Divan mabanan ki, divanal nu bakanan.
Šoṭaynaḳ ki, hun hetär divanbayin, vaal haṭetär divanbalṭun. Hun mani ölčinen usḳayin, vaynaḳal haṭe ölčinen usḳalṭun. *
Hun heṭaynaḳ vi vičey piye bakala čöpä anksa, ama vi piye bakala maqa ten aksa?
Vi piye maq baksun-baksun vi vičä hetären pes bakon: "Barta vi piye bakala čöpä č̣evḳaz!"
Ay ṗä͑ćolo, süfṭä vi piye bakala maqa č̣evḳa, ṭe vädä qay anḳon ki, vi vičey piye bakala čöpä hetärä č̣evḳes bako.
ω͑vel bakalṭu xä͑yoġo ma bosanan - šoṭoġon hüǯümbi vä͑x carḳalṭun. Mirvarinal bo͑q̇u͑rxo ma tadanan - šoṭo ičoġoy turmoġon ćaxćuxḳalṭun.
Čurekinan - vä͑x tadeġale, qä͑vekinan - bä͑ġä͑balnan, ćomo ṭapanan - vä͑ynaḳ qayeġale.
Šoṭaynaḳ ki, här čureġalṭin haq̇ale, qä͑veġalṭin bä͑ġä͑bale, ćomo ṭaṗḳalṭaynaḳ qayḳalṭun.
Ef \ aranexun šinesa iz ġaren ičuxun śum čureġayin, šoṭo źe͑ tanedo?
Nääl ki čäli čureġayin, šoṭo diziḳ tanedo?
Ägär vä͑n pis baksunen ef äyloġo šaaṭ payurxo tasṭuna baǯarnanbsasa, göynul bakala ef Bavay Ičuxun čureġalṭoġo q̇äšäng payurxo tasṭun heq̇ädär seriya!
Metärluġen, amdarxon vä͑xun hetär räfṭärbsuna čurnansasa, vä͑nal šoṭoġoxun ṭetär räfṭärbanan. Šoṭaynaḳ ki, ḳanunen saal Xavarečalxon piyoroxal mone. *
Q̣ač̣ darvazinaxun bakinan. Šoṭaynaḳ ki, äfčibaksuna tašala darvaza genge, iz yaq̇al genge. Me darvazinaxun baġalorox gelene.
Ama yäšäyinšä tašala darvaza q̇ač̣e, iz yaq̇al q̇ač̣e, šoṭo bä͑ġä͑balorox male.
; Luḳ. 6:43-46; 13:25-27)
; Luk'. 6:43-46; 13:25-27)
Äfči xavarečalxoxun vä͑x güdmišanan! Šorox ef ṭo͑ġo͑l q̇uzi ḳinäḳ eġalṭun, ama bonaxun ä͑qnä ulurxoṭun.
Šoṭoġo ičoġoy barurxoxun čalxalnan. Cacurxoxun ṭul, nääl ki q̇anġalaxun inǯil hä͑vṭunq̇on?
Metäre, šaaṭ xoden \ šaaṭ bare ešṭa, pis xoden isä pis bare ešṭa.
Šaaṭ xoden pis bar tades bateneko, pis xodenal šaaṭ bar tades bateneko.
Šaaṭ bar nu tadala här xoda boṭi aruġoṭun bosṭa. *
Metärluġen, äfči xavarečalxo ičoġoy äšurxoy barurxoxun čalxalnan. *
Za "Ay Q̣onʒ́ux! Ay Q̣onʒ́ux!" uḳala här amdar Göye padčaġluġa tene baġal, sayǯä göynul bakala Bez Bavay čureġalṭoġo bex ṗaṗesṗalo ṭiya baġale.
Ṭe ġi geleṭin Za uḳale: "Ay Q̣onʒ́ux! Ay Q̣onʒ́ux! Axər yan Vi c̣iyenyan karoozbey. Vi c̣iyenyan urufrxo č̣evḳey. Vi c̣iyenyan gele möǯüzoxbey."
Ama Zu šoṭoġo ṭe vädä ǯoġab tadoz: "Zu vä͑x sal sa vädä tez čalxe, Zaxun ä͑xil bakanan, ay pisluġbalxo!" *
)
)
Metärluġen, Bezi me äyitmoġo ibaki, šoṭoġo bex ṗaṗesṗalo iz ḳoža źe͑ne loxol biq̇ala haq̇ullu amdarane ošq̇ar.
Aġala hari, sel hari, mušurxon fupi ṭe ḳoža hüǯümṭunbo. Ama ḳož tene baro, šoṭaynaḳ ki, iz binora źe͑ne loxole laxece.
Me äyitmoġo ibaki šoṭoġo ämäl nu bala här sa tan isä iz ḳoža q̇ume loxol biq̇ala haq̇əlsuz amdarane ošq̇ar.
Aġala hari, sel hari, mušurxon fupi ṭe ḳoža hüǯümṭunbo. Ḳož careġo, šoṭay bisṭunal sa yase bako".
Isusen me äyitmoġo pi čarḳaṭan ǯamaat Šoṭay zombsuna määṭṭäle mandi,
šoṭaynaḳ ki, šoṭoġo ičoġoy ḳanun zombalxo ḳinäḳ tää, Buxaʒ́uġon exṭiyär tadi sa amdar ḳinäḳe zombsay. *
