; Mrḳ. 14:3-9)
; Mrk'. 14:3-9)
*Č̣ovaksuni axsibayaxun * u͑q ġi be͑ś Isus Beṭanyinane hari. Isusen ṗuri ganuxun be͑yinbi Lazaral ṭeṭiyane yäšäyinšbsay.
Ṭeṭiya Isusi eysuni c̣iyal q̇onaxluġṭun tadi. Marṭan q̇ulluġebsay. Lazaral Isusaxun sagala q̇onaġxoy araneney.
Mariyan isä sa liṭra * toyexlu tämiz narde č̣äyin exṭi Isusi turmoġoy loxol lapi iz popen śarpsane burqi. Č̣äyini muć̣a aden ḳoža haneq̇i. *
Ama Isusi šagirdxoxun sunṭin, \ maṭin ki, oša Šoṭo toydaley, Iuda Isḳarioṭen pine:
"Moṭoxunsa me č̣äyinä xibbać dinara * toydi käsibxo paybese bakoy".
Me äyitä käsibxoy q̇ayġina mansṭuna görä tää, ič oġri baksuna göräne nexey, šoṭaynaḳ ki, ičusṭa bakala tängin toraya amdarxoy laxalṭuxun sa paya bašeq̇say.
Ṭe vädä Isusen pine: "Me čuġo ma galda, šoṭaynaḳ ki, me č̣äyin Za oćalaxbala ġineynaḳey.
Käsibxo hämišä ef ṭo͑ġo͑lṭun, Zu isä hämišä ef ṭo͑ġo͑l tez bakal".
Me vädä iudeyxoy gelo isä Isusi Beṭanyina baksuna avabaki ham Isusa görä, hamal Šoṭin ṗuri ganuxun be͑yinbi Lazara aḳseynaḳ ṭeṭiyaṭun hari.
Ṭe vädä samǯi be͑yinśxo Lazaral bespsuni q̇äraraṭun hari
šoṭaynaḳ ki, iudeyxoy gelo Lazara göräne Isusi täräf č̣ovaki Šoṭo ve͑ baki.
; Mrḳ. 11:1-11; Luḳ. 19:28-40)
; Mrk'. 11:1-11; Luk'. 19:28-40)
Äyč̣indäri, axsibaya hari amdarxoy gelo Isusi Yerusalima eysuna ibaki
ṗalmin xode č̣iḳurxo exṭi Šoṭay be͑śe č̣eri. Šoṭoġon
Isusen sa ǯäyil elem bä͑ġä͑bi iz bać̣ane laneci. Hetär ki, camecene:
"Ay Sioni xuyär, * ma q̇ə͑ba! \ Be͑ġa vi padčaġ sa ǯäyil elema laci enesa". *
Isusi šagirdxon ṭe vädä moṭoġoy ḳä upsuna teṭun q̇amišaksay. Ama Isusi c̣i alabakiṭuxun oša, Šoṭay barada cameciṭoġo saal ǯamaati Šoṭay be͑ś hetär cameceneysa, haṭetäräl č̣eysuna eyex badi q̇amišṭunbaki.
Lazara *gärämzoġoxun ḳalpi ṗuri ganuxun be͑yinbaṭan Isusi ṭo͑ġo͑l bakala ǯamaaten häläl me barada exlätebsay.
Amdarxon Isusi me möǯüzälü niśana aḳesṭuna ibakeney, šoṭo göräne Šoṭay be͑ś č̣erey.
Šoṭaynaḳal *fariseyxon sun-suna nexṭuniy: "Be͑ġanan, beši kiyexun hiḳḳal tene ayesa. Dirisṭ dünyä Šoṭay bać̣anexune taysa".
Axsibaya Yerusalima *bul ḳoc̣bsa \ hariṭoġoy arane sa hema greḳi muzin äyitḳala amdare buy.
Šoṭoġon Galileyin Beṭsayda ayizexun bakala Filiṗi ṭo͑ġo͑l hari šoṭo xoyinśṭunbi: "*Aġa, yan Isusa aksunyan čuresa".
Filiṗen taci Andreyane pi, Andreyenal Filiṗaxun sagala taci Isusaṭun xavar tadi.
Isusen ǯoġabe tadi: "Mone, *Amdari Ġar äslindä Šu baksuni ćoyel č̣eġala vaxṭ harene.
Serina, serinaz vä͑x nex: ägär sa arumi dän oćala biti tene bisasa, täk sa arum ḳinäḳäl manesṭa, ama bisanesa, gele bare tasṭa.
Iz yäšäyinšä čureġalṭin šoṭo aćesebon, izi me dünyäne bakala yäšäyinšä hiḳḳal nu hesabbalṭin isä šoṭo hämišäluġ yäšäyinšeynaḳe q̇orišon. *
Šin Za q̇ulluġbsun čureġayin, Bezi bać̣anexunq̇an hari. Zu maya bakayiz, Za q̇ulluġbaloval ṭeṭiya bakale. Šin Za q̇ulluġbayin, Bavanal šoṭo hörmätbale.
Häysä Bezi üḳ narahate. Ḳä uḳaz? "Ay Bava, Za me däyġinäxun čarḳesṭa" uḳaz? Ama Zu dünyäne me däyġin koruġaxun č̣ovakseynaḳez hare!
Ay Bava, Vi c̣iya alaba!" Göynuxunal sa säse hari: "Alazbi, saal alaboz".
Ṭeṭiya čurpi ǯamaati bäziṭoġon moṭo ibaki "göyene gürupi", ṭe sunṭoġon isä "Šoṭoxun sa angelene äyitṗi" piṭun.
Isusen pine: "Me säs \ Zaynaḳ tene, vä͑ynaḳe.
Häysä isä me dünyä divanebaksa, me günaxbala dünyäni kalaluġbalal * qavuna boseġale.
Za isä oćalaxun ala e͑qevḳaṭan, bütüm amdarxo Zač zaṗḳoz".
Isusen me äyitä upsunen Iz mani ǯürä bisunane ibakesṭi.
Ǯamaaten Šoṭo ǯoġabe tadi: "ω͑vel Camurxoxun ibakeyan ki, *Xrisṭos hämišäluġ mandale. P̣oy Hun heṭaynaḳen "Amdari Ġar ala e͑qeġalane" nex? *Amdari Ġar šuva?" *
Ṭe vädä Isusen šoṭoġo pine: "Išiġ samal vädä ef arane bakale. Išiġ bakala vädine tarapanan ki, vä͑x bayinq̇luġen maq̇an biq̇i. Šoṭaynaḳ ki, bayinq̇luġa taraḳalṭin maya taysuna tene avabaksa.
Išiġ bakala vädine Išiġa ve͑bakanan ki, Išiġi äylux bakanan". Isusen me äyitmoġo piṭuxun oša taneci, šoṭoġoy piyexunal aneći.
Ama Isusen ǯamaati be͑ś meq̇ädär möǯüzälü niśanxo aḳesṭiṭuxun ošal amdarxo Šoṭo ve͑ teney.
Morox koṭo göräne baki ki, Isaya *xavarečali me äyitmux bex ṗaṗane:
Isayan pi ḳinäḳ, šorox šoṭo görä ve͑ teṭun baksay ki:
"Buxaʒ́uġon šoṭoġoy pulmoġo ḳać̣inebi,
Isayan Isusi kalaluġa aksuna göräne me äyitmoġo Šoṭay barada pey.
Äslindä isä kalaṭoġoy gelo Isusa ve͑ney, ama *fariseyxon ičoġo sinagogaxun maq̇aṭun šäṗeci pi moṭo qay teṭun avabakesṭay.
Buxaʒ́uġoxun eġala tärifäxunsa amdarxoxun eġala tärifäṭun č̣äḳṗi.
Isusen osṭaar pine: "Za ve͑ bakalo sayǯä Za tää, Za Yaq̇abiṭuval ve͑ne.
Za aḳalṭin Za Yaq̇abiṭuval aneksa.
Zu išiġzu. Me dünyäneyal harezu ki, Za ve͑ bakalo bayinq̇luġa maq̇an mandi.
Bezi äyitä ibaki šoṭo nu ämälbalṭu isä Zu tez divanbal, šoṭaynaḳ ki, dünyänä divanbseynaḳ tää, dünyänä čarḳesṭeynaḳez hare.
Za ṭo͑o͑xbi Bezi äyitmoġo nu q̇abulbalṭay divanbal ene bune: Bezi uḳala äyiten axərənǯi ġine šoṭaynaḳ q̇ärar č̣evḳale.
Šoṭaynaḳ ki, Zu Zaxun tez äyitṗi, Za yaq̇abi Bavane \ Bezi ḳä upsuni saal hetär exlätpsuni barada Za ämir tadi.
Zu avazu ki, Šoṭay čureġalṭoġon hämišäluġ yäšäyinše tasṭa. Metärluġen, Bavan za mani äyitmoġo upsuna ämirbenesa šoṭoġoz äyite".
