; Luḳ. 23:1-2; Ioan. 18:28; Aṗosṭ. 1:18-19)
; Luk'. 23:1-2; İoan. 18:28; Ap'ost'. 1:18-19)
Käybakaṭan bütüm samǯi be͑yinśxo q̇a azuḳi aġsaq̇q̇alxo sagala girṭunci ki, Isusa bespsuni q̇ärar č̣evḳaṭun.
Isusi kulmoġo ġaćṗi bašči P̣ilaṭi ṭo͑ġo͑l tašeri šoṭay kiyelṭun tadi.
Isusa xäyanätbala Iudan isä Šoṭay besṗaksuni q̇ärari barada ibakaṭan pe͑śmane baki. Šoṭin iz haq̇i otuz gümüš tänginä samǯi be͑yinśxo q̇a aġsaq̇q̇alxo qaydi qoše tadi.
Šoṭin pine: "Zu taxsərsuz amdara kiyel tasṭunen günaxezbe". Šoṭoġon isä ǯoġabṭun tadi: "Moṭoxun yax hiḳä? Ko vi äše".
Iudan gümüš tängöġo xrami boš bosi ṭeṭiin č̣ere, taci iču suruḳebi.
Samǯi be͑yinśxon gümüš tängöġo exṭi piṭun: "Me tängöx ṗiye toyen baksuna görä, moṭoġo xrami xäzininä laxsuna iǯaza tene bu".
Šoṭoġon ičoġoy arane maslaatbi ṭe tänginen gälmoġo oćalaxbseynaḳ q̇ä͑liḳ düzbali q̇oruġa haṭunq̇i.
Moṭo göräl ṭe q̇oruġa ġeyin ġinal ciriḳ "P̣iye Q̣oruġ"ṭun nex.
Metärluġen, Yeremiya xavarečalen pi me äyit bex ṗaneṗi: \ "Ṭe Amdara görä israilluġon äyitṗi toya - otuz gümüš tänginä exṭundi,
Q̣onʒ́uġon za bürmiši ḳinäḳäl q̇ä͑liḳ düzbali q̇oruġa haq̇seynaḳṭun tadi". *
; Luḳ. 23:3-5,13-25; Ioan. 18:29-19:16)
; Luk'. 23:3-5,13-25; İoan. 18:29-19:16)
Isus baščin be͑ś čurpeney. Baščinen Šoṭoxun xavare haq̇i: "Iudeyluġoy padčaġ hunnu?" Isusen ǯoġabe tadi: "Hunen metär nex".
Ama samǯi be͑yinśxon q̇a aġsaq̇q̇alxon Šoṭo taxsərkär č̣evḳaṭan Isusen šoṭoġo sal sa ǯoġab tene tadi.
Ṭe vädä P̣ilaṭen Šoṭo pine: "Vi äleyinä bakala meq̇ädär äyitmoġo ten ibaksa ki?"
Ama Isusen šoṭo sal sa äyitenal ǯoġab tene tadi. Bašči moṭo gele määṭṭäle mandi.
Här Č̣ovaksuni axsibayasṭa baščinen amdarxoy čureġala sa biq̇eciṭu tärbsun ädätey.
Ṭe ġimxosṭa Barabba c̣ila čalxeci sa biq̇eciyonoy.
Metärluġen, amdarxo sagala gireci vädine P̣ilaṭen šoṭoġoxun xavare haq̇i: "Zu vä͑ynaḳ šu tärbsunanan čuresa? Barabba, yoxsa Xrisṭos uḳala Isusa?"
P̣ilaṭen avaney ki, šoṭoġon ičoġoy paxəlluġaxunṭun Isusa kiyel tadey.
P̣ilaṭ iz divanbsuni taxṭa arci vädine iz čuġon "ṭe düzgün Amdaraxun vi äš maq̇an baki, šoṭaynaḳ ki, ġe Šoṭoxun neṗ aksuna görä gele koruġxoz zaṗe" pi ičeynaḳ xavare yaq̇abi.
Ama samǯi be͑yinśxon q̇a aġsaq̇q̇alxon amdarxo galṭunsṭay ki, Barabbay tärbaksuna, Isusi isä bisuna \ čureġaṭun.
Baščinen amdarxoxun xavare haq̇i: "Me ṗrannaxun maṭu Zu vä͑ynaḳ tärbsunanan čuresa?" Šoṭoġonal "Barabbina" piṭun.
P̣ilaṭen "P̣oy Xrisṭos uḳala Isusa ḳä baz?" pi xavare haq̇i. Šoṭoġon bitoṭin ǯoġabṭun tadi: "Xače loxolq̇an ṭä͑q̇ṭeci!"
Baščinen saal xavare haq̇i: "Axər Koṭin ḳä pisluġabe?" Šoṭoġon isä "Xače loxolq̇an ṭä͑q̇ṭeci!" uḳa samalal osṭaarṭun haraypi.
P̣ilaṭen iz kiyexun hiḳḳal nu ayesuna, tärsinä, amdarxoy samalal äǯuġon biq̇suna aḳi, xe exṭi amdarxoy be͑ś iz kula oc̣ḳi metäre pi: "Zu me Amdari ṗi barsṭunasṭa taxsərkär tezu, barta ef ozaneq̇an mandi". *
Amdarxon bitoṭin ǯoġabṭun tadi: "Koṭay ṗi beš q̇a beš äyloġoy ozaneq̇an baki!"
Ṭe vädä P̣ilaṭen šoṭoġoynaḳ Barabba tärebi. Isusa isä ä͑leci tataren tatarlayinšesṭiṭuxun oša xače loxol ṭä͑q̇sṭeynaḳ äsḳärxoy kiyele tadi.
; Ioan. 19:2-3)
; İoan. 19:2-3)
Oša baščin äsḳärxon Isusa baščin mälineṭun tašeri. Bütüm däsṭinä Šoṭay belṭun topbi.
Šoṭo čuṗlaġbi ć̣oć̣a irängen xälätṭun lapesṭi.
Cacaxun sa taǯ ä͑ldi Šoṭay bel laṭunxi, yön kiyelal sa ge͑śṭun tadi. Šoṭay be͑ś čökṭi "Iudeyluġoy Padčaġ \ dirisṭq̇an baki!" pi Šoṭo laġaṭun haq̇say.
Šoṭay ćoyel ćuṭunney, ge͑śa exṭi Iz bel duṭunġsay.
Šoṭo laġa haq̇iṭuxun oša xälätä Iz loxolxun č̣eq̇i Iz paltaraṭun lapesṭi. Oša Šoṭo xače loxol ṭä͑q̇sṭaṭun tašeri
; Luḳ. 23:26-43; Ioan. 19:17-25)
; Luk'. 23:26-43; İoan. 19:17-25)
Šorox ṭeṭiin č̣eġaṭan Simon c̣ila Ḳirenalu sa amdaraṭun iräsṭhari. Šoṭo Isusi xača tašṭuna mäǯburṭunbi.
Ḳolgoṭa, yäni "Källin ga" uḳala gala eġaṭan
Šoṭo u͑ġseynaḳ iz boš öd gärbi fiṭun tadi. Isusen šoṭo źomo duġi u͑ġsun tene čureci.
Äsḳärxon Šoṭo xače loxol ṭä͑q̇ṭundi, čöp bosi Šoṭay paltara ičoġoy arane ǯöyṭunbi. *
Oša ṭeṭiya arci Šoṭay q̇aroolaṭun zapi.
Iz besṭa sa daxṭaḳi loxol Iz taxsəra: ωUDEYXOY PADČAĠ ISUS MONE campi laṭunxi.
Isusaxun sagala soġo yön täräf, soġoval tärs täräf ṗä͑ tan üsyančiyal xače loxol ṭä͑q̇ṭuniy.
Yaq̇ č̣ovakalxon ičoġoy bula źə͑ḳṗi Šoṭo laġa haq̇sun *
"Ay xrama carpi xib ġiin biq̇alo! Ägär Buxaʒ́uġoy Ġarnusa, Va čarḳesṭa, xačaxun ciki oq̇a!" nexṭuniy. *
Samǯi be͑yinśxonal ḳanun zombalxoxun q̇a aġsaq̇q̇alxoxun sagala hametär Isusa \ laġa haq̇sun nexṭuniy:
"Ṭə͑yämiṭoġo čarḳesesṭay, ama Iču čarḳesṭes tene baksa! Israili Padčaġesa, xačaxun cireq̇an, yasṭa Šoṭo ve͑luġq̇an baki.
Buxaʒ́uġone umud baksay. Buxaʒ́uġon Koṭo čuresasa, barta häysä čarḳesṭeq̇an! Šoṭaynaḳ ki, "Zu Buxaʒ́uġoy Ġarzu" pine". *
Isusaxun sagala xače loxol ṭä͑q̇ṭeciṭoġonal Šoṭo tähḳirṭunbsay.
; Luḳ. 23:44-49; Ioan. 19:25-30)
; Luk'. 23:44-49; İoan. 19:25-30)
U͑qu͑mǯi saadaxun * vuyumǯi saadal ciriḳ * bütüm oćali ćoyel bayinq̇luġe baki.
Vuyumǯi saada ə͑śa Isusen alloy säsen haraypi pine:
Ṭeṭiya čurpiṭoġoy bäziṭoġon moṭo ibakaṭan piṭun: "Me amdaren Ilyane ḳale".
Ičoġoy aranexun sunṭin haṭe saad ṭiṭeri sa bisi ečeri šoṭo fine oq̇oyi boš puśṗi sa q̇arġuni bel č̣ovakesṭi Isusane tadi ki, u͑ġe͑q̇an. *
Ṭə͑yämiṭoġon isä \ piṭun: "Koṭo ma galda, be͑ġen be͑yn Ilyan hari čarḳesṭala?"
Isusen ṗurum alloy säsen haraypi elmuxe tadi.
Ṭe vädine xrami än ə͑vel gane be͑ś bakala pärdä alaxun oq̇a zəġebaki. Oćal galepi, q̇ayox qə͑nebaki. *
Meyid laxseynaḳ bakala maġarox qayeci, gele ve͑bakalorox be͑yinṭunbaki.
Šorox maġaroġoxun č̣eri Isusi be͑yinbakiṭuxun oša ə͑vel šähäre - yäni Yerusalimaṭun taci, gele amdarxoynaḳal aḳṭunci.
Isusi q̇aroola zaṗḳala q̇ošuni baćtani kalaṭin saal šoṭoxun sagala bakala äsḳärxon oćal galpsuna saal bakala äšurxo aḳiṭuxun oša dähšätä bafṭi piṭun: "Düzinäl, me Amdar Buxaʒ́uġoy Ġarey".
Ṭeṭiya ä͑xiläxun be͑ġala sa hema čupuxal buney ki, q̇ulluġbseynaḳ Galileyinaxun Isusi bać̣anexunṭun harey.
Magdallu Mariya, Iaḳovi q̇a Iosifi nana Mariya saal Zavday ġarmoġoy nanal šoṭoġoy araneney. *
; Luḳ. 23:50-56; Ioan. 19:38-42)
; Luk'. 23:50-56; İoan. 19:38-42)
Biyäbakaṭan Iosif c̣ila sa Arimaṭeyalune hari. Šo Isusi šagirdey.
Iosif P̣ilaṭi ṭo͑ġo͑l taci Isusi \ meyidäne čureci. P̣ilaṭenal meyidä šoṭo tadesuna ämirebi.
Iosifen meyidä exṭi tämiz sa kätanaxun bakala käfänä bäč̣ürepi.
Šoṭo q̇ayin boš kaśeci meyid laxseynaḳ bakala iz täzä maġaraninane * laxi, ošal maġarin źomo sa kala źe͑ ṭəḳərdi taneci.
Magdallu Mariya saal ṭə͑yä͑mi Mariya ṭeṭiya, maġarin be͑ś arceṭuniy.
Äyč̣indäri - yäni Häzirluġi ġine * ošin ġi - samǯi be͑yinśxo q̇a fariseyxo P̣ilaṭi ṭo͑ġo͑l hari
piṭun: "Aġa, beš eyexe ki, ṭe äfčiduġalen hälä dirisṭ hamaq̇un "xib ġi oša be͑yinbakoz" peney.
Šoṭaynaḳal ämirba ki, xibimǯi ġinal ciriḳ maġara qorišakane. Tene Iz šagirdxon hari Šoṭo bašq̇alṭun, amdarxonal "Šo ṗuri ganuxun be͑yinbakene" uḳalṭun. Axərənǯi äfči samǯiṭuxun samalal pis bakale".
P̣ilaṭen šoṭoġo pine: "Sa däsṭä q̇aroolči exṭanan, takinan ef baǯarbala ḳinäḳ maġarina q̇orišanan".
Šoṭoġonal taci maġarin be͑ś q̇aroolči däsṭäṭun čurdesṭi, maġarin źe͑ne loxolal pečatṭun duġi.
