLink to armntLink to ntkpl Ṭe vädä *fariseyxoxun bäziṭoġon piṭun: "Me amdar Buxaʒ́uġoxun tene, šoṭaynaḳ ki, *Šamaṭ ġine ḳanunxo tene ämälbsa". Ṭe sunṭoġon isä "günaxkär amdaren metär möǯüzälü niśanxo hetäre aḳesṭes bakon?" piṭun. Hametär šoṭoġoy arane fikirxo ǯöyebaki.
   T'e vədə *fariseyxoxun bəzit'oğon pit'un: "Me amdar Buxačuğoxun tene, şot'aynak' ki, *Şamat' ğine k'anunxo tene əməlbsa". T'e sunt'oğon isə "günaxkər amdaren metər möcüzəlü nišanxo hetəre ak'est'es bakon?" pit'un. Hametər şot'oğoy arane fikirxo cöyebaki.

Verse: 17  Link to udintLink to armntLink to ntkpl Šoṭo görä saal ḳać̣i amdaraxun xavarṭun haq̇i: "P̣oy hun me amdari barada ḳän nex? Axəri šoṭin vi pulmoġone qaype". Ḳać̣i amdarenal "Šo *xavarečale" pine.
   Şot'o görə saal k'ač'i amdaraxun xavart'un haq'i: "P'oy hun me amdari barada k'ən nex? Axıri şot'in vi pulmoğone qaype". K'ač'i amdarenal "Şo *xavareçale" pine.

Verse: 18  Link to udintLink to armntLink to ntkpl Ama iudeyxoy kalorox häläl ve͑teṭuniy ki, me amdar ḳać̣ine bake, isääl aneksa. Moṭo göräl q̇olaybaki amdari nana-bava ḳalpi
   Ama iudeyxoy kalorox hələl větet'uniy ki, me amdar k'ač'ine bake, isəəl aneksa. Mot'o görəl q'olaybaki amdari nana-bava k'alpi

Verse: 19  Link to udintLink to armntLink to ntkpl šoṭoġoxun xavarṭun haq̇i: "Mo ef ġare? Vä͑n nexnan ki, ko nanaxun bakaṭan ḳać̣ine bake. P̣oy hetäre baksa ki, häysä aneksa?"
   şot'oğoxun xavart'un haq'i: "Mo ef ğare? Və̌n nexnan ki, ko nanaxun bakat'an k'ač'ine bake. P'oy hetəre baksa ki, həysə aneksa?"

Verse: 20  Link to udintLink to armntLink to ntkpl Šoṭay nana-bavan piṭun: "Hoo, mo beši ġare, nanaxun bakaṭanal ḳać̣ine bake.
   Şot'ay nana-bavan pit'un: "Hoo, mo beşi ğare, nanaxun bakat'anal k'ač'ine bake.

Verse: 21  Link to udintLink to armntLink to ntkpl Ama häysä hetäre aksa nääl iz pulmoġo šina q̇olaybe avateyan. Ičuxun xavar haq̇anan. Mic̣iḳ tene, iz barada ičinq̇an pi".
   Ama həysə hetəre aksa nəəl iz pulmoğo şina q'olaybe avateyan. İçuxun xavar haq'anan. Mis'ik' tene, iz barada içinq'an pi".

Verse: 22  Link to udintLink to armntLink to ntkpl Šoṭoġon iudeyxoy kalaṭoġoy q̇ə͑yexunṭun me äyitmoġo pi, šoṭaynaḳ ki, iudeyxoy kalorox ene q̇ärara hareṭuniy ki, šiin Isusi Xrisṭos baksuna q̇abulbayin, ṭe amdari tura sinagogaxun boṭalṭun.
   Şot'oğon iudeyxoy kalat'oğoy q'ı̌yexunt'un me əyitmoğo pi, şot'aynak' ki, iudeyxoy kalorox ene q'ərara haret'uniy ki, şiin İsusi Xrist'os baksuna q'abulbayin, t'e amdari tura sinagogaxun bot'alt'un.

Verse: 23  Link to udintLink to armntLink to ntkpl Moṭo göräṭun ṭe amdari nana-bavan "mic̣iḳ tene, ičuxun xavar haq̇anan" pi.
   Mot'o görət'un t'e amdari nana-bavan "mis'ik' tene, içuxun xavar haq'anan" pi.

Verse: 24  Link to udintLink to armntLink to ntkpl Iudeyxoy kalaṭoġon süfṭä ḳać̣i baki amdara ṗä͑mǯi käräm ḳalpi šoṭo piṭun: "Buxaʒ́uġo elasṗa ki, düz uḳalnu. Yan me amdari günaxkär baksuna avayan".
   İudeyxoy kalat'oğon süft'ə k'ač'i baki amdara p'ə̌mci kərəm k'alpi şot'o pit'un: "Buxačuğo elasp'a ki, düz uk'alnu. Yan me amdari günaxkər baksuna avayan".

Verse: 25  Link to udintLink to armntLink to ntkpl Šoṭinal ǯoġabe tadi: "Ṭe amdari günaxkär baki nu baksuna tez ava. Sa šeyaz ava ki, süfṭä ḳać̣izuy, ama häysä azaksa".
   Şot'inal coğabe tadi: "T'e amdari günaxkər baki nu baksuna tez ava. Sa şeyaz ava ki, süft'ə k'ač'izuy, ama həysə azaksa".

Verse: 26  Link to udintLink to armntLink to ntkpl Šoṭoxun xavarṭun haq̇i: "Šoṭin va ḳä bi? Vi pulmoġo hetäre q̇olaybi?"
   Şot'oxun xavart'un haq'i: "Şot'in va k'ə bi? Vi pulmoğo hetəre q'olaybi?"

Verse: 27  Link to udintLink to armntLink to ntkpl Šoṭin ǯoġabe tadi: "Häysäz vä͑x exlätṗi, ama tenan u͑mu͑xlaxi. Heṭaynaḳnan moṭo saal ibaksun čuresa? Bärkä vä͑nal Šoṭay šagird baksunnan čuresa?"
   Şot'in coğabe tadi: "Həysəz və̌x exlətp'i, ama tenan ǔmǔxlaxi. Het'aynak'nan mot'o saal ibaksun çuresa? Bərkə və̌nal Şot'ay şagird baksunnan çuresa?"

Verse: 28  Link to udintLink to armntLink to ntkpl Šoṭo źamdi piṭun: "Hunnu šoṭay šagird, yan isä Moiseyi šagirdxoyan.
   Şot'o ǰamdi pit'un: "Hunnu şot'ay şagird, yan isə Moiseyi şagirdxoyan.

Verse: 29  Link to udintLink to armntLink to ntkpl Yan avayan ki, Moiseyaxun exlätṗiyo Buxaʒ́uxe, me amdari isä mayin baksuna teyan ava".
   Yan avayan ki, Moiseyaxun exlətp'iyo Buxačuxe, me amdari isə mayin baksuna teyan ava".

Verse: 30  Link to udintLink to armntLink to ntkpl Ṭe amdaren pine: "Määṭṭäl mandalane ki, vä͑n Šoṭay mayin eysuna tenan ava, ama Šoṭin bezi pulmoġone q̇olaybi.
   T'e amdaren pine: "Məət't'əl mandalane ki, və̌n Şot'ay mayin eysuna tenan ava, ama Şot'in bezi pulmoğone q'olaybi.

Verse: 31  Link to udintLink to armntLink to ntkpl Ama avayan ki, Buxaʒ́uġon günaxkärxo tää, Iču q̇abulbi Iz äyiten taġala amdarxone ibaksa.
   Ama avayan ki, Buxačuğon günaxkərxo təə, İçu q'abulbi İz əyiten tağala amdarxone ibaksa.

Verse: 32  Link to udintLink to armntLink to ntkpl Sal sa vädine šuḳḳalen tene ibakey ki, šinesa nanaxun ḳać̣i baki amdari pulmoġo qayḳane.
   Sal sa vədine şuk'k'alen tene ibakey ki, şinesa nanaxun k'ač'i baki amdari pulmoğo qayk'ane.

Verse: 33  Link to udintLink to armntLink to ntkpl Ägär me Amdar Buxaʒ́uġoxun nu bakiniy, hiḳḳal bes tene bakoy".
   Əgər me Amdar Buxačuğoxun nu bakiniy, hik'k'al bes tene bakoy".

Verse: 34  Link to udintLink to armntLink to ntkpl Šoṭoġon isä ṭe amdari loxol haraypi piṭun: "Belxun-ośel günaxi bošen nanaxun bake! Isä yax därs tadalan baki?" Metär piyal šoṭo šäṗṭunci.
   Şot'oğon isə t'e amdari loxol haraypi pit'un: "Belxun-ošel günaxi boşen nanaxun bake! İsə yax dərs tadalan baki?" Metər piyal şot'o şəp't'unśi.



Fariseyxoy ičoġoy ḳać̣iluġa nu aksun
Fariseyxoy içoğoy k'ač'iluğa nu aksun


Verse: 35  Link to udintLink to armntLink to ntkpl Isusen ṭe amdara šäṗesuni barada inebaki. Oša šoṭo bä͑ġä͑bi pine: "Hun *Amdari Ġara ve͑nu?"
   İsusen t'e amdara şəp'esuni barada inebaki. Oşa şot'o bə̌ğə̌bi pine: "Hun *Amdari Ğara věnu?"

Verse: 36  Link to udintLink to armntLink to ntkpl Šoṭin xavare haq̇i: "Bezi *aġa, šoṭay Šu baksuna za upa, zuval ve͑ bakaz".
   Şot'in xavare haq'i: "Bezi *ağa, şot'ay Şu baksuna za upa, zuval vě bakaz".

Verse: 37  Link to udintLink to armntLink to ntkpl Isusen šoṭo pine: "Šo häysä vi aḳala, vi Ičuxun exlätṗala Amdare".
   İsusen şot'o pine: "Şo həysə vi ak'ala, vi İçuxun exlətp'ala Amdare".

Verse: 38  Link to udintLink to armntLink to ntkpl Šoṭinal "ay Q̣onʒ́ux, ve͑zu" pi Isusi be͑ś pasṭeci.
   Şot'inal "ay Q'ončux, vězu" pi İsusi běš past'eśi.

Verse: 39  Link to udintLink to armntLink to ntkpl Isusen pine: "Zu me dünyäne amdarxoy äšurxo ćoyel č̣evkseynaḳez hari ki, nu aḳalxon aḳeq̇aṭun, aḳalorox isä ḳać̣iq̇aṭun baki".
   İsusen pine: "Zu me dünyəne amdarxoy əşurxo ç̌oyel c'evkseynak'ez hari ki, nu ak'alxon ak'eq'at'un, ak'alorox isə k'ač'iq'at'un baki".

Verse: 40  Link to udintLink to armntLink to ntkpl Šoṭay ṭo͑ġo͑l bakala bäzi *fariseyxon me äyitmoġo ibaki "bärkä yanal ḳać̣iyan?" pi Šoṭoxun xavarṭun haq̇i.
   Şot'ay t'ǒğǒl bakala bəzi *fariseyxon me əyitmoğo ibaki "bərkə yanal k'ač'iyan?" pi Şot'oxun xavart'un haq'i.

Verse: 41  Link to udintLink to armntLink to ntkpl Isusen šoṭoġo pine: "Ägär ḳać̣i bakiynaniy, ef loxol günax tene bakoy. Ama häysä "ayanksa" upsunen ef günaxxo ef loxole mansṭa".
   İsusen şot'oğo pine: "Əgər k'ač'i bakiynaniy, ef loxol günax tene bakoy. Ama həysə "ayanksa" upsunen ef günaxxo ef loxole manst'a".



Next part


This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.