TITUS Texts: Biblia Udica, Versio Nizhensis: Novum Testamentum

TITUS
Text collection: NT
The Udi Bible (Nij version)

New Testament Books

on the basis of the translation by
Racik Aǧacani, Rafik Danakari, Elmina Danakari, Robert Mobili and Naida Rzaeva
published on https ://www.udibibliya.com
electronically prepared by Jost Gippert,
Hamburg, 2022;
TITUS version by Jost Gippert,
Hamburg, 6.6.2022 / 30.11.2024

Book: Mt.

Chapter: 1

Isus Xrisṭosi äsil
İsus Xrist'osi əsil

(Luḳ. 3:23-38

)
(Luk'. 3:23-38

)

Verse: 1

Davidi Ġar, Avrahamiyal Ġar bakala Isus Xrisṭosi äsil moroxe:
Davidi Ğar, Avrahamiyal Ğar bakala İsus Xrist'osi əsil moroxe:

Verse: 2

Avrahamaxun Isaaḳe baki. Isaaḳaxun Iaḳove baki. Iaḳovaxun Iuda q̇a iz vičimuxe baki.
Avrahamaxun İsaak'e baki. İsaak'axun İak'ove baki. İak'ovaxun İuda q'a iz viçimuxe baki.

Verse: 3

Iudaxun Tamaren ečeri P̣eres q̇a Zerahe baki. P̣eresaxun Xesrone baki. Xesronaxun Rame baki.
İudaxun Tamaren eçeri P'eres q'a Zerahe baki. P'eresaxun Xesrone baki. Xesronaxun Rame baki.

Verse: 4

Ramaxun Amminadave baki. Amminadavaxun Naxšone baki. Naxšonaxun Salmone baki.
Ramaxun Amminadave baki. Amminadavaxun Naxşone baki. Naxşonaxun Salmone baki.

Verse: 5

Salmonaxun Raxaven ečeri Boaze baki. Boazaxun Ruṭen ečeri Ovede baki. Ovedaxun Yesseye baki.
Salmonaxun Raxaven eçeri Boaze baki. Boazaxun Rut'en eçeri Ovede baki. Ovedaxun Yesseye baki.

Verse: 6

Yesseyaxun David padčaġe baki. \ Davidaxun Uriyay čuġon ečeri Solomone baki.
Yesseyaxun David padçağe baki. \ Davidaxun Uriyay çuğon eçeri Solomone baki.

Verse: 7

Solomonaxun Rexavame baki. Rexavamaxun Aviyane baki. Aviyanaxun Asane baki.
Solomonaxun Rexavame baki. Rexavamaxun Aviyane baki. Aviyanaxun Asane baki.

Verse: 8

Asanaxun Yehošafaṭe baki. Yehošafaṭaxun Yehorame baki. Yehoramaxun Uzziyane baki.
Asanaxun Yehoşafat'e baki. Yehoşafat'axun Yehorame baki. Yehoramaxun Uzziyane baki.

Verse: 9

Uzziyaxun Yoṭame baki. Yoṭamaxun Axaze baki. Axazaxun Xizgiyane baki.
Uzziyaxun Yot'ame baki. Yot'amaxun Axaze baki. Axazaxun Xizgiyane baki.

Verse: 10

Xizgiyaxun Menaššene baki. Menaššenaxun Amone baki. Amonaxun Yošiyane baki.
Xizgiyaxun Menaşşene baki. Menaşşenaxun Amone baki. Amonaxun Yoşiyane baki.

Verse: 11

Vavilona sürgünä bakala vädinesṭa Yošiyaxun Yeḳonya ^* q̇a iz vičimuxe baki. ^*
Vavilona sürgünə bakala vədinest'a Yoşiyaxun Yek'onya ^* q'a iz viçimuxe baki. ^*

Verse: 12

Vaviloni sürgünäxun oša Yeḳonyaxun Šealṭiele baki. Šealṭielaxun Zerubbabile baki.
Vaviloni sürgünəxun oşa Yek'onyaxun Şealt'iele baki. Şealt'ielaxun Zerubbabile baki.

Verse: 13

Zerubbabilaxun Avihune baki. Avihunaxun Elyaḳime baki. Elyaḳimaxun Azure baki.
Zerubbabilaxun Avihune baki. Avihunaxun Elyak'ime baki. Elyak'imaxun Azure baki.

Verse: 14

Azuraxun Sadoḳe baki. Sadoḳaxun Yaxime baki. Yaximaxun Yelihude baki.
Azuraxun Sadok'e baki. Sadok'axun Yaxime baki. Yaximaxun Yelihude baki.

Verse: 15

Yelihudaxun Eleazare baki. Eleazaraxun Maṭṭane baki. Maṭṭanaxun Iaḳove baki.
Yelihudaxun Eleazare baki. Eleazaraxun Mat't'ane baki. Mat't'anaxun İak'ove baki.

Verse: 16

Iaḳovaxun Mariyay išq̇ar Iosife baki. Mariyaxunal Xrisṭos ḳaleġala Isuse baki.
İak'ovaxun Mariyay işq'ar İosife baki. Mariyaxunal Xrist'os k'aleğala İsuse baki.

Verse: 17

Metärluġen, Avrahamaxun Davidal ciriḳ bakala bütüm näsil biṗec̣c̣e näsile, Davidaxun burqi Vavilona sürgünäl ciriḳ biṗec̣c̣e näsile. Vaviloni sürgünäxun burqi Xrisṭosal ciriḳäl biṗec̣c̣e näsile.
Metərluğen, Avrahamaxun Davidal śirik' bakala bütüm nəsil bip'es's'e nəsile, Davidaxun burqi Vavilona sürgünəl śirik' bip'es's'e nəsile. Vaviloni sürgünəxun burqi Xrist'osal śirik'əl bip'es's'e nəsile.

Isus Xrisṭosi nanaxun baksun
İsus Xrist'osi nanaxun baksun

(Luḳ. 2:1-7

)
(Luk'. 2:1-7

)

Verse: 18

Isus Xrisṭosi nanaxun baksun metäre baki. Iz Nana Mariya Iosifaxun niśanluney. Ama šorox sagala bakalṭuxun be͑ś Mariyay ω͑vel Urufi täräfäxun bə͑hi baksun ćoyele č̣eri. ^*
İsus Xrist'osi nanaxun baksun metəre baki. İz Nana Mariya İosifaxun nišanluney. Ama şorox sagala bakalt'uxun běš Mariyay Ǐvel Urufi tərəfəxun bı̌hi baksun ç̌oyele c'eri. ^*

Verse: 19

Šoṭay niśanlu Iosif düzgün sa amdarey, Mariya ǯamaati arane biyaburbsun nu čuresuna görä č̣äṗḳinǯä šoṭoxun ǯöybaksuni fikiräne bafṭi.
Şot'ay nišanlu İosif düzgün sa amdarey, Mariya camaati arane biyaburbsun nu çuresuna görə c'əp'k'incə şot'oxun cöybaksuni fikirəne baft'i.

Verse: 20

Ama metär fikirbala \ vädine neṗe boš, mone, Q̣onʒ́uġoy sa angel ičeynaḳ aḳeci pine: "Davidi ġar Iosif! Mariya vaynaḳ čuux haq̇sunaxun ma q̇ə͑ba, šoṭaynaḳ ki, šoṭosṭa bakala körpä ω͑vel Urufaxune.
Ama metər fikirbala \ vədine nep'e boş, mone, Q'ončuğoy sa angel içeynak' ak'eśi pine: "Davidi ğar İosif! Mariya vaynak' çuux haq'sunaxun ma q'ı̌ba, şot'aynak' ki, şot'ost'a bakala körpə Ǐvel Urufaxune.

Verse: 21

Mariyan sa Ġar ečale, Šoṭay c̣iya Isus ^* laxa, šoṭaynaḳ ki, Šoṭin Iz azuḳa ičoġoy günaxxoxun čarḳesṭale". ^*
Mariyan sa Ğar eçale, Şot'ay s'iya İsus ^* laxa, şot'aynak' ki, Şot'in İz azuk'a içoğoy günaxxoxun çark'est'ale". ^*

Verse: 22

Morox bito Q̣onʒ́uġon xavarečala pesṭi me äyit bex ṗaṗseynaḳe baki:
Morox bito Q'ončuğon xavareçala pest'i me əyit bex p'ap'seynak'e baki:

Verse: 23

"Mone, kul nu lafṭi xuyär bə͑hi baki Ġar ečale, Iz c̣iya Emmanuel ^* laxalṭun". ^*
"Mone, kul nu laft'i xuyər bı̌hi baki Ğar eçale, İz s'iya Emmanuel ^* laxalt'un". ^*

Verse: 24

Iosif neṗaxun muġurbakaṭan Q̣onʒ́uġoy angelen bürmiši ḳinäḳ bine, Mariya iz čuux ḳinäḳ q̇abulebi.
İosif nep'axun muğurbakat'an Q'ončuğoy angelen bürmişi k'inək' bine, Mariya iz çuux k'inək' q'abulebi.

Verse: 25

Ama äyel nanaxun bakamin Iosifen šoṭoxun ə͑śaluġ tenebi. Nanaxun baki Körpäy c̣iya Isuse laxi. ^*
Ama əyel nanaxun bakamin İosifen şot'oxun ı̌šaluğ tenebi. Nanaxun baki Körpəy s'iya İsuse laxi. ^*

This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.