TITUS Texts: Biblia Udica, Versio Nizhensis: Novum Testamentum

TITUS
Biblia Udica, Versio Nizhensis: Novum Testamentum
Part No. 24

Chapter: 24

Dünyäni axəri ə͑śalayinšaksuni niśanxo
Dünyəni axıri ı̌šalayinşaksuni nišanxo

(Mrḳ. 13:1-23

; Luḳ. 21:5-24

)
(Mrk'. 13:1-23

; Luk'. 21:5-24

)

Verse: 1

Isus xramaxun määlne č̣eġaṭan Iz šagirdxon xrami binoġo Šoṭo aḳesṭeynaḳ Iz ṭo͑ġo͑lṭun hari.
İsus xramaxun məəlne c'eğat'an İz şagirdxon xrami binoğo Şot'o ak'est'eynak' İz t'ǒğǒlt'un hari.

Verse: 2

Isusen šoṭoġo pine: "Moṭoġo bitova ananksa? Vä͑x düzinäz nex: moṭoġoy źe͑ źe͑ne loxol tene mandal, bito oćalaxun barabar bakale".
İsusen şot'oğo pine: "Mot'oğo bitova ananksa? Və̌x düzinəz nex: mot'oğoy ǰě ǰěne loxol tene mandal, bito oç̌alaxun barabar bakale".

Verse: 3

Isus Zeytun buruġo täk arci vädine Iz šagirdxo Iz ṭo͑ġo͑l hari xavarṭun haq̇i: "Yax upa, me Vi piyorox hevaxṭ bakale? Vi qaybaksuna q̇a dünyäni \ axəra yan mani niśanxon avabakalyan?"
İsus Zeytun buruğo tək arśi vədine İz şagirdxo İz t'ǒğǒl hari xavart'un haq'i: "Yax upa, me Vi piyorox hevaxt' bakale? Vi qaybaksuna q'a dünyəni \ axıra yan mani nišanxon avabakalyan?"

Verse: 4

Isusen šoṭoġo pine: "Ehṭiyätlü bakanan, vä͑x šuḳḳalen maq̇an feretṭi.
İsusen şot'oğo pine: "Eht'iyətlü bakanan, və̌x şuk'k'alen maq'an ferett'i.

Verse: 5

Bez c̣iyen gele amdar hari "Xrisṭos zuzu" pi geleṭu fereṭṭalṭun.
Bez s'iyen gele amdar hari "Xrist'os zuzu" pi gelet'u feret't'alt'un.

Verse: 6

Vä͑n ə͑śa ganxo q̇a ä͑xil ganxo taġala davoġoy xavarxo ibakalnan. Ama ma q̇ə͑banan. Hametäräl bakalane, ama mo hälä dünyäni axər tene.
Və̌n ı̌ša ganxo q'a ə̌xil ganxo tağala davoğoy xavarxo ibakalnan. Ama ma q'ı̌banan. Hametərəl bakalane, ama mo hələ dünyəni axır tene.

Verse: 7

Šoṭaynaḳ ki, millät milläti, padčaġluġ padčaġluġi loxol e͑qeġale. Gele ganxo busaluġ saal oćal galbsun bakale.
Şot'aynak' ki, millət milləti, padçağluğ padçağluği loxol ěqeğale. Gele ganxo busaluğ saal oç̌al galbsun bakale.

Verse: 8

Morox bito äyelbaksuni q̇ać̣ zapsuni burqesune.
Morox bito əyelbaksuni q'ač' zapsuni burqesune.

Verse: 9

Ṭe vädä vä͑x äzyät tadi besṗalṭun. Bez c̣iya görä bütüm azuḳxon vä͑x nifrätbalṭun. ^*
T'e vədə və̌x əzyət tadi besp'alt'un. Bez s'iya görə bütüm azuk'xon və̌x nifrətbalt'un. ^*

Verse: 10

Ṭe vädä gele amdarxon ve͑luġaxun ćo taradalṭun, sun-suna kiyel tadalṭun, nifrätbalṭun.
T'e vədə gele amdarxon věluğaxun ç̌o taradalt'un, sun-suna kiyel tadalt'un, nifrətbalt'un.

Verse: 11

Gele äfči xavarečalxo meydane č̣eri geleṭu fereṭṭalṭun.
Gele əfçi xavareçalxo meydane c'eri gelet'u feret't'alt'un.

Verse: 12

Ḳanunsuzluġ gele baksuna görä geleṭay čuresun čaxeġale.
K'anunsuzluğ gele baksuna görə gelet'ay çuresun çaxeğale.

Verse: 13

Axəral ciriḳ portṗalo isä čarḳeġale. ^*
Axıral śirik' portp'alo isə çark'eğale. ^*

Verse: 14

Ama me äšurxoxun be͑ś Göye padčaġluġi barada Mu͑q Xavara bütüm oćali ćoyel karoozbalṭun ki, šoṭo bütüm azuḳxon ibakaṭun. Haṭe vädäl här šeye axər eġale.
Ama me əşurxoxun běš Göye padçağluği barada Mǔq Xavara bütüm oç̌ali ç̌oyel karoozbalt'un ki, şot'o bütüm azuk'xon ibakat'un. Hat'e vədəl hər şeye axır eğale.

Verse: 15

Metärluġen, Daniel xavarečali pi väränluġ ečala iriṭṗun šeye ^* ω͑vel gala \ laxesuna vä͑n aḳala vädine - barta ḳalḳalṭin moṭo q̇amišakeq̇an -
Metərluğen, Daniel xavareçali pi vərənluğ eçala irit'p'un şeye ^* Ǐvel gala \ laxesuna və̌n ak'ala vədine - barta k'alk'alt'in mot'o q'amişakeq'an -

Verse: 16

ṭe vädä Iudeyana bakalxo buruxmoġoq̇aṭun ṭiṭeri. ^*
t'e vədə İudeyana bakalxo buruxmoğoq'at'un t'it'eri. ^*

Verse: 17

Ḳožin bel bakalorox ^* šeymoġo ḳoyaxun exsṭeynaḳ oq̇a maq̇an ciri.
K'ojin bel bakalorox ^* şeymoğo k'oyaxun exst'eynak' oq'a maq'an śiri.

Verse: 18

Q̣oruġa bakalṭoġon ičoġoy xälätä exsṭeynaḳ qoš maq̇aṭun qaybaki. ^*
Q'oruğa bakalt'oğon içoğoy xələtə exst'eynak' qoş maq'at'un qaybaki. ^*

Verse: 19

Ṭe ġimxo bə͑hi čupuġoy q̇a döš tadala čupuġoy vay hala!
T'e ğimxo bı̌hi çupuğoy q'a döş tadala çupuğoy vay hala!

Verse: 20

Afərəpanan ki, ef ṭisṭun ə͑źena nääl Šamaṭ ġine ^* nu bakane.
Afırıpanan ki, ef t'ist'un ı̌ǰena nəəl Şamat' ğine ^* nu bakane.

Verse: 21

Ṭe vädä ṭetär dähšätlü koruġ-äzyät bakale ki, dünyäni burqesunaxun häysäṭinäl ciriḳ metäro tene bake, bakalal tene. ^*
T'e vədə t'etər dəhşətlü koruğ-əzyət bakale ki, dünyəni burqesunaxun həysət'inəl śirik' metəro tene bake, bakalal tene. ^*

Verse: 22

Ägär ṭe ġimxo nu gödäybakiniy, sal sa amdar dirisṭ tene mandoy. Ama č̣äḳeciṭoġo görä ṭe ġimxo gödäybakale.
Əgər t'e ğimxo nu gödəybakiniy, sal sa amdar dirist' tene mandoy. Ama c'ək'eśit'oğo görə t'e ğimxo gödəybakale.

Verse: 23

Ṭe vädä vä͑x uḳayṭun: "Be͑ġa, Xrisṭos memiyane" nääl ki, \ "Ṭeṭiyane", ma ve͑bakanan. ^*
T'e vədə və̌x uk'ayt'un: "Běğa, Xrist'os memiyane" nəəl ki, \ "T'et'iyane", ma věbakanan. ^*

Verse: 24

Šoṭaynaḳ ki, äfči xrisṭosxo saal äfči xavarečalxo ämälä eġalṭun. Šoṭoġon kala niśanxo saal möǯüzoox aḳesṭalṭun ki, ägär baǯarbayṭun, lap č̣äḳeciṭoġoval äfčiduġaṭun.
Şot'aynak' ki, əfçi xrist'osxo saal əfçi xavareçalxo əmələ eğalt'un. Şot'oğon kala nišanxo saal möcüzoox ak'est'alt'un ki, əgər bacarbayt'un, lap c'ək'eśit'oğoval əfçiduğat'un.

Verse: 25

Be͑ġanan, Zu vä͑x saturbe͑ś pizu.
Běğanan, Zu və̌x saturběš pizu.

Verse: 26

Metärluġen, ägär uḳayṭun: "Be͑ġa, Šo čölöne" - ma takinan, nääl: "Be͑ġa, Šo bonin otaġxone", ma ve͑bakanan.
Metərluğen, əgər uk'ayt'un: "Běğa, Şo çölöne" - ma takinan, nəəl: "Běğa, Şo bonin otağxone", ma věbakanan.

Verse: 27

C̣ä͑q̇en be͑ġ č̣eġala täräfäxun burqi be͑ġ batḳala täräfäl ciriḳ dirisṭ göyä hetär ǯöyebsasa, Amdari Ġare eysunal ṭetär bakale. ^*
S'ə̌q'en běğ c'eğala tərəfəxun burqi běğ batk'ala tərəfəl śirik' dirist' göyə hetər cöyebsasa, Amdari Ğare eysunal t'etər bakale. ^*

Verse: 28

Leš maya bakayin, q̇uzġunxo ṭeṭiya gireġalṭun. ^*
Leş maya bakayin, q'uzğunxo t'et'iya gireğalt'un. ^*

Amdari Ġare eysun
Amdari Ğare eysun

(Mrḳ. 13:24-31

; Luḳ. 21:25-33

)
(Mrk'. 13:24-31

; Luk'. 21:25-33

)

Verse: 29

Ama ṭe ġimxoy koruġ-äzyätäxun haṭe saad oša
   Ama t'e ğimxoy koruğ-əzyətəxun hat'e saad oşa
    Be͑ġ biq̇eġale,
    Běğ biq'eğale,
    Xašen išiġ tene sakal,
    Xaşen işiğ tene sakal,
    Muć̣uliyox göynuxun baralṭun,
    Muč'uliyox göynuxun baralt'un,
    Göynül bakala ṗlaneṭxo žə͑ḳeġale.
    Göynül bakala p'lanet'xo jı̌k'eğale.

Verse: 30

Ṭe vädä Amdari Ġare möǯüzälü niśan göynul aḳeġale. Oćali ćoyin bütüm tayfoġon Amdari Ġare Iz kala zoren q̇a tamtaraġen göye asoyxoy loxol eysuna aḳi, šivanbalṭun. ^*
T'e vədə Amdari Ğare möcüzəlü nišan göynul ak'eğale. Oç̌ali ç̌oyin bütüm tayfoğon Amdari Ğare İz kala zoren q'a tamtarağen göye asoyxoy loxol eysuna ak'i, şivanbalt'un. ^*

Verse: 31

Šoṭin Iz angelxo yaq̇abale, oćali ćoye belxun göye axəral ciriḳ, dünyäni \ biṗ ṭo͑o͑xun, šeyṗuri alloy säsen Iz č̣äḳṗiṭoġo topbale.
Şot'in İz angelxo yaq'abale, oç̌ali ç̌oye belxun göye axıral śirik', dünyəni \ bip' t'ǒǒxun, şeyp'uri alloy səsen İz c'ək'p'it'oğo topbale.

Verse: 32

Inǯilnä xod vä͑ynaḳ sa niśanq̇an baki: šoṭay taymux göyünbaki xazallayinšakaṭan avanan baksa ki, yäy ene ə͑śane.
İncilnə xod və̌ynak' sa nišanq'an baki: şot'ay taymux göyünbaki xazallayinşakat'an avanan baksa ki, yəy ene ı̌šane.

Verse: 33

Haketäräl vä͑n, bütüm me šeyurxo aḳaṭan avabakanan: Šo ə͑śane, lap ćomoy źomosṭane.
Haketərəl və̌n, bütüm me şeyurxo ak'at'an avabakanan: Şo ı̌šane, lap ç̌omoy ǰomost'ane.

Verse: 34

Vä͑x düzinäz nex: me näsilen iz ömürä axəra ṗaṗesṗalṭuxun be͑ś morox bito bex ṗaṗale.
Və̌x düzinəz nex: me nəsilen iz ömürə axıra p'ap'esp'alt'uxun běš morox bito bex p'ap'ale.

Verse: 35

Oćal q̇a göy č̣ovaki taġale, ama Bez äyitmux sal sa vädä tene č̣ovaki taġal.
Oç̌al q'a göy c'ovaki tağale, ama Bez əyitmux sal sa vədə tene c'ovaki tağal.

Šuḳḳali nu avabakala ġi q̇a saad
Şuk'k'ali nu avabakala ği q'a saad

(Luḳ. 12:39-48

; 17:26-35)
(Luk'. 12:39-48

; 17:26-35)

Verse: 36

Ama ṭe ġina q̇a saada šuḳḳalen tene ava: nä göye angelxon, nä Ġaren - täk Bavane ava. ^*
Ama t'e ğina q'a saada şuk'k'alen tene ava: nə göye angelxon, nə Ğaren - tək Bavane ava. ^*

Verse: 37

Noye ġimxosṭa hetär bakenesa, Amdari Ġare eġala ġimxosṭal haṭetär bakale. ^*
Noye ğimxost'a hetər bakenesa, Amdari Ğare eğala ğimxost'al hat'etər bakale. ^*

Verse: 38

Ṭe ġimxosṭa, selaxun be͑ś baki ġimxosṭa, Noye gäminä baci ġinal ciriḳ amdarxon käyi-u͑ṭu͑nġsay, laśḳoyṭun baksay, išq̇araṭun taysay.
T'e ğimxost'a, selaxun běš baki ğimxost'a, Noye gəminə baśi ğinal śirik' amdarxon kəyi-ǔt'ǔnğsay, lašk'oyt'un baksay, işq'arat'un taysay.

Verse: 39

Selen hari bitova tašamin šoṭoġoy hiḳḳalaxun xavar buteney. Amdari Ġare qaybakala ġimxosṭal hametär bakale. ^*
Selen hari bitova taşamin şot'oğoy hik'k'alaxun xavar buteney. Amdari Ğare qaybakala ğimxost'al hametər bakale. ^*

Verse: 40

Ṭe vädä q̇oruġa bakala ṗä͑ tanaxun sunṭu exṭalṭun, ṭe soġo isä mandale.
T'e vədə q'oruğa bakala p'ə̌ tanaxun sunt'u ext'alt'un, t'e soğo isə mandale.

Verse: 41

Źomoḳoya dän berxala ṗä͑ čuġoxun sunṭu exṭalṭun, \ ṭe soġo isä mandale.
J̌omok'oya dən berxala p'ə̌ çuğoxun sunt'u ext'alt'un, \ t'e soğo isə mandale.

Verse: 42

Šoṭaynaḳal muġur mandanan. Axər ef Q̣onʒ́uġoy eġala ġina tenan ava. ^*
Şot'aynak'al muğur mandanan. Axır ef Q'ončuğoy eğala ğina tenan ava. ^*

Verse: 43

Avabakanan ki, ägär ḳožin q̇onʒ́uġon oġrin mani saadasṭa eysuna avabakiniy, muġur mandi šoṭo iz ḳoya baysa tene barḳoy.
Avabakanan ki, əgər k'ojin q'ončuğon oğrin mani saadast'a eysuna avabakiniy, muğur mandi şot'o iz k'oya baysa tene bark'oy.

Verse: 44

Moṭaynaḳal vä͑nal häzir bakanan: Amdari Ġar vä͑n nu yaq̇be͑ġala saadasṭa eġale. ^*
Mot'aynak'al və̌nal həzir bakanan: Amdari Ğar və̌n nu yaq'běğala saadast'a eğale. ^*

Verse: 45

Aġan iz bütüm nökärxoy loxol kalaluġbal täyinbi, šoṭoġo iz vädine ukun tadala iču sadiḳ saal haq̇ullu nökärällariḳ bakanan.
Ağan iz bütüm nökərxoy loxol kalaluğbal təyinbi, şot'oğo iz vədine ukun tadala içu sadik' saal haq'ullu nökərəllarik' bakanan.

Verse: 46

He bäxṭävärä ṭe ḳul ki, iz aġa ḳoya qaybakaṭan šoṭo äšlin bele aksa!
He bəxt'əvərə t'e k'ul ki, iz ağa k'oya qaybakat'an şot'o əşlin bele aksa!

Verse: 47

Vä͑x düzinäz nex, aġan me ḳula iz bütüm var-dövläti loxol kalaluġa tapšurbale.
Və̌x düzinəz nex, ağan me k'ula iz bütüm var-dövləti loxol kalaluğa tapşurbale.

Verse: 48

Ama ṭe pis ḳulen iz üḳe boš "bez aġa č̣äyi eġale" pi,
Ama t'e pis k'ulen iz ük'e boş "bez ağa c'əyi eğale" pi,

Verse: 49

iz yoldašxo ṭaṗsa burqayin, ičin isä käyi-u͑ġi finaġoyluġbayin,
iz yoldaşxo t'ap'sa burqayin, için isə kəyi-ǔği finağoyluğbayin,

Verse: 50

ṭe ḳule aġa šoṭay nu yaq̇be͑ġala ġine saal iz nu avabakala saadasṭa hari,
t'e k'ule ağa şot'ay nu yaq'běğala ğine saal iz nu avabakala saadast'a hari,

Verse: 51

šoṭo bə͑hi ǯaza tadi šoṭoxun ṗä͑ćolaṭoġoxun räfṭärbala ḳinäḳ räfṭärbale. Ṭe ḳulen o͑no͑pi iz uluxxo ġərəč̣esṭale.
şot'o bı̌hi caza tadi şot'oxun p'ə̌ç̌olat'oğoxun rəft'ərbala k'inək' rəft'ərbale. T'e k'ulen ǒnǒpi iz uluxxo ğırıc'est'ale.

This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.