; Luḳ. 9:28-36)
; Luk'. 9:28-36)
U͑q ġinaxun oša Isusen Ičuxun P̣eṭera, Iaḳova saal iz viči Ioana exṭi alloy sa buruġone laci.
Bürdän šoṭoġoy piin be͑ś Iz aḳesun \ badalebaki: Iz ćoyen be͑ġ ḳinäḳ c̣aledi, paltaral išiġ ḳinäḳ mac̣ine baki.
Mone, šoṭoġoy be͑ś Moisey q̇a Ilya aḳeci, Šoṭoxun exlätpsaṭun burqi.
P̣eṭeren Isusa pine: "Ay Q̣onʒ́ux, he šaaṭa yaynaḳ memiya! Čurensasa memiya xib dänä čadər biq̇az: soġo Vaynaḳ, soġo Moiseyeynaḳ, soġoval Ilyaynaḳ".
P̣eṭeren äyitḳala vädine bürdän c̣aldala asoye aḳeci. Asoyi xoži ičoġoy loxole biti. Asoyi bošṭan sa säse hari: "Mo Bez čureġala Ġare, Koṭoxun iräzizu, Koṭo u͑mu͑xlaxanan!" *
Säsä ibaki, šagirdxo ćooq̇a biṭunti, šoṭaynaḳ ki, geleṭun q̇ə͑bi.
Isus ə͑śalayinšaki, Iz kula šoṭoġo lafṭesṭi pine: "Hayzanan, ma q̇ə͑banan!"
Šoṭoġon ičoġoy bula alabi Isusaxun bašq̇a šuḳḳala teṭun aḳi.
Buruġoxun ciġaṭan Isusen Iz šagirdxo ämirebi: "Amdari Ġar ṗuri ganuxun be͑yinbakamin ef aḳiṭoġo šuḳḳala ma exlätṗanan".
Šagirdxon Šoṭoxun xavarṭun haq̇i: "Ḳanun zombalxon heṭaynaḳṭun nex ki, Xrisṭosaxun be͑ś Ilya eġalane?" *
Isusen ǯoġabe tadi: "Düze, Ilya hägigiyal süfṭä hari här šeya häzirbalane.
Zu vä͑x nexzu: ene Ilya harene, ama šoṭo teṭun čalxi, ičoġoy \ čureġala ḳinäḳṭun šoṭoxun häräkätbi. Haketäräl Amdari Ġaren šoṭoġoy kiyexun gele koruġ zaṗḳale". *
Šagirdxo ṭe vädä q̇amišṭunbaki ki, Isusen šoṭoġo Ḳunuḳbal Ioani baradane exlätpsay.
Šorox ǯamaati ṭo͑ġo͑l eġaṭan sa amdar Isusa ə͑śalayinšaki, Iz be͑ś čökṭi
pine: "Ay Q̣onʒ́ux! Bez ġara gorox eki! Šoṭosṭa susṭbaksunebu, gelene äzyät aksa. Usum-usum nä aruġo, nääl ki xenane bafsṭa.
Šoṭo Vi šagirdxoy ṭo͑ġo͑l ezčeri, ama šoṭo q̇olaybes teṭunbaki".
Isusen pine: "Ay nu ve͑bakala saal iz yaq̇a aćesṗi näsil! He vaxṭal ciriḳ vä͑xun sagala bakoz? He vaxṭal ciriḳ vä͑x portṗoz? Šoṭo memiya, Bez ṭo͑ġo͑l ečanan".
Isusen murdar urufa ämirebi, murdar urufal č̣ere. Ġar haṭe saad q̇olayebaki.
Šagirdxo Isusaxun täkluġa mandaṭan Šoṭo ə͑śalayinšaki xavarṭun haq̇i: "Heṭu görä yan murdar urufa č̣evḳes teyan baki?"
Isusenal šoṭoġo ǯoġabe tadi: "Ef ve͑baksun mal baksuna görä". Vä͑x düzinäz nex: vä͑sṭa sa xardali cile hama ve͑baksun bakiniy, vä͑nal me buruġo "memiin ṭeṭiya č̣ovaka" pinaniy, šo č̣ovanekoy, vä͑ynaḳal \ mümkün nu bakala hiḳḳal tene bakoy". *
Amma me ǯür murdar urufxo täkč̣ä afərənen q̇a ġurux efsunene č̣eysa. *
; Luḳ. 9:43-45)
; Luk'. 9:43-45)
Šorox bito Galileyina bakaṭan Isusen šagirdxo pine: "Amdari Ġara usumluġen amdarxoy kiyel tadi
besṗalṭun, ama Šo xibimǯi ġine be͑yinbakale". Šoṭoġo kala därdene haq̇i.
Šorox Ḳefernauma hari vädine Buxaʒ́uġoy xrame nalog * girbalxo P̣eṭera ə͑śalayinšaki xavarṭun haq̇i: "Ef Määlimen nalog tanesṭane, ketäre?" *
P̣eṭeren ǯoġabe tadi: "Tanesṭa". P̣eṭer ḳoya baġaṭan süfṭä Isusene exlätä burqi: "Simon! Hun hetären fikirbsa? Me dünyäni padčaġxon haq̇q̇a nääl ki naloga šuxunṭun haq̇sa? Ičoġoy amdarxoxun yoxsa davina taševḳi ölköġoy amdarxoxun?"
P̣eṭeren \ ǯoġabe tadi: "Q̣eräz oćalxoy amdarxoxun". Isusen šoṭo pine: "Metäre isä, ičoġoyorox nalogaxun azadṭun.
Ama me amdarxo ma inǯitmišen. Göle ṭo͑ġo͑l taki, q̇armaġa bosa, q̇armaġa bafṭala samǯi čälinä exṭa. Šoṭay źomo qaypi sa gümüš tängä * bä͑ġä͑balnu. Šoṭo exṭa, beš ṗrannay gala šoṭoġo tada".
