TITUS
Physiologus
Part No. 15
Previous part

Chapter: 15  
ժ՜ե [in margine]


Paragraph: 1     Սողոմոն ասէ յառակս իւր. "երթ առ մրջունն, ով վատ" (Link to armatPr. 6:6)։
Paragraph: 2     Բարոյախաւսն ասէ՝ երեք բարք են մրջման.
Paragraph: 3     առաջինն. յորժամ տողեալ միմեանց զհետ երթան, իւրաքանչիւր հատն բարձեալ ունին ի բերանն. եւ ունայնքն, որ ոչ ունի, չասեն ցբեռնաւորսն թէ՝ տուք մեզ (cf. Link to armntMt. 25:8)։
Paragraph: 4     Եւ ոչ բռնի հանեն ի նոցանէ եւ ոչ նախանձին։ Եթէ ընդ ժրացեալսն ժողովեցիք,
Paragraph: 5     այն իմաստուն կուսանացն աւրինակ է. բայց վայ յիմար կուսանացն, որ ոչ երբէք ժրեցան։

+ [in margine]
Paragraph: 6     Երկրորդ բարք մրջմանն. յորժամ համբարեսցէ զհատսն յորջսն, ընդ մէջ կտրէ, թէ գուցէ ձմեռն գա, եւ անձրեւք լինին, եւ բուսանին հատքն, եւ սովամահ լինիցին։
Paragraph: 7     Եւ դու զհնոյն պատգամսն ընտրեա ի հոգեւորէն. գուցէ երբեք "գիրն սպանանէ զքեզ, այլ հոգին կեցուցանէ" (cf. Link to armnt2 Cor. 3:6).
Paragraph: 8     եւ դարձեալ թէ՝ "աւրենք հոգւոյն ազատեցին զիս" (cf. Link to armntRom. 8:2).
Paragraph: 9     եւ թէ՝ "աւրէնքն հոգեւորք են" (Link to armntRom. 7:14)։
Paragraph: 10     Լոկ յաւրէնս առանց հոգւոյ հայէին հրեայքն, եւ սովամահք եղեն եւ սպանողք եղեն սրբոցն։

+ [in margine]
Paragraph: 11     Երրորդ բարք մրջման. յորժամ ի յանդսն ընթանայ, եւ ելանէ ի հասկսն եւ կեղեւէ զհատն,
Paragraph: 12     յառաջ քան զելանելն հոտոտի, եթէ գարոյ իցէ թէ ցորենոյ.
Paragraph: 13     թէ գարւոյ իցէ, փախչի անտի [ Manuscript page: 76r  ] եւ ի ցորենոյն երթայ. քանզի գարին անասնոց կերակուր է։
Paragraph: 14     Որպէս ասէ Յոբ "փոխանակ ցորենոյ բուսցի ինձ գարի" (cf. Link to armatJob 31:40)։
Paragraph: 15     Եւ դուք փախերուք ի քաղդեացւոց անտի որ անասնացուցին զանձին(ս)՝ յամենայն աւտարոտի ուսմանց։



Next part


This text is part of the TITUS edition of Physiologus.

Copyright TITUS Project, Frankfurt a/M, 1.6.2016. No parts of this document may be republished in any form without prior permission by the copyright holder.