; Mrḳ. 16:1-11; Ioan. 20:1-18)
; Mrk'. 16:1-11; İoan. 20:1-18)
Šamaṭi samǯi ġine * savaxṭan üšenen, čupuġon ičoġoy häzirbi adeġala oyurxo exṭi maġarin ṭo͑ġo͑lṭun taci. Šoṭoġoxun sagala q̇eräzäl sa hema amdar buney.
Šoṭoġon hari maġarin ćomosṭa bakala źe͑na ṭo͑o͑x ṭəḳəreciṭun aḳi.
Bona baci isä Q̣onʒ́ux Isusi meyidä teṭun bä͑ġä͑bi.
Šorox čäšmišäki mandeṭuniy. Bürdän ičoġoy be͑ś c̣ä͑q̇e išig ḳinäḳ c̣aldala paltarla ṗä͑ išq̇are č̣eri.
Čupuxxo q̇ə͑yene haq̇i. Šorox ćooq̇a pasṭunci. Išq̇arxon isä xavarṭun haq̇i: "Vä͑n heṭaynaḳnan dirisṭ Bakalṭu ṗuriṭoġoy arane qä͑vesa?
Šo memiya butene, Šo be͑yinbakene! Hälä Galileyina bakaṭan Šoṭin vä͑x piṭu ef eyex badanan:
"Amdari Ġar günaxkärxoy kiye tadeġalane, šoṭoġonal Šoṭo xače loxol ṭä͑q̇ṭalṭun. Xibimǯi ġine isä Šo be͑yinbakalane". *
Čupuġonal Isusi \ äyitmoġo eyexṭun badi.
Šoṭoġon ṭeṭiin qaybaki bütüm me baki äšurxo Isusi sac̣c̣e šagirdä q̇a ṭə͑yä͑min amdarxo exlätṭunbi.
Me xavara aṗosṭolxo ṗaṗesṗalorox Magdallu Mariya, Yoxanna, Iaḳovi nana Mariya saal sa hema q̇eräz čupuxey.
Ama aṗosṭolxo šoṭoġoy äyitmoġo teṭun ve͑baki, bütüm me äšurxo ičoġoynaḳ ve͑bakala tene aḳesay.
Ama P̣eṭer ṭiṭeri maġarina be͑ġsane taci. Šoṭin hari bona be͑ġi ṭiya sayǯä meyidä bäč̣ürpi parčoġone aḳi. Me äšlä gele määṭṭäl mandiyal iz ḳoyane qaybaki.
Haṭe ġi šagirdxoxun ṗo͑ġo͑ Yerusalimaxun altməš sṭadi * ä͑xil bakala Emmaus uḳala ayizeṭun taysay.
Šoṭoġon bito me äšurxoy barada ičoġoy arane exlätṭunbsay.
Šoṭoġon exlätṗala, sun-suna ičoġoy fikirxo uḳala vädineyal Isus Ič ə͑śalayinšaki šoṭoġoxun sagala yaq̇ taysane burqi.
Ama šoṭoġon Isusa teṭun čalxi, ičoġoy pulmux ġaćeceney.
Isusen šoṭoġoxun xavare haq̇i: "Mo heṭay baradanan metär yaq̇ taysun exlätpsa?" Šorox beyköf čurṭunpi.
Šoṭoġoy bošṭan Ḳleoṗa \ c̣iyen bakalṭin pine: "Yerusalima baksun-baksun me baki äšurxoxun xavar nu bakalo sayǯä hunnu unko ṗoy?"
Isusen "mani äšurxoxun?" pine. Šoṭo ǯoġabṭun tadi: "Nazareṭlu Isusi bel hari äšurxoxun. Šo Buxaʒ́uġoy q̇a amdarxoy piyes Iz uḳala äyitmoġon q̇a ämälxon č̣äḳeġala sa xavarečaley.
Beši samǯi be͑yinśxon q̇a kalaluġbalxon Šoṭo bespsuni ǯaza tadi xače loxol ṭä͑q̇ṭesṭundi.
Yanal umudyanbaksay ki, me amdar gäläǯäye Israila čarḳesṭalone. Hamal, me äšur xib ġi be͑śe bake,
ama beš čupuxxoxun bäziṭoġon yax mat mandala äšurṭun exlätpsa. Šorox savaxṭan üšenen meyid laxeci maġarina taci
be͑ġeṭun ki, ṭiya meyid butene. Nexṭun ki, ičoġo ṭeṭiya angelxone aḳece, šoṭoġon Isusi dirisṭ baksunaṭun pe.
Oša bešṭoġoxun bäziyoroxal maġarina taci här šeya čupuġon ičoġo exlätpi ḳinäḳṭun aḳe. Ama Isusa Iču aḳiteṭun".
Ṭe vädä Isusen šoṭoġo pine: "Ay haq̇əlsuzxo! Xavarečalxoy piṭoġo ve͑baksun vä͑x heq̇ädär čätine tadesa!
P̣oy tenan ḳalpe ki, Xrisṭosen Iz kala c̣iya bütüm me koruġxoxun č̣ovaki q̇azayinšalaney?"
Oša Šoṭin ω͑vel Came boš Moiseyi girkurxoxun burqi xavarečalxoy girkurxol ciriḳ Iz barada cameci bito ganxo q̇andərišebi.
Šorox ičoġoy taġala ayiza hari \ ṗaṗaṭan, Isusen Iču ṭetäre tašeri ki, güvä hälä ṭeṭiinal ṭaġay taġale.
Ama šoṭoġon Isusa "eki, yaxun manda! Ene biyäne, be͑ġal batksaxe" piṭun. Šoval ičoġoxun sagala ḳoyane baci.
Hari śum ukala vädine, Isusen śuma exṭi šükürbala afərənal piṭuxun oša ǯöybi šoṭoġone tadi.
Hame vädä šoṭoġoy pulmux qayeci, šoṭoġonal Isusa čalṭunxi. Ama Isus šoṭoġoy piyexun aneći.
Šoṭoġon piṭun: "Šoṭo göräne Šoṭin yaxun yaq̇a exlätṗi ω͑vel Cama q̇andərišaṭan beš üḳ metär bäč̣üḳeci boksay!"
Šorox haṭe saad hayzeri Yerusalimaṭun qaybaki. Hariyal sac̣c̣e šagirdä q̇a šoṭoġoxun sagala bakalṭoġo gireciṭun aḳi.
Šoṭoġonal ičoġo Q̣onʒ́uġoy hägigiyal be͑yinbaksuna saal Simona aḳesunaṭun exlätpi.
Ṭe vädä hariṭoġonal yaq̇a ičoġoy bel hari äšurxo q̇a Isusa śum ǯöybaṭan hetär čalxsunaṭun exlätṗi.
; Mrḳ. 16:14-18; Ioan. 20:19-23; Aṗosṭ. 1:6-8)
; Mrk'. 16:14-18; İoan. 20:19-23; Ap'ost'. 1:6-8)
Moṭoġon me barada exlätṗala vädine bürdän Isus Ič šoṭoġoy arane čurpi pine: "Vä͑ynaḳ xeyirq̇an baki!"
Šorox čäšmišṭunbaki, ičoġo q̇ə͑yen haneq̇i, fikirṭunbi ki, ičoġoy piyese aḳesa.
Ama Isusen šoṭoġo pine: "Heṭaynaḳnan q̇ə͑bsa? Heṭu göränän ef üḳe metär fikirxo ešṭa?
Bez kulmoġo q̇a turmoġo be͑ġanan. Mo Zuzu! Za kuldanan be͑ġanan! Axəri urufi nä bädän tene baksa, nä u͑q̇e͑n, ama Zasṭa bune".
Isusen moṭo pi šoṭoġo Iz kulmoġo q̇a turmoġone aḳesṭi.
Šorox ičoġoy mu͑qexun häläl ve͑teṭunbaksay, mat mandeṭuniy. Ṭe vädä Isusen pine: "Ukala šey buvä͑x?"
Šoṭo sa tikä aṗesṗi čäli q̇a sa ḳoṭor uć̣e šamṭun tadi.
Isusenal ukuna exṭi šoṭoġoy piin be͑ś käye.
Oša Isusen šoṭoġo pine: "Vä͑xun sagala bakaṭan Bez pi äyitmoġoy määnä money: Moiseyi ḳanunasṭa, xavarečalxoy girkurxosṭa q̇a ω͑vel mä͑ġurxosṭa Bez barada cameciyorox bex ṗaṗalane".
Oša Isusen ω͑vel Cama hetär düzgün q̇amišaksunane šoṭoġo zombi.
Šoṭin pine: "Metäre camece: Xrisṭos koruġ zapi biyalane, xib ġi oša isä be͑yinbakalane.
Yerusalimaxun burqi bütüm millätxoynaḳ ičoġoy günaxxo toobinen baġəšlayinšaksun Šoṭay c̣iyen karooz bakalane.
Vä͑n bütüm me äšurxoy šahidxonan.
Mone, Zu Bez Bavan vä͑x äyit tadi Bakalṭu yaq̇aboz. Vä͑n isä, göynuxun eġala zora haq̇amin, Yerusalimaxun č̣emakinan". *
; Aṗosṭ. 1:9-11)
; Ap'ost'. 1:9-11)
Oša Isusen šoṭoġo šähärexun \ č̣evḳi Beṭanyanal ciriḳ enečeri, Iz kula alabi šoṭoġo xeyir-bäräkäte tadi.
Xeyir-bäräkät tasṭunal šoṭoġoxun ä͑xilbaki göynule e͑qeci.
Iz šagirdxon Šoṭo bulṭun ḳoc̣bi, mu͑q-mu͑qal Yerusalimaṭun qaybaki.
Metärluġen, šorox hämišä Buxaʒ́uġo alxəšpsun xramaṭun baksay.
