TITUS
Biblia Udica, Versio Nizhensis: Novum Testamentum
Part No. 74
Previous part

Chapter: 6 

Isusi qo hazar tanaxun gele amdara ukesṭun
İsusi qo hazar tanaxun gele amdara ukest'un



(Maṭ. 14:13-21Link to udntn; Mrḳ. 6:30-44Link to udntn; Luḳ. 9:10-17Link to udntn)
(Mat'. 14:13-21Link to udntn; Mrk'. 6:30-44Link to udntn; Luk'. 9:10-17Link to udntn)


Verse: 1  Link to udintLink to armntLink to ntkpl Moṭoxun oša Isus Galileya göle ṭe soġo täräfe č̣ovaki. Ṭe göle c̣iya Ṭiberiyal nexṭuniy.
   Mot'oxun oşa İsus Galileya göle t'e soğo tərəfe c'ovaki. T'e göle s'iya T'iberiyal next'uniy.

Verse: 2  Link to udintLink to armntLink to ntkpl Šoṭay bać̣anexun gele ǯamaate taysay, šoṭaynaḳ ki, Šoṭin azariġo q̇olaybsunen aḳesṭala möǯüzälü niśanxo aṭunksay.
   Şot'ay bač'anexun gele camaate taysay, şot'aynak' ki, Şot'in azariğo q'olaybsunen ak'est'ala möcüzəlü nišanxo at'unksay.

Verse: 3  Link to udintLink to armntLink to ntkpl Isus burux gala laci Iz šagirdxoxun sagala areci.
   İsus burux gala laśi İz şagirdxoxun sagala areśi.

Verse: 4  Link to udintLink to armntLink to ntkpl Iudeyxoy *Č̣ovaksuni axsibay * ə͑śalayinšebaksay.
   İudeyxoy *C'ovaksuni axsibay * ı̌šalayinşebaksay.

Verse: 5  Link to udintLink to armntLink to ntkpl Isusen gele ǯamaati Iz ṭo͑ġo͑l eysuna aḳi Filiṗa pine: "Isä śum mayin haq̇en ki, me amdarxo uḳesṭen?"
   İsusen gele camaati İz t'ǒğǒl eysuna ak'i Filip'a pine: "İsə šum mayin haq'en ki, me amdarxo uk'est'en?"

Verse: 6  Link to udintLink to armntLink to ntkpl Me äyitmoġo šoṭo yoxlayinšbseynaḳe pi, šoṭaynaḳ ki, Ičin ḳä baleysa avaney.
   Me əyitmoğo şot'o yoxlayinşbseynak'e pi, şot'aynak' ki, İçin k'ə baleysa avaney.

Verse: 7  Link to udintLink to armntLink to ntkpl Filiṗen Šoṭo ǯoġabe tadi: "Koṭoġoynaḳ ṗä͑bać dinarluġ * śumal haq̇ayin, härṭu sa ḳoṭor tene kofṭon!"
   Filip'en Şot'o coğabe tadi: "Kot'oğoynak' p'ə̌baç̌ dinarluğ * šumal haq'ayin, hərt'u sa k'ot'or tene koft'on!"

Verse: 8  Link to udintLink to armntLink to ntkpl Ṭe vädä šagirdxoxun soġo bakala Simon P̣eṭeri viči Andreyen Šoṭo pine:
   T'e vədə şagirdxoxun soğo bakala Simon P'et'eri viçi Andreyen Şot'o pine:

Verse: 9  Link to udintLink to armntLink to ntkpl "Memiya sa ġar äyeläsṭa qo dänä mic̣iḳ muye śum saal ṗä͑ dänä čäline bu, ama meq̇ädär amdareynaḳ ko \ hiḳä ki?"
   "Memiya sa ğar əyeləst'a qo dənə mis'ik' muye šum saal p'ə̌ dənə çəline bu, ama meq'ədər amdareynak' ko \ hik'ə ki?"

Verse: 10  Link to udintLink to armntLink to ntkpl Isusen pine: "Ǯamaata oq̇a arcevḳanan". Ṭe gala boću one buy, ǯamaatal areci. Miya bakala išq̇arxoy say sayǯä qo hazar tana ə͑śaney.
   İsusen pine: "Camaata oq'a arśevk'anan". T'e gala boç̌u one buy, camaatal areśi. Miya bakala işq'arxoy say saycə qo hazar tana ı̌šaney.

Verse: 11  Link to udintLink to armntLink to ntkpl Oša Isusen śuma exṭi šükürbala afərənal biṭuxun oša šoṭo arciṭoġone paybi. Čälinäl exṭi haḳetäre bi. Biṭoṭin iz čureġala hama exedi.
   Oşa İsusen šuma ext'i şükürbala afırınal bit'uxun oşa şot'o arśit'oğone paybi. Çəlinəl ext'i hak'etəre bi. Bit'ot'in iz çureğala hama exedi.

Verse: 12  Link to udintLink to armntLink to ntkpl Amdarxon käyi-bošiṭuxun oša Isusen šagirdxo pine: "Avuzin mandi ḳoṭorxo girbanan ki, hiḳḳal maq̇an zaybaki".
   Amdarxon kəyi-boşit'uxun oşa İsusen şagirdxo pine: "Avuzin mandi k'ot'orxo girbanan ki, hik'k'al maq'an zaybaki".

Verse: 13  Link to udintLink to armntLink to ntkpl Šoṭoġon girṭunbi, qo muye śuma käyiṭoġoy be͑śṭan mandi ḳoṭorxonal ṗac̣c̣e zänbilṭun buybi.
   Şot'oğon girt'unbi, qo muye šuma kəyit'oğoy běšt'an mandi k'ot'orxonal p'as's'e zənbilt'un buybi.

Verse: 14  Link to udintLink to armntLink to ntkpl Ṭe vädine Isusen aḳesṭi me möǯüzälü niśana aḳala amdarxon piṭun: "Seriyal, dünyäne eġala xavarečal Mone!"
   T'e vədine İsusen ak'est'i me möcüzəlü nišana ak'ala amdarxon pit'un: "Seriyal, dünyəne eğala xavareçal Mone!"

Verse: 15  Link to udintLink to armntLink to ntkpl Isusen avaney ki, amdarxon Iču zoren padčaġ laxsunṭun čuresa, šoṭo göräl ṗurum savsa buruġone laci.
   İsusen avaney ki, amdarxon İçu zoren padçağ laxsunt'un çuresa, şot'o görəl p'urum savsa buruğone laśi.



Isusi xene ćoyelxun taysun
İsusi xene ç̌oyelxun taysun



(Maṭ. 14:22-33Link to udntn; Mrḳ. 6:45-52Link to udntn)
(Mat'. 14:22-33Link to udntn; Mrk'. 6:45-52Link to udntn)


Verse: 16  Link to udintLink to armntLink to ntkpl Biyäbakaṭan Isusi šagirdxo göle ṭo͑ġo͑l ciri
   Biyəbakat'an İsusi şagirdxo göle t'ǒğǒl śiri

Verse: 17  Link to udintLink to armntLink to ntkpl sa lodḳinaṭun laci. Ene bayinq̇ey, ama Isus hälä šoṭoġoy ṭo͑ġo͑l tene harey. Šoroxal göle ṭe täräf bakala Ḳefernaum šähäreṭun taci.
   sa lodk'inat'un laśi. Ene bayinq'ey, ama İsus hələ şot'oğoy t'ǒğǒl tene harey. Şoroxal göle t'e tərəf bakala K'efernaum şəhəret'un taśi.

Verse: 18  Link to udintLink to armntLink to ntkpl Osṭaar muše buy, göle ćoyelal läpoġone duġsay.
   Ost'aar muşe buy, göle ç̌oyelal ləpoğone duğsay.

Verse: 19  Link to udintLink to armntLink to ntkpl Šagirdxon avar zapi saq̇o qo, otuz sṭadi * taciṭuxun oša aṭunḳi ki, Isus göle ćoyelxune \ lä͑ngbsun eysa, Šo lodḳinane ə͑śalayinšaksay. Šoṭoġo q̇ə͑yen haneq̇i,
   Şagirdxon avar zapi saq'o qo, otuz st'adi * taśit'uxun oşa at'unk'i ki, İsus göle ç̌oyelxune \ lə̌ngbsun eysa, Şo lodk'inane ı̌šalayinşaksay. Şot'oğo q'ı̌yen haneq'i,

Verse: 20  Link to udintLink to armntLink to ntkpl ama Isusen šoṭoġo "Zuzu, q̇ə͑mabanan" pine.
   ama İsusen şot'oğo "Zuzu, q'ı̌mabanan" pine.

Verse: 21  Link to udintLink to armntLink to ntkpl Ṭe vädä šagirdxon Šoṭo lodḳinaṭun lačuvḳi. Lodḳal haṭe saad ičoġoy taġala gala ṗaneṗi.
   T'e vədə şagirdxon Şot'o lodk'inat'un laçuvk'i. Lodk'al hat'e saad içoğoy tağala gala p'anep'i.

Verse: 22  Link to udintLink to armntLink to ntkpl Äyč̣indäri göle ṭe soġo täräf mandi ǯamaati eyex bafedi ki, ṭeṭiya täk sa lodḳane bake, Isus isä šagirdxoxun ṭe lodḳina laci teney, šagirdxo Ičsuzṭun tacey.
   Əyc'indəri göle t'e soğo tərəf mandi camaati eyex bafedi ki, t'et'iya tək sa lodk'ane bake, İsus isə şagirdxoxun t'e lodk'ina laśi teney, şagirdxo İçsuzt'un taśey.

Verse: 23  Link to udintLink to armntLink to ntkpl Me vädä Ṭiberinaxun sa hema lodḳal hari *Q̣onʒ́uġon šükürbala afərəna piṭuxun oša ukun käyi gala ə͑śa čurepi.
   Me vədə T'iberinaxun sa hema lodk'al hari *Q'ončuğon şükürbala afırına pit'uxun oşa ukun kəyi gala ı̌ša çurepi.

Verse: 24  Link to udintLink to armntLink to ntkpl Ǯamaaten nä Isusi, nä šagirdxoy ṭeṭiya nu baksuna aḳi ṭe lodḳoġo laci Isusa qä͑veseynaḳ Ḳefernaumaṭun taci.
   Camaaten nə İsusi, nə şagirdxoy t'et'iya nu baksuna ak'i t'e lodk'oğo laśi İsusa qə̌veseynak' K'efernaumat'un taśi.



Isus yäšäyinšesṭala śume
İsus yəşəyinşest'ala šume


Verse: 25  Link to udintLink to armntLink to ntkpl Šoṭoġon Isusa göle ṭe soġo täräf bä͑ġä͑bi šoṭoxun "Ravvi, memiya hevädän hari?" pi xavarṭun haq̇i.
   Şot'oğon İsusa göle t'e soğo tərəf bə̌ğə̌bi şot'oxun "Ravvi, memiya hevədən hari?" pi xavart'un haq'i.

Verse: 26  Link to udintLink to armntLink to ntkpl Isusen šoṭoġo ǯoġabe tadi: "Serina, serinaz vä͑x nex: möǯüzälü niśanxo q̇amišakenan pi tää, śum käyi bošenan pinan Za qä͑vesa.
   İsusen şot'oğo coğabe tadi: "Serina, serinaz və̌x nex: möcüzəlü nišanxo q'amişakenan pi təə, šum kəyi boşenan pinan Za qə̌vesa.

Verse: 27  Link to udintLink to armntLink to ntkpl Ama č̣ovaki-taġala ukuneynaḳ tää, hämišäluġ yäšäyinšesṭala ukuneynaḳ čaləšakanan, šoṭo vä͑x *Amdari Ġaren tadale. Šoṭaynaḳ ki, Bava-Buxaʒ́uġon Šoṭo Iz täsṭiġbala pečatane duġe".
   Ama c'ovaki-tağala ukuneynak' təə, həmişəluğ yəşəyinşest'ala ukuneynak' çalışakanan, şot'o və̌x *Amdari Ğaren tadale. Şot'aynak' ki, Bava-Buxačuğon Şot'o İz təst'iğbala peçatane duğe".

Verse: 28  Link to udintLink to armntLink to ntkpl Šoṭoġon Isusaxun xavarṭun haq̇i: "Yan ḳä ben ki, beši biq̇ala äšurxo Buxaʒ́uġoy piyes šaaṭq̇an aḳeci?"
   Şot'oğon İsusaxun xavart'un haq'i: "Yan k'ə ben ki, beşi biq'ala əşurxo Buxačuğoy piyes şaat'q'an ak'eśi?"

Verse: 29  Link to udintLink to armntLink to ntkpl Isusen šoṭoġo ǯoġabe tadi: "Buxaʒ́uġon vä͑xun sa šeye čuresa: efi Šoṭin Yaq̇abiṭu ve͑ baksun".
   İsusen şot'oğo coğabe tadi: "Buxačuğon və̌xun sa şeye çuresa: efi Şot'in Yaq'abit'u vě baksun".

Verse: 30  Link to udintLink to armntLink to ntkpl Šoṭoġon Isusa piṭun: "Yax mani möǯüzälü niśanen aḳesṭes bakon ki, yan va ve͑ bakayan? Ḳä besen bakon?
   Şot'oğon İsusa pit'un: "Yax mani möcüzəlü nišanen ak'est'es bakon ki, yan va vě bakayan? K'ə besen bakon?

Verse: 31  Link to udintLink to armntLink to ntkpl Be͑ġa, beši bavoġon-kalboġon amc̣i oćala mannaṭun käye. Me barada ω͑vel Came bošal bune: "Šoṭoġoy ukun bakseynaḳ göynuxun śume tadi". *
   Běğa, beşi bavoğon-kalboğon ams'i oç̌ala mannat'un kəye. Me barada Ǐvel Śame boşal bune: "Şot'oğoy ukun bakseynak' göynuxun šume tadi". *

Verse: 32  Link to udintLink to armntLink to ntkpl Ṭe vädä Isusen šoṭoġo pine: "Serina, serinaz vä͑x nex: vä͑x göynuxun śum tadiyo Moisey teney, göynuxun seri śuma vä͑x tadalo Bezi Bavane.
   T'e vədə İsusen şot'oğo pine: "Serina, serinaz və̌x nex: və̌x göynuxun šum tadiyo Moisey teney, göynuxun seri šuma və̌x tadalo Bezi Bavane.

Verse: 33  Link to udintLink to armntLink to ntkpl Šoṭaynaḳ ki, Buxaʒ́uġoy śum göynuxun ciri, me dünyänä yäšäyinš Tadalone".
   Şot'aynak' ki, Buxačuğoy šum göynuxun śiri, me dünyənə yəşəyinş Tadalone".

Verse: 34  Link to udintLink to armntLink to ntkpl Šoṭo piṭun: "*Aġa, Hun yax me śuma hämišä tada".
   Şot'o pit'un: "*Ağa, Hun yax me šuma həmişə tada".

Verse: 35  Link to udintLink to armntLink to ntkpl Isusen šoṭoġo pine: "Zu - yäšäyinšesṭala śumzu. Bezi ṭo͑ġo͑l eġalo sal sa vädä busa tene bakal, Za ve͑ bakalo sal sa vädä xeneza tene bakal.
   İsusen şot'oğo pine: "Zu - yəşəyinşest'ala šumzu. Bezi t'ǒğǒl eğalo sal sa vədə busa tene bakal, Za vě bakalo sal sa vədə xeneza tene bakal.

Verse: 36  Link to udintLink to armntLink to ntkpl Ama vä͑x pi ḳinäḳ, Za aḳiyal bakaynan, Za ve͑ tenan.
   Ama və̌x pi k'inək', Za ak'iyal bakaynan, Za vě tenan.

Verse: 37  Link to udintLink to armntLink to ntkpl Bavan Za tadiyorox bito Bezi ṭo͑ġo͑l eġale, Bezi ṭo͑ġo͑l eġalṭuval sal sa vädä šäptezġon.
   Bavan Za tadiyorox bito Bezi t'ǒğǒl eğale, Bezi t'ǒğǒl eğalt'uval sal sa vədə şəptezğon.

Verse: 38  Link to udintLink to armntLink to ntkpl Axəri Zu göynuxun Bez čureġalṭu bseynaḳ tez cire, Za Yaq̇abiṭay čureġalṭu bex ṗaṗespseynaḳez göynuxun cire.
   Axıri Zu göynuxun Bez çureğalt'u bseynak' tez śire, Za Yaq'abit'ay çureğalt'u bex p'ap'espseynak'ez göynuxun śire.

Verse: 39  Link to udintLink to armntLink to ntkpl Za Yaq̇abiṭay čureġalo isä šone ki, Za tadiṭoġoxun sal sunṭu nu aćesṗi šoṭoġo axərənǯi ġine be͑yinbaz.
   Za Yaq'abit'ay çureğalo isə şone ki, Za tadit'oğoxun sal sunt'u nu aç̌esp'i şot'oğo axırınci ğine běyinbaz.

Verse: 40  Link to udintLink to armntLink to ntkpl Šoṭaynaḳ ki, Bezi Bavay čureġalo Ġara aḳi Šoṭo ve͑luġ bakala här sa amdaren hämišäluġ yäšäyinš \ haq̇sune, Zuval šoṭo axərənǯi ġine be͑yinboz".
   Şot'aynak' ki, Bezi Bavay çureğalo Ğara ak'i Şot'o věluğ bakala hər sa amdaren həmişəluğ yəşəyinş \ haq'sune, Zuval şot'o axırınci ğine běyinboz".

Verse: 41  Link to udintLink to armntLink to ntkpl Isusen metär piṭuxun oša iudeyxon Isusi "göynuxun ciri śum Zuzu" äyitin loxol äǯoġon biq̇i
   İsusen metər pit'uxun oşa iudeyxon İsusi "göynuxun śiri šum Zuzu" əyitin loxol əcoğon biq'i

Verse: 42  Link to udintLink to armntLink to ntkpl piṭun: "Mo beši čalxala Iosifi ġar Isus tene ki? Axəri yan koṭay nana-bava čalyanxsa. Häysä hetäre baksa ki, "göynuxunez cire" nexe?"
   pit'un: "Mo beşi çalxala İosifi ğar İsus tene ki? Axıri yan kot'ay nana-bava çalyanxsa. Həysə hetəre baksa ki, "göynuxunez śire" nexe?"

Verse: 43  Link to udintLink to armntLink to ntkpl Isusen šoṭoġo ǯoġabe tadi: "Ṭoṭopsuna efanan!
   İsusen şot'oğo coğabe tadi: "T'ot'opsuna efanan!

Verse: 44  Link to udintLink to armntLink to ntkpl Za yaq̇abi Bavan šunesa Zač nu bayin, šo Bezi ṭo͑ġo͑l eyes tene bakon. Zuval Bezi ṭo͑ġo͑l eġalṭu axərənǯi ġine be͑yinboz.
   Za yaq'abi Bavan şunesa Zaç nu bayin, şo Bezi t'ǒğǒl eyes tene bakon. Zuval Bezi t'ǒğǒl eğalt'u axırınci ğine běyinboz.

Verse: 45  Link to udintLink to armntLink to ntkpl *Xavarečalxoy girkurxoy boš camecene: "Šoṭoġo bitova Buxaʒ́uġon zombale". * Bavaxun ibaki zombakiyone Bezi ṭo͑ġo͑l eysa.
   *Xavareçalxoy girkurxoy boş śameśene: "Şot'oğo bitova Buxačuğon zombale". * Bavaxun ibaki zombakiyone Bezi t'ǒğǒl eysa.

Verse: 46  Link to udintLink to armntLink to ntkpl Düze, Buxaʒ́uġoy ṭo͑ġo͑lxun Hariṭuxun bašq̇a Bava šuḳḳalen tene aḳe, sayǯä Šoṭine Bava aḳe.
   Düze, Buxačuğoy t'ǒğǒlxun Harit'uxun başq'a Bava şuk'k'alen tene ak'e, saycə Şot'ine Bava ak'e.

Verse: 47  Link to udintLink to armntLink to ntkpl Serina, serinaz vä͑x nex: Za ve͑ bakalṭay hämišäluġ yäšäyinše bu.
   Serina, serinaz və̌x nex: Za vě bakalt'ay həmişəluğ yəşəyinşe bu.

Verse: 48  Link to udintLink to armntLink to ntkpl Zu - yäšäyinšesṭala śumzu.
   Zu - yəşəyinşest'ala šumzu.

Verse: 49  Link to udintLink to armntLink to ntkpl Ef bavoġon-kalboġon čöle mannaṭun käye, ama ṗureṭun.
   Ef bavoğon-kalboğon çöle mannat'un kəye, ama p'uret'un.

Verse: 50  Link to udintLink to armntLink to ntkpl Mo isä göynuxun ciġala ṭetär sa śume ki, šoṭo ukalo sal sa vädä tene biyal.
   Mo isə göynuxun śiğala t'etər sa šume ki, şot'o ukalo sal sa vədə tene biyal.

Verse: 51  Link to udintLink to armntLink to ntkpl Zu - göynuxun ciri yäšäyinšesṭala śumzu. Me śumaxun ukalo hämišäluġ yäšäyinšale. Zu tadala śum Bezi bädäne. Zu šoṭo me dünyäni yäšäyinšeynaḳez tasṭa".
   Zu - göynuxun śiri yəşəyinşest'ala šumzu. Me šumaxun ukalo həmişəluğ yəşəyinşale. Zu tadala šum Bezi bədəne. Zu şot'o me dünyəni yəşəyinşeynak'ez tast'a".

Verse: 52  Link to udintLink to armntLink to ntkpl Isusen metär piṭuxun oša iudeyxoy arane höǯäte baki: "Me \ amdaren ukseynaḳ Iz bädänä yax hetäre tades bakon?"
   İsusen metər pit'uxun oşa iudeyxoy arane höcəte baki: "Me \ amdaren ukseynak' İz bədənə yax hetəre tades bakon?"

Verse: 53  Link to udintLink to armntLink to ntkpl Ṭe vädä Isusen šoṭoġo pine: "Serina, serinaz vä͑x nex: *Amdari Ġare bädänäxun nu käyi, iz ṗiyaxun nu u͑ġä͑ynan, vä͑sṭa yäšäyinš tene bakal.
   T'e vədə İsusen şot'oğo pine: "Serina, serinaz və̌x nex: *Amdari Ğare bədənəxun nu kəyi, iz p'iyaxun nu ǔğə̌ynan, və̌st'a yəşəyinş tene bakal.

Verse: 54  Link to udintLink to armntLink to ntkpl Bezi bädänäxun käyi Bez ṗiyaxun u͑ġä͑lṭin hämišäluġ yäšäyinš haq̇ale, Zuval šoṭo axərənǯi ġine be͑yinboz.
   Bezi bədənəxun kəyi Bez p'iyaxun ǔğə̌lt'in həmişəluğ yəşəyinş haq'ale, Zuval şot'o axırınci ğine běyinboz.

Verse: 55  Link to udintLink to armntLink to ntkpl Šoṭaynaḳ ki, Bezi bädän seri ukune, ṗiyal seri u͑ġu͑ne.
   Şot'aynak' ki, Bezi bədən seri ukune, p'iyal seri ǔğǔne.

Verse: 56  Link to udintLink to armntLink to ntkpl Bezi bädänäxun käyi, Bez ṗiyaxun u͑ġä͑lo Zasṭane mansṭa, Zuval šoṭosṭaz mansṭa.
   Bezi bədənəxun kəyi, Bez p'iyaxun ǔğə̌lo Zast'ane manst'a, Zuval şot'ost'az manst'a.

Verse: 57  Link to udintLink to armntLink to ntkpl Dirisṭ bakala Bavan Za yaq̇abi, Zuval Bavay sälämäten yäšäyinšala ḳinäḳ Bez bädänäxun ukaloval Bezi sälämäten yäšäyinšale.
   Dirist' bakala Bavan Za yaq'abi, Zuval Bavay sələməten yəşəyinşala k'inək' Bez bədənəxun ukaloval Bezi sələməten yəşəyinşale.

Verse: 58  Link to udintLink to armntLink to ntkpl Göynuxun ciri śum mone, mo ef bavoġon-kalboġon käyi śumaxun tene. Šorox ṗureṭun, ama me śuma ukalo hämišäluġ yäšäyinšale".
   Göynuxun śiri šum mone, mo ef bavoğon-kalboğon kəyi šumaxun tene. Şorox p'uret'un, ama me šuma ukalo həmişəluğ yəşəyinşale".

Verse: 59  Link to udintLink to armntLink to ntkpl Isusen me äyitmoġo Ḳefernauma bakala *sinagoga zombaṭane pi.
   İsusen me əyitmoğo K'efernauma bakala *sinagoga zombat'ane pi.



Šagirdxoy geleṭay Isusaxun ǯöybaksun
Şagirdxoy gelet'ay İsusaxun cöybaksun


Verse: 60  Link to udintLink to armntLink to ntkpl Šagirdxoy geleṭin me äyitmoġo ibakaṭan piṭun: "Mo hetär sa zombsune? Koṭo šina q̇amišakes bakon?"
   Şagirdxoy gelet'in me əyitmoğo ibakat'an pit'un: "Mo hetər sa zombsune? Kot'o şina q'amişakes bakon?"

Verse: 61  Link to udintLink to armntLink to ntkpl Ama Isusen šagirdxoy Iz piṭoġo görä ṭoṭopsuna avaney. Šoṭin pine: "Bezi äyitmux vä͑x lafesṭa?
   Ama İsusen şagirdxoy İz pit'oğo görə t'ot'opsuna avaney. Şot'in pine: "Bezi əyitmux və̌x lafest'a?

Verse: 62  Link to udintLink to armntLink to ntkpl P̣oy *Amdari Ġare Iz süfṭin baki gala e͑qesuna aḳaynan, ḳänan bon?
   P'oy *Amdari Ğare İz süft'in baki gala ěqesuna ak'aynan, k'ənan bon?

Verse: 63  Link to udintLink to armntLink to ntkpl Yäšäyinš tadalo Urufe, amdar memiya aǯəze. Bezi vä͑x pi äyitmoġosṭa yäšäyinšesṭala Urufe \ bu.
   Yəşəyinş tadalo Urufe, amdar memiya acıze. Bezi və̌x pi əyitmoğost'a yəşəyinşest'ala Urufe \ bu.

Verse: 64  Link to udintLink to armntLink to ntkpl Ama ef arane nu ve͑ bakalxoval bune". (Isusen ve͑ nu bakalxoy saal Šoṭo xäyanätbala amdari šu baksuna süfṭinäxun avaney.)
   Ama ef arane nu vě bakalxoval bune". (İsusen vě nu bakalxoy saal Şot'o xəyanətbala amdari şu baksuna süft'inəxun avaney.)

Verse: 65  Link to udintLink to armntLink to ntkpl Isusen saal pine: "Koṭo göräz vä͑x pi ki, ägär Bavan sunṭu Zač nu bayin, šo Bezi ṭo͑ġo͑l eyes tene bakon".
   İsusen saal pine: "Kot'o görəz və̌x pi ki, əgər Bavan sunt'u Zaç nu bayin, şo Bezi t'ǒğǒl eyes tene bakon".

Verse: 66  Link to udintLink to armntLink to ntkpl Koṭoxun oša šagirdxoy gelo Isusa boseri ene Šoṭay bać̣anexun teṭun taci.
   Kot'oxun oşa şagirdxoy gelo İsusa boseri ene Şot'ay bač'anexun tet'un taśi.

Verse: 67  Link to udintLink to armntLink to ntkpl Ṭe vädä Isusen Iz ṗac̣c̣e šagirdaxun xavare haq̇i: "Bärkä vä͑nal Za bosi taysunnan čuresa?"
   T'e vədə İsusen İz p'as's'e şagirdaxun xavare haq'i: "Bərkə və̌nal Za bosi taysunnan çuresa?"

Verse: 68  Link to udintLink to armntLink to ntkpl Simon P̣eṭeren Isusa ǯoġabe tadi: "Ay Q̣onʒ́ux, yan q̇eräz ši ṭo͑ġo͑lyan taġon? Hämišäluġ yäšäyinšesṭala äyitmux Vasṭane.
   Simon P'et'eren İsusa coğabe tadi: "Ay Q'ončux, yan q'erəz şi t'ǒğǒlyan tağon? Həmişəluğ yəşəyinşest'ala əyitmux Vast'ane.

Verse: 69  Link to udintLink to armntLink to ntkpl Yanal ve͑yan hamal avayan ki, Buxaʒ́uġoy *ω͑vel Bakalo * Hunnu". *
   Yanal věyan hamal avayan ki, Buxačuğoy *Ǐvel Bakalo * Hunnu". *

Verse: 70  Link to udintLink to armntLink to ntkpl Isusen šoṭoġo pine: "Vä͑x - me ṗac̣c̣e šagirdal Zu tez č̣äḳṗe ki? Ama ṗurumal vä͑xun soġo iblise!"
   İsusen şot'oğo pine: "Və̌x - me p'as's'e şagirdal Zu tez c'ək'p'e ki? Ama p'urumal və̌xun soğo iblise!"

Verse: 71  Link to udintLink to armntLink to ntkpl Isusen me äyitmoġo Simon Isḳarioṭi ġar Iuday baradane pi, šoṭaynaḳ ki, šo ṗac̣c̣e šagirdaxun soġo baalkayin, Isusa xäyanätbaley.
   İsusen me əyitmoğo Simon İsk'ariot'i ğar İuday baradane pi, şot'aynak' ki, şo p'as's'e şagirdaxun soğo baalkayin, İsusa xəyanətbaley.



Next part


This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.