; Mrḳ. 8:11-21; Luḳ. 12:54-56)
; Mrk'. 8:11-21; Luk'. 12:54-56)
Fariseyxo q̇a saduḳeyxo Isusi ṭo͑ġo͑lṭun hari. Šoṭo sinäyinšbseynaḳ täläbṭunbi ki, Šoṭin ičoġo göynuxun bakala sa möǯüzälü niśan aḳesṭane. *
Ama Isusen ǯoġabe tadi: "Biyäsin bakaṭan vä͑n nexnan: "Hava šaaṭ bakale, šoṭaynaḳ ki, göy ć̣oć̣ane",
savaxṭan isä "ġe kala muš bakale, šoṭaynaḳ ki, göy ham ć̣oć̣a, hamal asoylune" nexnan. Göynul be͑ġi hava hetär baksuna avabakes bananksa, ama vaxṭe möǯüzälü niśanxo č̣äḳṗes tenan baksa?
Pis saal exṭibärsuz näsilen sa möǯüzälü niśane täläbbsa. Ama šoṭo Ionay möǯüzälü niśanaxun bašq̇a sal sa niśan tene tadeġal". Isusen šoṭoġo barti taneci.
Šagirdxo göle ṭe täräfṭun č̣ovaki, ama ičoġoxun śum exsṭuna eyexunṭun č̣evḳey.
Isusen šoṭoġo pine: "Ehṭiyätlü bakanan! Fariseyxoy q̇a saduḳeyxoy ä͑yinäxun vä͑x efanan".
Šagirdxon isä ičoġoy arane nexṭuniy: "Moṭo beši śum nu exsṭuna göräne nex".
Isusen moṭo avabaki pine: "Ay ve͑baksun mal \ bakalxo! Heṭaynaḳ ef śume nu baksunaxunnan äyite?
Vä͑n hiḳḳal tenan q̇amišaksa? Qo hazar taneynaḳ qo śum baksun ef eyex tene? Ṭe vädä hema zänbilnän buybi?
P̣oy biṗ hazar taneynaḳ vu͑ġ śum baksun? Ṭe vädä hema zänbilnän buybi? *
Hetär tenan q̇amišaksa ki, Zu śume barada tez pey? Fariseyxoy q̇a saduḳeyxoy ä͑yinäxun vä͑x efanan".
Ṭe vädä šoṭoġon q̇amišṭunbaki ki, Isusen śume ä͑yinäxun tää, fariseyxoy q̇a saduḳeyxoy zombsunaxune ičoġo xavardarluġbey.
; Luḳ. 9:18-21)
; Luk'. 9:18-21)
Isus Filiṗi Ḳeysariin oćala hari vädine Iz šagirdxoxun xavare haq̇i: "Amdarxoy upsuna görä Amdari Ġar šuva?"
Šoṭoġon ǯoġabṭun tadi: "Bäziṭoġon nexṭun Ḳunuḳbal Ioan, ṭə͑yä͑miṭoġon Ilya, bäziṭoġon isä nexṭun ki, Yeremiya nääl ki, xavarečalxoxun soġone". *
Isusen šoṭoġoxun xavare haq̇i: "P̣oy vä͑n Za šunan hesabbsa?"
Simon P̣eṭeren ǯoġabe tadi: "Hun Dirisṭ bakala Buxaʒ́uġoy Ġar Xrisṭosnu". *
Isusen šoṭo pine: "He bäxṭävärnu, ay Ionay ġar Simon! Šoṭaynaḳ ki, moṭo va \ avabakesṭalo amdarxo tene, göynul bakala Bez Bavane.
Šoṭaynaḳal Zu va nexzu ki, hun P̣eṭernu, * Zuval Bez ve͑bakalxoy ǯämiyätä me q̇ayani loxol biq̇oz. Ǯähännämi zorurxon šoṭo q̇alib eyes teṭun bakal. *
Göye padčaġluġi ačarxo va tadoz. Oćali ćoyel hun iǯaza nu tadalṭu göynuval teṭun iǯaza tadal, oćali ćoyel hun iǯaza tadalṭu isä göynuval iǯaza tadalṭun". *
Me äyitmoġoxun oša Isusen šagirdxo q̇adaġanebi ki, Šoṭay Xrisṭos baksuna šuḳḳala nu uḳaṭun.
; Luḳ. 9:22-27)
; Luk'. 9:22-27)
Ṭe vädinäxun Isusen Iz šagirdxoynaḳ qay exlätpsane burqi ki, Ič Yerusalima taġalane, aġsaq̇q̇alxoy, samǯi be͑yinśxoy saal ḳanun zombalṭoġoy täräfäxun gele äzyät zaṗḳalane, besṗakalane, xibimǯi ġineyal be͑yinbakalane. *
P̣eṭeren Šoṭo sa ṭo͑o͑x zapi nairäziluġbsane burqi: "Ay Q̣onʒ́ux, Buxaʒ́uġon maq̇anbi! Mo sal sa vädä Vi bel maq̇an hari!"
Ama Isusen fərəpi P̣eṭera pine: "Ä͑xil baka Bez piin be͑śṭan, Šeytan! Hun Za yaq̇nuxunen \ č̣evksa, hun Buxaʒ́uġoy äšurxoy barada ten fikirbsa, amdarxoy äšurxoy baradan fikirbsa".
Oša Isusen Iz šagirdxo pine: "Ägär šunesa Bez bać̣anexun eysun čuresa isä, ičuxun kulhaq̇eq̇an, iz xača exṭi Bez bać̣anexunq̇an hari. *
Šiin iz yäšäyinšä čarḳesṭun čureġayin, šoṭo aćesṗale, ama šiin Za görä iz yäšäyinšä aćesṗayin, šoṭo efale. *
Ägär amdaren bütüm dünyänä q̇azayinši hämišäluġ yäšäyinšä aćesṗayin, šoṭo ḳä xeyirä bakon? Šoṭin iz yäšäyinšä qaydi exsṭeynaḳ här šeya tene tadon ki?!
Šoṭaynaḳ ki, Amdari Ġar Iz Bavay tamtaraġi boš Šoṭay angelxoxun sagala hari här amdara iz äšurxo görä iz äväzä tadale. *
Vä͑x düzinäz nex: memiya bakalṭoġoy bäziyorox Amdari Ġare Iz padčaġluġa eysuna aḳinuṭ teṭun biyal".
