; Luḳ. 3:1-18; Ioan. 1:19-28)
; Luk'. 3:1-18; İoan. 1:19-28)
Buxaʒ́uġoy Ġar Isus Xrisṭosi Mu͑q Xavar metäre burqesa.
Xavarečal Isayay girke boš cameci ḳinäḳ:
"Čöle ǯar saḳalṭay säse eysa:
Cameci ḳinäḳäl, Ḳunuḳbal Ioan meydane č̣eri amdarxo ičoġoy günaxxoy baġəšlayinšakseynaḳ toobabsuna, moṭay niśan ḳinäḳäl ḳunuḳbaksunane čöle karoozbsay.
Bütüm Iudeyin oćala bakalorox saal Yerusalima yäšäyinšala amdarxo šoṭay ṭo͑ġo͑lṭun eysay. Šoṭoġon ičoġoy günaxxo ozaneṭun exsṭay, \ Ioanenal šoṭoġo Iordan oqe boš ḳunuḳebsay.
Ioanen buše xayaxun paltare layey, iz bə͑yex ṭolaxun q̇ayinše ġaćey. Čärtḳän saal ǯir uć̣e uksay. *
Šoṭin metäre karoozbsay: "Zaxun oša zaxun gele Zorbone eysa. Zu sal ḳoc̣baki Šoṭay toroḳali baġa šadbsuna layiġ tezu.
Zu vä͑x xenenez ḳunuḳbsa, ama Šoṭin vä͑x ω͑vel Urufen ḳunuḳbale".
; Luḳ. 3:21-22; 4:1-13)
; Luk'. 3:21-22; 4:1-13)
Ṭe ġimxo Isus Galileya oćali Nazareṭ šähärexun hare. Ioanenal Šoṭo Iordan oqe boš ḳunuḳebi.
Isus xenaxun č̣eġaṭan haṭe saad göyurxoy qayesuna saal Urufi göyärčin ḳinäḳ Iz loxol ciysunane aḳi.
Göynuxun sa säse hari: "Hun Bez gele čureġala Ġarnu, Vaxun \ iräzizu". *
Moṭo uḳala ḳinäḳ Urufen Šoṭo čölene zapi tašeri.
Šo čöle q̇ərx ġi manedi. Me q̇ərx ġinasṭa Šeytanen Šoṭo sinäyinšebi, Šoṭo ä͑qnä heyvanxoy aranene efi. Angelxon isä Šoṭo q̇ulluġṭunbsay.
; Luḳ. 4:14-15)
; Luk'. 4:14-15)
Ioan biq̇eciṭuxun oša Isusen Galileyina hari Buxaʒ́uġoy Mu͑q Xavarane karoozbsay.
Šoṭin nexey: "Vaxṭ ene ṗaṗene, Buxaʒ́uġoy padčaġluġ ə͑śabakene. Toobabanan, Mu͑q Xavara ve͑bakanan!" *
Isus Galileya göle ṭo͑ġen č̣ovakaṭan xena tor bosala Simona q̇a iz viči Andreyane aḳi. Me amdarxo čälibiq̇alxoney.
Isusen šoṭoġo pine: "Bez bać̣anexun ekinan, Zu vä͑x amdar biq̇ala čälibiq̇alxo booz".
Šoṭoġon haṭe saad torurxo boseri Šoṭay bać̣anexunṭun taci.
Isus samal be͑ś taci Zavday ġar Iaḳova q̇a šoṭay viči Ioanane aḳi. Šoṭoġon lodḳin boš arci torurxoṭun yamaluq̇bsay.
Isusen haṭe saad šoṭoġo ḳalepi. Šoṭoġonal ičoġoy bava Zavdaya äyiteci äšṗalxoxun lodḳina efi Šoṭay \ bać̣anexunṭun taci
)
)
Šorox Ḳefernaumaṭun hari. Šamaṭ ġi eġaṭan Isusen sinagoga baci zombsane burqi.
Šoṭay zombsuna bütüm määṭṭälṭun mansṭay, šoṭaynaḳ ki, šoṭoġo ḳanun zombalxo ḳinäḳ tää, Buxaʒ́uġon exṭiyär tadi sa amdar ḳinäḳe zombsay. *
Hame vädä me sinagoga ičusṭa murdar uruf bakala sa amdare baci.
Murdar urufen harayepi: "Ay nazareṭlu Isus, yaxun ḳän čuresa? Yax äfčibseynaḳen hare? Zu avazu Hun Šunu! Hun - Buxaʒ́uġoy ω͑velonu!"
Ama Isusen murdar urufa ämirebi: "Šiṗ čurpa, me amdaraxunal č̣eki!"
Murdar urufen me amdara źə͑ḳṗi osṭaar haraypsun šoṭoxun č̣ere.
Bütüm q̇ə͑ya bafṭi sun-sunaxun xavarṭun haq̇i: "Mo hiḳä? Maninesa täzä sa zombsune! Iz exṭiyäräl ṭetäre ki, murdar urufxo ämirebsa, šoroxal Iču tabiṭunbaksa".
Isusi barada bakala exlät Galileya oćali här täräf usum yäymišaksane burqi.
; Luḳ. 4:38-41)
; Luk'. 4:38-41)
Šo sinagogaxun č̣eġala ḳinäḳ Iaḳovaxun q̇a Ioanaxun sagala Simoni q̇a Andreyi ḳoyane taci.
Šorox ṭiya baġaṭan avaṭunbaki ki, Simoni q̇aynako q̇əzdərmin boš basḳene.
Isusen šoṭay ṭo͑ġo͑l taci iz kulaxun biq̇i alanebi, čuġoy q̇əzdərmal haṭe saad cire. Čuġon šoṭoġo q̇ulluġbsane burqi.
Biyäsin be͑ġ batḳiṭuxun oša bütüm azariġo saal ičoġoy boš murdar uruf bakalxo Isusi ṭo͑ġo͑lṭun ečeri.
Bütüm šähäri amdarxo ćomoy ṭo͑ġo͑lṭun gireci.
Šoṭin ǯürbäǯür azar bafṭi gele amdarxone q̇olaybi, gele murdar urufxone šäṗeci. Ama murdar urufxo äyitpsuna iǯaza tene tadi, šoṭaynaḳ ki, šoṭoġon Isusi Šu baksuna avaṭuniy.
Savaxṭan üšenen hälä išiġ bitinuṭ Isus hayzeri ḳoyaxun č̣ere, Šo amdar nu bakala sa gala taci ṭeṭiya afərənepi.
Simonen q̇a iz ṭo͑o͑x bakalṭoġon isä Isusa qä͑vesaṭun burqi.
Šoṭo bä͑ġä͑bi piṭun: "Bitoṭin Vane qä͑vesa".
Isusen šoṭoġo pine: "Ekinan q̇eräz ganxo - härrämine bakala ayizmoġo taġen, ṭeṭiyal karoozbaz, šoṭaynaḳ ki, Zu moṭaynaḳez hare".
Hametär, Isusen taci bütüm Galileyina, ṭiya bakala sinagogxo karoozebsay, murdar urufxone šäṗesay. *
; Luḳ. 5:12-16)
; Luk'. 5:12-16)
Sa ġi ǯuzam azara bafṭi * sa amdaren Isusi ṭo͑ġo͑l hari Iz be͑ś čökṭi xoyinśebi: "Axəri Hun čureġayin za tämizbes bankon".
Isusi šoṭo goroxe hari. Iz kula boxodi šoṭay loxol laxi pine: "Čurezsa, tämizbaka!"
Moṭo uḳala ḳinäḳ ṭe amdar ǯuzamaxun tämizbaki q̇olayebaki.
Isusen haṭe saad šoṭo yaq̇abadi
möhḳäm tapšurebi: "Be͑ġa, me barada šuḳḳala sa äyit ma upa, ama taki va be͑yinśen be͑ġe͑q̇an. Moṭo bitoṭin aḳseynaḳal vi ǯuzamaxun tämiz baksuna görä Moiseyen bürmiši q̇urbanxo eča". *
Ama ṭe amdaren č̣eri me bakiṭoġo bitoṭaynaḳ exlätṗi här gala yäymišebi. Šoṭaynaḳal Isus ene šähäre qay bayes tene baksay. Šo šähärexun ṭo͑o͑x, šuḳḳal nu bakala galane mansṭay, amdarxo isä här täräfäxun Iz ṭo͑ġo͑lṭun eysay.
