; Luḳ. 6:6-11)
; Luk'. 6:6-11)
Isus ṗurumal sinagogane baci. Ṭeṭiya kul ṗaralič sa amdare buy.
Bäzi amdarxoy pul Isusi loxoley, šoṭaynaḳ ki, šoṭoġon yaq̇ṭunbe͑ġsay be͑yn Isusen me amdara Šamaṭ ġine q̇olaybala, yoxsa tää.
Isusen kul ṗaralič amdara pine: "Be͑ś č̣eki!"
Oša isä härrämine bakalṭoġoy loxole be͑ġi pi: "Maṭuva iǯaza bu: Šamaṭ ġine šaaṭluġ yoxsa pisluġ bsuna? Šinesa elmoġo čarḳesṭuna, yoxsa bespsuna?" Ama šorox šiṗ čurpeṭuniy.
Isusen me amdarxoy loxol be͑ġi šoṭoġoy pulmoġon lazəm bakalṭu nu aksun čuresunane aḳi. Ṭe vädä Šoṭin azarina pine: "Vi kula boxoda!" Šoṭin iz kula boxonedi, kulal q̇olayebaki.
Fariseyxon ṭeṭiin č̣eriṭuxun oša \ haṭe saad Irodi täräf bakalṭoġoxun sagala Isusa hetär äfčibsuni barada maslaatbsaṭun burqi
; Luḳ. 6:17-19)
; Luk'. 6:17-19)
Isus Iz šagirdxoxun sagala göle ṭo͑o͑xe taci. Šoṭay bać̣anexun isä Galileyinaxun gele ǯamaate eysay.
Isusi biq̇i äšurxo ibaki, Šoṭay ṭo͑ġo͑l Iudeyinaxun, Yerusalimaxun, Idumeyinaxun, Iordan oqe ṭə͑yä͑mi täräfäxun, Sure saal Sidoni härräminäxunal eṭunsay.
Amdar ṭeq̇ädär geleney ki, Isusen Iču maq̇aṭun səxəšṭəriši pi, Iz šagirdxoxun Ičeynaḳ sa lodḳa häzir efsunane xaišbi.
Axəri Šoṭin gele amdarxone q̇olaybey, isääl bütüm azari bakalṭoġon Šoṭo lafsṭeynaḳ ičoġo besṭunbsay. *
Murdar urufxon isä Isusa aḳaṭan Šoṭay be͑ś pasṭeci osṭaar harayṭunney: "Hun Buxaʒ́uġoy Ġarnu!"
Ama Isusen šoṭoġo Izi šu baksuna bayanbsuna q̇adaġanebsay.
; Luḳ. 6:12-16)
; Luk'. 6:12-16)
Sa ġi Isus buruġo laci Iz č̣äḳṗi amdarxo Iz ṭo͑ġo͑le ḳalpi, šoroxal harṭun.
Šoṭin ṗac̣c̣e tana č̣äḳṗi aposṭole täyinbi ki, šorox hämišä Iz ṭo͑ġo͑l bakaṭun. Me amdarxon Buxaʒ́uġoy padčaġluġi barada \ karoozbalṭuniy.
Isusen šoṭoġo murdar urufxo č̣evksuni exṭiyäräl tanedi.
Metärluġen, Isusen me ṗac̣c̣e tanane täyinbi: P̣eṭer c̣i tadeci Simon,
Benerageš c̣i tadeci Zavdayi ġar Iaḳov saal šoṭay viči Ioan - Benerageš "C̣ä͑q̇e ġarmux" upsune -
Andrey, Filiṗ, Varfolomey, Maṭfey, Ṭomas, Halfay ġar Iaḳov, Tadday, Känanči * Simon
saal oša Isusa xäyanätbi Iuda Isḳarioṭ.
; Luḳ. 11:14-23)
; Luk'. 11:14-23)
Sa ġi Isus sa ḳoyane baci. Ǯamaat ṗurumal šoṭay bel giresane burqi, Isusen q̇a iz šagirdxon sal śum ukala vaxṭ teṭun bä͑ġä͑bsay.
Isusi ailinen me barada ibakaṭan Šoṭo ešṭeynaḳ yaq̇ane bafṭi. Šoṭaynaḳ ki, fikirṭunbsay ki, Šoṭin Iz haq̇əlane aćesṗe.
Yerusalimaxun hari ḳanun zombalxon isä nexṭuniy: "Šoṭay boš murdar urufxoy kalo bakala Baal-Zevule bace! Baal-Zevuli zorene murdar urufxo č̣evksa". *
Isusen ḳanun zombalxo Iz ṭo͑ġo͑l ḳalpi šoṭoġoy piṭoġoy barada mäsäloġon exläṭṗsane burqi: "Šeytanen Šeytana hetärä šäṗeces bakon?
Ägär sa padčaġluġ iz boš ǯöyebaksasa, ṭe padčaġluġ väräne \ bakon.
Ägär sa ḳož iz boš yaq̇ax tene taysasa, ṭe ḳož careġon.
Ägär šeytanenal ič iz äleyinä e͑qeci ičin-ičuxun düšmänluġebsasa, šoṭin porttenebon, šoṭay axəre eġon.
Axəri šuḳḳalen zorba amdari ḳoya baci süfṭä ṭe amdari kul-tura ġać̣ṗinuṭ šoṭay ḳoža fu͑q̇ṗes batenekon.
Vä͑x düzinäz nex: amdarxoy bütüm günaxxo q̇a Buxaʒ́uġo bə͑hi taġala äyitmux šoṭoġo baġəšlayinšakes banekon.
Ama ω͑vel Urufa nu čalxala äyitmux sal sa amdara tene baġəšlayinšakal, šoṭay günaxal iz ozane hämišäluġ mandale". *
Isusen moṭo šoṭoġon "šoṭosṭa murdar uruf" upsuna göräne exlätṗi.
; Luḳ. 8:19-21)
; Luk'. 8:19-21)
Hame vädä Isusi Nana q̇a vičimux hari ṗaṭunṗi. Šoṭoġon čölin täräf čurpi Šoṭo ḳalpseynaḳ amdarṭun yaq̇abi.
Kala sa top amdar Isusi härrämine arceney. Šoṭo ṗaṗesṭunbi: "Vi Nana q̇a vičimux čölin täräf čurpeṭun, Vaṭun ḳale".
Isusen šoṭoġoxun xavare haq̇i: "Bez nana q̇a vičimux šuva?"
Oša Iz härrämine arciṭoġoy loxol be͑ġi pine: "Mone, Bez nana q̇a vičimux miyane.
Šoṭaynaḳ ki, šiin Buxaʒ́uġoy äyitä ämälebsasa, Bez viči, xunči saal nana šone".
