; Luḳ. 8:4-15)
; Luk'. 8:4-15)
Isusen ṗurumal göle ṭo͑ġo͑l amdarxo zombsane burqi. Iz härrämine ṭeq̇ädär amdare girecey ki, Ič laci lodḳinane arci, amdarxo isä göle ṭo͑ġo͑l, q̇ariluġaṭuniy. *
Isusen šoṭoġo gele šeya mäsäloġone zombsay. Šoṭin pine:
"U͑mu͑x laxanan: sa äkinči cil carpsane č̣eysa.
Carḳala vädine cilurxoy sa hemo yaq̇e ṭo͑ġo͑le bisṭa, q̇ušurxonal hari šoṭoġo ṭuḳṭi uṭunksa.
Sa hemo ḳul gele nu bakala - źe͑luġ galane bisṭa. Ḳul mal baksuna göräl usum göyünebaksa.
Ama be͑ġ č̣eġaṭan iz tum bä͑ġäloy nu baksuna görä usum šerebaki q̇arinebaksa.
Sa hemo cacurxoy aranene bisṭa. Cacurxon kalabaki šoṭoġo haq̇layinšṭunbsa, me cilurxonal bar teṭun tasṭa.
Ṭə͑yämiyorox isä bäräkätlu oćalaṭun bisṭa. Šoṭaynaḳal göyünbaki, kalabaki avuzṭunbaksa, šoṭoġoy bäziṭoġon otuz, bäziṭoġon altməš, bäziṭoġonal sabać q̇at gele barṭun tasṭa".
Oša Isusen pine: "Ibakseynaḳ u͑mu͑x bakalṭin ibakeq̇an".
Ǯamaat careciṭuxun oša Iz ṗac̣c̣e šagirden q̇a Iz bać̣anexun taġalṭoġon Šoṭoxun mäsäloġoy \ baradaṭun xavar haq̇i.
Isusen pine: "Buxaʒ́uġoy padčaġluġi sir vä͑ynaḳe qayece, ama ṭə͑yä͑minṭoġoynaḳ här šey mäsäloġone exlätesa ki,
"Be͑ġe͑q̇aṭun, ama maq̇aṭun aḳi,
Oša Isusen šoṭoġoxun xavare haq̇i: "Vä͑n me mäsälinä tenan q̇amišaksasa, ṭe vädä ṭə͑yä͑mi mäsäloġo hetär q̇amišakalnan?
Äkinčinen carḳalo Buxaʒ́uġoy äyite.
Bäzi amdarxo yaq̇e ṭo͑ġo͑l biṭi cilurxo ḳinäḳe. Šoṭoġon äyitä iṭunbaksa, ama Šeytanen haṭe saad hari ičoġoy boš biṭeci äyitä exṭi tanešṭa.
Bäziyorox źe͑luġ gala careci cilurxo ḳinäḳe. Šoṭoġon äyitä ibaki šoṭo haṭe saad mu͑qluġen q̇abulṭunbsa,
ama ičoġosṭa tum nu baksuna görä portteṭunbsa, äyitä görä tägibbaksuna q̇a ičoġo äzyät baksuna aḳala ḳinäḳ ṭe äyitäxun qošṭunbaksa.
Cacurxoy arane biti cilurxo moroxe: šoṭoġon äyitä iṭunbaksa,
ama me dünyäni narahatčiluġxo, var-dövlätä fereṭbaksun q̇a q̇eräz šeymoġo bakala tamax arane baci äyitä q̇ä͑q̇ä͑nne, äyitenal bar tene ešṭa.
Bäzi amdarxo isä bäräkätlu oćala \ careci cilurxo ḳinäḳe. Šoṭoġon äyitä ibaki q̇abulṭunbsa, ošaal otuz, altməš, nääl ki lap sabać q̇at gele barṭun ešṭa"
Isusen q̇eräzäl sa mäsäl šoṭoġo exlätebi: "Ef zänden, čiraġa q̇ave nääl ki taxṭe oq̇a laxseynaḳ eṭunčon? Tää! Šo čiraġi q̇ave loxolṭun laxsa. *
Ṭetär č̣äṗḳin sa šey tene bu ki, äšḳärä nu č̣eġane, ṭetär buṭ sa šeyal tene bu ki, nu qayeġane. *
Ibakseynaḳ u͑mu͑x bakalṭin ibakeq̇an!"
Isusen šoṭoġo sa mäsäläl exlätebi: "Ef ibakalṭoġoy barada yönbäri fikirbanan: mani usḳunen usḳaynan, vä͑ynaḳal haṭe usḳunen usḳeġale, hälä avuzal tadeġale. *
Šoṭaynaḳ ki, šii bunesa, šoṭo samalal gele tadeġale, ama šii tene busa, iz bakaloval ičuxun haq̇eġale". * \ Zoġ duġi cile barada mäsälä
Isusen saal pine: "Buxaʒ́uġoy padčaġluġ heṭuva ošq̇ar? Mone, sa amdaren cile care.
Šo baseḳsa, \ hayesṭa, cil isä zoġ duġi kalanebaksa. Äkinčinen moṭay hetär bex č̣eysuna sal avatenebaksa,
axəri oćalen ičine moṭoġo bsa. Süfṭä zoġe č̣eysa, oša sünbül, samal ošal sünbüli dänooxe kalabaki aṗsa.
Äkin neśum bakaṭan isä äkinčinen usumluġen mixane exsṭa, šoṭaynaḳ ki, exe vädä ṗaṗene". *
; Luḳ. 13:18-19)
; Luk'. 13:18-19)
Oša Isusen ṗurum pine: "Buxaʒ́uġoy padčaġluġa heṭuxun sa biq̇en? Šoṭo mani mäsälinen aḳesṭen?
Šo xardali ciläne ošq̇arsṭa: oćali ćoyel biṭeġala cilurxoy än mic̣iḳo baalkayin,
kalabaki bütüm bosṭani bitḳiġoxun alloye baksa. Iz taymuxal ṭe boydane baksa ki, göynul purḳala q̇ušurxon šoṭay xožina mese biq̇sa".
Isusen moṭoxun q̇eräzäl gele mäsälooxe exlätṗi. Šoṭin me ǯüräne karoozbsay ki, šoṭoġon Iču q̇amišakes bakaṭun.
Šoṭoġo mäsälsuz hiḳḳal nexteney, ama Iz šagirdxoxun täk mandaṭan šoṭoġo här šeya q̇andərišebsay.
; Luḳ. 8:22-25)
; Luk'. 8:22-25)
Haṭe ġi biyäbakaṭan Isusen Iz šagirdxo pine: "Ekinan göle ṭe täräf č̣ovaken".
Šagirdxoval ǯamaataxun ǯöybaki Isus bakala lodḳina arci \ taṭunci. Ičoġoxun sagala q̇eräz lodḳoxal enesay.
Bürdän zorba sa tufane e͑qeci. Läpoġon lodḳina ṭetäre duġsay ki, xe iz boše buybaksay.
Isus lodḳin bać̣anin täräf Iz bula bera laxi basḳeney. Šagirdxon Šoṭo muġurbi piṭun: "Määlim, yan häysä batḳalyan! Yäni moṭin Va naraat tene bsa?"
Isusen hayzeri muša q̇adaġanebi, gölä isä "čurpa, šiṗbaka!" pine. Muš čurepi, bä͑ġä͑loy sa šiṗluġe baki.
Isusen šoṭoġo pine: "Heṭaynaḳnan meq̇ädär q̇ə͑bsa? Hälä vä͑sṭa ve͑luġ tene bu?"
Šagirdxo q̇ə͑yen haneq̇i. Šoṭoġon sunaxun "mo hetär Amdare ki, mušal, göläl Iču tabinebaksa?" pi xavarṭun haq̇say.
