; Luḳ. 9:7-9)
; Luk'. 9:7-9)
Ṭe vädä Isusi barada bakala exlätxo ṭeṭrarx * Iroda ṗaneṗi.
Šoṭin iz sarayi amdarxo pine: "Mo Ḳunuḳbal Ioane. Šo ṗuri ganuxun be͑yinebake. Möǯüzox yaratmišala zoral memiine". *
Mo haṭe Irode ki, iz viči Filiṗi čuux Irodiya görä Ioana biq̇esṭi iz kulmoġo zinǯirläyinši zindanane bosesṭey.
Šoṭaynaḳ ki, Ioanen šoṭo peney: "Irodiya haq̇sun va q̇adaġane". *
Iroden Ioana bespsune čuresay, ama ǯamaataxun q̇ə͑nebsay. Šoṭaynaḳ ki, ǯamaaten Ioana xavarečale hesabsay.
Irodi nanaxun baksuni ġine giresunasṭa Irodiyay xuyär q̇onaġxoy be͑ś č̣eri äčinepi. Šo ṭeq̇ädär Irodi xošele hari ki,
šoṭin elas tadi bayanebi ki, xuyären ḳä čureġayin, šoṭo tadale.
Xuyären isä iz nanan iču zombi ḳinäḳe pi: "Ḳunuḳbal Ioani bula memiya sa sinin boš za tada".
Padčaġi üḳä därden haneq̇i, ama q̇onaġxoy be͑ś iz tadi elasa görä ämirebi ki, šoṭo iz čureġalṭu tadeq̇aṭun.
Metärluġen, ǯällada yaq̇abi zindana Ioani bula boṭesedi.
Šoṭay bula sa sinin boš ečeri xuyäräṭun tadi, šoṭinal iz nanaynaḳe tašeri.
Ioani šagirdxon hari šoṭay meyidä tašeri oćalaxṭunbi. Oša taci Isusa me barada xavarṭun tadi.
; Luḳ. 9:10-17; Ioan. 6:1-14)
; Luk'. 9:10-17; İoan. 6:1-14)
Isusen moṭo avabakaṭan lodḳina arci savsa ṭeṭiin šuḳḳal nu bakala galane taci. Ama amdarxon moṭo avabaki ičoġoy šähärmoġoxun č̣eri turin Šoṭay qošṭanṭun taci.
Isus q̇ariluġa č̣eġaṭan kala sa top amdare \ aḳi. Šoṭoġo Iz gorox hari azariṭoġo q̇olayebi.
Bayinq̇ bakaṭan šagirdxo Šoṭay ṭo͑ġo͑l hari piṭun: "Memiya čölluġe, vaxṭal č̣äyine. Ǯamaata tärba, barta taci ayizmoġoxun ičoġoynaḳ ukunq̇aṭun haq̇i".
Ama Isusen šoṭoġo pine: "Koṭoġoy taysuna ehṭiyäǯ tene bu. Koṭoġo ukun vä͑n tadanan".
Šagirdxon Isusa piṭun: "Memiya qo śumaxun q̇a ṗä͑ čälinäxun bašq̇a hiḳḳal teyax bu".
Šoṭin pine: "Šoṭoġo Zaynaḳ memiya ečanan".
Isusen ǯamaata oye loxol arsṭuna ämirbi, qo śuma q̇a ṗä͑ čälinä exṭi göynul be͑ġi šükürbala afərənanebi. Oša śuma ǯöybi šagirdxone tadi, šagirdxonal ǯamaataṭun paybi.
Bitoṭin käyi-boṭunši. Avuzin mandi ḳoṭorxoxunal ṗac̣c̣e buy zänbilṭun girbi.
Ukun ukala sayǯä išq̇arxoy say isä čuux saal äyloġoxun bašq̇a qo hazar taney.
; Ioan. 6:15-21)
; İoan. 6:15-21)
Moṭoxun haṭe saad oša Šoṭin šagirdxo ämirebi ki, Ičin ǯamaata tärbaṭan, šorox lodḳina laci göle ṭə͑yä͑mi täräf č̣ovakaṭun.
Isus ǯamaataxun ǯöybakiṭuxun oša buruġone laci ki, ṭeṭiya täk mandi afərəḳane. Biyäbakaṭan Šo ṭeṭiya täkey.
Lodḳa isä ene göle bə͑yexey, hamal šo läpoġoy araneney, šoṭaynaḳ ki, mušen ičoġoy ćoyele \ fuyey.
Üšeni biṗimǯi vaxṭasṭa * Isus šoṭoġoy täräfe taci. Šo göle loxolxune taysay.
Šagirdxon isä Isusi göle loxolxun tarapsuna aḳaṭan gele q̇ə͑ṭunbi. Šoṭoġon q̇ə͑yexun harayṭunpi: "Mo sa aḳesune!"
Isusen haṭe saad šoṭoġo pine: "Üḳlü bakanan, mo Zuzu, ma q̇ə͑banan!" \ Ṭe vädä P̣eṭeren Šoṭo pine:
"Ay Q̣onʒ́ux, ägär mo Hunnusa, za ämirba ki, xene loxolxun Vi ṭo͑ġo͑l eġaz".
Isusen "Eki!" pine. P̣eṭer lodḳinaxun ciri xene loxolxun Isusi täräfe taci.
Ama muše osṭaar baksuna aḳaṭan q̇ə͑bi batksane burqi. Šoṭin harayepi: "Ay Q̣onʒ́ux, za čarḳesṭa!"
Isusen haṭe saad Iz kula boxodi šoṭo biq̇i pine: "Ay ve͑luġ mal bakala amdar, heṭaynaḳen šüpäläyinšäki?"
Šorox lodḳina laġala vädine muš šiṗe baki.
Lodḳina bakala šagirdxon "Hägigiyal Hun Buxaʒ́uġoy Ġarnu!" pi, Šoṭo bulṭun ḳoc̣bi
Gölä č̣ovaki šorox Ginesar oćalaṭun hari.
Ṭe oćali amdarxon Isusa čalxi me barada härräminä bakala här gala xavar yäymiši azariṭoġo bütümä Šoṭay ṭo͑ġo͑lṭun \ ečeri.
Azariṭoġon hiḳḳal nuval bakayin Isusi paltari ätäyä lafsṭeynaḳ xoyinśṭunbsay. Šoṭo lafṭalorox bito q̇olayṭunbaksay.
