TITUS
Biblia Mcxetica
Part No. 727
Previous part

Chapter: 3 
3


Verse: 1  Link to oskijerLink to igavnigLink to bakaratLink to sept   სარეცელთა ჩემთა ზედა ღამე ვეძიებდ, რომელი შეიყუარა სულმან ჩემმან, ვეძიებდ მას, და არა ვპოვე იგი. ვხადოდე მას, და არა ჴმა-მცა მე.

Verse: 2  Link to oskijerLink to igavnigLink to bakaratLink to sept   აღვდეგ და მოვლენ ქალაქნი, უბანნი და ურაკპარაკნი და ვეძიებდ, რომელმან შეიყუარა სული ჩემი, ვეძიებდი და არა ვპოე.

Verse: 3  Link to oskijerLink to igavnigLink to bakaratLink to sept   მპოვეს მე მცველთა, რომელნი მოჰვლიდეს ქალაქსა". სიძე ეტყჳს მცველთა ქალაქისათა: "ნუუკუე იხილეთა, რომელი შეიყუარა სულმან ჩემმან?

Verse: 4  Link to oskijerLink to igavnigLink to bakaratLink to sept   ვითარცა კნინ წარვლე მათგან, ვპოვე, რომელი შეიყუარა სულმან ჩემმან". პოვა სიძემან და ეტყჳს სძალსა: "შევიპყარ იგი და არა განუტევე იგი, ვიდრემდის შევიყვანე იგი სახლსა დედისა ჩემისასა და საუნჯეთა მშობელისა ჩემისათა".

Verse: 5  Link to oskijerLink to igavnigLink to bakaratLink to sept   ქალწულთა აფუცა მეორედ სძალმან და ეტყჳს: "გაფუცებ თქუენ, ასულნო იერუსალიმისანო, ძალთა და სიმტკიცეთა აგარაკისათა, და უკუეთუ აღადგინოთ და განაღჳძოთ სიყუარული, ვიდრემდისცა ინებოს".

Verse: 6  Link to oskijerLink to igavnigLink to bakaratLink to sept   სიძე იტყჳს სძლისათჳს: "ვინ არს, რომელი აღმოვალს უდაბნოთ, ვითარცა რტოჲ, კუამლი საკუმეველისა, მური და გუნდრუკი ყოველთაგან მტუერთა მენელსაცხებლეთასა?"

Verse: 7  Link to oskijerLink to igavnigLink to bakaratLink to sept   ასულნი იტყჳან: "ესერა, აჰა, ესერა, ცხედარი სოლომონისი და სამეოცნი ძლიერნი გარემოს მისსა ძლიერთაგან ისრაჱლისათა.

Verse: 8  Link to oskijerLink to igavnigLink to bakaratLink to sept   ყოველთა უპყრიეს მახჳლნი, წურთილნი ბრძოლასა. კაცი და მახჳლი მისი წელთა მისთა შიშისათჳს და განკრთომისა ღამესა შინა.

Verse: 9  Link to oskijerLink to igavnigLink to bakaratLink to sept   გავალაკი იქმნა მეფემან სოლომონ ძელთაგან ლიბანისათა.

Verse: 10  Link to oskijerLink to igavnigLink to bakaratLink to sept   სუეტნი შექმნნა ვეცხლისანი და კამარა მისი დრეკილი ოქროჲსა, აღსავალი მისი - პორფირი, იატაკი მისი - ქვაფენილ, სიყუარული ასულთაგან იერუსალიმისათა.

Verse: 11  Link to oskijerLink to igavnigLink to bakaratLink to sept   განვედით და იხილეთ, ასულნო სიონისანო, მეფე სოლომონ გჳრგჳნითა მით, რომლითა გჳრგჳნოსან-ყო იგი დედამან მისმან დღესა მას სიძობისა მისისასა და დღესა სიხარულისა გულისა მისისასა".



Verse: 1V    ჴმაჲ S.

Verse: 2V    სული ჩემი - S.

Verse: 4V    პოვაჲ S; ქალწულთაჲ S.

Verse: 5V    გაფუცე S; ი̃ჱლიმისნო მტუჱრთა S.

Verse: 8V    უპყრიეს] უპირატეს S.

Verse: 9V    ლიბაჲნისათა S.

Verse: 10V    სუჱტნი S; შექმნაჲ S; ი̃ჱლიმისათა S.

Section:  





Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.