; 6:7-13; Luḳ. 6:12-16; 9:1-6; 10:1-12)
; 6:7-13; Luk'. 6:12-16; 9:1-6; 10:1-12)
Isusen Iz ṗac̣c̣e šagirdä Iz ṭo͑ġo͑l ḳalpi šoṭoġo murdar urufxoy loxol exṭiyäre tadi ki, šoṭoġo č̣evḳaṭun, här ǯürä azarxo saal här ǯürä q̇ać̣urxo q̇olaybaṭun.
Me ṗac̣c̣e aṗosṭolxoy c̣iyurxo metäre: samǯiyo P̣eṭer ḳaleġala Simon q̇a iz viči Andrey, Zavday ġar Iaḳov q̇a iz viči Ioan,
Filiṗ saal Varfolomey, Ṭomas q̇a naloggirbal Maṭfey, Halfay ġar Iaḳov q̇a Tadday.
Simon Känanči * saal Isusa xäyanätbi Iuda Isḳarioṭ.
Isusen me ṗac̣c̣e tana metär ämirene yaq̇a badi: "Q̣eräz millätxoy arane ma takinan, Samaraluġoy sal sa šähäreyal ma bakinan.
Süfṭä Israili azuḳi aći eġelxoy ṭo͑ġo͑l takinan.
Ef taġala ganxo "Göye padčaġluġ ə͑śalayinšakene" pi, karoozbanan.
Azariṭoġo q̇olaybanan, ṗuriṭoġo be͑yinbanan, ǯuzamluġo tämizbanan, \ murdar urufxo č̣evḳanan. Nüfṭä haq̇enan - nüfṭä tadanan.
Vä͑xun nä q̇əzəl, nä gümüš, nääl mis tängä ma exṭanan.
Yaq̇eynaḳ nä toray, nä ṗä͑ urbašḳa, nä toroḳal, nääl čombaġ ma exṭanan. Šoṭaynaḳ ki, äšṗal iz ukuna layiġe. *
Mani šähäre nääl ayize baġaynan, ṭeṭiya layiġlu amdar qä͑vekinan, yaq̇a č̣eġaminal šoṭay ḳoya mandanan.
Ṭe ḳoya baġaṭan ḳožin amdarxo "xeyirq̇an baki" upanan.
Ägär ḳož layiġesa, xeyir-bäräkät šoṭay loxolq̇an baki; layiġ tenesa, xeyir-bäräkät ef loxolq̇an qaybaki.
Šiin vä͑x nu q̇abulbi ef äyitmoġo nu u͑mu͑xlaxayin, ṭe ḳoyaxun nääl šähärexun č̣eġaṭan ef turmoġoy tozal caṗṭanan. *
Vä͑x düzinäz nex: Axərənǯi ġine Sodomi saal Gomorray hal ṭe šähäri halaxun gele hasand bakale. * *
; Luḳ. 21:12-17)
; Luk'. 21:12-17)
Mone, q̇uziġo ulurxoy arane yaq̇abala ḳinäḳez vä͑x yaq̇absa. Šoṭaynaḳal diziḳ ḳinäḳ müdrik, göyärčin ḳinäḳäl saf bakanan. *
Amdarxoxun vä͑x q̇orišanan. Šoṭaynaḳ ki, šoṭoġon vä͑x divanbala ganxo zaṗḳalṭun, sinagogxoy boš \ tatarlayinšalṭun.
Vä͑x Za görä kalaluġbalxoy, padčaġxoy be͑ś ečalṭun, vä͑nal šoṭoġo q̇a q̇eräz millätxo Bez barada šahidluġbalnan.
Šoṭoġon vä͑x divanbala gala ečaṭan, ṭeṭiya ef hetär nääl ḳä upsuni barada fikir ma zapanan. Ḳä upsun vä͑x haṭe vaxṭasṭa tadeġale,
šoṭaynaḳ ki, äyitḳalo vä͑n tää, ef boš bakala ef Bavay Urufen vä͑x äyitṗesṭale. *
Vičen vičä, bavan äylä besṗesṭale. Äylux bava-nanay äleyinä č̣eri šoṭoġo besṗesṭalṭun. *
Bez c̣iya görä bitoṭin vä͑x nifrätbalṭun. Ama axəral ciriḳ portṗalo čarḳeġale. *
Vä͑x sa šähäre tägibbaṭan, ṭə͑yä͑minṭu ṭiṭanan. Šoṭaynaḳ ki, vä͑x düzinäz nex: vä͑n Israili šähärmoġo tarapi čarḳinuṭ Amdari Ġar eġale.
Šagird iz määlimäxun, nökäräl iz aġaxun ala tene. *
Šagirdä iz määlimällariḳ, nökäräl iz aġallariḳ baksun bäse. Ägär ḳožin q̇onʒ́uġo Baal-Zevulṭun * ḳalesa, šoṭay ailin amdarxo moṭoxun heq̇ädär pis uḳalṭun! *
Metärluġen, šoṭoġoxun ma q̇ə͑banan. Šoṭaynaḳ ki, ṭetär č̣aṗ sa šey tene bu ki, qavuna tene č̣eġal saal ṭetär č̣äṗḳin sa šey tene bu ki, tene avabakeġal. *
Vä͑x Zu bayinq̇luġa piṭoġo ġene išiġa exlätṗanan, ef u͑mu͑ġo pəčəldayinšiṭu u͑ġu͑rxoxun bayanbanan.
Bädänä besṗi elmoġo besṗes nu bakalṭuxun ma q̇ə͑banan. Ham elmoġo, hamal bädänä ǯähännäme äfčibes bakala Buxaʒ́uġoxun q̇ə͑banan.
P̣ä͑ čoval sa mä͑yin köpiyal tene toyesa ki? Ama šoṭoġoy sayǯoval ef Bavay iǯaza bakinuṭ oq̇a tene bito.
Ef isä lap biin popurxoval bo͑q̇ä͑lecene.
Šoṭaynaḳal ma q̇ə͑banan, vä͑n saysuz-hesabsuz čovalxoxun gele toyexlunan.
Amdarxoy be͑ś Za čalxala här sa tana Zuval göynul bakala Bez Bavay be͑ś čalxoz.
Ama šiin amdarxoy be͑ś Zaxun ćo taradayin, Zuval šoṭoxun göynul bakala Bez Bavay be͑ś ćo taradoz. *
Ma fikirbanan ki, oćali ćoyel šiṗluġ ešṭaz hare. Zu šiṗluġ tää, ǯöybseynaḳ q̇ələnǯez ečere.
Zu harezu ki,
Amdari düšmän iz ḳožin amdarxo bakale". *
Iz bava nääl iz nana Zaxun avuzin čureġalo Za layiġ tene. Iz ġara nääl iz xuyärä Zaxun avuzin čureġaloval Za layiġ tene.
Bez bać̣anexun eysun čureġalṭin, iz xača exṭi eġalane. Šo ṭe vädä Za layiġ bakale. *
Iz elmoġo efalṭin šoṭo aćesṗale, Bez därden iz elmoġo aćesṗalṭin isä šoṭo efale. *
Vä͑x q̇abulbalṭin Zane q̇abulbsa. Za q̇abulbalṭinal Za Yaq̇abiṭune q̇abulbsa. *
Xavarečala xavarečal baksuna görä q̇abulbalṭin xavarečala layiġ sa mükäfät haq̇ale. Düzgünṭu düzgün baksuna görä q̇abulbalṭinal düzgünṭu layiġ sa mükäfät haq̇ale.
Šiin moṭoġoy sunṭu, kala nuval hesabbakayṭun, Bez šagird baksuna görä lap sa ǯam čax xeyal u͑ġe͑sṭayin, vä͑x düzinäz nex: mükäfätsuz tene mandal". *
