TITUS
Biblia Udica, Versio Nizhensis: Novum Testamentum
Part No. 28
Previous part

Chapter: 28 

Isusi be͑yinbaksun
İsusi běyinbaksun



(Mrḳ. 16:1-11Link to udntn; Luḳ. 24:1-12Link to udntn; Ioan. 20:1-18Link to udntn)
(Mrk'. 16:1-11Link to udntn; Luk'. 24:1-12Link to udntn; İoan. 20:1-18Link to udntn)


Verse: 1  Link to udintLink to armntLink to ntkpl Šamaṭ ġi č̣ovakiṭuxun oša, šamaṭi samǯi ġine * savaxṭan išiġ bitaṭan Magdallu Mariya saal ṭə͑yä͑mi Mariya gärämzoġo be͑ġsaṭun hari.
   Şamat' ği c'ovakit'uxun oşa, şamat'i samci ğine * savaxt'an işiğ bitat'an Magdallu Mariya saal t'ı̌yə̌mi Mariya gərəmzoğo běğsat'un hari.

Verse: 2  Link to udintLink to armntLink to ntkpl Mone, kala sa oćal galpsune baki. Q̣onʒ́uġoy sa angel göynuxun ciri maġarin źe͑na sa täräf ṭəḳərdi iz loxol areci.
   Mone, kala sa oç̌al galpsune baki. Q'ončuğoy sa angel göynuxun śiri mağarin ǰěna sa tərəf t'ık'ırdi iz loxol areśi.

Verse: 3  Link to udintLink to armntLink to ntkpl Šoṭay aḳesun c̣ä͑q̇ ḳinäḳ, iz paltar isä ə͑ź ḳinäḳ mac̣iney.
   Şot'ay ak'esun s'ə̌q' k'inək', iz paltar isə ı̌ǰ k'inək' mas'iney.

Verse: 4  Link to udintLink to armntLink to ntkpl Q̣aroolčiyox q̇ə͑yexun ṭuṭupi meyid ḳinäḳṭun baki.
   Q'aroolçiyox q'ı̌yexun t'ut'upi meyid k'inək't'un baki.

Verse: 5  Link to udintLink to armntLink to ntkpl Angelen čupuġo pine: "Vä͑n ma q̇ə͑banan! Ef xače loxol ṭä͑q̇ṭi Isusa qä͑vesuna avazu.
   Angelen çupuğo pine: "Və̌n ma q'ı̌banan! Ef xaçe loxol t'ə̌q't'i İsusa qə̌vesuna avazu.

Verse: 6  Link to udintLink to armntLink to ntkpl Šo memiya butene, Iz pi ḳinäḳ be͑yinbakene! Ekinan, Šoṭo laxi ganu aḳanan.
   Şo memiya butene, İz pi k'inək' běyinbakene! Ekinan, Şot'o laxi ganu ak'anan.

Verse: 7  Link to udintLink to armntLink to ntkpl Oša usum takinan, Šoṭay šagirdxo metär upanan: "Isus ṗuri ganuxun be͑yinebaki. Mone, Galileyina vä͑xun be͑śe taysa. Šoṭo ṭeṭiya aḳalnan". Zu vä͑x piṭoġo eyexun ma č̣evḳanan".
   Oşa usum takinan, Şot'ay şagirdxo metər upanan: "İsus p'uri ganuxun běyinebaki. Mone, Galileyina və̌xun běše taysa. Şot'o t'et'iya ak'alnan". Zu və̌x pit'oğo eyexun ma c'evk'anan".

Verse: 8  Link to udintLink to armntLink to ntkpl Čupuxxo ham q̇ə͑yen hamal kala sa mu͑qluġene haq̇i, šoroxal haṭe saad maġarinaxun č̣erṭun ki, taci Šoṭay šagirdxo xavar tadaṭun.
   Çupuxxo ham q'ı̌yen hamal kala sa mǔqluğene haq'i, şoroxal hat'e saad mağarinaxun c'ert'un ki, taśi Şot'ay şagirdxo xavar tadat'un.

Verse: 9  Link to udintLink to armntLink to ntkpl Bürdän, Isusen "Xeyirq̇anbaki!" pi ičoġoy be͑śe č̣eri. Šoroxal ə͑śalayinšaki Isusi turmoġo läčäq̇eci Šoṭo bulṭun ḳoc̣bi.
   Bürdən, İsusen "Xeyirq'anbaki!" pi içoğoy běše c'eri. Şoroxal ı̌šalayinşaki İsusi turmoğo ləçəq'eśi Şot'o bult'un k'os'bi.

Verse: 10  Link to udintLink to armntLink to ntkpl Isusen šoṭoġo pine: "Ma \ q̇ə͑banan! Takinan, Bez vičimoġo xavar tadanan ki, Galileyinaq̇aṭun taci. Za ṭeṭiya aḳalṭun"
   İsusen şot'oğo pine: "Ma \ q'ı̌banan! Takinan, Bez viçimoğo xavar tadanan ki, Galileyinaq'at'un taśi. Za t'et'iya ak'alt'un"



Q̣aroolčiġoy äfči xavar yäymišbsun
Q'aroolçiğoy əfçi xavar yəymişbsun


Verse: 11  Link to udintLink to armntLink to ntkpl Čupux hälä yaq̇a hamaq̇un, mone, q̇aroolčiġoy bäziyorox šähäre taci bütüm baki äšurxo samǯi be͑yinśxo avabakesṭundi.
   Çupux hələ yaq'a hamaq'un, mone, q'aroolçiğoy bəziyorox şəhəre taśi bütüm baki əşurxo samci běyinšxo avabakest'undi.

Verse: 12  Link to udintLink to armntLink to ntkpl Šoṭoġon aġsaq̇q̇alxoxun sagala gireci maslaatbiṭuxun oša äsḳärxo gele tängä tadi piṭun:
   Şot'oğon ağsaq'q'alxoxun sagala gireśi maslaatbit'uxun oşa əsk'ərxo gele təngə tadi pit'un:

Verse: 13  Link to udintLink to armntLink to ntkpl "Unanḳo ki, Iz šagirdxon yan üše basḳi vädine hari Šoṭo bašq̇eṭun.
   "Unank'o ki, İz şagirdxon yan üşe bask'i vədine hari Şot'o başq'et'un.

Verse: 14  Link to udintLink to armntLink to ntkpl Ägär me xavar baščina ṗaṗayin, yan šoṭo ve͑yando, vä͑xal bälinäxun čarḳesyando".
   Əgər me xavar başçina p'ap'ayin, yan şot'o věyando, və̌xal bəlinəxun çark'esyando".

Verse: 15  Link to udintLink to armntLink to ntkpl Metärluġen, äsḳärxon tänginä haq̇i ičoġo pi ḳinäḳ biṭun. Me äfči äyit ġeyin ġinal ciriḳ iudeyluġoy arane yäymišäkine.
   Metərluğen, əsk'ərxon tənginə haq'i içoğo pi k'inək' bit'un. Me əfçi əyit ğeyin ğinal śirik' iudeyluğoy arane yəymişəkine.



Isusen tadi axərənǯi tapšuruġ
İsusen tadi axırınci tapşuruğ



(Mrḳ. 16:14-18Link to udntn; Luḳ. 24:36-49Link to udntn; Ioan. 20:19-23Link to udntn; Aṗosṭ. 1:6-8)
(Mrk'. 16:14-18Link to udntn; Luk'. 24:36-49Link to udntn; İoan. 20:19-23Link to udntn; Ap'ost'. 1:6-8)


Verse: 16  Link to udintLink to armntLink to ntkpl Sac̣c̣e šagird isä Galileyina, Isusen šoṭoġoynaḳ täyinbi buruġoṭun taci. *
   Sas's'e şagird isə Galileyina, İsusen şot'oğoynak' təyinbi buruğot'un taśi. *

Verse: 17  Link to udintLink to armntLink to ntkpl Isusa aḳi Šoṭo bulṭun ḳoc̣bi. Bäziyorox isä šüpäläyinšṭunbaki.
   İsusa ak'i Şot'o bult'un k'os'bi. Bəziyorox isə şüpələyinşt'unbaki.

Verse: 18  Link to udintLink to armntLink to ntkpl Isus ə͑śalayinšaki šoṭoġo pine: "Göynul saal oćali ćoyel bütüm exṭiyär Zane tadece.
   İsus ı̌šalayinşaki şot'oğo pine: "Göynul saal oç̌ali ç̌oyel bütüm ext'iyər Zane tadeśe.

Verse: 19  Link to udintLink to armntLink to ntkpl Metärluġen, takinan, bütüm millätxo Bez šagirdxo banan; šoṭoġo Bavay, Ġare saal ω͑vel Urufi c̣iyen ḳunuḳbanan;
   Metərluğen, takinan, bütüm millətxo Bez şagirdxo banan; şot'oğo Bavay, Ğare saal Ǐvel Urufi s'iyen k'unuk'banan;

Verse: 20  Link to udintLink to armntLink to ntkpl vä͑x Zu ämirbi här šeya bex ṗaṗespsuna \ šoṭoġo zombanan. Ef eyexun ma č̣evḳanan, Zu dööri axəral ciriḳ här ġi vä͑xunzu".
   və̌x Zu əmirbi hər şeya bex p'ap'espsuna \ şot'oğo zombanan. Ef eyexun ma c'evk'anan, Zu dööri axıral śirik' hər ği və̌xunzu".




Next part


This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.