TITUS
Biblia Iberica: Psalterium et Odae
Part No. 7
Previous part

Chapter: 7 
Verse: 2  Link to mcat Link to sept Link to armat   უფალო ღმერთო ჩემო, შენ გესავ, მაცხოვნე მე და ყოველთა მდევართა ჩემთაგან მიჴსენ მე.

Verse: 3  Link to mcat Link to sept Link to armat   ნუსადა წარიტაცოს ვითარცა ლომმან სული ჩემი, არავინ იყოს მჴსნელ ჩემდა, არცა მაცხოვარ.

Verse: 4  Link to mcat Link to sept Link to armat   უფალო ღმერთო ჩემო, უკუეთუ ვყავ ესე, არს თუ ურჩულოებაჲ ჴელთა ჩემთა,

Verse: 5  Link to mcat Link to sept Link to armat   ანუ თუ მისა დავაგე მე ბოროტი მათ, რომელთა მომაგეს მე ბოროტი, უკუე გან-სამე-ვარდე მეცა მტერთა ჩემთა მიერ ცუდი;

Verse: 6  Link to mcat Link to sept Link to armat   დევნოს სამე მტერმან სული ჩემი და ეწიოს, დათრგუნოს ქუეყანასა ზედა ცხორებაჲ ჩემი და დიდებაჲ ჩემი მიწასა დაამკუიდროს.

Verse: 7  Link to mcat Link to sept Link to armat   აღდეგ, უფალო, ამაღლდი რისხვითა შენითა მოსრულებად ყოველთა მტერთა ჩემთა, განიღჳძე, უფალო ღმერთო ჩემო, ბრძანებითა მით, რომელ მამცენ ჩუენ,

Verse: 8  Link to mcat Link to sept Link to armat   და კრებული ერისაჲ გარე-მოგადგეს შენ; ამისთჳს მაღლად მოიქეც, უფალო.

Verse: 9  Link to mcat Link to sept Link to armat   უფალმან განსაჯოს ერი თჳსი. მისაჯე მე, უფალო, სიმართლითა შენითა და უბიწოებითა შენითა ჩემდამო.

Verse: 10  Link to mcat Link to sept Link to armat   აღესრულნენ ძჳრნი ცოდვილთა ზედა და შენ წარუმართე მართალსა, უფალო, რომელი განიკითხავს გულსა და თირკუმილთა ღმერთი მართალი.

Verse: 11  Link to mcat Link to sept Link to armat   ჭეშმარიტ არს შეწევნაჲ ჩემი ღმრთისა მიერ, რომელმან განარინნის წრფელნი გულითა.

Verse: 12  Link to mcat Link to sept Link to armat   ღმერთი მართალ, მსაჯულ, ძლიერ, სულგრძელ, რომელმან არა მოავლინის რისხვაჲ მისი მარადღე.

Verse: 13  Link to mcat Link to sept Link to armat   არა თუ მოიქცეთ, მახჳლი მისი ლესულ არს; მშჳლდსა მისსა გარდაუცუამს და განუმზადებიეს იგი;

Verse: 14  Link to mcat Link to sept Link to armat   მის თანა განუმზადებიან ჭურნი სიკუდილისანი და ისარნი მისნი შემწუველად ქმნნა.

Verse: 15  Link to mcat Link to sept Link to armat   აჰა ესერა არა ძლებულ იქმნა სიცრუვით, მუცლად-იღო სალმობაჲ და შვა უშჯულოებაჲ.

Verse: 16  Link to mcat Link to sept Link to armat   ჴნარცუ თხარა, აღმოჰკუეთა, შთავარდა იგი მთხრებლსა მას, რომელცა ქმნა.

Verse: 17  Link to mcat Link to sept Link to armat   მიექცა სალმობაჲ მისი თავსა მისსა და სიცრუვე მისი თხემსა მისსა ზედა დაუჴდა.

Verse: 18  Link to mcat Link to sept Link to armat   ხოლო მე აუვარო უფალსა და უგალობდე სახელსა უფლისა მაღლისასა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.