TITUS Texts: Biblia Udica, Versio Nizhensis: Novum Testamentum

TITUS
Biblia Udica, Versio Nizhensis: Novum Testamentum
Part No. 86

Previous part

Chapter: 18

Isusi biq̇esun
İsusi biq'esun

(Maṭ. 26:47-56

Link to udntn

; Mrḳ. 14:43-50

Link to udntn

; Luḳ. 22:55-57

Link to udntn

)
(Mat'. 26:47-56

Link to udntn

; Mrk'. 14:43-50

Link to udntn

; Luk'. 22:55-57

Link to udntn

)

Verse: 1

Link to udint

Link to armnt

Link to ntkpl

Isusen afərəpiṭuxun oša Iz šagirdxoxun sagala č̣eri Gidron däräni ṭe soġo täräfe č̣ovaki. Ṭeṭiya sa zeytunluġe buy. Isus q̇a Iz šagirdxo ṭiyaṭun baci.
İsusen afırıpit'uxun oşa İz şagirdxoxun sagala c'eri Gidron dərəni t'e soğo tərəfe c'ovaki. T'et'iya sa zeytunluğe buy. İsus q'a İz şagirdxo t'iyat'un baśi.

Verse: 2

Link to udint

Link to armnt

Link to ntkpl

Isusa xäyanätbala Iudanal me ganu čalexsay, šoṭaynaḳ ki, Isus q̇a Iz šagirdxo usum-usum ṭeṭiya girṭunsay.
İsusa xəyanətbala İudanal me ganu çalexsay, şot'aynak' ki, İsus q'a İz şagirdxo usum-usum t'et'iya girt'unsay.

Verse: 3

Link to udint

Link to armnt

Link to ntkpl

Mone, Iudan Rime q̇ošuni äsḳärxo saal samǯi be͑yinśxon q̇a *fariseyxon yaq̇abi *xrame sa hema q̇aroolčiġo ṭiyane ečeri. Šoṭoġoy kiyel čiraġ, lopa saal silaxe buy.
Mone, İudan Rime q'oşuni əsk'ərxo saal samci běyinšxon q'a *fariseyxon yaq'abi *xrame sa hema q'aroolçiğo t'iyane eçeri. Şot'oğoy kiyel çirağ, lopa saal silaxe buy.

Verse: 4

Link to udint

Link to armnt

Link to ntkpl

Isusen Iz bel eġala här šeya avaney. Šo be͑ś č̣eri "šunan qä͑vesa?" pi šoṭoġoxun xavare haq̇i.
İsusen İz bel eğala hər şeya avaney. Şo běš c'eri "şunan qə̌vesa?" pi şot'oğoxun xavare haq'i.

Verse: 5

Link to udint

Link to armnt

Link to ntkpl

Šoṭo ǯoġabṭun tadi: "Nazareṭlu Isusa". Isusen šoṭoġo "Zu Šozu" ^* pine. Šoṭo toydi Iudal šoṭoġoxun sagalaney.
Şot'o coğabt'un tadi: "Nazaret'lu İsusa". İsusen şot'oğo "Zu Şozu" ^* pine. Şot'o toydi İudal şot'oğoxun sagalaney.

Verse: 6

Link to udint

Link to armnt

Link to ntkpl

Isusen "Zu Šozu" uḳaṭan šorox qoš baki oćala pastṭunci.
İsusen "Zu Şozu" uk'at'an şorox qoş baki oç̌ala pastt'unśi.

Verse: 7

Link to udint

Link to armnt

Link to ntkpl

Šoṭin ṗurum "šunan qä͑vesa?" pi šoṭoġoxun xavare haq̇i. Šoṭoġonal "nazareṭlu Isusa" piṭun.
Şot'in p'urum "şunan qə̌vesa?" pi şot'oğoxun xavare haq'i. Şot'oğonal "nazaret'lu İsusa" pit'un.

Verse: 8

Link to udint

Link to armnt

Link to ntkpl

Isusen ǯoġabe tadi: "Vä͑x pizu ki, Zu Šozu. Ägär Zanan qä͑vesasa, Bez ṭo͑ġo͑l bakalṭoġo tärbanan taceq̇aṭun".
İsusen coğabe tadi: "Və̌x pizu ki, Zu Şozu. Əgər Zanan qə̌vesasa, Bez t'ǒğǒl bakalt'oğo tərbanan taśeq'at'un".

Verse: 9

Link to udint

Link to armnt

Link to ntkpl

Moṭo šoṭaynaḳe pi ki, Izi "Za tadi amdarxoxun šuḳḳala tez aćesṗi" pi äyit bex ṗaṗane. ^*
Mot'o şot'aynak'e pi ki, İzi "Za tadi amdarxoxun şuk'k'ala tez aç̌esp'i" pi əyit bex p'ap'ane. ^*

Verse: 10

Link to udint

Link to armnt

Link to ntkpl

Simon P̣eṭerasṭa xančale buy. Šoṭo č̣evḳi samǯi be͑yinśi *nökäri yön u͑mu͑ġo tumexun boneṭi. Ṭe *nökäri c̣i Mälikey.
Simon P'et'erast'a xançale buy. Şot'o c'evk'i samci běyinši *nökəri yön ǔmǔğo tumexun bonet'i. T'e *nökəri s'i Məlikey.

Verse: 11

Link to udint

Link to armnt

Link to ntkpl

Ṭe vädä Isusen P̣eṭera pine: "Xančala iz gala laxa! Bavan tadi koruġi kasina u͑ġiz buq̇on". ^*
T'e vədə İsusen P'et'era pine: "Xançala iz gala laxa! Bavan tadi koruği kasina ǔğiz buq'on". ^*

Verse: 12

Link to udint

Link to armnt

Link to ntkpl

Ṭe vädä hazartani kalaṭin iz äsḳärxoxun sagala, saal iudeyxoy *xrame q̇aroolčiġon Isusa biq̇i Iz kulmoġo ġaćṭunpi.
T'e vədə hazartani kalat'in iz əsk'ərxoxun sagala, saal iudeyxoy *xrame q'aroolçiğon İsusa biq'i İz kulmoğo ğaç̌t'unpi.

Verse: 13

Link to udint

Link to armnt

Link to ntkpl

Isusa süfṭä Xanani ṭo͑ġo͑lṭun tašeri. Šo ṭe usen samǯi be͑yinśxoy kalo bakala Ḳayafay \ q̇ayinbaney. ^*
İsusa süft'ə Xanani t'ǒğǒlt'un taşeri. Şo t'e usen samci běyinšxoy kalo bakala K'ayafay \ q'ayinbaney. ^*

Verse: 14

Link to udint

Link to armnt

Link to ntkpl

Mo haṭe Ḳayafaney ki, "bütüm me azuḳi ḳac̣esunaxunsa sa amdari me azuḳeynaḳ bisun šaaṭe" pi iudeyxoy kalaṭoġo maslaate tadey. ^*
Mo hat'e K'ayafaney ki, "bütüm me azuk'i k'as'esunaxunsa sa amdari me azuk'eynak' bisun şaat'e" pi iudeyxoy kalat'oğo maslaate tadey. ^*

Peṭeri Isusaxun samǯi danmišaksun
Pet'eri İsusaxun samci danmişaksun

(Maṭ. 26:69-70

Link to udntn

; Mrḳ. 14:66-68

Link to udntn

; Luḳ. 22:55-57

Link to udntn

)
(Mat'. 26:69-70

Link to udntn

; Mrk'. 14:66-68

Link to udntn

; Luk'. 22:55-57

Link to udntn

)

Verse: 15

Link to udint

Link to armnt

Link to ntkpl

Simon P̣eṭer saal q̇eräz sa šagird Isusi bać̣anexun taṭunsay. Ṭe šagird samǯi be͑yinśxoy kalaṭay čalxaley, šoṭaynaḳal Isusaxun sagala šoṭay määlne baneci.
Simon P'et'er saal q'erəz sa şagird İsusi bač'anexun tat'unsay. T'e şagird samci běyinšxoy kalat'ay çalxaley, şot'aynak'al İsusaxun sagala şot'ay məəlne baneśi.

Verse: 16

Link to udint

Link to armnt

Link to ntkpl

P̣eṭer isä qavuna ćomoy ṭo͑ġo͑l čurḳalane baki. Samal oša samǯi be͑yinśxoy kalaṭay čalxal bakala ṭe šagird qavunane č̣eri. Šoṭin ćomoy tume čurpi q̇ulluġči xuyäräxun exlätṗi P̣eṭera bonane badi.
P'et'er isə qavuna ç̌omoy t'ǒğǒl çurk'alane baki. Samal oşa samci běyinšxoy kalat'ay çalxal bakala t'e şagird qavunane c'eri. Şot'in ç̌omoy tume çurpi q'ulluğçi xuyərəxun exlətp'i P'et'era bonane badi.

Verse: 17

Link to udint

Link to armnt

Link to ntkpl

Me arane ćomoy tume čurpi q̇ulluġči xuyären P̣eṭeraxun xavare haq̇i: "Hun ṭe amdari šagirdxoxun tenu ki?" Šoṭin isä "tää, tezu" pine.
Me arane ç̌omoy tume çurpi q'ulluğçi xuyəren P'et'eraxun xavare haq'i: "Hun t'e amdari şagirdxoxun tenu ki?" Şot'in isə "təə, tezu" pine.

Verse: 18

Link to udint

Link to armnt

Link to ntkpl

Miney pi *nökärxon q̇a q̇aroolčiġon ṭeṭiya aruxṗi, iz härrämine čurpi gamṭunsay. P̣eṭeral šoṭoġoxun čurpi gamesane burqi.
Miney pi *nökərxon q'a q'aroolçiğon t'et'iya aruxp'i, iz hərrəmine çurpi gamt'unsay. P'et'eral şot'oğoxun çurpi gamesane burqi.

Isus Samǯi be͑yinśxoy kalaṭay be͑ś
İsus Samci běyinšxoy kalat'ay běš

(Maṭ. 26:59-66

Link to udntn

; Mrḳ. 14:55-64

Link to udntn

; Luḳ. 22:66-71

Link to udntn

)
(Mat'. 26:59-66

Link to udntn

; Mrk'. 14:55-64

Link to udntn

; Luk'. 22:66-71

Link to udntn

)

Verse: 19

Link to udint

Link to armnt

Link to ntkpl

Samǯi be͑yinśxoy kalaṭin isä Isusaxun Iz šagirdxoy q̇a zombsuni baradane xavar haq̇say.
Samci běyinšxoy kalat'in isə İsusaxun İz şagirdxoy q'a zombsuni baradane xavar haq'say.

Verse: 20

Link to udint

Link to armnt

Link to ntkpl

Isusen šoṭo ǯoġabe tadi: "Zu bitoṭay be͑ś qayez exlätṗe, bütüm iudeyxo gireġala *sinagogxo q̇a *xramaz hämišä zombe, hiḳḳalal č̣aṗ tez exlätṗe.
İsusen şot'o coğabe tadi: "Zu bitot'ay běš qayez exlətp'e, bütüm iudeyxo gireğala *sinagogxo q'a *xramaz həmişə zombe, hik'k'alal c'ap' tez exlətp'e.

Verse: 21

Link to udint

Link to armnt

Link to ntkpl

Isä heṭaynaḳen Zaxun me exlätä tašṭa? Za ibaki amdarxoxun xavar haq̇a, šoṭoġon Bezi pi äyitmoġo avaṭun".
İsə het'aynak'en Zaxun me exlətə taşt'a? Za ibaki amdarxoxun xavar haq'a, şot'oğon Bezi pi əyitmoğo avat'un".

Verse: 22

Link to udint

Link to armnt

Link to ntkpl

Isusen me äyitmoġo piṭuxun oša ṭeṭiya čurpi q̇ulluġčiġoy sunṭin "samǯi be͑yinśxoy kalaṭu metären ǯoġab tasṭa?" pi Šoṭo sa silläne duġi.
İsusen me əyitmoğo pit'uxun oşa t'et'iya çurpi q'ulluğçiğoy sunt'in "samci běyinšxoy kalat'u metəren coğab tast'a?" pi Şot'o sa silləne duği.

Verse: 23

Link to udint

Link to armnt

Link to ntkpl

Isusen šoṭo ǯoġabe tadi: "Ägär haq̇suzes äyitesa, Bez haq̇suz baksuna aḳesṭa. Ama düzez äyitesa, Za heṭaynaḳen duġsa?"
İsusen şot'o coğabe tadi: "Əgər haq'suzes əyitesa, Bez haq'suz baksuna ak'est'a. Ama düzez əyitesa, Za het'aynak'en duğsa?"

Verse: 24

Link to udint

Link to armnt

Link to ntkpl

Ṭe vädä Xananen Šoṭo häläl Iz kul ġać samǯi be͑yinśxoy kalo bakala Ḳayafay ṭo͑ġo͑le yaq̇abi.
T'e vədə Xananen Şot'o hələl İz kul ğaç̌ samci běyinšxoy kalo bakala K'ayafay t'ǒğǒle yaq'abi.

P̣eṭeri ṗä͑mǯi saal xibimǯi danmišaksun
P'et'eri p'ə̌mci saal xibimci danmişaksun

(Maṭ. 26:71-75

Link to udntn

; Mrḳ. 14:69-72

Link to udntn

; Luḳ. 22:58-62

Link to udntn

)
(Mat'. 26:71-75

Link to udntn

; Mrk'. 14:69-72

Link to udntn

; Luk'. 22:58-62

Link to udntn

)

Verse: 25

Link to udint

Link to armnt

Link to ntkpl

Simon P̣eṭer čurpi gameġaṭan šoṭoxun ṗurum xavarṭun haq̇i: "Unḳo hunal me amdari šagirdxoxunnu, tene?" Šoṭin danmišaki "tää, tezu" pine.
Simon P'et'er çurpi gameğat'an şot'oxun p'urum xavart'un haq'i: "Unk'o hunal me amdari şagirdxoxunnu, tene?" Şot'in danmişaki "təə, tezu" pine.

Verse: 26

Link to udint

Link to armnt

Link to ntkpl

Samǯi be͑yinśxoy kalaṭay *nökärxoxun soġo P̣eṭeren duġi u͑mu͑ġo boṭi amdari q̇oomey. Haṭe *nökären "va šoṭoxun sagala tez aḳey ki ganu?" pi P̣eṭeraxun xavare haq̇i.
Samci běyinšxoy kalat'ay *nökərxoxun soğo P'et'eren duği ǔmǔğo bot'i amdari q'oomey. Hat'e *nökəren "va şot'oxun sagala tez ak'ey ki ganu?" pi P'et'eraxun xavare haq'i.

Verse: 27

Link to udint

Link to armnt

Link to ntkpl

P̣eṭer ṗurum izi Isusaxun sagala \ baksunaxun danmiše baki. Haṭe saadal dadalen elepi
P'et'er p'urum izi İsusaxun sagala \ baksunaxun danmişe baki. Hat'e saadal dadalen elepi

Isus Rimen täyinbi kalaluġbal P̣ilaṭi be͑ś
İsus Rimen təyinbi kalaluğbal P'ilat'i běš

(Maṭ. 27:1-2

Link to udntn

; 11-31; Mrḳ. 15:1-20

Link to udntn

; Luḳ. 23:3-5

Link to udntn

; 13-25

Link to udntn

)
(Mat'. 27:1-2

Link to udntn

; 11-31; Mrk'. 15:1-20

Link to udntn

; Luk'. 23:3-5

Link to udntn

; 13-25

Link to udntn

)

Verse: 28

Link to udint

Link to armnt

Link to ntkpl

Savaxṭan üšenen Iudeyin kalaṭoġon Isusa Ḳayafay ṭo͑o͑xun Rimen täyinbi kalaluġbal P̣ilaṭi sarayaṭun ečeri. Ama ičan saraya teṭun baci šoṭaynaḳ ki, pak mansṭunṭun čuresay, tenesa *Č̣ovaksuni axsibayi ^* ukuna ukes teṭun bakaliy.
Savaxt'an üşenen İudeyin kalat'oğon İsusa K'ayafay t'ǒǒxun Rimen təyinbi kalaluğbal P'ilat'i sarayat'un eçeri. Ama içan saraya tet'un baśi şot'aynak' ki, pak manst'unt'un çuresay, tenesa *C'ovaksuni axsibayi ^* ukuna ukes tet'un bakaliy.

Verse: 29

Link to udint

Link to armnt

Link to ntkpl

Ṭe vädä P̣ilaṭ qavuna, šoṭoġoy ṭo͑ġo͑l č̣eri pine: "Me amdari taxsər hiḳä?"
T'e vədə P'ilat' qavuna, şot'oğoy t'ǒğǒl c'eri pine: "Me amdari taxsır hik'ə?"

Verse: 30

Link to udint

Link to armnt

Link to ntkpl

Šoṭoġon P̣ilaṭa ǯoġabṭun tadi: "Ägär me amdaren pis äš nu biq̇i bakiniy, koṭo vi kiyel teyan tadoy!"
Şot'oğon P'ilat'a coğabt'un tadi: "Əgər me amdaren pis əş nu biq'i bakiniy, kot'o vi kiyel teyan tadoy!"

Verse: 31

Link to udint

Link to armnt

Link to ntkpl

P̣ilaṭen šoṭoġo pine: "Koṭo memiin tašeri ef ḳanunen vä͑n divanbanan". Iudeyxoy kalaṭoġon P̣ilaṭa piṭun: "Beši šuḳḳala besṗesṭuni exṭiyär butene".
P'ilat'en şot'oğo pine: "Kot'o memiin taşeri ef k'anunen və̌n divanbanan". İudeyxoy kalat'oğon P'ilat'a pit'un: "Beşi şuk'k'ala besp'est'uni ext'iyər butene".

Verse: 32

Link to udint

Link to armnt

Link to ntkpl

Mo šoṭo göräne baki ki, Isusi Izi hetär bisuni barada pi äyit bex ṗaṗane. ^*
Mo şot'o görəne baki ki, İsusi İzi hetər bisuni barada pi əyit bex p'ap'ane. ^*

Verse: 33

Link to udint

Link to armnt

Link to ntkpl

P̣ilaṭ qaybaki sarayane baci. Šoṭin Isusa ḳalpi Šoṭo pine: "Hun iudeyxoy padčaġnu?"
P'ilat' qaybaki sarayane baśi. Şot'in İsusa k'alpi Şot'o pine: "Hun iudeyxoy padçağnu?"

Verse: 34

Link to udint

Link to armnt

Link to ntkpl

Isusen ǯoġabe tadi: "Hun koṭo vaxunen pi, yoxsa Bezi barada va q̇eräzṭoġonṭun \ exlätṗi?"
İsusen coğabe tadi: "Hun kot'o vaxunen pi, yoxsa Bezi barada va q'erəzt'oğont'un \ exlətp'i?"

Verse: 35

Link to udint

Link to armnt

Link to ntkpl

P̣ilaṭen pine: "Zu iudeyzu ki? Vi azuḳen q̇a samǯi be͑yinśxone va bezi kiyel tadi. Exlätṗa, ḳän biyo?"
P'ilat'en pine: "Zu iudeyzu ki? Vi azuk'en q'a samci běyinšxone va bezi kiyel tadi. Exlətp'a, k'ən biyo?"

Verse: 36

Link to udint

Link to armnt

Link to ntkpl

Isusen ǯoġabe tadi: "Bezi padčaġluġ me dünyänexun tene. Ägär Bezi padčaġluġ me dünyänexun bakiniy, Bezi q̇ulluġčiġon Zu iudeyxoy kalaṭoġoy kiyel nu bafsṭeynaḳ davaṭunboy. Ama Bezi padčaġluġ memiin tene".
İsusen coğabe tadi: "Bezi padçağluğ me dünyənexun tene. Əgər Bezi padçağluğ me dünyənexun bakiniy, Bezi q'ulluğçiğon Zu iudeyxoy kalat'oğoy kiyel nu bafst'eynak' davat'unboy. Ama Bezi padçağluğ memiin tene".

Verse: 37

Link to udint

Link to armnt

Link to ntkpl

P̣ilaṭen Šoṭo pine: "Aḳesa, hun padčaġnu". Isusen ǯoġabe tadi: "Vi pi ḳinäḳe, Zu Padčaġzu. Zu serin barada šahidluġbseynaḳez nanaxun baki dünyäne hari. Serin täräf bakala här sunṭin Za u͑mu͑xelaxsa".
P'ilat'en Şot'o pine: "Ak'esa, hun padçağnu". İsusen coğabe tadi: "Vi pi k'inək'e, Zu Padçağzu. Zu serin barada şahidluğbseynak'ez nanaxun baki dünyəne hari. Serin tərəf bakala hər sunt'in Za ǔmǔxelaxsa".

Verse: 38

Link to udint

Link to armnt

Link to ntkpl

P̣ilaṭen Šoṭoxun "ṗoy seri hiḳä?" pi xavare haq̇i. \ Moṭo piṭuxun oša ṗurum qavuna, iudeyxoy ṭo͑ġo͑l č̣eri šoṭoġo pine: "Zu Šoṭosṭa sal sa taxsər tez aksa.
P'ilat'en Şot'oxun "p'oy seri hik'ə?" pi xavare haq'i. \ Mot'o pit'uxun oşa p'urum qavuna, iudeyxoy t'ǒğǒl c'eri şot'oğo pine: "Zu Şot'ost'a sal sa taxsır tez aksa.

Verse: 39

Link to udint

Link to armnt

Link to ntkpl

Vä͑sṭa sa ädäte bu: *Č̣ovaksuni axsibayi vädine zu vä͑ynaḳ sa tana tärezbsa. Häysä čurnansasa, vä͑ynaḳ "iudeyxoy padčaġa" tärbaz?"
Və̌st'a sa ədəte bu: *C'ovaksuni axsibayi vədine zu və̌ynak' sa tana tərezbsa. Həysə çurnansasa, və̌ynak' "iudeyxoy padçağa" tərbaz?"

Verse: 40

Link to udint

Link to armnt

Link to ntkpl

Šoṭoġon ṗurum harayḳa piṭun: "Me amdara tää, Barabba tärba!" Barabba isä sa ḳuldurey.
Şot'oğon p'urum harayk'a pit'un: "Me amdara təə, Barabba tərba!" Barabba isə sa k'uldurey.

Next part

This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.