Page of ms. L: 424V სუიმეონ-პეტრე, მონაჲ და მოციქული იესუ ქრისტესი, რომელთა-ეგე სწორი პატივი ხუედრებულ არს თქუენდა სარწმუნოვებაჲ სიმართლითა ღმრთისაჲთა [და] მაცხოვრისა იესუ ქრისტეს[ს]ა,
მადლი თქუენდა, მშუიდობაჲ განმრავლდინ მეცნიერებითა უფლისა ჩუენისა იესუ ქრისტესითა!
რომელმან-იგი თუისისა ღმრთეებისა ძალი საცხორებელად და ღმრთისა სამსახურებელად მოგუანიჭა ჩუენ მეცნიერებითა მისითა, რომელმან-იგი მიჩინნა ჩუენ თუისსა მას დიდებასა და სათნოებასა,
რომლისაგან Page of ms. L: 425R დიდ-დიდნი და პატიოსანნი აღთქუმანი ჩუენ მომანიჭა, რაჲთა ამის გამო იყვნეთ საღმრთოისა მის ზიარ ბუნებისა, ევლტოდეთ სოფლისა ამის გულისთქმისა ხრწნილებასა,
და თქუენცა ესევე მოსწრაფებაჲ მოიპოეთ და ყავთ სარწმუნოვებასა შინა თქუენსა სათნოებაჲ, სათნოებასა შინა _ მეცნიერებაჲ,
მეცნიერებასა შინა _ მარხვაჲ, მარხვასა შინა _ მოთმინებაჲ, მოთმინებასა შინა _ ღმრთისმსახურებაჲ.
ღმრთისმსახურებასა შინა _ ძმათმოყუარებაჲ, ძმათმოყუარებასა შინა _ სიყუარული.
ესე რაჟამს იყოს თქუენ თანა და გარდაგემატოს არა უქმად, არცა უნაყოფოდ იპოვნეთ უფლისა ჩუენისა იესუ ქრისტესსა მას გამოჩინებასა.
რომლისა თანა Page of ms. L: 424V ესე არა არს, იგი ბრმა არს, მწერსა აჩრდილად ხედავს, რამეთუ დაავიწყდეს განწმედანი იგი პირველთა მათ ცოდვათა მისთანი.
ამისთუის, ძმანო, უფროისღა ისწრაფდით, რაჲთა კეთილთაგან საქმეთა მტკიცე ჰყოთ ჩინებაჲ ესე თქუენი: ამას იქმოდით და არასადა სცთეთ,
არამედ ესრე მდიდრად წარმოგემართოს თქუენ შესავალი იგი საუკუნესა მას სასუფეველსა ღმრთისა ჩუენისასა და მაცხოვრისა იესუ ქრისტესსა.
Page of ms. L: _ Page of ms. P: 377R ამის გამო ვიზრუნო მოჴსენებად თქუენდა მას: დაღათუ იცით და მტკიცე ხართ მოწევნულსა ამას ზედა ჭეშმარიტებასა.
სამართლად შემირაცხიეს, ვიდრე-ესე ვარ მე ამას სოფელსა, განღჳძებაჲ თქუენი მნებავს მოჴსენებითა.
უწყი, რამეთუ აღრე ყოფად არს დატევებაჲ საყოფლისა ამის ჩემისაჲ, ვითარცა-იგი უფალმან ჩუენმან იესუ ქრისტემან მაუწყა
და ვისწრაფო. რაჲთა კაცად-კაცადსა თქუენგანსა აქუნდეს შემდგომად განსლვისა ჩემისა ამათ მოჴსენებათა ყოფაჲ.
რამეთუ არა სიბრძნისა ზღაპართა შეუდეგით და გაუწყე თქუენ უფლისა ჩუენისა იესუ ქრისტჱსი მოსლვაჲ და ძალი, არამედ თჳთ ვხედევდით მისსა მას Page of ms. P: 377V დიდებულებასა.
რამეთუ მოიღო ღმრთისა მიერ მამისა პატივი და დიდებაჲ, ჴმაჲ, რომელი მოიწია მისა ესევითარისაგან დიდად შუენიერებისა დიდებისა: ესე არს ძჱ ჩემი საყუარელი, რომელი მე სათნო-ვიყავ. {1}
და ესე ჴმაჲ ჩუენ {!} გუესმა ზეცით გარდამო, მის თანა რაჲ ვიყვენით მთასა წმიდასა. {2}
Page of ms. P: _ Page of ms. L: 497V და მაქუს ჩუენ უმეტესი საწინაწარმეტყუელოი სიტყუაჲ რომელ კეთილად ჰყოთ, ეკრძალნეთ თუ ვითარცა სანთელსა, აღნთებულსა წყუდიადსა ადგილსა, ვიდრე დღჱ განათლდეს და მთიები გამობრწყინდეს გულთა შინა თქუენთა.
Page of ms. L: _ Page of ms. P: 225R ესემცა პირველად უწყით, რამეთუ ყოველი წინაწარმეტყუელებაჲ თჳსისა თავისა სათარგმანებელ [არა] არიან.
რამეთუ არა ნებითა კაცისაჲთა მო-სადამე-იწია წინაწარმეტყუელებაჲ, არამედ სულისა მიერ წმიდისა წინაჲთვე იტყოდეს წმიდანი ღმრთისანი.
