TITUS
Physiologus
Part No. 7
Previous part

Chapter: 7  
է՜ [in margine]


Paragraph: 1     Բարւոք Դաւիթ ասէ. Նմանեցայ ես հաւալսան յանապատի" (Link to armatPs. 101 (102):7)։
Paragraph: 2     Բարուախաւսն ասէ զհաւալուսն, թէ կարի որդեսէր է.
Paragraph: 3     եւ յորժամ հանէ զձագսն, եւ սակաւիկ մի աճեն, ապտակեն զերեսս հաւրն եւ մաւրն։
Paragraph: 4     Եւ նոքա կռփեն եւ սպանանեն զնոսա,
Paragraph: 5     եւ յետոյ ի գութ եւ ի գորով դարձեալ՝ սուգ առնեն երիս աւուրս, թէ "ընդէր սպանաք զորդեակսն"։
Paragraph: 6     Եւ յերրորդ աւուրն գայ մայրն նոցա եւ հերձու զկողս իւր, եւ արիւն իջանէ ի մեռեալ մարմինս ձագուցն եւ յարուցանէ զնոսա ի մեռելոց։
Paragraph: 7     Նոյնպէս եւ տէր մեր ասաց ի բերանոյ յԵսայեայ. "Որդիս ծնայ եւ բարձրացուցի, եւ նոքա զիս անարգեցին" (Link to armatIsa. 1:2)։
Paragraph: 8     Արարիչն ծնաւ զմեզ, եւ մեք գան հարաք զնա, զի պաշտեցաք զարարածսեւ ոչ զարարիչն (Link to armntRom. 1:25)։
Paragraph: 9     Եկն ել ի բարձունս խաչին եւ եբաց զկողս իւր եւ կաթեցոյց զարիւնն եւ զջուր՝ ի փրկութիւն եւ ի կեանս յաւիտենից։
Paragraph: 10     Արիւնն ըստ նմա, թէ "առ բաժակ, գոհացաւ" (cf. Link to armntMt. 26:27),
Paragraph: 11     եւ զջուրն՝ ի մկրտութիւն ի թողութիւն ապաշխարութեան (cf. Link to armntMk 1:4, Link to armntLuke 3:3)։
Paragraph: 12     Ապա բարւոք ասաց բարոյախաւսն վասն հաւալսանն։



Next part


This text is part of the TITUS edition of Physiologus.

Copyright TITUS Project, Frankfurt a/M, 1.6.2016. No parts of this document may be republished in any form without prior permission by the copyright holder.