TITUS
Biblia Iberica: Psalterium et Odae
Part No. 11
Previous part

Chapter: 11 
Verse: 2  Link to mcat Link to sept Link to armat   მაცხოვნე მე, ღმერთო, რამეთუ მოაკლდა წმიდაჲ, რამეთუ შემცირდეს ჭეშმარიტებანი ძეთა კაცთაგან.

Verse: 3  Link to mcat Link to sept Link to armat   ამაოსა იტყოდა კაცი მოყუსისა თჳსისათჳს, ბაგითა ზაკუვითა გულსა გულითა იტყოდა.

Verse: 4  Link to mcat Link to sept Link to armat   აჴოცენინ უფალმან ყოველნი ბაგენი მზაკუვარნი და ენაჲ მდიდრად მეტყუელი,

Verse: 5  Link to mcat Link to sept Link to armat   რომელთა თქუეს, ენაჲ ჩუენი განვიდიდოთ, ბაგენი ჩუენნი ჩუენ თანა არიან; და აწ ვინ ჩუენდა უფალ არს?

Verse: 6  Link to mcat Link to sept Link to armat   ჭირისათჳს გლახაკთაჲსა, სულ-თქუმისათჳს დავრდომილთაჲსა აწ აღვდგე, იტყჳს უფალი, დავდვა ცხორებაჲ ჩემი და განვცხადნე მათ ზედა.

Verse: 7  Link to mcat Link to sept Link to armat   სიტყუანი უფლისანი არიან სიტყუა წმიდა, ვითარცა ვეცხლი გამოჴურვებული, რჩეული, გამოცდილი, განწმედილი მიწით შჳდ წილად.

Verse: 8  Link to mcat Link to sept Link to armat   შენ, უფალო, მიცვენ ჩუენ, დამიმარხენ ჩუენ ამიერითგან უკუნისამდე.

Verse: 9  Link to mcat Link to sept Link to armat   გარემოჲს უღმრთონი ვლენან; სიმაღლითა შენითა სულგრძელ იქმენ ყოველთა ძეთა ზედა კაცთასა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.