; Luḳ. 19:28-40; Ioan. 12:12-19)
; Luk'. 19:28-40; İoan. 12:12-19)
Šorox Yerusalima ə͑śalayinšaki Zeytun buruġo Beṭfagey ayiza ṗaṗaṭan Isusen ṗä͑ šagirdä yaq̇abi
šoṭoġo pine: "Ef be͑ś bakala ayize takinan. P̣aṗala ḳinäḳ ṭeṭiya ġać sa elem q̇a sa elemi bala aḳalnan. Šoṭoġo šadbi Bez ṭo͑ġo͑l ečanan.
Šinesa vä͑x sa äyit uḳayin, šoṭo metär ǯoġab tadanan: "Morox Q̣onʒ́uġone lazəm". Šoṭinal haṭe saad šoṭoġo tašṭuna iǯaza tadale".
Moroxal xavarečalen pi me äyit bex ṗaṗseynaḳe baki:
"Sioni xuyärä * upanan ki,
Šagirdxo taci Isusen ämirbi ḳinäḳ biṭun.
Elema q̇a elemi balina ečeri šoṭoġoy loxol ičoġoy paltara laxi Isusa arcevṭunḳi.
Ǯamaati geleṭine ičoġoy paltara yaq̇a pastsay, bäziṭoġon isä xodurxoy taymoġoṭun \ boṭi yaq̇a pastsay.
Isusi be͑ś taġala saal bać̣anexun eġala ǯamaaten metäre harayey:
Isus Yerusalima baġaṭan bütüm šähär häyäǯanluney. Amdarxon xavarṭun haq̇say: "Mo šuva?"
Ǯamaaten isä nexey: "Mo Galileyani Nazareṭ šähärexun bakala Isus xavarečale".
; Luḳ. 19:45-48; Ioan. 2:13-22)
; Luk'. 19:45-48; İoan. 2:13-22)
Isus xrama hari haq̇i-toydalxo bitova ṭeṭiin šäṗeci. Tängä badalbalxoy q̇a göyärčin toydalxoy isṭolxo taranedi.
Šoṭoġo metäre pi: \ "Bez ḳož afərəbseynaḳ bakala ḳož ḳaleġale" * \ pine camece. Ama vä͑n šoṭo "fu͑q̇ḳalxoy mesanan" * č̣urevḳe!"
Xrama bakaṭan Isusi ṭo͑ġo͑l ḳać̣i saal axsaġ amdarxone ə͑śalayinšaki, Isusenal šoṭoġo q̇olayebi.
Ama samǯi be͑yinśxon saal ḳanun \ zombalxon Šoṭay määṭṭäl mandala äšurxo biq̇suna saal xrama "Davidi Ġara Hosanna!" uḳa harayḳala äyloġo aḳi äǯuġläyinšṭunbaki,
Ičuval piṭun: "Moṭoġoy ḳä upsuna inbaksa?" Isusen šoṭoġo pine: "Hoo. \ "Körpä äyloġoy q̇a döš ukala äyloġoy źomoxunen \ kamil tärifä haq̇i" * \ äyitä tenan ḳalpe?"
Isusen šoṭoġo barti šähärexun č̣ere. Šo Beṭanyana taci ṭeṭiya käyebi.
; Luḳ. 13:6-9)
; Luk'. 13:6-9)
Savaxṭan Isus šähäre qaybakaṭan busanebaki.
Yaq̇e ṭo͑ġo͑l sa inǯilnä xod aḳi šoṭo ə͑śalayinšebaki, ama xodal xazalaxun bašq̇a sa šey tene bä͑ġä͑bi. Isusen šoṭo pine: "Barta ene vi loxol meyvä maq̇an baki". Inǯilnä xod haṭe saad q̇arinebaki.
Šagirdxon moṭo aḳi "Inǯilnä xod haṭe saad heṭaynaḳa q̇aribaki?" pi määṭṭäl manṭundi.
Isusen šoṭoġo ǯoġabe tadi: "Vä͑x düzinäz nex: ägär vä͑sṭa ve͑luġ baki nu šüpäläyinšakaynan, näyinki Zu inǯilnä xodin bel ečeriṭunanbo, lap me buruġo "Hayza, va dänizä bosa!" uḳaynan, haṭetäräl baneko. *
Ägär vä͑sṭa ve͑luġ bakayin, afərəḳaṭan ef čureġalṭu haq̇alnan".
; Luḳ. 20:1-8)
; Luk'. 20:1-8)
Isus xrama hari zombaṭan, samǯi be͑yinśxon saal azuḳi aġsaq̇q̇alxon Šoṭo ə͑śalayinšaki xavarṭun haq̇i: "Hun me äšurxo mani exṭiyärenenbsa? Va ke exṭiyärä šina tade?"
Isusen šoṭoġo pine: "Zuval vä͑x sa sual tadoz. Šoṭo Za uḳaynan, Zuval moṭoġo mani exṭiyärenbsuna vä͑x uzḳon.
Ioani ḳunuḳbsun mayinay? Göynuxun, yoxsa amdarxoxun?" Šoṭoġon isä ičoġoy arane metärṭun maslaatṗi: "Ägär uḳayan "göynuxun", "P̣oy šoṭo heṭaynaḳ tenan ve͑baki?" uḳale.
"Amdarxoxun" upsun ǯamaataxun q̇ə͑ne, šoṭaynaḳ ki, bitoṭin Ioana xavarečale hesabsa".
Ṭe vädä Šoṭo ǯoġabṭun tadi: "Teyan ava". Isusenal šoṭoġo pine: "Moṭoġo mani exṭiyärenbsuna Zuval vä͑x tez uḳal".
P̣oy vä͑n me mäsälin barada hetärnan fikirbsa? Sa amdari ṗä͑ ġaroy. Samǯiṭay ṭo͑ġo͑l hari "ay bez ġar, taki ġe ṭulluġa äšṗa" pine.
Šoṭin ǯoġabe tasṭa: "Tez čuresa." Ama oša pe͑śmanbaki tanesa.
Me amdar iz ṭə͑yä͑mi ġara ə͑śalayinšaki ṗurumal haṭe äyitäne nex. Ṭe ġaren ǯoġabe tasṭa: "Tazsa, bez aġa", ama tene taysa.
Moṭoġoy maṭina iz bavay čureġalṭu bex ṗaṗespsa?" Šoṭoġon "samǯiṭin" piṭun. Isusen šoṭoġo pine: "Vä͑x düzinäz nex: \ naloggirbalxo q̇a taraḳala čupux vä͑xun be͑śṭun Buxaʒ́uġoy padčaġluġa baġo.
Axər, Ioan ef ṭo͑ġo͑l düzgün yaq̇a aḳesṭeynaḳe harey, vä͑n isä šoṭo tenan ve͑baki. Ama naloggirbalxo q̇a taraḳala čupux šoṭo ve͑ṭunbaki. Vä͑n moṭo aḳiṭuxun ošal tenan pe͑śman baki šoṭo ve͑baki. *
; Luḳ. 20:9-19)
; Luk'. 20:9-19)
Q̣eräz sa mäsälinä u͑mu͑xlaxanan: mülke q̇onʒ́ux bakala sa amdare buy. Šoṭin ṭulluġe lasaksa, ṭiyani härrämine čäpärebsa. Iz bona ga kaśṗi ṭul q̇ać̣ḳale düzbsa, ṭiyana be͑ġseynaḳ ḳülläne biq̇sa. Oša isä ṭulluġa baġbanxo šärten tadi q̇eräz ölkinäne taysa. *
Mähsuli vädä ṗaṗaṭan šoṭin iz paya exsṭeynaḳ iz ḳulurxo baġbanxoy ṭo͑ġo͑le yaq̇absa.
Ama baġbanxon šoṭay ḳulurxo biq̇i sunṭu ṭaṗṭunne, ṭə͑yä͑minṭu besṭunbsa, xibimǯiṭu isä źe͑layinšṭunbsa.
Ṭulluġi q̇onʒ́uġon ṗurum süfṭinṭuxun samalal gele q̇eräz ḳulurxone yaq̇absa. Baġbanxon šoṭoġoval süfṭinṭoġollariḳṭunbsa.
"Bez ġara hörmätṭunbo" pi, axərda iz ġarane šoṭoġoy ṭo͑ġo͑l yaq̇absa.
Baġbanxon isä ġara aḳi ičoġoy arane nexṭun: "Varis mone. Ekinan koṭo besṗen miras yaxq̇an mandi".
Šoṭo biq̇i ṭulluġaxun ṭo͑o͑x č̣evḳi besṭunbsa.
Ṭulluġi q̇onʒ́uġon hari me baġbanxo ḳä bale?"
Šoṭoġon ǯoġabṭun tadi: "Me xayinxo äfčibale, ṭulluġa isä ṭetär amdarxo šärten tadale ki, šoṭoġon mähsula iz vädine iču tadaṭun".
Isusen šoṭoġo pine: "P̣oy vä͑n ω͑vel Camurxosṭa moṭo tenan ḳalpe ki?
Moṭaynaḳal vä͑x nexzu: Buxaʒ́uġoy padčaġluġ vä͑xun haq̇eci Šoṭay mähsula ṗaṗesṗala sa azuḳa tadeġale.
Me źe͑ne loxol bitalo careġale, źe͑ isä ši loxol bitayin, šoṭo ć̣aḳḳale". *
Samǯi be͑yinśxon saal fariseyxon Šoṭay mäsälxo ibaki q̇amišṭunbaki ki, Isusen me äyitmoġo ičoġoy baradane nex.
Šoṭoġon čurṭunci Isusa biq̇aṭun, ama ǯamaataxun q̇ə͑ṭunbi, šoṭaynaḳ ki, ǯamaaten Šoṭo xavarečale hesabbsay.
