TITUS Texts: Biblia Udica, Versio Nizhensis: Novum Testamentum

TITUS
Biblia Udica, Versio Nizhensis: Novum Testamentum
Part No. 8

Chapter: 8

Isusen sa ǯuzamluna q̇olayebsa
İsusen sa cuzamluna q'olayebsa

(Mrḳ. 1:40-45

; Luḳ. 5:12-16

)
(Mrk'. 1:40-45

; Luk'. 5:12-16

)

Verse: 1

Isus buruġoxun ciġala vädine kala sa top ǯamaat Šoṭay bać̣anexune taci.
İsus buruğoxun śiğala vədine kala sa top camaat Şot'ay bač'anexune taśi.

Verse: 2

Me vädä ǯuzamlu sa amdar ə͑śalayinšaki "ay Q̣onʒ́ux, ägär čureġayin, za tämizbes bankon" pi, Šoṭo bule ḳoc̣bi.
Me vədə cuzamlu sa amdar ı̌šalayinşaki "ay Q'ončux, əgər çureğayin, za təmizbes bankon" pi, Şot'o bule k'os'bi.

Verse: 3

Isusen Iz kula boxodi šoṭo lafṭi pine: "Čurezsa, tämizbaka!" Haṭe saad me amdar ǯuzamaxun tämizebaki.
İsusen İz kula boxodi şot'o laft'i pine: "Çurezsa, təmizbaka!" Hat'e saad me amdar cuzamaxun təmizebaki.

Verse: 4

Isusen šoṭo pine: "Be͑ġa, šuḳḳala sa äyit ma upa, ama taki, va be͑yinśa aḳesṭa, yoxlayinšeq̇an. Moṭo bitoṭin aḳseynaḳ Moiseyen bürmiši šükür paya eča". ^*
İsusen şot'o pine: "Běğa, şuk'k'ala sa əyit ma upa, ama taki, va běyinša ak'est'a, yoxlayinşeq'an. Mot'o bitot'in ak'seynak' Moiseyen bürmişi şükür paya eça". ^*

Baćtani kalaṭay ve͑baksun
Baç̌tani kalat'ay věbaksun

(Luḳ. 7:1-10

)
(Luk'. 7:1-10

)

Verse: 5

Isus Ḳefernauma hari vädine Rime q̇ošuni sa baćtani kalo Šoṭo ə͑śalayinšaki kömäye čureci:
İsus K'efernauma hari vədine Rime q'oşuni sa baç̌tani kalo Şot'o ı̌šalayinşaki köməye çureśi:

Verse: 6

"Ay \ Q̣onʒ́ux, bez q̇ulluġči ṗaralič baki ḳoya basḳine, šoṭin gele koruġe aksa".
"Ay \ Q'ončux, bez q'ulluğçi p'araliç baki k'oya bask'ine, şot'in gele koruğe aksa".

Verse: 7

Isusen šoṭo pine: "Zu hari šoṭo q̇olayboz".
İsusen şot'o pine: "Zu hari şot'o q'olayboz".

Verse: 8

Baćtani kalaṭin ǯoġab tadi pine: "Ay Q̣onʒ́ux, zu layiġ tezu ki, Hun bez ḳoya baġan. Täkč̣ä sa äyit upa, ṭe vädä bez q̇ulluġči q̇olaybakale,
Baç̌tani kalat'in coğab tadi pine: "Ay Q'ončux, zu layiğ tezu ki, Hun bez k'oya bağan. Təkc'ə sa əyit upa, t'e vədə bez q'ulluğçi q'olaybakale,

Verse: 9

šoṭaynaḳ ki, zuval tabi bakala sa amdarzu, beziyal tabin oq̇a bakala äsḳärxono. Sunṭu "Taki!" nexzu, šo tanesa, ṭə͑yä͑minṭu isä "Eki!" nexzu, šoval enesa. Bez ḳula "Me äšlä ba!" nexzu, šoṭinal bsane".
şot'aynak' ki, zuval tabi bakala sa amdarzu, beziyal tabin oq'a bakala əsk'ərxono. Sunt'u "Taki!" nexzu, şo tanesa, t'ı̌yə̌mint'u isə "Eki!" nexzu, şoval enesa. Bez k'ula "Me əşlə ba!" nexzu, şot'inal bsane".

Verse: 10

Moṭo ibakala Isus määṭṭäle mandi. Šoṭin Iz bać̣anexun eġala amdarxo pine: "Vä͑x düzinäz nex: Israila šuḳḳalasṭa metär kala ve͑luġa tez iräsṭ hare.
Mot'o ibakala İsus məət't'əle mandi. Şot'in İz bač'anexun eğala amdarxo pine: "Və̌x düzinəz nex: İsraila şuk'k'alast'a metər kala věluğa tez irəst' hare.

Verse: 11

Vä͑x nexzu ki, be͑ġ č̣eġala täräfäxun saal be͑ġ batḳala täräfäxun gelorox hari Göye padčaġluġa Avrahamaxun, Isaaḳaxun saal Iaḳovaxun sa sulfin bać̣ane arcalṭun. ^*
Və̌x nexzu ki, běğ c'eğala tərəfəxun saal běğ batk'ala tərəfəxun gelorox hari Göye padçağluğa Avrahamaxun, İsaak'axun saal İak'ovaxun sa sulfin bač'ane arśalt'un. ^*

Verse: 12

Me padčaġluġa täyinbakiyorox isä bayinq̇luġ čölö boseġalṭun. Ṭeṭiya o͑no͑psun saal uluxxoy ġərəč̣esṭun bakale". ^*
Me padçağluğa təyinbakiyorox isə bayinq'luğ çölö boseğalt'un. T'et'iya ǒnǒpsun saal uluxxoy ğırıc'est'un bakale". ^*

Verse: 13

Oša Isusen baćtani kalaṭu pine: "Taki, barta vi ve͑baksuna göräq̇an baki". Baćtani kalaṭay q̇ulluġčiyal haṭe saad q̇olayebaki.
Oşa İsusen baç̌tani kalat'u pine: "Taki, barta vi věbaksuna görəq'an baki". Baç̌tani kalat'ay q'ulluğçiyal hat'e saad q'olayebaki.

Isusi P̣eṭeri q̇aynako saal q̇eräzäl amdarxo q̇olaybsun
İsusi P'et'eri q'aynako saal q'erəzəl amdarxo q'olaybsun

(Mrḳ. 1:29-34

; Luḳ. 4:38-41

)
(Mrk'. 1:29-34

; Luk'. 4:38-41

)

Verse: 14

Isus P̣eṭeri ḳoya hari šoṭay q̇aynakoy q̇əzdərmin boš basksunane aḳi.
İsus P'et'eri k'oya hari şot'ay q'aynakoy q'ızdırmin boş basksunane ak'i.

Verse: 15

Isus šoṭay kula lafedi, čuġoyal q̇əzdərma haṭe saad cire. Šoṭo hayzeri Isusa q̇ulluġbsane burqi.
İsus şot'ay kula lafedi, çuğoyal q'ızdırma hat'e saad śire. Şot'o hayzeri İsusa q'ulluğbsane burqi.

Verse: 16

Biyäbakaṭan isä ičoġoy boš murdar uruf bakala gele amdarxoṭun Isusi ṭo͑ġo͑l ečeri. Šoṭin Iz äyiten murdar urufxo č̣eveḳi, azariṭoġoy bitova q̇olayebi,
Biyəbakat'an isə içoğoy boş murdar uruf bakala gele amdarxot'un İsusi t'ǒğǒl eçeri. Şot'in İz əyiten murdar urufxo c'evek'i, azarit'oğoy bitova q'olayebi,

Verse: 17

šoṭaynaḳ ki, Isaya xavarečalen pi me äyitmux bex ṗaṗalaney:
   şot'aynak' ki, İsaya xavareçalen pi me əyitmux bex p'ap'alaney:
    "Beš azarxo Šoṭin Iz loxole exṭi,
    "Beş azarxo Şot'in İz loxole ext'i,
    Beš q̇ać̣urxo tanešeri". ^*
    Beş q'ač'urxo taneşeri". ^*

Isusi bać̣anexun taysuni toy
İsusi bač'anexun taysuni toy

(Luḳ. 9:57-62

)
(Luk'. 9:57-62

)

Verse: 18

Isusen härrämine ǯamaat baksuna aḳi Iz šagirdxo ämirebi ki, göle ṭə͑yä͑mi täräf č̣ovakaṭun.
İsusen hərrəmine camaat baksuna ak'i İz şagirdxo əmirebi ki, göle t'ı̌yə̌mi tərəf c'ovakat'un.

Verse: 19

Sa ḳanun zombal Šoṭo ə͑śalayinšaki pine: "Määlim! Hun maya taġayin, Vi bać̣anexun taysuna häzirzu".
Sa k'anun zombal Şot'o ı̌šalayinşaki pine: "Məəlim! Hun maya tağayin, Vi bač'anexun taysuna həzirzu".

Verse: 20

Isusen šoṭo pine: "Tülküġoyal meso, göynul purḳala q̇ušurxoyal meso. Ama Amdari Ġare ^* Iz bula laxseynaḳal sa ga tene bu".
İsusen şot'o pine: "Tülküğoyal meso, göynul purk'ala q'uşurxoyal meso. Ama Amdari Ğare ^* İz bula laxseynak'al sa ga tene bu".

Verse: 21

Iz šagirdxoxun ṭə͑yä͑mi sunṭin isä Isusa pine: "Ay Q̣onʒ́ux, za iǯaza tada, süfṭä taġaz bez bava \ oćalaxbaz".
İz şagirdxoxun t'ı̌yə̌mi sunt'in isə İsusa pine: "Ay Q'ončux, za icaza tada, süft'ə tağaz bez bava \ oç̌alaxbaz".

Verse: 22

Isusen šoṭo pine: "Bez bać̣anexun eki. Barta ṗuriṭoġonq̇aṭun ičoġoy ṗuriṭoġo oćalaxbi"
İsusen şot'o pine: "Bez bač'anexun eki. Barta p'urit'oğonq'at'un içoğoy p'urit'oğo oç̌alaxbi"

Isusen tufana basḳesesṭa
İsusen tufana bask'esest'a

(Mrḳ. 4:35-41

; Luḳ. 8:22-25

)
(Mrk'. 4:35-41

; Luk'. 8:22-25

)

Verse: 23

Isus lodḳina arcala vädinesṭa Iz šagirdxoval Iz bać̣anexun taṭunci.
İsus lodk'ina arśala vədinest'a İz şagirdxoval İz bač'anexun tat'unśi.

Verse: 24

Göle bürdän ṭetär sa osṭaar tufane e͑qeci ki, lodḳa läpoġon buṭeci. Ama Isus basḳeney.
Göle bürdən t'etər sa ost'aar tufane ěqeśi ki, lodk'a ləpoğon but'eśi. Ama İsus bask'eney.

Verse: 25

Šagirdxo ə͑śalayinšaki Isusa muġurbi piṭun: "Ay Q̣onʒ́ux, yax čarḳesṭa, yan äfčiyanbaksa!"
Şagirdxo ı̌šalayinşaki İsusa muğurbi pit'un: "Ay Q'ončux, yax çark'est'a, yan əfçiyanbaksa!"

Verse: 26

Isusen šoṭoġo "Ay ve͑baksun mal bakalorox, heṭaynaḳnan qə͑bsa?" pine. Oša hayzeri mušurxo saal gölä q̇adaġanebi, ṭe vädä bä͑ġä͑loy šiṗluġe baki.
İsusen şot'oğo "Ay věbaksun mal bakalorox, het'aynak'nan qı̌bsa?" pine. Oşa hayzeri muşurxo saal gölə q'adağanebi, t'e vədə bə̌ğə̌loy şip'luğe baki.

Verse: 27

Šorox määṭṭäl mandi piṭun: "Mo hetär sa Amdara ki, mušurxoval, göläl Iču tabiṭun baksa?"
Şorox məət't'əl mandi pit'un: "Mo hetər sa Amdara ki, muşurxoval, göləl İçu tabit'un baksa?"

Ičoġoy boš murdar uruf bakala ṗä͑ tan q̇olayebaksa
İçoğoy boş murdar uruf bakala p'ə̌ tan q'olayebaksa

(Mrḳ. 5:1-20

; Luḳ. 8:26-39

)
(Mrk'. 5:1-20

; Luk'. 8:26-39

)

Verse: 28

Isus göle tə͑yämi täräf bakala Gadaraluġoy ^* oćala eġala vädinesṭa gärämzäluġi maġaroġoxun č̣eġala ičoġoy boš murdar uruf bakala ṗä͑ tane Šoṭoxun iräsṭhari. Šorox ṭetär xataluṭuniy ki, šuḳḳal ṭe yaq̇axun č̣ovakes bateneksay.
İsus göle tı̌yəmi tərəf bakala Gadaraluğoy ^* oç̌ala eğala vədinest'a gərəmzəluği mağaroğoxun c'eğala içoğoy boş murdar uruf bakala p'ə̌ tane Şot'oxun irəst'hari. Şorox t'etər xatalut'uniy ki, şuk'k'al t'e yaq'axun c'ovakes bateneksay.

Verse: 29

Mone, moṭoġon harayṭunpi: "Ay Buxaʒ́uġoy Ġar, yaxun ḳän čuresa? \ Memiya vaxṭaxun be͑ś yax koruġ tasṭan hare?"
Mone, mot'oğon harayt'unpi: "Ay Buxačuğoy Ğar, yaxun k'ən çuresa? \ Memiya vaxt'axun běš yax koruğ tast'an hare?"

Verse: 30

Šoṭoġoxun ä͑xil kala sa bo͑q̇e sürüne otarišaksay.
Şot'oğoxun ə̌xil kala sa bǒq'e sürüne otarişaksay.

Verse: 31

Murdar urufxon Isusa xoyinśṭunbi: "Yax šäṗeġalnusa, me bo͑q̇e sürün boš yaq̇aba".
Murdar urufxon İsusa xoyinšt'unbi: "Yax şəp'eğalnusa, me bǒq'e sürün boş yaq'aba".

Verse: 32

Isusen šoṭoġo "Takinan!" pine. Murdar urufxoval amdarxoxun č̣eri bo͑q̇u͑rxoy bošṭun baci. Metärluġen, sürü bito učurumaxun oq̇a, gölä bafṭi xene boš q̇ä͑q̇ä͑ṭunci.
İsusen şot'oğo "Takinan!" pine. Murdar urufxoval amdarxoxun c'eri bǒq'ǔrxoy boşt'un baśi. Metərluğen, sürü bito uçurumaxun oq'a, gölə baft'i xene boş q'ə̌q'ə̌t'unśi.

Verse: 33

Bo͑q̇u͑rxo otarišalxo isä ṭiṭunṭeri, šähäre hari här šeya saal ičoġoy boš murdar uruf bakala amdarxoy bel hari äšurxo xavarṭun tadi.
Bǒq'ǔrxo otarişalxo isə t'it'unt'eri, şəhəre hari hər şeya saal içoğoy boş murdar uruf bakala amdarxoy bel hari əşurxo xavart'un tadi.

Verse: 34

Moṭoxun oša bütüm šähäri yäšäyinšalxo Isusi be͑śṭun č̣eri. Isusa aḳaṭan Šoṭo xoyinśṭunbi ki, ičoġoy oćalaxun č̣eri taġane.
Mot'oxun oşa bütüm şəhəri yəşəyinşalxo İsusi běšt'un c'eri. İsusa ak'at'an Şot'o xoyinšt'unbi ki, içoğoy oç̌alaxun c'eri tağane.

This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.