; Luḳ. 5:17-26)
; Luk'. 5:17-26)
Sa hema ġi oša Isus ṗurum Ḳefernaumane hari. Šoṭay ḳoya baksuni xavaral dirisṭ šähäre \ yäymišebaki.
Šoṭay ṭo͑ġo͑l ṭeq̇ädär gele amdare hari ki, sal č̣öš ćomoy be͑ś čurḳalal ga tene mandey. Isusen šoṭoġoynaḳ Buxaʒ́uġoy äyitäne karoozbsay.
Me vädine bip tanen ṗaraličen duġi sa amdara Šoṭay ṭo͑ġo͑l ešṭunṭun čureci.
Ama gele amdarxoy topbaksuna görä šoṭo Isusi ṭo͑ġo͑l ečes teṭun baki. Šoṭaynaḳal Isus bakala ḳožin belxun ga qaypi, ṭe ṗaraličen duġi amdara nasilḳin boš ṭeṭiin oq̇aṭun civḳi.
Isusen šoṭoġoy ve͑luġa aḳi ṗaraličen duġi amdara pine: "Bez ġar, vi günaxxo baġəšlayinšebaki".
Ama ṭeṭiya arci sa hema ḳanun zombalen * ičoġoy üḳe boš fikirṭunbsay:
"Me amdaren ḳä äyite? Axəri mo Buxaʒ́uġoy tärsinäne! Täk Buxaʒ́uġoxun bašq̇a günaxxo šina baġəšlayinšes bakon?"
Isusen haṭe dayġa šoṭoġon ičoġoy üḳe boš ḳä fikirbsuna Iz urufen q̇amišaki pine: "Mo hetär fikirxone ef beyne eysa?
Manu hasande? P̣araličen duġiṭu "vi günaxxo baġəšlayinšebaki" upsun, yoxsa "hayza, vi nasilḳina exṭa taki" upsun?
Ama vä͑n avabakanan ki, Amdari Ġare oćali ćoye günaxxo baġəšlayinšala exṭiyär bune". \ Oša ṗaraličen duġiṭu pine:
"Va nexzu, hayza, vi nasilḳina exṭa ḳoya \ taki!"
Azariyal haṭe saad hayzeri iz nasilḳina exṭi bütümṭay piin be͑ś č̣eri taneci. Bütüm mat manṭundi. Ǯamaaten Buxaʒ́uġo alxəšṗi nexṭuniy: "Yan hälä metär äš teyan aḳey".
; Luḳ. 5:27-32)
; Luk'. 5:27-32)
Isus ṗurum göle ṭo͑ġo͑le taci. Šoṭay ṭo͑o͑x gele amdare eysay, Šoṭinal ǯamaata zomebsay.
Yaq̇ č̣ovakaṭan naloggirbala gala arci Halfay ġar Levina (šoṭay c̣iya Maṭṭal nexṭuniy) aḳi šoṭo pine: "Bez bać̣anexun eki". Šoval hayzeri Isusi bać̣anexune taci.
Isusi bać̣anexun taġalxo geleney. Šoṭaynaḳal Isus Levin ḳoya sulfin bel arci śum uḳaṭan gele naloggirbalxo q̇a q̇eräzäl günaxkärxo hari Šoṭoxun q̇a Iz šagirdxoxun sagala śumṭun käyi.
Fariseyxoxun * bakala ḳanun zombalxon Isusi günaxkärxoxun q̇a naloggirbalxoxun sagala śum uksuna aḳi, Šoṭay šagirdxo piṭun: "Moṭin heṭaynaḳe naloggirbalxoxun q̇a günaxkärxoxun sagala śum uksa?"
Isusen moṭo ibakaṭan šoṭoġo pine: "Saġlamṭoġoy tene, azariṭoġoye doxṭura ehṭiyäǯ bu. Zu düzgün amdarxo tää, günaxkärxo ḳalpseynaḳez hare".
; Luḳ. 5:33-39)
; Luk'. 5:33-39)
Ioani šagirdxon q̇a fariseyxon ġuruxṭun efsay. Sa ġi bäzi amdarxo Isusi ṭo͑ġo͑l hari xavarṭun haq̇i: "Heṭaynaḳ Ioani q̇a fariseyxoy šagirdxon ġurux eṭunfsa, ama Vi šagirdxon ġurux teṭun efsa?"
Isusen šoṭoġo ǯoġabe tadi: "Bäy ičoġoy ṭo͑ġo͑l bakaṭan iz q̇onaġxon ġurux eṭunfon? Heq̇ädär ki, bäy ičoġoy ṭo͑ġo͑le, šoṭoġoy ġurux efsuna ehṭiyäǯ butene.
Ama bäyä ičoġoy ṭo͑ġo͑lxun tašala ġimxo eġale, haṭe vädäl ġurux efalṭun.
Šuḳḳalen bisi paltara täzä parčinaxun yamaluq̇ duteneġon. Tene, täzä yamaluq̇ bisi paltaraxun čukeġon, zəġbaki gaal samalal pise aḳeġon.
Šuḳḳalen täzä fina bisi tuluġxo batenekon. Tene, finen tuluġxo ṭo͑pe͑ve͑ḳon, ham fi, hamal tuluġxo zayebakon. Täzä fina täzä tuluġxoy bošṭun bakon".
; Luḳ. 6:1-5)
; Luk'. 6:1-5)
Sa Šamaṭ ġine Isus äkini bošṭane č̣ovaksay. Ṭeṭiin č̣ovakaṭanal Iz šagirdxon sünbülxo hä͑vq̇saṭun burqi. *
Moṭo aḳala fariseyxon Šoṭo piṭun: "P̣oy moṭoġon heṭaynaḳṭun Šamaṭ ġine q̇adaġan bakala äšurxo biq̇sa?"
Isusen šoṭoġo ǯoġabe tadi: "Davidi q̇a iz ṭo͑ġo͑l bakalṭoġoy busa, ičoġoy kömäyä ehṭiyäǯ bakaṭan ḳä \ bsuna sal ḳaltenanpe ki?
Šo samǯi be͑yinś Evyatari vädinesṭa iräziluġi čadəra baci be͑yinśxoxun bašq̇a šuḳḳala uksuna iǯaza nu tadeġala, Q̣onʒ́uġo häsrbaki śumurxone käyi, iz ṭo͑ġo͑l bakalṭoġoval tanedi". *
Oša Isusen šoṭoġo pine: "Šamaṭ ġi amdareynaḳe yaranmišake, amdar Šamaṭ ġineynaḳ tää.
Amdari Ġar isä Šamaṭ ġineyal q̇onʒ́uxe".
