TITUS Texts: Codex Zographensis

TITUS
Codex Zographensis
Part No. 38

Chapter: 12

Verse: 1

῾І начѧтъ ῾імъ притъчами г҃лати · виноградъ ч҃къ насади · ῾і огради і оплотомь · ῾і ископа точило · ῾і съӡъда стлъпъ · ῾і въдастъ і тѧжатељемъ ῾і отиде ·
῾Ⰺ ⱀⰰⱍⱔⱅⱏ ῾ⰺⰿⱏ ⱂⱃⰻⱅⱏⱍⰰⰿⰻ ⰳ҃ⰾⰰⱅⰻ · ⰲⰻⱀⱁⰳⱃⰰⰴⱏ ⱍ҃ⰽⱏ ⱀⰰⱄⰰⰴⰻ · ῾ⰺ ⱁⰳⱃⰰⰴⰻ ⰹ ⱁⱂⰾⱁⱅⱁⰿⱐ · ῾ⰺ ⰻⱄⰽⱁⱂⰰ ⱅⱁⱍⰻⰾⱁ · ῾ⰺ ⱄⱏⰸⱏⰴⰰ ⱄⱅⰾⱏⱂⱏ · ῾ⰺ ⰲⱏⰴⰰⱄⱅⱏ ⰺ ⱅⱔⰶⰰⱅⰵⰾ҄ⰵⰿⱏ ῾ⰺ ⱁⱅⰻⰴⰵ ·

Verse: 2

῾і посъла · къ тѧжатељемъ рабъ въ врѣмѧ · да отъ тѧжателъ приметь · о̆тъ плодъ винограда ·
῾ⰺ ⱂⱁⱄⱏⰾⰰ · ⰽⱏ ⱅⱔⰶⰰⱅⰵⰾ҄ⰵⰿⱏ ⱃⰰⰱⱏ ⰲⱏ ⰲⱃⱑⰿⱔ · ⰴⰰ ⱁⱅⱏ ⱅⱔⰶⰰⱅⰵⰾⱏ ⱂⱃⰻⰿⰵⱅⱐ · ⱁ̆ⱅⱏ ⱂⰾⱁⰴⱏ ⰲⰻⱀⱁⰳⱃⰰⰴⰰ ·

Verse: 3

῾і имъше і бишѧ · ῾і посълашѧ тъшть ·
῾ⰺ ⰻⰿⱏⱎⰵ ⰹ ⰱⰻⱎⱔ · ῾ⰺ ⱂⱁⱄⱏⰾⰰⱎⱔ ⱅⱏⱎⱅⱐ ·

Verse: 4

῾і пакы посъла къ њимъ дроугъі рабъ · ῾і того камениемь бивъше пробишѧ главѫ ӗмоу · ῾і посълашѧ бештьстъна ·
῾ⰺ ⱂⰰⰽⱏⰹ ⱂⱁⱄⱏⰾⰰ ⰽⱏ ⱀ҄ⰻⰿⱏ ⰴⱃⱁⱆⰳⱏⰺ ⱃⰰⰱⱏ · ῾ⰺ ⱅⱁⰳⱁ ⰽⰰⰿⰵⱀⰻⰵⰿⱐ ⰱⰻⰲⱏⱎⰵ ⱂⱃⱁⰱⰻⱎⱔ ⰳⰾⰰⰲⱘ ⰵ̆ⰿⱁⱆ · ῾ⰺ ⱂⱁⱄⱏⰾⰰⱎⱔ ⰱⰵⱎⱅⱐⱄⱅⱏⱀⰰ ·

Verse: 5

῾і пакы ῾іного посъла · ῾і того оубишѧ · ῾і ины многы · о̆вы бьѭште · о̆вы же оубьѣ̆ѭште ·
῾ⰺ ⱂⰰⰽⱏⰹ ῾ⰺⱀⱁⰳⱁ ⱂⱁⱄⱏⰾⰰ · ῾ⰺ ⱅⱁⰳⱁ ⱁⱆⰱⰻⱎⱔ · ῾ⰺ ⰻⱀⱏⰹ ⰿⱀⱁⰳⱏⰹ · ⱁ̆ⰲⱏⰹ ⰱⱐⱙⱎⱅⰵ · ⱁ̆ⰲⱏⰹ ⰶⰵ ⱁⱆⰱⱐⱑ̆ⱙⱎⱅⰵ ·

Verse: 6

Ӗште же ῾імѣӑше ӗдиного с҃на · въӡљюбљенаӑго своего · посъла ῾і того къ њимъ послѣди г҃лѧ ѣко посрамљѣѭтъ сѧ с҃на моего ·
Ⰵ̆ⱎⱅⰵ ⰶⰵ ῾ⰺⰿⱑⰰ̆ⱎⰵ ⰵ̆ⰴⰻⱀⱁⰳⱁ ⱄ҃ⱀⰰ · ⰲⱏⰸⰾ҄ⱓⰱⰾ҄ⰵⱀⰰⰰ̆ⰳⱁ ⱄⰲⱁⰵⰳⱁ · ⱂⱁⱄⱏⰾⰰ ῾ⰺ ⱅⱁⰳⱁ ⰽⱏ ⱀ҄ⰻⰿⱏ ⱂⱁⱄⰾⱑⰴⰻ ⰳ҃ⰾⱔ ⱑⰽⱁ ⱂⱁⱄⱃⰰⰿⰾ҄ⱑⱙⱅⱏ ⱄⱔ ⱄ҃ⱀⰰ ⰿⱁⰵⰳⱁ ·

Verse: 7

о̆ни же тѧжатеље видѣвъше и грѧдѫшть къ себѣ рѣшѧ · ѣко сь ӗстъ наслѣдьникъ · придѣте оубиѣ̆мъ і · ῾і наше бѫдетъ достоѣ̆нье ·
ⱁ̆ⱀⰻ ⰶⰵ ⱅⱔⰶⰰⱅⰵⰾ҄ⰵ ⰲⰻⰴⱑⰲⱏⱎⰵ ⰻ ⰳⱃⱔⰴⱘⱎⱅⱐ ⰽⱏ ⱄⰵⰱⱑ ⱃⱑⱎⱔ · ⱑⰽⱁ ⱄⱐ ⰵ̆ⱄⱅⱏ ⱀⰰⱄⰾⱑⰴⱐⱀⰻⰽⱏ · ⱂⱃⰻⰴⱑⱅⰵ ⱁⱆⰱⰻⱑ̆ⰿⱏ ⰺ · ῾ⰺ ⱀⰰⱎⰵ ⰱⱘⰴⰵⱅⱏ ⰴⱁⱄⱅⱁⱑ̆ⱀⱐⰵ ·

Verse: 8

῾і имъше оубишѧ и · ῾і иӡвръгошѧ и вънъ ῾іӡ винограда ·
῾ⰺ ⰻⰿⱏⱎⰵ ⱁⱆⰱⰻⱎⱔ ⰻ · ῾ⰺ ⰻⰸⰲⱃⱏⰳⱁⱎⱔ ⰻ ⰲⱏⱀⱏ ῾ⰺⰸ ⰲⰻⱀⱁⰳⱃⰰⰴⰰ ·

Verse: 9

чьто оубо сътворитъ г҃ь винограда · придетъ · ῾і погоубитъ тѧжатељѧ · ῾і дастъ виноградъ ῾інѣмъ ·
ⱍⱐⱅⱁ ⱁⱆⰱⱁ ⱄⱏⱅⰲⱁⱃⰻⱅⱏ ⰳ҃ⱐ ⰲⰻⱀⱁⰳⱃⰰⰴⰰ · ⱂⱃⰻⰴⰵⱅⱏ · ῾ⰺ ⱂⱁⰳⱁⱆⰱⰻⱅⱏ ⱅⱔⰶⰰⱅⰵⰾ҄ⱔ · ῾ⰺ ⰴⰰⱄⱅⱏ ⰲⰻⱀⱁⰳⱃⰰⰴⱏ ῾ⰺⱀⱑⰿⱏ ·

Verse: 10

ни ли сихъ есте къњигъ чьли · камень ӗгоже не врѣдоу сътворишѧ ӡиждѫштеи · сь быс҃ въ главѫ ѫ̆гълоу ·
ⱀⰻ ⰾⰻ ⱄⰻⱈⱏ ⰵⱄⱅⰵ ⰽⱏⱀ҄ⰻⰳⱏ ⱍⱐⰾⰻ · ⰽⰰⰿⰵⱀⱐ ⰵ̆ⰳⱁⰶⰵ ⱀⰵ ⰲⱃⱑⰴⱁⱆ ⱄⱏⱅⰲⱁⱃⰻⱎⱔ ⰸⰻⰶⰴⱘⱎⱅⰵⰻ · ⱄⱐ ⰱⱏⰹⱄ҃ ⰲⱏ ⰳⰾⰰⰲⱘ ⱘ̆ⰳⱏⰾⱁⱆ ·

Verse: 11

о̆тъ г҃ѣ быстъ си · ῾і естъ дивъна въ о̆чию нашею ·
ⱁ̆ⱅⱏ ⰳ҃ⱑ ⰱⱏⰹⱄⱅⱏ ⱄⰻ · ῾ⰺ ⰵⱄⱅⱏ ⰴⰻⰲⱏⱀⰰ ⰲⱏ ⱁ̆ⱍⰻⱓ ⱀⰰⱎⰵⱓ ·

Verse: 12

῾і искаӑхѫ ѧти і · ῾і оубоѣшѧ сѧ народа · раӡоумѣшѧ бо ѣко къ њимъ притъчѫ рече · ῾і оставьше и о̆тидошѧ ·
῾ⰺ ⰻⱄⰽⰰⰰ̆ⱈⱘ ⱔⱅⰻ ⰹ · ῾ⰺ ⱁⱆⰱⱁⱑⱎⱔ ⱄⱔ ⱀⰰⱃⱁⰴⰰ · ⱃⰰⰸⱁⱆⰿⱑⱎⱔ ⰱⱁ ⱑⰽⱁ ⰽⱏ ⱀ҄ⰻⰿⱏ ⱂⱃⰻⱅⱏⱍⱘ ⱃⰵⱍⰵ · ῾ⰺ ⱁⱄⱅⰰⰲⱐⱎⰵ ⰻ ⱁ̆ⱅⰻⰴⱁⱎⱔ ·

Verse: 13

῾і посълашѧ къ њемоу · ӗтеры о̆тъ фарисеи · ῾і иродиѣнъ · да ῾і бѫ о̆бльстили словомь ·
῾ⰺ ⱂⱁⱄⱏⰾⰰⱎⱔ ⰽⱏ ⱀ҄ⰵⰿⱁⱆ · ⰵ̆ⱅⰵⱃⱏⰹ ⱁ̆ⱅⱏ ⱇⰰⱃⰻⱄⰵⰻ · ῾ⰺ ⰻⱃⱁⰴⰻⱑⱀⱏ · ⰴⰰ ῾ⰺ ⰱⱘ ⱁ̆ⰱⰾⱐⱄⱅⰻⰾⰻ ⱄⰾⱁⰲⱁⰿⱐ ·

Verse: 14

ѡ̆ни же пришьдъше г҃лашѧ ӗмоу · оучитељю · вѣмъ ѣко ῾істиньнъ еси · ῾і не родиши ни о̆ комьже · не ӡьриши бо на лице ч҃комъ · нъ въ істинѫ пѫти б҃жью оучиши · рьци оубо намъ · достоітъ ли · ќинсъ дати ќесареви · ῾іли ни · дамъ ли ῾іли не дамъ ·
ⱉ̆ⱀⰻ ⰶⰵ ⱂⱃⰻⱎⱐⰴⱏⱎⰵ ⰳ҃ⰾⰰⱎⱔ ⰵ̆ⰿⱁⱆ · ⱁⱆⱍⰻⱅⰵⰾ҄ⱓ · ⰲⱑⰿⱏ ⱑⰽⱁ ῾ⰺⱄⱅⰻⱀⱐⱀⱏ ⰵⱄⰻ · ῾ⰺ ⱀⰵ ⱃⱁⰴⰻⱎⰻ ⱀⰻ ⱁ̆ ⰽⱁⰿⱐⰶⰵ · ⱀⰵ ⰸⱐⱃⰻⱎⰻ ⰱⱁ ⱀⰰ ⰾⰻⱌⰵ ⱍ҃ⰽⱁⰿⱏ · ⱀⱏ ⰲⱏ ⰺⱄⱅⰻⱀⱘ ⱂⱘⱅⰻ ⰱ҃ⰶⱐⱓ ⱁⱆⱍⰻⱎⰻ · ⱃⱐⱌⰻ ⱁⱆⰱⱁ ⱀⰰⰿⱏ · ⰴⱁⱄⱅⱁⰺⱅⱏ ⰾⰻ · ⰽⰻⱀⱄⱏ ⰴⰰⱅⰻ ⰽⰵⱄⰰⱃⰵⰲⰻ · ῾ⰺⰾⰻ ⱀⰻ · ⰴⰰⰿⱏ ⰾⰻ ῾ⰺⰾⰻ ⱀⰵ ⰴⰰⰿⱏ ·

Verse: 15

о̆нъ же вѣды ῾іхъ лицемѣрье · рече ῾імъ · чьто мѧ о̆коушаӗте · принесѣте ми пѣнѧӡь да виждѫ ·
ⱁ̆ⱀⱏ ⰶⰵ ⰲⱑⰴⱏⰹ ῾ⰺⱈⱏ ⰾⰻⱌⰵⰿⱑⱃⱐⰵ · ⱃⰵⱍⰵ ῾ⰺⰿⱏ · ⱍⱐⱅⱁ ⰿⱔ ⱁ̆ⰽⱁⱆⱎⰰⰵ̆ⱅⰵ · ⱂⱃⰻⱀⰵⱄⱑⱅⰵ ⰿⰻ ⱂⱑⱀⱔⰸⱐ ⰴⰰ ⰲⰻⰶⰴⱘ ·

Verse: 16

о̆ни же принесошѧ ӗмоу · ῾і г҃ла ῾імъ · чиі ӗстъ о̆браӡось ῾і нап᾽сание · о̆ни же рѣшѧ ӗмоу ќесаревъ ·
ⱁ̆ⱀⰻ ⰶⰵ ⱂⱃⰻⱀⰵⱄⱁⱎⱔ ⰵ̆ⰿⱁⱆ · ῾ⰺ ⰳ҃ⰾⰰ ῾ⰺⰿⱏ · ⱍⰻⰹ ⰵ̆ⱄⱅⱏ ⱁ̆ⰱⱃⰰⰸⱁⱄⱐ ῾ⰺ ⱀⰰⱂ᾽ⱄⰰⱀⰻⰵ · ⱁ̆ⱀⰻ ⰶⰵ ⱃⱑⱎⱔ ⰵ̆ⰿⱁⱆ ⰽⰵⱄⰰⱃⰵⰲⱏ ·

Verse: 17

῾і отъвѣштавъ и҃с рече ῾імъ · ќесареваѣ въӡдадите ќесареви · ῾і б҃жьѣ б҃ви · ῾і чюдишѧ сѧ о̆ њемь ·
῾ⰺ ⱁⱅⱏⰲⱑⱎⱅⰰⰲⱏ ⰻ҃ⱄ ⱃⰵⱍⰵ ῾ⰺⰿⱏ · ⰽⰵⱄⰰⱃⰵⰲⰰⱑ ⰲⱏⰸⰴⰰⰴⰻⱅⰵ ⰽⰵⱄⰰⱃⰵⰲⰻ · ῾ⰺ ⰱ҃ⰶⱐⱑ ⰱ҃ⰲⰻ · ῾ⰺ ⱍⱓⰴⰻⱎⱔ ⱄⱔ ⱁ̆ ⱀ҄ⰵⰿⱐ ·

Verse: 18

῾І придошѧ садоуќеі къ њемоу · ῾іже г҃љѭтъ не быти въскрѣшенью · ῾і въпрашаӑхѫ і г҃љѭште ·
῾Ⰺ ⱂⱃⰻⰴⱁⱎⱔ ⱄⰰⰴⱁⱆⰽⰵⰹ ⰽⱏ ⱀ҄ⰵⰿⱁⱆ · ῾ⰺⰶⰵ ⰳ҃ⰾ҄ⱙⱅⱏ ⱀⰵ ⰱⱏⰹⱅⰻ ⰲⱏⱄⰽⱃⱑⱎⰵⱀⱐⱓ · ῾ⰺ ⰲⱏⱂⱃⰰⱎⰰⰰ̆ⱈⱘ ⰹ ⰳ҃ⰾ҄ⱙⱎⱅⰵ ·

Verse: 19

о̆учитељю · не моси ли нап᾽са намъ · ѣко ӑште комоу братръ оумьретъ ῾і оставитъ женѫ · ӑ чѧдъ не о̆ставитъ · да по῾іметъ братръ женѫ его · ῾і въскрѣситъ сѣмѧ братра своего ·
ⱁ̆ⱆⱍⰻⱅⰵⰾ҄ⱓ · ⱀⰵ ⰿⱁⱄⰻ ⰾⰻ ⱀⰰⱂ᾽ⱄⰰ ⱀⰰⰿⱏ · ⱑⰽⱁ ⰰ̆ⱎⱅⰵ ⰽⱁⰿⱁⱆ ⰱⱃⰰⱅⱃⱏ ⱁⱆⰿⱐⱃⰵⱅⱏ ῾ⰺ ⱁⱄⱅⰰⰲⰻⱅⱏ ⰶⰵⱀⱘ · ⰰ̆ ⱍⱔⰴⱏ ⱀⰵ ⱁ̆ⱄⱅⰰⰲⰻⱅⱏ · ⰴⰰ ⱂⱁ῾ⰺⰿⰵⱅⱏ ⰱⱃⰰⱅⱃⱏ ⰶⰵⱀⱘ ⰵⰳⱁ · ῾ⰺ ⰲⱏⱄⰽⱃⱑⱄⰻⱅⱏ ⱄⱑⰿⱔ ⰱⱃⰰⱅⱃⰰ ⱄⰲⱁⰵⰳⱁ ·

Verse: 20

бѣ же седмь братрьѧ · ῾і прьвы поѧ женѫ · ῾і оумираѧ не о̆стави сѣмене ·
ⰱⱑ ⰶⰵ ⱄⰵⰴⰿⱐ ⰱⱃⰰⱅⱃⱐⱔ · ῾ⰺ ⱂⱃⱐⰲⱏⰹ ⱂⱁⱔ ⰶⰵⱀⱘ · ῾ⰺ ⱁⱆⰿⰻⱃⰰⱔ ⱀⰵ ⱁ̆ⱄⱅⰰⰲⰻ ⱄⱑⰿⰵⱀⰵ ·

Verse: 21

῾і въторы поѧтъ ѭ · ῾і оумрѣтъ · ῾і тъ не о̆стави сѣмене · ῾і третиі такожде ·
῾ⰺ ⰲⱏⱅⱁⱃⱏⰹ ⱂⱁⱔⱅⱏ ⱙ · ῾ⰺ ⱁⱆⰿⱃⱑⱅⱏ · ῾ⰺ ⱅⱏ ⱀⰵ ⱁ̆ⱄⱅⰰⰲⰻ ⱄⱑⰿⰵⱀⰵ · ῾ⰺ ⱅⱃⰵⱅⰻⰹ ⱅⰰⰽⱁⰶⰴⰵ ·

Verse: 22

῾і поѧшѧ ѭ седмь · ῾і не о̆ставишѧ сѣмене · послѣжде же вьсѣхъ оумрѣтъ ῾і жена ·
῾ⰺ ⱂⱁⱔⱎⱔ ⱙ ⱄⰵⰴⰿⱐ · ῾ⰺ ⱀⰵ ⱁ̆ⱄⱅⰰⰲⰻⱎⱔ ⱄⱑⰿⰵⱀⰵ · ⱂⱁⱄⰾⱑⰶⰴⰵ ⰶⰵ ⰲⱐⱄⱑⱈⱏ ⱁⱆⰿⱃⱑⱅⱏ ῾ⰺ ⰶⰵⱀⰰ ·

Verse: 23

въ въскрѣшенье ӗгда въскръснѫтъ · котороумоу ῾іхъ бѫдетъ жена · седмь бо ῾імѣшѧ ѭ женѫ ·
ⰲⱏ ⰲⱏⱄⰽⱃⱑⱎⰵⱀⱐⰵ ⰵ̆ⰳⰴⰰ ⰲⱏⱄⰽⱃⱏⱄⱀⱘⱅⱏ · ⰽⱁⱅⱁⱃⱁⱆⰿⱁⱆ ῾ⰺⱈⱏ ⰱⱘⰴⰵⱅⱏ ⰶⰵⱀⰰ · ⱄⰵⰴⰿⱐ ⰱⱁ ῾ⰺⰿⱑⱎⱔ ⱙ ⰶⰵⱀⱘ ·

Verse: 24

῾і отъвѣштавъ и҃с рече ῾імъ · не сего ли ради блѫдите · не вѣдѫште къњигъ · ни силы б҃жиѧ ·
῾ⰺ ⱁⱅⱏⰲⱑⱎⱅⰰⰲⱏ ⰻ҃ⱄ ⱃⰵⱍⰵ ῾ⰺⰿⱏ · ⱀⰵ ⱄⰵⰳⱁ ⰾⰻ ⱃⰰⰴⰻ ⰱⰾⱘⰴⰻⱅⰵ · ⱀⰵ ⰲⱑⰴⱘⱎⱅⰵ ⰽⱏⱀ҄ⰻⰳⱏ · ⱀⰻ ⱄⰻⰾⱏⰹ ⰱ҃ⰶⰻⱔ ·

Verse: 25

ӗгда бо ῾іӡ мрътвъ῾іхъ въскръснѫтъ · ни женѧтъ сѧ ни посагаѭтъ · нъ сѫтъ ӑкы а҃ђли на н҃бсхъ ·
ⰵ̆ⰳⰴⰰ ⰱⱁ ῾ⰺⰸ ⰿⱃⱏⱅⰲⱏ῾ⰺⱈⱏ ⰲⱏⱄⰽⱃⱏⱄⱀⱘⱅⱏ · ⱀⰻ ⰶⰵⱀⱔⱅⱏ ⱄⱔ ⱀⰻ ⱂⱁⱄⰰⰳⰰⱙⱅⱏ · ⱀⱏ ⱄⱘⱅⱏ ⰰ̆ⰽⱏⰹ ⰰ҃ⰼⰾⰻ ⱀⰰ ⱀ҃ⰱⱄⱈⱏ ·

Verse: 26

ӑ о мрьтвъіхъ ѣко въстанѫтъ · нѣсте ли чьли въ къњигахъ м῾усѣовахъ · при кѫпинѣ · како рече ӗмоу б҃ъ г҃лѧ · ӑӡъ б҃ъ ӑвраӑмљь · ῾і б҃ъ ῾ісаӑковъ · ῾і б҃ъ ῾іѣковљь ·
ⰰ̆ ⱁ ⰿⱃⱐⱅⰲⱏⰺⱈⱏ ⱑⰽⱁ ⰲⱏⱄⱅⰰⱀⱘⱅⱏ · ⱀⱑⱄⱅⰵ ⰾⰻ ⱍⱐⰾⰻ ⰲⱏ ⰽⱏⱀ҄ⰻⰳⰰⱈⱏ ⰿ῾ⱆⱄⱑⱁⰲⰰⱈⱏ · ⱂⱃⰻ ⰽⱘⱂⰻⱀⱑ · ⰽⰰⰽⱁ ⱃⰵⱍⰵ ⰵ̆ⰿⱁⱆ ⰱ҃ⱏ ⰳ҃ⰾⱔ · ⰰ̆ⰸⱏ ⰱ҃ⱏ ⰰ̆ⰲⱃⰰⰰ̆ⰿⰾ҄ⱐ · ῾ⰺ ⰱ҃ⱏ ῾ⰺⱄⰰⰰ̆ⰽⱁⰲⱏ · ῾ⰺ ⰱ҃ⱏ ῾ⰺⱑⰽⱁⰲⰾ҄ⱐ ·

Verse: 27

нѣстъ б҃ъ мрътвъ῾іхъ · нъ живъіхъ · вы оубо много блѫдите ·
ⱀⱑⱄⱅⱏ ⰱ҃ⱏ ⰿⱃⱏⱅⰲⱏ῾ⰺⱈⱏ · ⱀⱏ ⰶⰻⰲⱏⰺⱈⱏ · ⰲⱏⰹ ⱁⱆⰱⱁ ⰿⱀⱁⰳⱁ ⰱⰾⱘⰴⰻⱅⰵ ·

Verse: 28

῾І пристѫпь ӗдинъ о̆тъ кънижьникъ · слышавъ ѧ сътѧӡаѭштѧ сѧ · видѣвъ ѣко добрѣ о̆тъвѣшта ῾імъ · въпроси і · каѣ ӗстъ ӡаповѣдь прьваѣ вьсѣхъ ·
῾Ⰺ ⱂⱃⰻⱄⱅⱘⱂⱐ ⰵ̆ⰴⰻⱀⱏ ⱁ̆ⱅⱏ ⰽⱏⱀⰻⰶⱐⱀⰻⰽⱏ · ⱄⰾⱏⰹⱎⰰⰲⱏ ⱔ ⱄⱏⱅⱔⰸⰰⱙⱎⱅⱔ ⱄⱔ · ⰲⰻⰴⱑⰲⱏ ⱑⰽⱁ ⰴⱁⰱⱃⱑ ⱁ̆ⱅⱏⰲⱑⱎⱅⰰ ῾ⰺⰿⱏ · ⰲⱏⱂⱃⱁⱄⰻ ⰹ · ⰽⰰⱑ ⰵ̆ⱄⱅⱏ ⰸⰰⱂⱁⰲⱑⰴⱐ ⱂⱃⱐⰲⰰⱑ ⰲⱐⱄⱑⱈⱏ ·

Verse: 29

і҃с же г҃ла ӗмоу · ѣко прьвѣ῾іши ӡаповѣдьі · ӗстъ всѣхъ · слыши і҃љю · г҃ь б҃ъ нашь г҃ь ӗдинъ ӗстъ ·
ⰺ҃ⱄ ⰶⰵ ⰳ҃ⰾⰰ ⰵ̆ⰿⱁⱆ · ⱑⰽⱁ ⱂⱃⱐⰲⱑ῾ⰺⱎⰻ ⰸⰰⱂⱁⰲⱑⰴⱐⰹ · ⰵ̆ⱄⱅⱏ ⰲⱄⱑⱈⱏ · ⱄⰾⱏⰹⱎⰻ ⰺ҃ⰾ҄ⱓ · ⰳ҃ⱐ ⰱ҃ⱏ ⱀⰰⱎⱐ ⰳ҃ⱐ ⰵ̆ⰴⰻⱀⱏ ⰵ̆ⱄⱅⱏ ·

Verse: 30

῾і вьӡљюбиши г҃ѣ б҃а своего · всѣмь сръд᾽цемь тво῾імь · ῾і вьсеѭ д҃шеѭ своеѭ · ῾і всѣмь оумомь тво῾імь · ῾і вьсеѭ крѣпостиѭ твоеѭ · си пръвѣ῾іши вьсѣхъ ӡаповѣдиі ·
῾ⰺ ⰲⱐⰸⰾ҄ⱓⰱⰻⱎⰻ ⰳ҃ⱑ ⰱ҃ⰰ ⱄⰲⱁⰵⰳⱁ · ⰲⱄⱑⰿⱐ ⱄⱃⱏⰴ᾽ⱌⰵⰿⱐ ⱅⰲⱁ῾ⰺⰿⱐ · ῾ⰺ ⰲⱐⱄⰵⱙ ⰴ҃ⱎⰵⱙ ⱄⰲⱁⰵⱙ · ῾ⰺ ⰲⱄⱑⰿⱐ ⱁⱆⰿⱁⰿⱐ ⱅⰲⱁ῾ⰺⰿⱐ · ῾ⰺ ⰲⱐⱄⰵⱙ ⰽⱃⱑⱂⱁⱄⱅⰻⱙ ⱅⰲⱁⰵⱙ · ⱄⰻ ⱂⱃⱏⰲⱑ῾ⰺⱎⰻ ⰲⱐⱄⱑⱈⱏ ⰸⰰⱂⱁⰲⱑⰴⰻⰹ ·

Verse: 31

῾і вътораѣ подобьна еі · вьӡљюбиши подроуга своего ѣ̆кы самъ сѧ · большѧ сеѧ ῾іноѧ ӡаповѣди нѣстъ ·
῾ⰺ ⰲⱏⱅⱁⱃⰰⱑ ⱂⱁⰴⱁⰱⱐⱀⰰ ⰵⰹ · ⰲⱐⰸⰾ҄ⱓⰱⰻⱎⰻ ⱂⱁⰴⱃⱁⱆⰳⰰ ⱄⰲⱁⰵⰳⱁ ⱑ̆ⰽⱏⰹ ⱄⰰⰿⱏ ⱄⱔ · ⰱⱁⰾⱐⱎⱔ ⱄⰵⱔ ῾ⰺⱀⱁⱔ ⰸⰰⱂⱁⰲⱑⰴⰻ ⱀⱑⱄⱅⱏ ·

Verse: 32

῾І рече ӗмоу къњижьникъ · добрѣ оучитељю ῾істинѫ рече · ѣко ӗдинъ естъ ῾і нѣстъ ῾іного раӡвѣ его ·
῾Ⰺ ⱃⰵⱍⰵ ⰵ̆ⰿⱁⱆ ⰽⱏⱀ҄ⰻⰶⱐⱀⰻⰽⱏ · ⰴⱁⰱⱃⱑ ⱁⱆⱍⰻⱅⰵⰾ҄ⱓ ῾ⰺⱄⱅⰻⱀⱘ ⱃⰵⱍⰵ · ⱑⰽⱁ ⰵ̆ⰴⰻⱀⱏ ⰵⱄⱅⱏ ῾ⰺ ⱀⱑⱄⱅⱏ ῾ⰺⱀⱁⰳⱁ ⱃⰰⰸⰲⱑ ⰵⰳⱁ ·

Verse: 33

῾і еже љюбити і вьсѣмь сръдьцемь · ῾і всѣмь раӡоумомь · ῾і вьсеѭ д҃шеѭ · ῾і вьсеѭ крѣпостиѭ · ῾і еже љюбити · ῾іскрьњѣего ѣко себе · боље ӗстъ вьсѣхъ · ѡлокавътоматъ · ῾і жрътвъ ·
῾ⰺ ⰵⰶⰵ ⰾ҄ⱓⰱⰻⱅⰻ ⰹ ⰲⱐⱄⱑⰿⱐ ⱄⱃⱏⰴⱐⱌⰵⰿⱐ · ῾ⰺ ⰲⱄⱑⰿⱐ ⱃⰰⰸⱁⱆⰿⱁⰿⱐ · ῾ⰺ ⰲⱐⱄⰵⱙ ⰴ҃ⱎⰵⱙ · ῾ⰺ ⰲⱐⱄⰵⱙ ⰽⱃⱑⱂⱁⱄⱅⰻⱙ · ῾ⰺ ⰵⰶⰵ ⰾ҄ⱓⰱⰻⱅⰻ · ῾ⰺⱄⰽⱃⱐⱀ҄ⱑⰵⰳⱁ ⱑⰽⱁ ⱄⰵⰱⰵ · ⰱⱁⰾ҄ⰵ ⰵ̆ⱄⱅⱏ ⰲⱐⱄⱑⱈⱏ · ⱉⰾⱁⰽⰰⰲⱏⱅⱁⰿⰰⱅⱏ · ῾ⰺ ⰶⱃⱏⱅⰲⱏ ·

Verse: 34

і҃с же видѣвъ і · ѣко съмыслъно отъвѣшта · рече ӗмоу · недалече ӗси о̆тъ ц҃рсьѣ б҃жьѣ · ῾І никътоже не съмѣӑше его къ томоу въпросити ·
ⰺ҃ⱄ ⰶⰵ ⰲⰻⰴⱑⰲⱏ ⰺ · ⱑⰽⱁ ⱄⱏⰿⱏⰹⱄⰾⱏⱀⱁ ⱁⱅⱏⰲⱑⱎⱅⰰ · ⱃⰵⱍⰵ ⰵ̆ⰿⱁⱆ · ⱀⰵⰴⰰⰾⰵⱍⰵ ⰵ̆ⱄⰻ ⱁ̆ⱅⱏ ⱌ҃ⱃⱄⱐⱑ ⰱ҃ⰶⱐⱑ · ῾Ⰺ ⱀⰻⰽⱏⱅⱁⰶⰵ ⱀⰵ ⱄⱏⰿⱑⰰ̆ⱎⰵ ⰵⰳⱁ ⰽⱏ ⱅⱁⰿⱁⱆ ⰲⱏⱂⱃⱁⱄⰻⱅⰻ ·

Verse: 35

῾і отъвѣштавъ и҃с г҃ла҃̆аше · оучѧ въ цръкъве · како г҃љѭтъ къњижьници · ѣко х҃ъ с҃нъ д҃въ ӗстъ ·
῾ⰺ ⱁⱅⱏⰲⱑⱎⱅⰰⰲⱏ ⰻ҃ⱄ ⰳ҃ⰾⰰ҃̆ⰰⱎⰵ · ⱁⱆⱍⱔ ⰲⱏ ⱌⱃⱏⰽⱏⰲⰵ · ⰽⰰⰽⱁ ⰳ҃ⰾ҄ⱙⱅⱏ ⰽⱏⱀ҄ⰻⰶⱐⱀⰻⱌⰻ · ⱑⰽⱁ ⱈ҃ⱏ ⱄ҃ⱀⱏ ⰴ҃ⰲⱏ ⰵ̆ⱄⱅⱏ ·

Verse: 36

тъ бо д҃адъ рече · д҃хомь с҃тъімь · Рече г҃ь г҃ви моемоу · сѣди о̆ деснѫѭ мене · дон᾽деже положѫ врагы твоѧ · подъножие ногама тво῾іма ·
ⱅⱏ ⰱⱁ ⰴ҃ⰰⰴⱏ ⱃⰵⱍⰵ · ⰴ҃ⱈⱁⰿⱐ ⱄ҃ⱅⱏⰺⰿⱐ · Ⱃⰵⱍⰵ ⰳ҃ⱐ ⰳ҃ⰲⰻ ⰿⱁⰵⰿⱁⱆ · ⱄⱑⰴⰻ ⱁ̆ ⰴⰵⱄⱀⱘⱙ ⰿⰵⱀⰵ · ⰴⱁⱀ᾽ⰴⰵⰶⰵ ⱂⱁⰾⱁⰶⱘ ⰲⱃⰰⰳⱏⰹ ⱅⰲⱁⱔ · ⱂⱁⰴⱏⱀⱁⰶⰻⰵ ⱀⱁⰳⰰⰿⰰ ⱅⰲⱁ῾ⰺⰿⰰ ·

Verse: 37

самъ оубо д҃адъ нарицаетъ і г҃ѣ · ῾і тъ како ӗмоу ӗстъ с҃нъ · ῾і мноѕи народи послоушаӑхѫ ӗго въ сласть ·
ⱄⰰⰿⱏ ⱁⱆⰱⱁ ⰴ҃ⰰⰴⱏ ⱀⰰⱃⰻⱌⰰⰵⱅⱏ ⰹ ⰳ҃ⱑ · ῾ⰺ ⱅⱏ ⰽⰰⰽⱁ ⰵ̆ⰿⱁⱆ ⰵ̆ⱄⱅⱏ ⱄ҃ⱀⱏ · ῾ⰺ ⰿⱀⱁⰷⰻ ⱀⰰⱃⱁⰴⰻ ⱂⱁⱄⰾⱁⱆⱎⰰⰰ̆ⱈⱘ ⰵ̆ⰳⱁ ⰲⱏ ⱄⰾⰰⱄⱅⱐ ·

Verse: 38

῾І г҃лаӑше ῾імъ въ оучениі своӗмь · бљюдѣте сѧ о̆тъ кънижьникъ · хотѧштиіхъ въ о̆деждахъ ходити · ῾і цѣлованиѣ на тръжиштиіхъ · ῾і прѣждесѣданиѣ на сънъмиштихъ · ῾і прьвовьӡлеженьѣ на вечерѣхъ ·
῾Ⰺ ⰳ҃ⰾⰰⰰ̆ⱎⰵ ῾ⰺⰿⱏ ⰲⱏ ⱁⱆⱍⰵⱀⰻⰹ ⱄⰲⱁⰵ̆ⰿⱐ · ⰱⰾ҄ⱓⰴⱑⱅⰵ ⱄⱔ ⱁ̆ⱅⱏ ⰽⱏⱀⰻⰶⱐⱀⰻⰽⱏ · ⱈⱁⱅⱔⱎⱅⰻⰹⱈⱏ ⰲⱏ ⱁ̆ⰴⰵⰶⰴⰰⱈⱏ ⱈⱁⰴⰻⱅⰻ · ῾ⰺ ⱌⱑⰾⱁⰲⰰⱀⰻⱑ ⱀⰰ ⱅⱃⱏⰶⰻⱎⱅⰻⰹⱈⱏ · ῾ⰺ ⱂⱃⱑⰶⰴⰵⱄⱑⰴⰰⱀⰻⱑ ⱀⰰ ⱄⱏⱀⱏⰿⰻⱎⱅⰻⱈⱏ · ῾ⰺ ⱂⱃⱐⰲⱁⰲⱐⰸⰾⰵⰶⰵⱀⱐⱑ ⱀⰰ ⰲⰵⱍⰵⱃⱑⱈⱏ ·

Verse: 40

Поѣ̆даѭштеі домы въдовиць · ῾і непьштеваниӗмь · далече молѧште сѧ · сиі приімѫтъ лиш᾽шее о̆сѫжденье ·
Ⱂⱁⱑ̆ⰴⰰⱙⱎⱅⰵⰹ ⰴⱁⰿⱏⰹ ⰲⱏⰴⱁⰲⰻⱌⱐ · ῾ⰺ ⱀⰵⱂⱐⱎⱅⰵⰲⰰⱀⰻⰵ̆ⰿⱐ · ⰴⰰⰾⰵⱍⰵ ⰿⱁⰾⱔⱎⱅⰵ ⱄⱔ · ⱄⰻⰹ ⱂⱃⰻⰹⰿⱘⱅⱏ ⰾⰻⱎ᾽ⱎⰵⰵ ⱁ̆ⱄⱘⰶⰴⰵⱀⱐⰵ ·

Verse: 41

῾І сѣдъ и҃с · прѣмо гаӡофилаќио̆ви · видѣвъ како народъ · мештетъ мѣдь въ гаӡафилаќиѭ · ῾і мноӡи богатиі · въмѣтаӑхѫ многаѣ ·
῾Ⰺ ⱄⱑⰴⱏ ⰻ҃ⱄ · ⱂⱃⱑⰿⱁ ⰳⰰⰸⱁⱇⰻⰾⰰⰽⰻⱁ̆ⰲⰻ · ⰲⰻⰴⱑⰲⱏ ⰽⰰⰽⱁ ⱀⰰⱃⱁⰴⱏ · ⰿⰵⱎⱅⰵⱅⱏ ⰿⱑⰴⱐ ⰲⱏ ⰳⰰⰸⰰⱇⰻⰾⰰⰽⰻⱙ · ῾ⰺ ⰿⱀⱁⰸⰻ ⰱⱁⰳⰰⱅⰻⰹ · ⰲⱏⰿⱑⱅⰰⰰ̆ⱈⱘ ⰿⱀⱁⰳⰰⱑ ·

Verse: 42

῾і пришьдъши ӗдина въдовица о̆убога · въвръже дьвѣ леп᾽тѣ · ӗже ӗстъ конъдратъ ·
῾ⰺ ⱂⱃⰻⱎⱐⰴⱏⱎⰻ ⰵ̆ⰴⰻⱀⰰ ⰲⱏⰴⱁⰲⰻⱌⰰ ⱁ̆ⱆⰱⱁⰳⰰ · ⰲⱏⰲⱃⱏⰶⰵ ⰴⱐⰲⱑ ⰾⰵⱂ᾽ⱅⱑ · ⰵ̆ⰶⰵ ⰵ̆ⱄⱅⱏ ⰽⱁⱀⱏⰴⱃⰰⱅⱏ ·

Verse: 43

῾і приӡъвавъ оученикы своѧ · рече ῾імъ · ӑминь г҃лѭ вамъ · ѣко въдовица си оубогаѣ · множае вьсѣхъ въвръже · въмѣтаѭштіихъ въ гаӡофоулиќиѭ ·
῾ⰺ ⱂⱃⰻⰸⱏⰲⰰⰲⱏ ⱁⱆⱍⰵⱀⰻⰽⱏⰹ ⱄⰲⱁⱔ · ⱃⰵⱍⰵ ῾ⰺⰿⱏ · ⰰ̆ⰿⰻⱀⱐ ⰳ҃ⰾⱙ ⰲⰰⰿⱏ · ⱑⰽⱁ ⰲⱏⰴⱁⰲⰻⱌⰰ ⱄⰻ ⱁⱆⰱⱁⰳⰰⱑ · ⰿⱀⱁⰶⰰⰵ ⰲⱐⱄⱑⱈⱏ ⰲⱏⰲⱃⱏⰶⰵ · ⰲⱏⰿⱑⱅⰰⱙⱎⱅⰹⰻⱈⱏ ⰲⱏ ⰳⰰⰸⱁⱇⱁⱆⰾⰻⰽⰻⱙ ·

Verse: 44

вси бо о̆тъ ῾іӡбытъка своего въвръгошѧ · ӑ си о̆тъ лишениѣ своего · вьсе ӗлико ῾імѣӑше въвръже вьсе житье свое ·
ⰲⱄⰻ ⰱⱁ ⱁ̆ⱅⱏ ῾ⰺⰸⰱⱏⰹⱅⱏⰽⰰ ⱄⰲⱁⰵⰳⱁ ⰲⱏⰲⱃⱏⰳⱁⱎⱔ · ⰰ̆ ⱄⰻ ⱁ̆ⱅⱏ ⰾⰻⱎⰵⱀⰻⱑ ⱄⰲⱁⰵⰳⱁ · ⰲⱐⱄⰵ ⰵ̆ⰾⰻⰽⱁ ῾ⰺⰿⱑⰰ̆ⱎⰵ ⰲⱏⰲⱃⱏⰶⰵ ⰲⱐⱄⰵ ⰶⰻⱅⱐⰵ ⱄⰲⱁⰵ ·

This text is part of the TITUS edition of Codex Zographensis.

Copyright TITUS Project, Frankfurt a/M, 11.5.2014. No parts of this document may be republished in any form without prior permission by the copyright holder.