)
)
Isusen Iz ṗac̣c̣e šagirdä ögüd tadi čarḳiṭuxun oša karoozbi zombseynaḳ q̇eräz šähärmoġone taci.
Ioanen Xrisṭosi äšurxoy ä͑mxun zindana avabaki, iz šagirdxo yaq̇anebi ki,
Šoṭoxun xavar haq̇aṭun: "Eġala Bakalo Hunnu, yoxsa q̇eräzṭay yaq̇a be͑ġen?"
Isusen šoṭoġo ǯoġabe tadi: "Takinan, ef aḳalṭoġo saal ibakalṭoġo Ioana avabakesṭanan:
ḳać̣iṭoġon täzädän aṭunksa, axsaġxo taraṭunne, ǯuzamluyox tämizṭunbaksa, karurxon iṭunbaksa, ṗuriyorox be͑yinṭunbaksa, käsibxoynaḳal Mu͑q Xavara bayanbaksa. *
Zaxun nu šüpäläyinšakalo he bäxṭävärä!"
Morox taġaṭan Isusen ǯamaata Ioani barada exlätpsane burqi: "Vä͑n heṭaynaḳnan tacey čölö? Sa ge͑śe loxol be͑ġsa ki, mušen šoṭo hetärä galgalsṭa?
P̣oy ṭe vädä heṭaynaḳnan tacey čölö? Q̣äšäng paltar lapi sa amdar aḳseynaḳ? Ama q̇äšäng paltar laḳala amdarxo padčaġxoy sarayxoṭun yäšäyinšbsa.
P̣oy šu aksanan č̣erey? Xavarečala? Hoo, vä͑n xavarečalanan aḳey, hamal vä͑x nexzu ki, šo xavarečalaxunal \ üsṭüne.
Mo ṭe amdare ki, šoṭay barada ω͑vel Came boš metäre camece:
Vä͑x nexzu: amdarxoy arane Ḳunuḳbal Ioanaxun üsṭün bakalo tene bake. Ama Göye padčaġluġa än mic̣iḳ bakaloval šoṭoxun üsṭüne.
Ḳunuḳbal Ioani q̇ulluġaxun häysäṭinäl ciriḳ Göye padčaġluġi äleyinä davane taysa, zor äšṗesṭalṭoġonal šoṭo hüǯümṭunbsa. *
Bütüm xavarečalxoy saal Moiseyi ḳanuni girkurxoy bošal Ioanaxun be͑ś Göye padčaġluġi cameceney. *
Ägär avabaksun čurnansaisä, šo haṭe qaybaki eġala bakala Ilyane. *
U͑mu͑x bakalṭin ibakeq̇an!
Me dööri amdarxo šuxun barabar biq̇az? Šorox bazari meydana arci ṭə͑yä͑miṭoġo metär ḳalḳala äyloġoṭun ošq̇ar:
"Yan vä͑ynaḳ ṭüṭṭäyyan farpi,
Ioanen hari nä śum tene käyi, nä fi tene u͑ġi, šoṭoġonal nexṭun: "Šoṭosṭa murdar urufe bu".
Amdari Ġaren hari käyi-u͑neġi. Šoṭoġonal nexṭun: "Me puldešina saal u͑ġä͑lä amdara be͑ġanan! Naloggirbalxoxun q̇a q̇eräzäl günaxbalxoxune dosṭ baki!" Buxaʒ́uġoy müdrikluġ šo ičoġosṭa bakalṭoġoy ämälxoxune täsṭiġbaksa".
Oša Isusen Iz gele möǯüzoox aḳesṭi šähärmux ičoġoy tooba nubsuna görä töhmätbsane burqi:
"Vay vi hala, ay Xorazin! Vay vi hala, ay Beṭsayda! Vä͑sṭa baki möǯüzoox Sur saal Sidona bakiniy, šoṭoġon gele vaxṭaxun čul lapi žeq̇a ičoġoy bel cipi * toobabeṭuniy. *
Šoṭaynaḳal vä͑x nexzu: Axərənǯi ġine Sure q̇a Sidoni hal ef halaxun hasand bakale.
Hunal, ay Ḳefernaum,
Šoṭaynaḳal vä͑x nexzu: Axərənǯi ġine Sodom šähäri hal vi halaxun hasand bakale". *
Ṭe vädä Isusen pine: "Ay oćali q̇a göye Q̣onʒ́ux bakala Bava! Va šükürezbsa ki, ičoġo müdrik saal q̇amišakal hesabbala amdarxoxun č̣aṗṭoġo äyloġon avabakesṭi.
Hoo, ay Bava! Mo Vi šaaṭ niyätey.
Bez Bavan här šeya Bez exṭiyäräne tade. Ġara Iz Bavaxun bašq̇a šuḳḳalen tene čalxsa. Baval Iz Ġaraxun saal Ġaren avabakesṭun čureġala amdaraxun bašq̇a šuḳḳalen tene čalxsa. *
Ay bə͑hi yükäxun mandakbakiyorox, Bez ṭo͑ġo͑l ekinan, Zu vä͑x dinǯäyinšäksun tadoz.
Bez buyruġxo yük ḳinäḳ ef loxol exṭanan, Zaxunal zombakanan. Šoṭaynaḳ ki, Zu üḳäxun ǯügü hamal äyitbe͑ġalzu, vä͑nal axər ki dinǯäyinšnan bako. *
Šoṭaynaḳ ki, Bez buyruġxo iräät, Bez yükäl suuḳe!"
