TITUS Texts: Biblia Udica, Versio Nizhensis: Novum Testamentum

TITUS
Biblia Udica, Versio Nizhensis: Novum Testamentum
Part No. 64

Previous part

Chapter: 20

Isusa tadeci exṭiyär
İsusa tadeśi ext'iyər

(Maṭ. 21:23-27

Link to udntn

; Mrḳ. 11:27-33

Link to udntn

)
(Mat'. 21:23-27

Link to udntn

; Mrk'. 11:27-33

Link to udntn

)

Verse: 1

Link to udint

Link to armnt

Link to ntkpl

Ġimxoy sa ġi Isusen xrama amdarxo zombi hamal Mu͑q Xavara yäymišaṭan samǯi be͑yinśxo, ḳanun zombalxo saal aġsaq̇q̇alxo Šoṭo ə͑śalayinšaki
Ğimxoy sa ği İsusen xrama amdarxo zombi hamal Mǔq Xavara yəymişat'an samci běyinšxo, k'anun zombalxo saal ağsaq'q'alxo Şot'o ı̌šalayinşaki

Verse: 2

Link to udint

Link to armnt

Link to ntkpl

piṭun: "Upa be͑yn, Hun me äšurxo mani exṭiyärenen bsa? Va me exṭiyärä šina tade?"
pit'un: "Upa běyn, Hun me əşurxo mani ext'iyərenen bsa? Va me ext'iyərə şina tade?"

Verse: 3

Link to udint

Link to armnt

Link to ntkpl

Isusen šoṭoġo metäre ǯoġab tadi: "Zuval vä͑x \ metär sa sual tadoz. Za upanan:
İsusen şot'oğo metəre coğab tadi: "Zuval və̌x \ metər sa sual tadoz. Za upanan:

Verse: 4

Link to udint

Link to armnt

Link to ntkpl

Ioanen ḳunuḳbseynaḳ exṭiyärä mayina haq̇ey? Göynul bakala Buxaʒ́uġoxun, yoxsa amdarxoxun?"
İoanen k'unuk'bseynak' ext'iyərə mayina haq'ey? Göynul bakala Buxačuğoxun, yoxsa amdarxoxun?"

Verse: 5

Link to udint

Link to armnt

Link to ntkpl

Šoṭoġonal ičoġoy arane maslaatṗi metärṭun pi: "Ägär uḳayan "Buxaʒ́uġoxuney", ṭe vädä "ṗoy heṭaynaḳ šoṭo ve͑tenanbaki?" uḳale.
Şot'oğonal içoğoy arane maslaatp'i metərt'un pi: "Əgər uk'ayan "Buxačuğoxuney", t'e vədə "p'oy het'aynak' şot'o větenanbaki?" uk'ale.

Verse: 6

Link to udint

Link to armnt

Link to ntkpl

Uḳayan "amdarxoxuney", dirisṭ azuḳen yax źe͑layinšebon. Šoṭaynaḳ ki, amdarxon Ioani xavarečal baksuna ve͑ṭun".
Uk'ayan "amdarxoxuney", dirist' azuk'en yax ǰělayinşebon. Şot'aynak' ki, amdarxon İoani xavareçal baksuna vět'un".

Verse: 7

Link to udint

Link to armnt

Link to ntkpl

Axərdal Šoṭo "yan avateyan mayina" piṭun ǯoġab tadi.
Axırdal Şot'o "yan avateyan mayina" pit'un coğab tadi.

Verse: 8

Link to udint

Link to armnt

Link to ntkpl

Isusen isä šoṭoġo pine: "Ṭe vädä Zuval vä͑x me äšurxo mani exṭiyären bsuna uḳalatez".
İsusen isə şot'oğo pine: "T'e vədə Zuval və̌x me əşurxo mani ext'iyəren bsuna uk'alatez".

Pis baġbanxoy barada mäsälä
Pis bağbanxoy barada məsələ

(Maṭ. 21:33-46

Link to udntn

; Mrḳ. 12:1-12

Link to udntn

)
(Mat'. 21:33-46

Link to udntn

; Mrk'. 12:1-12

Link to udntn

)

Verse: 9

Link to udint

Link to armnt

Link to ntkpl

Moṭoġo piṭuxun oša Isusen amdarxoynaḳ metär sa mäsäläne exlätpsa burqi: "Sa amdaren ṭulluġe lasaksa. Oša ṭe ṭulluġa bare vädine iču ṗaṗala paya tasṭuni šärten baġbanxo tadi q̇eräz ölkinäne taysa. Šo ṭeṭiya boxoy vaxṭ mansṭuni c̣iyene taysa. ^*
Mot'oğo pit'uxun oşa İsusen amdarxoynak' metər sa məsələne exlətpsa burqi: "Sa amdaren t'ulluğe lasaksa. Oşa t'e t'ulluğa bare vədine içu p'ap'ala paya tast'uni şərten bağbanxo tadi q'erəz ölkinəne taysa. Şo t'et'iya boxoy vaxt' manst'uni s'iyene taysa. ^*

Verse: 10

Link to udint

Link to armnt

Link to ntkpl

Hari ṭul ṗaṗi vädine ṭe baġbanxoy ṭo͑ġo͑l iz nökäräne yaq̇absa ki, izi paya šoṭoġoxun exṭane. Ama ṭulluġi äšṗalxon ṭe nökärä ṭapi kul amc̣i yaq̇aṭunbsa.
Hari t'ul p'ap'i vədine t'e bağbanxoy t'ǒğǒl iz nökərəne yaq'absa ki, izi paya şot'oğoxun ext'ane. Ama t'ulluği əşp'alxon t'e nökərə t'api kul ams'i yaq'at'unbsa.

Verse: 11

Link to udint

Link to armnt

Link to ntkpl

Ṭulluġi q̇onʒ́uġon q̇eräzäl sa nökäre yaq̇absa, ama baġbanxon moṭoval ṭapi biyaburṭunbsa, kul amc̣i qošṭun \ yaq̇absa.
T'ulluği q'ončuğon q'erəzəl sa nökəre yaq'absa, ama bağbanxon mot'oval t'api biyaburt'unbsa, kul ams'i qoşt'un \ yaq'absa.

Verse: 12

Link to udint

Link to armnt

Link to ntkpl

Ṭulluġi q̇onʒ́uġon xibimǯi nökäräl yaq̇anebsa, ama baġbanxon šoṭoval yaralayinši šäṗṭunsa.
T'ulluği q'ončuğon xibimci nökərəl yaq'anebsa, ama bağbanxon şot'oval yaralayinşi şəp't'unsa.

Verse: 13

Link to udint

Link to armnt

Link to ntkpl

Ṭe vädä ṭulluġi q̇onʒ́uġon nexe: "Isä ḳä baz? Barta bez bakal nu bakal sa ġara yaq̇abaz, bärkä šoṭo hörmätbaṭun".
T'e vədə t'ulluği q'ončuğon nexe: "İsə k'ə baz? Barta bez bakal nu bakal sa ğara yaq'abaz, bərkə şot'o hörmətbat'un".

Verse: 14

Link to udint

Link to armnt

Link to ntkpl

Ama baġbanxon šoṭo aḳi ičoġoy arane exlätṗi nexṭun: "Mo varise! Ekinan koṭo besṗen ki, miras yaxq̇an mandi".
Ama bağbanxon şot'o ak'i içoğoy arane exlətp'i next'un: "Mo varise! Ekinan kot'o besp'en ki, miras yaxq'an mandi".

Verse: 15

Link to udint

Link to armnt

Link to ntkpl

Haketäräl bsaṭun, šoṭo ṭulluġaxun č̣evḳi besṭunbsa. \ Isä ef zänden, ṭulluġi q̇onʒ́uġon šoṭoġo ḳä bale?
Haketərəl bsat'un, şot'o t'ulluğaxun c'evk'i best'unbsa. \ İsə ef zənden, t'ulluği q'ončuğon şot'oğo k'ə bale?

Verse: 16

Link to udint

Link to armnt

Link to ntkpl

Šoṭin hari me baġbanxo äfčibale, ṭulluġa isä q̇eräzṭoġo tadale". Amdarxon moṭo ibaki "Buxaʒ́uġon maq̇an bi!" piṭun.
Şot'in hari me bağbanxo əfçibale, t'ulluğa isə q'erəzt'oğo tadale". Amdarxon mot'o ibaki "Buxačuğon maq'an bi!" pit'un.

Verse: 17

Link to udint

Link to armnt

Link to ntkpl

Ama Isusen šoṭoġoy piin boš be͑ġi pine: "P̣oy me Cam ḳä upsuna?
   Ama İsusen şot'oğoy piin boş běği pine: "P'oy me Śam k'ə upsuna?
    "Barizaṗḳalxon bosi źe͑
    "Barizap'k'alxon bosi ǰě
    Än vaǯib ṭo͑ġin źe͑ne baki". ^*
    Ən vacib t'ǒğin ǰěne baki". ^*

Verse: 18

Link to udint

Link to armnt

Link to ntkpl

Me źe͑ne loxol bitalo careġale, źe͑ maṭay loxol bitayin isä šoṭo ć̣aḳḳale".
Me ǰěne loxol bitalo śareğale, ǰě mat'ay loxol bitayin isə şot'o č'ak'k'ale".

Verse: 19

Link to udint

Link to armnt

Link to ntkpl

Ḳanun zombalxon q̇a samǯi be͑yinśxon q̇amišṭunbaki ki, Isusen me mäsälinä ičoġoy baradane exlätṗi. Imkan bakiniy Šoṭo haṭeṭiya biṭunq̇oy, ama amdarxoxun q̇ə͑ṭunbsay.
K'anun zombalxon q'a samci běyinšxon q'amişt'unbaki ki, İsusen me məsəlinə içoğoy baradane exlətp'i. İmkan bakiniy Şot'o hat'et'iya bit'unq'oy, ama amdarxoxun q'ı̌t'unbsay.

Här tani iz haq̇q̇
Hər tani iz haq'q'

(Maṭ. 22:15-22

Link to udntn

; Mrḳ. 12:13-17

Link to udntn

)
(Mat'. 22:15-22

Link to udntn

; Mrk'. 12:13-17

Link to udntn

)

Verse: 20

Link to udint

Link to armnt

Link to ntkpl

Ḳanun zombalxon q̇a samǯi be͑yinśxon Isusi bać̣anexun busmišṭunbsay. Šoṭay ṭo͑ġo͑l sa hema amdaral yaq̇abeṭuniy. Ṭe amdarxon \ ičoġo tämiz aḳesṭi dim Isusi ṭo͑ġo͑l bakalaṭuniy, Iz źomoxun sa särf äyit č̣eġala ḳinäḳ isä Šoṭo biq̇i Rimen täyinbi kalaṭay kiyel tadalaṭuniy.
K'anun zombalxon q'a samci běyinšxon İsusi bač'anexun busmişt'unbsay. Şot'ay t'ǒğǒl sa hema amdaral yaq'abet'uniy. T'e amdarxon \ içoğo təmiz ak'est'i dim İsusi t'ǒğǒl bakalat'uniy, İz ǰomoxun sa sərf əyit c'eğala k'inək' isə Şot'o biq'i Rimen təyinbi kalat'ay kiyel tadalat'uniy.

Verse: 21

Link to udint

Link to armnt

Link to ntkpl

Šoṭoġon Isusaxun xavarṭun haq̇i: "Määlim, yan avayan ki, Hun düzen äyitṗi zombsa, šuḳḳaleynaḳal täräfkäšluġ tenbsa. Buxaʒ́uġoy yaq̇a düzen zombsa.
Şot'oğon İsusaxun xavart'un haq'i: "Məəlim, yan avayan ki, Hun düzen əyitp'i zombsa, şuk'k'aleynak'al tərəfkəşluğ tenbsa. Buxačuğoy yaq'a düzen zombsa.

Verse: 22

Link to udint

Link to armnt

Link to ntkpl

Isä upa be͑yn, beši Rime imṗeraṭora nalog tasṭun düze, yoxsa tää?"
İsə upa běyn, beşi Rime imp'erat'ora nalog tast'un düze, yoxsa təə?"

Verse: 23

Link to udint

Link to armnt

Link to ntkpl

Ama Isusen šoṭoġoy bič̣luġa q̇amišaki metäre pi:
Ama İsusen şot'oğoy bic'luğa q'amişaki metəre pi:

Verse: 24

Link to udint

Link to armnt

Link to ntkpl

"Za sa dinar aḳesṭanan. Šoṭay loxol bakala šikil q̇a c̣i šiya?" Šoṭoġon ǯoġabṭun tadi: "Imṗeraṭori".
"Za sa dinar ak'est'anan. Şot'ay loxol bakala şikil q'a s'i şiya?" Şot'oğon coğabt'un tadi: "İmp'erat'ori".

Verse: 25

Link to udint

Link to armnt

Link to ntkpl

Isusen šoṭoġo pine: "Ṭe vädä imṗeraṭori haq̇q̇a imṗeraṭora, Buxaʒ́uġoy haq̇q̇a isä Buxaʒ́uġo tadanan".
İsusen şot'oğo pine: "T'e vədə imp'erat'ori haq'q'a imp'erat'ora, Buxačuğoy haq'q'a isə Buxačuğo tadanan".

Verse: 26

Link to udint

Link to armnt

Link to ntkpl

Metär, Isusa amdarxoy be͑ś äyiti loxol biq̇es teṭun baki. Šoṭay ǯoġabal mat mandi šiṗ čurṭunpi.
Metər, İsusa amdarxoy běš əyiti loxol biq'es tet'un baki. Şot'ay coğabal mat mandi şip' çurt'unpi.

Be͑yinbaksuni barada sual
Běyinbaksuni barada sual

(Maṭ. 22:23-33

Link to udntn

; Mrḳ. 12:18-27

Link to udntn

)
(Mat'. 22:23-33

Link to udntn

; Mrk'. 12:18-27

Link to udntn

)

Verse: 27

Link to udint

Link to armnt

Link to ntkpl

Be͑yinbaksun tene bu uḳala sa hema saduḳeyen ^* Isusi ṭo͑ġo͑l hari xavare haq̇i:
Běyinbaksun tene bu uk'ala sa hema saduk'eyen ^* İsusi t'ǒğǒl hari xavare haq'i:

Verse: 28

Link to udint

Link to armnt

Link to ntkpl

"Määlim, Moiseyen yaynaḳ metäre campe: "Ägär sa amdari laśḳoy baki viči äyelsuz biyayin, šoṭin ṭe vičey süpür mandi \ čuġo haq̇i ṗuri vičey näsilä davam beq̇an". ^*
"Məəlim, Moiseyen yaynak' metəre śampe: "Əgər sa amdari lašk'oy baki viçi əyelsuz biyayin, şot'in t'e viçey süpür mandi \ çuğo haq'i p'uri viçey nəsilə davam beq'an". ^*

Verse: 29

Link to udint

Link to armnt

Link to ntkpl

Mäsälän, vu͑ġ vičine baksa. Samǯiṭin sa čuuxe haq̇sa, ičoġoy äyel bakinuṭ bisane.
Məsələn, vǔğ viçine baksa. Samcit'in sa çuuxe haq'sa, içoğoy əyel bakinut' bisane.

Verse: 30

Link to udint

Link to armnt

Link to ntkpl

Oša ṗä͑mǯi vičene me čuġo haq̇sa, ama šoval ičoġoy äyel bakinuṭ bisane.
Oşa p'ə̌mci viçene me çuğo haq'sa, ama şoval içoğoy əyel bakinut' bisane.

Verse: 31

Link to udint

Link to armnt

Link to ntkpl

Oša xibimǯiṭinal šoṭo haneq̇sa. Haketär vu͑ġ vičey vu͑ġä͑ranal me čuġo haq̇i, ama ičoġoy äyel bakinuṭ bisaṭun.
Oşa xibimcit'inal şot'o haneq'sa. Haketər vǔğ viçey vǔğə̌ranal me çuğo haq'i, ama içoğoy əyel bakinut' bisat'un.

Verse: 32

Link to udint

Link to armnt

Link to ntkpl

Axərda me čuux ičal bisane.
Axırda me çuux içal bisane.

Verse: 33

Link to udint

Link to armnt

Link to ntkpl

P̣oy isä ṗuriyorox be͑yinbakaṭan me čuux šoṭoġoy maṭay čuux bakale? Axəri, vu͑ġ vičey vu͑ġä͑ranal me čuġo haq̇eney".
P'oy isə p'uriyorox běyinbakat'an me çuux şot'oğoy mat'ay çuux bakale? Axıri, vǔğ viçey vǔğə̌ranal me çuğo haq'eney".

Verse: 34

Link to udint

Link to armnt

Link to ntkpl

Isusen šoṭoġo metäre ǯoġab tadi: "Me döörin amdarxo laśḳoyṭun baksa, išq̇araṭun taysa.
İsusen şot'oğo metəre coğab tadi: "Me döörin amdarxo lašk'oyt'un baksa, işq'arat'un taysa.

Verse: 35

Link to udint

Link to armnt

Link to ntkpl

Ama ṗuriṭoġoy be͑yinbakiṭuxun oša hämišäluġ yäšäyinšä layiġ hesabbakalorox isä nä laśḳoy teṭun bakal, nä išq̇ara teṭun taġal.
Ama p'urit'oğoy běyinbakit'uxun oşa həmişəluğ yəşəyinşə layiğ hesabbakalorox isə nə lašk'oy tet'un bakal, nə işq'ara tet'un tağal.

Verse: 36

Link to udint

Link to armnt

Link to ntkpl

Ene biyalateṭun, šoṭaynaḳ ki, angelxo ošq̇ardalṭun, be͑yinbakala ġarmux baksuna göräl šorox Buxaʒ́uġoy ġarmuxṭun.
Ene biyalatet'un, şot'aynak' ki, angelxo oşq'ardalt'un, běyinbakala ğarmux baksuna görəl şorox Buxačuğoy ğarmuxt'un.

Verse: 37

Link to udint

Link to armnt

Link to ntkpl

Moiseyenal cace barada bakala hadisinä camḳaṭan Q̣onʒ́uġo "Avrahami Buxaʒ́ux, Isaaḳi Buxaʒ́ux saal Iaḳovi Buxaʒ́uxe" nexe. Metär, Moiseyen ičinal ṗuriṭoġoy be͑yinbaksunane aḳesṭa. ^*
Moiseyenal śaśe barada bakala hadisinə śamk'at'an Q'ončuğo "Avrahami Buxačux, İsaak'i Buxačux saal İak'ovi Buxačuxe" nexe. Metər, Moiseyen içinal p'urit'oğoy běyinbaksunane ak'est'a. ^*

Verse: 38

Link to udint

Link to armnt

Link to ntkpl

Buxaʒ́ux ṗuriṭoġoy tene, dirisṭṭoġoy Buxaʒ́uxe, axəri Šoṭaynaḳ bito dirisṭe".
Buxačux p'urit'oğoy tene, dirist't'oğoy Buxačuxe, axıri Şot'aynak' bito dirist'e".

Verse: 39

Link to udint

Link to armnt

Link to ntkpl

Ḳanun zombalxoy bäziṭoġon \ metärṭun pi: "Määlim, Hun he gözälen pi".
K'anun zombalxoy bəzit'oğon \ metərt'un pi: "Məəlim, Hun he gözəlen pi".

Verse: 40

Link to udint

Link to armnt

Link to ntkpl

Eneyal Isusaxun sa šey xavar haq̇suna zaṗṭunci
Eneyal İsusaxun sa şey xavar haq'suna zap't'unśi

Xrisṭos ši Ġara?
Xrist'os şi Ğara?

(Maṭ. 22:41-46

Link to udntn

; Mrḳ. 12:35-37

Link to udntn

)
(Mat'. 22:41-46

Link to udntn

; Mrk'. 12:35-37

Link to udntn

)

Verse: 41

Link to udint

Link to armnt

Link to ntkpl

Ṭe vädä Isusen šoṭoġo pine: "Heṭaynaḳṭun nex ki, Xrisṭos Davidi Ġare?
T'e vədə İsusen şot'oğo pine: "Het'aynak't'un nex ki, Xrist'os Davidi Ğare?

Verse: 42-43

Link to udint

Link to armnt

Link to ntkpl

Axəri Daviden ičin "ω͑vel mä͑ġurxo" girke boš
   Axıri Daviden için "Ǐvel mə̌ğurxo" girke boş
    "Q̣onʒ́uġon bez Q̣onʒ́uġo pine:
    "Q'ončuğon bez Q'ončuğo pine:
    Zu Vi düšmänxo Vi turin oq̇a sakamin
    Zu Vi düşmənxo Vi turin oq'a sakamin
    Bez yön täräf arca" ^*
    Bez yön tərəf arśa" ^*
    pene.
    pene.

Verse: 44

Link to udint

Link to armnt

Link to ntkpl

Metärluġen, Daviden Šoṭo "Aġa" pine ḳale. Ṭe vädä Šo hetärä Davidi ġar bakes bakon?"
Metərluğen, Daviden Şot'o "Ağa" pine k'ale. T'e vədə Şo hetərə Davidi ğar bakes bakon?"

Ḳanun zombalxoxun vä͑x be͑ġanan
K'anun zombalxoxun və̌x běğanan

(Maṭ. 23:5-7

Link to udntn

; Mrḳ. 12:38-40

Link to udntn

)
(Mat'. 23:5-7

Link to udntn

; Mrk'. 12:38-40

Link to udntn

)

Verse: 45

Link to udint

Link to armnt

Link to ntkpl

Amdarxon bitoṭin me äyitmoġo u͑mu͑xlaxaṭan, Isusen Iz šagirdxo pine:
Amdarxon bitot'in me əyitmoğo ǔmǔxlaxat'an, İsusen İz şagirdxo pine:

Verse: 46

Link to udint

Link to armnt

Link to ntkpl

"Ḳanun zombalxoxun vä͑x be͑ġanan. Šoṭoġoy čureġalo boxoy paltar lapi tarapsun, amdarxoy ičoġo bazarin meydanxo aḳi ṗä͑ kiin kul-kiye biq̇i "xeyirq̇an baki" upsun, sinagogxo q̇a q̇onaxluġxo besṭa arsṭune.
"K'anun zombalxoxun və̌x běğanan. Şot'oğoy çureğalo boxoy paltar lapi tarapsun, amdarxoy içoğo bazarin meydanxo ak'i p'ə̌ kiin kul-kiye biq'i "xeyirq'an baki" upsun, sinagogxo q'a q'onaxluğxo best'a arst'une.

Verse: 47

Link to udint

Link to armnt

Link to ntkpl

Šoṭoġon süpür čupuġoy dövlätä uṭunksa, oša isä ičoġo aḳesṭeynaḳ boxoy afərəṭunne. Me amdarxoy ǯaza lap bə͑hi bakale".
Şot'oğon süpür çupuğoy dövlətə ut'unksa, oşa isə içoğo ak'est'eynak' boxoy afırıt'unne. Me amdarxoy caza lap bı̌hi bakale".

Next part

This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.