; Luḳ. 24:1-9; Ioan. 20:1-10)
; Luk'. 24:1-9; İoan. 20:1-10)
Šamaṭ ġi č̣ovakiṭuxun oša magdallu Mariyan, Iaḳovi nana Mariyan saal Salomiṭen šaaṭ adeġala oyurxoxun düzbaki č̣äyinṭun haq̇i ki, taci Isusi meyidä lä͑ä͑mdaṭun.
Šamaṭ ġi č̣ovaki, savaxṭan üšenen be͑ġ čärtḳaṭan šorox maġarin ṭo͑ġo͑lṭun hari.
Šoṭoġon ičoġoy arane "maġarin źomosṭa bakala źe͑na yaynaḳ šin ṭəḳərdale?" pi exlätṭunbsay.
Ama ṭiya ə͑śalayinšakaṭan aṭunḳi ki, źe͑ ṭo͑o͑x ṭəḳərecene. Ṭe źe͑ gele kala źe͑ney.
Šorox maġarina baġaṭan aṭunḳi ki, yön täräf mac̣i xälät lapi sa ǯäyile arce. Čupuxxo q̇ə͑yene haq̇i.
Šoṭin isä pine: "Ma q̇ə͑banan! Avazu ki, xače loxol ṗuri Nazareṭlu Isusanan qä͑vesa. Šo be͑yinbakene! Memiya butene. Be͑ġanan, mo Iču laxi gane.
Häysä isä takinan, Šoṭay šagirdxo saal P̣eṭera metär upanan: "Isusen Galileyina vä͑xun be͑ś taci ef yaq̇ane be͑ġsa. Vä͑x pi ḳinäḳ Šoṭo ṭeṭiya aḳalnan". *
Čupux gärämzinaxun č̣eri ṭiṭunṭeri. Šoṭoġo sa dähšätene haq̇layinšey, mat mandeṭuniy. Ičoġoy q̇ə͑yexunal šuḳḳala hiḳḳal teṭun pi.
; Luḳ. 24:13-35; Ioan. 20:11-18)
; Luk'. 24:13-35; İoan. 20:11-18)
Šamaṭ ġi č̣ovakiṭuxun oša, savaxṭan üšenen be͑yinbaki Isus süfṭä magdallu Mariyaynaḳe aḳeci. Mo haṭe Isusen ičuxun vu͑ġ murdar uruf č̣evḳi Mariyaney.
Mariyanal taci \ moṭo Isusaxun baki isääl Šoṭaynaḳ yas efi o͑no͑ḳalṭoġo xavare tadi.
Ama šoṭoġon Isusi be͑yinbaksuna q̇a Šoṭay Mariyaynaḳ aḳesuna teṭun ve͑baki.
Moṭoxun oša Isus ṗurum Iz šagirdxoxun ṗrannaṭaynaḳ, šorox ayize taġaṭan yaq̇a šoṭoġoy be͑ś q̇eräz suraten aḳeci.
Šoṭoġon qoš qaybaki me barada ṭə͑yä͑miṭoġo exlätṭunbi, ama šoṭoġoval teṭun ve͑baki.
; Luḳ. 24:36-49; Ioan. 20:19-23; Aṗosṭ. 1:6-8)
; Luk'. 24:36-49; İoan. 20:19-23; Ap'ost'. 1:6-8)
Oša ṭetäre baki ki, Izi sac̣c̣e šagirden sagala arci śum ukaṭan Isus šoṭoġoynaḳe aḳeci. Šoṭoġoy inadkärluġa görä, Iču be͑yinbakiṭuxun oša aḳiṭoġo nu ve͑baksuna görä šoṭoġo töhmätebi.
Šoṭin Iz šagirdxo pine: "Dirisṭ dünyänä tarapanan, amdarxo bitova Mu͑q Xavara karoozbanan!
Ve͑baki ḳunuḳbakala amdar čarḳeġale, ičusṭa ve͑luġ nu bakalṭu isä pis q̇ärar tadeġale.
Ve͑ bakalṭoġo čalxesṭalo isä šoṭoġoy aḳesṭala möǯüzälü niśanxo bakale: šoṭoġon Bez Ciyen murdar urufxo č̣evḳalṭun, täzä muzurxon äyitḳalṭun,
diziḳxo ičoġoy kiin biq̇i besṗala zähäräl u͑ġä͑yṭun, šoṭoġo täsir tene bal. Šoṭoġon ičoġoy kulmoġo azariġoy loxol laxalṭun, šoroxal q̇olaybakalṭun".
; Aṗosṭ. 1:9-11)
; Ap'ost'. 1:9-11)
Me äyitmoġo piṭuxun oša Q̣onʒ́ux Isus göynul e͑qeci Buxaʒ́uġoy yön täräf areci.
Šagirdxon isä taci här gala Mu͑q Xavara karoozṭunbsay. Q̣onʒ́uġonal šoṭoġo kömäyebsay, šoṭoġoy karooza möǯüzälü niśanxon täsṭiġebsay.
