რამეთუ თქუეს გულითა მათითა და განიზ\რახეს Page of ms. P: 41v არა მართლ: და მცირე და მწუხარე არს ცხორებაჲ ჩუენი, და არა არს კურნებაჲ აღსასრულსა კაცისასა და არასადა ვინ იცის, რომელიმცა მოიქცა ჯოჯოხეთით.
რამეთუ თჳთ ჴელმწიფედ შევიქმნენით ვითარცა არა ყოფილნი, რამეთუ კუამლ არს სული ცხჳრთა შინა ჩუენთა, სიტყუანი _ ნაბერწყალ,
რომელი დაშრტეს, და ნაცარ იქმნეს ჴორცნი, და სული დაჰჴსნდეს ეითარცა მეულოჱ აერი.
და სახელი ჩუენი დაივიწყოს ჟამად-ჟამად, და არავინ მოიჴსენნეს საქმენი ჩუენნი.
Page of ms. P: _ Page of ms. K: 182V ვჰმძლავრობდეთ გლახაკსა და მართალსა, არა ვერიდნეთ მოხუცებულსა, არცა შევიკდიმოთ მჴცეთაგან მრავლის ჟამისათა.
იყავნ ჩუენდა ძალი ჩუენი შჩულად Page of ms. K: 183R სიმართლისად, რამეთუ უძლურებასა უჴმარად ემხილების.
დავაპკოლოთ მართალი იგი, რამეთუ განმაძნელებელ ჩუენდა არს და წინააღუდგების საქმეთა ჩუენთა, და მაყუედრებს ჩუენ ცოდვათა შჯულისათა, და მიმომდებს ჩუენ ცოდვათა სწავლისა ჩუენისათა.
აღიარებს, ვითარმედ ცნობაჲ აქუს ღმრთისაჲ და ძედ ღმრთისა თავსა თჳსსა იტყჳს.
მექმნა ჩუენ მამხილებელ ზრახვათა გულისა ჩუენისათა.
მძიმე არს ხილვად ჩუენდაცა, რამეთუ არა მსგავს არს სხუათა ცხორებაჲ მისი და ცვალებულ ალაგნი მისნი.
საძაგელად შეურაცხიეთ მას, და განშორებულ არს გზათა ჩუენთა, ვითარცა არაწმიდათა; ჰნატრის აღსასრულსა მართალთასა, განლაღებულ არს და მამად ღმერთსა იტყჳს.
ვიხილოთ, უკუეთუ სიტყუანი მისნი არიან ჭეშმარიტ, და გამოვცადოთ, რაჲძი იყოს უკუანაჲსკნელი მისი.
უკუეთუ არს მართალი ძჱ ღმრთისაჲ, შეეწიენ მას და იჴსენინ იგი ჴელთაგან წინააღმდგომთა მისთაჲსა.
გინებითა და ტანჯვითა განვიკითხოთ იგი, რაჲთა ვცნათ სახიერებაჲ მისი, და გამოვცადოთ თავსდებაჲ განბოროტებისა მისისაჲ.
სიკუდილითა სარცხუენელითა დავსაჯოთ იგი, რამეთუ იყო მოხედვაჲ მისი სიტყუათაგან მისთა.
ესე განიზრახეს და შესცთეს, რამეთუ დააბრმნა იგინი უკეთურებამან,
და ვერ ცნეს საიდუმლოჲ ღმრთისაჲ, არცა სასყიდელსა ესვიდეს სიწმიდისასა, არცა გამოიკი[თ]ხეს პატივი სულთა უბიწოთაჲ.
რამეთუ ღმერთმან დაჰბადა კაცი უხრწნელებისათჳს და ხატად თჳსა თჳსობისათჳს შექმნა იგი.
შურითა ეშმაკისაჲთა სიკუდილი სოფლად შემოჴდა,
და განსცდიან მას, რომელნი-იგი არიან ნაწილსა მისსა.
