Page of ms. P: _ Page of ms. L: 567R ამისთუის მაქუს ჩუენ მსახურებაჲ ესე, ვითარცა შევიწყალენით, არა მოვიწყინოთ,
არამედ განვიშორნეთ დაფარულნი სირცხუილისანი, რამეთუ არა ვალთ ჩუენ ვერაგობით, არცა ვზაკუავთ სიტყუასა ღმრთისასა, არამედ გამოცხადებითა ჭეშმარიტებისაჲთა წარუდგინებთ თავთა ჩუენთა ყოველთა მიმართ გონებასა კაცთასა წინაშე ღმრთისა.
უკუეთუ არს დაფარულ სახარებაჲ ესე ჩუენი, წარწყმედულთა მათთჳს არს დაფარულ,
რომელთანი ღმერთმან დაუბრმნა გონებანი ურწმუნოთანი, რაჲთა არა გამოუბრწყინდეს მათ ნათელი დიდებისა ქრისტესი, რომელ არს ხატი ღმრთისა უხილავისა.
არა თავთა თუისთა ვქადაგებთ, არამედ ქრისტესა იესუს, უფალსა; ხოლო თავთა ჩუენთა _ მონად ქრისტე იესუისა.
Page of ms. L: 567V ღმერთმან, რომელმან თქუა ნათელი გამობრწყინებად, რომელმანცა გამოაბრწყინვა ნათელი გულთა ჩუენთა განსანათლებელად მეცნიერებისა დიდებისა დიდისა ღმრთისა წინაშე პირსა იესუ ქრისტესსა.
Page of ms. L: _ Page of ms. P: 13R გუაქუს ჩუენ საფასჱ ესე კეცის ჭურებითა, რაჲთა გარდამატებული იგი ძრიელებისაჲ იყოს ღმრთისაჲ და არა ჩუენგან.
ყოველსა შინა ვიჭირვით, არამედ არა იწროება გჳჩს; წარ-ღა-თუ-წირულ ვართ, არამედ არა განწირულება გჳჩს;
დევნულ ღათუ ვართ, არამედ არა დატევებულ ვართ; და-ღა-თუ-ვრდომილ ვართ, არამედ არა წარწყმედულ ვართ.
მარადის სიკუდილი იგი ქრისტჱსი ჴორცთა შინა ჩუენთა გჳტჳრთავს, რაჲთა ცხორებაჲცა იგი იესუჲსი ჴორცთა შინა ჩუენთა გამოცხადნეს.
რამეთუ მარადის ჩუენ ცხოველნი ესე სიკუდილსა მივეცემით იესუჲსთჳს, რაჲთა ცხორებაჲცა იგი იესუჲსი მოკუდავთა ამათ ჴორცთა შინა ჩუენთა გამოცხადნეს.
ამიერითგან სიკუდილი ჩუენ თანა შეიქმნების, ხოლო ცხორებაჲ -- თქუენ შორის.
მაქუს ჩუენ იგივე სული სარწმუნოებისაჲ, ვითარცა წერილ არს: მრწმენა მე, რასაცა ვიტყოდე.
ესე უწყით, რამეთუ რომელმან აღადგინა უფალი იესუ მკუდრეთით, ჩუენცა იესუს თანა აღმადგინნეს და წარმადგინნეს თქუენ თანა.
რამეთუ ყოველივე თქუენთჳს არს, რაჲთა მადლი იგი აღემატოს მრავალთათჳს, და მადლობაჲ იგი გარდაერიოს სადიდებელად ღმრთისა.
Page of ms. P: _ Page of ms. L: 627R ამისთჳს არა მეწყინების; არამედ დაღათუ გარეშჱ ესე კაცი ჩუენი განირყუნების, არამედ შინაგანი განახლდების დღითი დღე.
რამეთუ საწუთროი ესე ჭირი ჩუენი გარდარეულსა დიდსა დიდებასა შეიქმს ჩუენ შორის, Page of ms. L: 627V
რამეთუ არა ვხედავთ ჩუენ ხილულსა მას, არამედ არახილულსა; რამეთუ ხილული ესე საწუთროი არს, ხოლო არახილული ესე _ საუკუნჱ არს.
